أحكي حكايتك وفرغ قلبك

[آهات القلب]

اصبري علينا برك شوية اختي منيت
على خاطراكش موضوع جديد برك هههه درك تشوفي كيما قلتي من اسمي برك تعرفي 1000 مشاركة و اني مع خواتاتي و خاوتي ربي يخليكم كامل

 

[salah.f]

بالتوفيق ان شاءالله ^^

 

[ام اشراق]

السلام عليكم ورحمة الله وبركاته

هذى فى خاطر عموا رابح الى شهد عليا بالشجاعة رايحة نحكى اول وصلة فى احكى حكايتك:d
كان حلمى كاي فتاة نكمل تعليمى ونكون مدرسة تاريخ بصح الظروف والقدر كانوا اقوى منى
الحاجة الى بقات تحرق فى قلبى انوا مكملتش تعليمى كنت نحب الادب العربى بزاف لكن المجموع اللى تحصلت عليه قاسونى علمى والحاجة اللى كنت نكرها الرياضيات لا علينا .ذاك العام يما مرضت بزاف وانا الكبيرة فى خاوتى استلمت المهمة عليها وكنت نقوم بالصغيرة والكبيرة وليت مراة تاع دار:dوبدات علاماتى فى تدنى مع المواد العلمية اللى كانت جايتنى على العين العاورة كملت معايا وباينة النتيجة حبيت ندارك الوضع فى اخر دقيقة بصح فات الاوان عاودت السنة ويما بقات مريضة لمدة 3 سنوات خلاص مكانتش باينتلى فى القراية مع مرض امى والمسؤلية تاع الدار وزدت عاودت السنة سمحت فى قرايتى ماعيا بابا ويما ينصحو فيا والمعلمين يبعثوا لى باه نرجع اتخذت قرارمازلنى لحد الساعة ندمانة عليه
فى الاول ماحسيتش بصح ذوك كنتفكر نبكى وقلبى يوجعنى نقول ياريت كملت قرايتى
ناءمن بالقدر والمكتوب ومانيش ندمانة انى ساعدت امى وخاوتى لانو الظروف كانت اقوى منى بصح مع ذلك انا بشر تبقى كلمة ياريت دائما تبع فيا فى اي موقف اصادفنى
ذوك كنسمع كاش واحدة تقول نسمح فى قرايتى نحب نجيفها يا مخلوقة العلم مليح والخدمة مليحة راه bonus فى يدك مع هذ الوقت وتقلب الحياة
هذى هى حكايتى ان شاء الله كلامى ماكانش ثقيل عليكم
تحياتى للجميع

 

[رابح66]

السلام عليكم

شكرا لك هذا لطف منك يا نور
هده هي الشجاعة الحقيقية كانت ماشيا معاك في عروقك
أول شجاعة أنك تحملت مسؤلية الدار والنتيجة أصبحة كما قلت مرا تاع دار
ثاني شجاعة أنك قلت حبيت ندارك الوضع فى اخر دقيقة بصح فات الاوان
ثالث شجاعة أنك أعترفت كنت متحملة مسؤليتان مع مرض امى والمسؤلية تاع الدار
رابع شجاعة أنك أردت إرتكاب جريمة ذوك كنسمع كاش واحدة تقول نسمح فى قرايتى نحب نجيفها*هههههههههههههه
خامسا أنا الذي أتشجع وأقول لك نعم أنت الفتات مرا ونص الله يبارك وأتمنى أن الوالدة قد شفيت
حقيقة لاننكرها قد خسرت التعلم يما كنت ترغب
لكن العلم قد يعزض في أي مرحلو من العمر
والشيئ المهم هو أنك نلت رضى الرب و رضى الوالدين
أقول لك في الشطر الأول من إسمك *الله ينور وجهك يوم تسود وجوه*وفي الثاني *الله يهنيك بمن يخاف فيك الله*

تقبلوا تحياتي

 

[آهات القلب]

يا خاوتي راني جيت نحكيلكم على واش قلبي وجعني عليه ماشي حاجة برك حوايج نبدأ بالأولى :
قاعدة نحكي و عيني تدمع و الله يا ربي شكرا ليكم كيسمحتيو ليا باش نفرغ على قلبي معاكم
انا فتاة ككل الفتاة نحب نقرا و نحب نتمتع و نحب و نحب واش غاضتني لقراية برك و الله كرهت وحدة قاعدة 19 سنة قريب 20 قاعدة في الدار و تخدم على لعباد كرهت روحي نقول الحمد لله لكن ما قدرتش ننسى و لدرك كينتفكر صحاباتي و لبنات كامل نكره روحي
و علاه اني مانيش طفلة ما عنديش الحق باش نقرا و نبني مستقبلي خلاص مستقبلي تهدم اسمحولي ما قدرتش نكتب مليح ما قدرتش انا نكتب و قلبي صح يوجع و الدموع ما حبتش تحبس دعواتكم اختكم في الله

 

[Ryry_Ndj]

السلام عليكم
فكرة رائعة موفقين

 

[آهات القلب]

اختي نور صحيحة قصتك حزينة و لقرايا ماهيش ساهلة امي على ياماك ما تنسايش اختي لعزيزة راكي عندك
اجر كبير حبستي قرايتك على جال أمك ربي يطولك في عمرها ربي يعوضك بحاجة خير و خير ربي يكون معاك أختي

 

[رابح66]

السلام عليكم

إيييه يا لبنات منين جاتكم هذه الشجاعة وسبقتونا بصح ديروا حاجة في بالكم كتقراو حكايتي راح نرقدكم بكل ههه
المهم سررت وسعدت في ىن واحد وأنا اقرأ لك يا آهات القلب لأنني عرفت معنى إسم عضويتك والسبب
أولا تألمت معك لحسرتك على ما ضاع لك من التعلم
ثانيا مانحبكش تقول قاعدة في الدار نخدم على لعباد بل أنت تخدمي في لعباد وهاد لعباد ممكن تخرجي منهم لمرة والراجل
ويشار إليك في المستقبل بالإصبع هذي لربات هذي لسهرت علينا هذي لخدمتنا ةهذي وهذي بكل الصفات الحسنة
والله في عون العبد ما كان العبد في عون أخيه
ثالثا أنت مجاهدة بخدمتك وسهرك على من بالبيت والعلم لم يفوتك بعد تستدركينه في وقت والمنهدى باب من أبواب العلم
رابعا تعذر علي فهم وعلاه وعلاه هل تقصدين المجتمع *أشتكيه إلى الله* أما إن كان ضعف منك فسأل الله أن يعوضك ولا تقول وعلاه لعلك تخطئي مع الله
أما من جهتي أشكر فيك روح المسؤلية والعبئ الدي على عاتقك في الدار وأسأل الله لك الأجر والثواب
أما عجبتني فيك وعلاه منيش طفلة أنا نقلك *راك طفلة وعن قريب إن شاءالله تولي مرا* هههههههه

تقبلوا تحياتي

 

[*amina*]

السلام عليكم
موضوع جميل جد اختي مينات راح يخلي الاعضاء يرتاحو مع بعضاهم
لكن الحقيقة انو اي واحد ميقدرش يفرغ كامل واش كاين في قلبو واذا فرغ قلبو رايح تكون تحفظات بزاف
المهم انا حكايتي ممكن تكون مكررة مع كامل لبنات لي متزوجات بالعسكريين
الزوج في جهة والزوجة والاولاد في جهة والله غبينة بزاف تخليك تندمي على الزواج
اكثر المرات نحمد ربي على النعمة لي راني فيها الحمد لله مخاصني والو لكن كي نشوف وليدي يعيط على باباه وهو مهوش هنا الدمعة تجيني بصحج واش ندير نصبر حتى يفرج ربي ممكن في اقرب وقت

 

[*amina*]

يا لبنات كي تقراو ولا متاقراوش واش راح تستفادو المهم نقدرو نحكمو كتاب ربي و نقراو قرآن
حنا قرينا وكملنا وتمرمدنا ورانا قاعدين نربو في ولادنا
حنا نقولو نقراو باش نخدمو بصح الرجال و ملقاوش الخدمة كيفاش حتى تلقاها المرآة
الواحد فينا لازم يحمد ربي و يسكت بالاك ربي يجيبلو الخير من بلاصة اخرى

 

[حكيك]

الفكرة جميلة وطريقة التقديم اجمل
موفقيين ان شاء الله

 

[سفيان اسلام]

حكايتي مع ابي والعمل ودخولي العسكر

السلام عليكم ورحمة الله
شكرا على الموضوع الرائع
بسم الله الرحمن الرحيم

حكايتي مع ابي والعمل ودخولي العسكر

بعد توقفي عن الدراسة قالي لي أبي أنت الدي سوف تعمل في المتجر(الخاص بأبي)
وندمت لتوقفي عن الدراسة لأني كنت أريد العمل مع أحد أصدقائي (السيبار كافي)
وكنت أريد اقناع أبي أن لي طموح أريد أن أمشي عليها
قالي لاطموح ولا غيره
عملت معه5 سنوات مند كان عندي17 سنة
ولم أستحمل دالك المحل لطول مدتي فيه وبدأت أخلق لأبي الأعدار
يوم مريض ويوم سأدهب الى ابحر الخ.........
وأتى اليوم الدي كنت أتمناه(الحمد لله) فرحت لدرجة ظننت نفسي أني مسجون في دالك المحل
وجد أبي رجل متزوج وتقة.قالى لي يابني ابدأ في تحقيق أمالك وهدفك في الدنيا
بدأت أعمل مع صديق مقرب الي عنده(سيبار كافي) اسبوعا كاملا وانا أعمل فرحا جدا
ويوم من الأيام التي لم أكن أتوقعها ستأتي
قالت لي أمي ياابني قد بعثو لك ورقة لتأدية الخدمة الوطنية
كنت جالس ماوقفت4 ساعلت وأنا أشكي لأمي
قلت لها عندما فتحت الأبواب لي جائتني هاده الخدمة الوطنية.
ودهبت وكان يوم الاثنين15 جانفي 2013
والحمد لله قد أنهيت الخدمة وأنا الأن عامل بحرفة تعلمتها في الجيش الوطني الشعبي
الحمد لله

شكرا أختي هدا لكان في قلبي
وفقكي الله والله موضوع اكثر من رائع

​

 

[¬Đỉaмơŋđ ✿]

وعليكم السلآم و رحمة الله و بركآته


فكرة روعة،شكراً على المتنفس ..
إن شآء الله تلقى الفكرة التفاعل اللآزم لأن الموضوع يستحق
رآق لي الموضوع شكلا ومضمونا ، يعطيكم الصحة


​

 

[آهات القلب]

الاخ رباح بارك الله فيك
نعم أخي لكن الناس الي عذبتني و ظلمتني لا الحمد لله ربي يفرج على الكل
شكرا شكرا الله ياجزيك خير

 

[رابح66]

السلام عليكم

مرحبا بك الأخت أمينة فرج الله كربتك وقرب منك زوجك
غبينة الصابرة والمحتسبة ماهي غبينة هي في جهاد ومأجورة والأجر قد يرجع براحت البال أو سعادة من حيث لا تحتسبي
وعندما تتألمي تذكري هل هناك ما أشد من المك سوف تروحي عن نفسك وأنت راضية
أنا أحس بك أختي لكن أعلم أنك أحسن من الألاف من المتزوجات أحمدالله
والحمدلله رايتك من الحامدات لله وصابرة إلا أنها فضفضة منك فقط
بارك الله فيك وبارك لك في زوجك وبارك لكما في اولادكما.


كما لي تعقيب على مشاركتك الثانية سيدتي يبقى العلم مطلوب حتى ذون عمل *أولادكن تلاميذ وأنتن ال معلمات والمديرات في المدرسة أعانكن الله في تربيت الأبناء

تقبلوا تحياتي

 

[رابح66]

السلام عليكم

أهلا بك أخي سفيان راني فرحان بحكايتك لما أنت فيه من نعمة راضيا بها
وردي عليك يكون مختصر في
أعلم ليصبر ينال
وبعد الضيق يأتي الفرج
عسى أن تكرهو شيئ وهو خيرا لكم* وهذا عندما كنت تدمرت من نداء الخدمة وربي يقولك روح باش ترجع بمهنة
أشكرك فيك صبرك على والدك وطاعته
وأشكر فيك فرحتك بالنعمة التي انت عليها
تقبلوا تحياتي

 

[Hakan]

السلام عليكم فكرتوني في جاك المرسول
ياو حنا الجزائريين من خلقنا وعندنا حكايات دايما نشكو وكي يسقسيونا نقولو الحمد لله ما علاقة الاولى بالثانية
اولا اعجبني الموضوع واعجبني التقديم ماشاء الله على الاخت مينات حاب ندير نهار موضوع وندير العفايس نتاوعكم لكن الله غالب ما كاش الوقت اما عن حكايتي راني محروق في المنتدى والناس كامل سامعة بحكايتي مع رندة واما الباقي ف حشيشة طالبة معيشة الحمد لله لكن كاين حكاية راني رايح نحطها ان شاء الله عن قربب كاين عضوة هنا صح اثرت فيا حكايتها وكنت حاب دايما نسقسيها على نفسها وتعرفني بروحها لكن كي حكات حمدت الله اني لم اتفوه بكلمة لربما كنت قد اجرحها او شيء من هذا القبيل على العموم ربي يحفظ الموضوع وناسو
ويالشيخ رابح منين بديت نقرا في ردودك وانا نشوف فيك ضركا نحكي..انا لوكان نحكي تديرو كذا وتفعلو كذا والله درتلي الخلايع نقلب في الصفحات ونوجد في عينيا ودموعي وفي الاخير نلقاك اما تقول انت شجاعة وانت كذا وربي يهنيك يااخي قتلتنا بالحرقة حكايتك هذي حرقتني قبل لا تحرقك انت ربي يهديك راني نستنا في يور هيستوري ايا تبقاو على خير وللاخت اللي اثرت فيا نقلها ربي يكون معاك وتستاهلي كل خير ورغم انف من اجرى دمعة من مدامعك انت مرأة ونص سلام.​

 

[Hakan]

ʚïɞ AsOūmi ʚïɞ, ‏أنيس أيمن, ‏نسمة ~, ‏المغتربة ام سيرين, ‏بقايا إنسان, ‏lovely_13

حالياً الأعضاء النشيطين الذين يشاهدون هذا الموضوع : 22 (7 عضو و 15 ضيف)


الشعب كامل راهو شاد الكلافي يادرا شكون اللي يبدا الاول.​

 

[رابح66]

السلام عليكم

والله ضحكت من كل قلبي لما كتبت يا حبيبي حكيم الله يخليك راني نكتب ونضحك هههههههههه
ما تقلقش راني غير نسخن فالبندير والنتيجة راني طيحتهم على روسهم خليتهم حكاو وأنا نقرا هههههههه
أشكر فيك أسلوبك المرح في مشاركاتك وعفويتك وصدق كلامك وطيبة قلبك بصح أرقد بكري أجدك عندك ماتقرا غدوا هههه
تقبلوا تحياتي

 

[ضآحكة مستبشرة]

حالياً الأعضاء النشيطين الذين يشاهدون هذا الموضوع : 26 (9 عضو و 17 ضيف)
‏عـاشقة الجّنة, ‏ʚïɞ AsOūmi ʚïɞ, ‏نسمة ~, ‏المغتربة ام سيرين, ‏الحق سلاحي+, ‏بقايا إنسان, ‏hakim story, ‏lovely_13, ‏رابح66​