اهلا بمحبي واش راك تهدر
ليوم mlina4algeria
جابتلكم موضوع جديد ان شاء الله مايكون هدرو عليه ديجا
الموضوع سميتو
" شوف الطفلة واش راه تهدر "
في حياتنا لي رانا نعيشوها رانا نخرجو و نخطالطو بالناس
كاين الي يجوزو علينا و كاين الي نصاحبوهم و نعاشروهم
الحاجة الي راني حابة نحكي عليها ليوم
على الطفلة الي تحكي الهدرة المش مليحة :down:
و باه نوضحلكم كثر الي عندها الفاظ لهلا يسمعك فيها
الحاجة الي متدخلش للعقل انو هي تشوف روحها كلي دارت حاجة مليحة:s و فرحانة بروحها:d
عشت بين بنات جمعتنا لقراية و منها تعارفنا و جمعنا الملح
و كنت نعرف نوع من لبنات هدرتهم غير بكلمات :-oسمحولي منقدرش نكتبهم و نظن انو نتوما ثاني جازو عليكم هذا النوع من لبنات
و الي توجع القلب:cray02: كاين حتى وصل بيها الحال تحكي مع يماها هكاك :scared01:
و هنا لحاجة الي حبيت نوضحها انو
كاين بنات باين عليهم انهم
مش متربيات هذو منحكيوش عليهم
و حكايتهم حكاية وحدة اخرى
لاكن الي شفتو انا تلقاها عادية
انسانة خاطيها المشاكل عاقلة
و تلقا في هدرتها يا الاهي
يعني المشكل المطروح غير في طريقة الهدرة ديالها
و هنا نشوفو انو هذي الالفاظ يشوفوها حاجة نورمال:-h جايبينها بتمسخير:d و داينها عادة في حياتهم:-r
دركا اسكو هذي الحاجة نتوما راكو شايفينها نورمال
واش راح تقولو في هذي الحالة
و الا كانت صادفت هذا النوع من اقرب الناس ليك
اسكو قدرتي تنبهيا على الي راهي فيه؟
ولا خليتي الحالة كما هي؟
انا منكذبش عليكم ولا كان تحكي هكا مع يماها :-oواش راح تستنى منها:up::s:s
نخلي الراي ليكم
و ان شاء الله مانكون كثرت الهدرة
تحياااااتي
آخر تعديل بواسطة المشرف: