قندورة التصديرة ب 8ملايين أنتي مهبولة !

[السلطانة]

جبتلكم موضوع اليوم علابالي راح يعجب الشباب
كتير كتير كتير كتير

http://dc02.**********/i/00095/gbjtrpu9eape.gif
لي هو أكيد هدرو فيه ناس اللمة بزاف
وحبيت نعاود نهدر فيه اليوم
ونقدم فيه نصيحة الماما ربي يحفظهالي
ووجهة نظر ماشكيتش كامل الأمهات والبنات يتفاهمو فيها
لي هيا
.
.
.
.
.يحسنو عون الخطيب :d
ويتخلاو عن بعض العادات تاع الزواج
لي راهي حسب رايي وحسب رايي الماما زايدة

حوار جارتنا مع ماما

جارتنا:خطيبة ولدي طلبت عليه قنطارين ونص تاع صوف
مع القضية تاع لعروسة وبعدا زوج نعجات بزاف خلاه
قتلو ابدى خمملهم من درك.

http://dc02.**********/i/00095/ql8utmwz3rap.gif
ماما:وقتاش العرس يخي بعد رمضان
واش بيه عروسة ولدك زاربة
واش حكاية الصوف هادي تحسبيها بلاش
مع القضية وزوج نعجات هادو غير العرس برك
ضريبة على راس ولدك
علاش مينحيش الصوف ويشري نعجة برك
جارتنا:او واش بيك او لازم هادو
تحوسي يضحكو علينا الناس
ماما:علاه كي تخاالفو العادات يحطوكم في الجورنال ؟
جارتنا:وكي يجيو عندهم الضياف فوق ماه يباتو
ولفراش واش يفرشو
ماما:كوpل جديد
حاب يعيش علاه الخرطي هادا كل
وزيد واش دخل الضياف ،زوج مطارح يكفيو واش لي قنطارين ونص صوف وماتبعها كلشي يتباع درك يشريو على قدهم ويريحو.
جارتنا:العادات والتقاليد منخالفوهمش
ولازم بعدها العرس يكون كبير ويكون ويكون
مي ولدي تعب وهو يصرف مي الله غالب لازم وزايد خارج يكري.
ماما:راكم خنقتو لي جون
عليها لبنات عنسو
تلزمو عليهم مع الشرط حوايج خارج مجال التغطية من اصلو،كيما ولدك منا تقولي رايح يكري ومنا يصرف دراهمو على حاجات تافهة محطوطة ضمن التقاليد.
http://dc02.**********/i/00095/gbjtrpu9eape.gif

خلاصة القول:
حسب رايي لي هو من راي ماما
لي مسمية عادات وتقاليد في الجزاير

راهي غير خرطي في خرطي
مصاريف زايدة تنقص من لوازم البيت الضرورية
كاين ناس تسلف وتسلف
وبعد العرس ميلقاو واش ياكلو
ويجيبوها عوام وهوم يخلصو في الدين
انا من جيهتي
نكره التصديرة والخرطي تاعها
وقندورة تاع قطيفة ب 8 ملايين
كليت راسي نخدمها على ليلة وحدة للحنة ونخبيها
ماش هبال هادا
(عارفة لبنات درك ميعجبهمش الحال هههه )
لكنها الحقيقة
وانتوم واش رايكم ياناس اللمة ؟
عندي حق ولا نو
وهل تقدرو تتخلاو على بعض العادات والتقاليد
الزايدة في الأعراس الجديدة

خلاها سمشو كلمة
(يـــــــــاو فــــــــــــــــــــــــــــــــيق )

[FONT=&quot]

[/FONT]


​

 

[بنت الـ25]

صحيتي شوشو موضوع مليح
نعتمدو ونرجع نتمعن فيه بالبيان

 

[FATIMA 19]

موضوع شباب بزااااااااااااااااااااف
هاذي هي حالة البنات كيما يقولو واش يخرج العروسة من دار بوها
من تخرج حتان تفلسهم و تخلي موراها الديون
ومبعدا تلحق الدالة لراجلها و ....................................

 

[مارينا]

يعطيك الصحة اخيتي على الموضوع الزين
انا راني معاك في موضوع الخساير برك . من جيهتي انا تاني من نحبش هاد التقاليد لي بزاف العروسة لازم تشوف من جيهتها وجيهة زوجها مش من الفرحة تخلط برك هادي قطيفة معمرة ومتولة دراهمها برك قد شرطها وشامسة والفتلة وكوكتال االطرز النيجيري ووووو المودال لي يخرج تخرج معاه :s علاش هدا كامل راحة تزوجهم مثلا
علابالنا البنت تحب هاد الشي مي تنقص شويا يعني الشي لي تلبسو على جال ليلة وطيش علاه عليها
انا بالنسبة ليا ما نحبش هاد التقاليد لي بزاف باسكو خسارة ليا وللرجل تاني وهو تاني مش برك يخسر من هاد العادات الخرطي
( كون نطلب من خطيبي هاد الشي كامل كان ما يفهم والو حتى من هو براني على الجزاير راسو يحبس:-o هههههه :d)
موضوع هايل اختي العزيزة جاني على قلبي باسكو دايما ندير اباgار على هاد الشي هههه
تقبلي مروري اخية :regards01:

 

[فتاة حساسة]

يعطيك الصحة لي عودة ونحكي​

 

[أم عبد الله]

عاداتكم يختلفو علينا بزاف في العاصمة ​

 

[ملكًة الاحسآس]

السلآآم عليــكم
طلت علينآ شوشوتي بموضوع من موآضيعهآ الي يهبلوو
بوون عآدآتكم شويآ مختلفين علينآ ، بوغثوون مش بعآد بزآآف :d
كمآ حكآية الصوف ، حنآ على العروسة مش العريس
امآ النعجآت ، حنآ يمدو درآهم اللحم وبوهآ يدبر رآسه
وبالنسبة لسؤآلكـ ، رآني معآكـ وهآد العآدآت والتقآليد الي رآهي تهدر عليهم
اسمهم الفوخ والزوخ لآpــخوv تقول لمآمآك تحوسي يضحكو علينآ النآس
كآين بزآآف حوآيج مش ضروريين وأولهم التصديرة الجبة ب 5 ولآ 6 ملآين أبآآغ الفرgــآني
تديرحوآيج ملآح وخفآف الي تسحقهم مش الي يشوفوهم نهآر العرس وامبعد تخبيهم
يآخي دركـ سي غآغ وين نلقآو وحده فالأعرآس بجبة ثقيلة يآ أونسومبل يآ غوب سوآغي
والمصيبة تآعنآ تلقآهم كآمل يتعآندوو فلانة تقول مش فلانة خير عليآ تدي هكدآ وانا مآنديش
والآ مآتلقآش الطفلة امهآ
يظهرلي الجيل تآع دركـ وآعي ، أغلبيتهم يحبو ينقصو على الطرف لآخر
كمآ وحده تقربلي والله غير فرطت في نص صدآقهآ بويسك شآفت خطيبهآ مخنوق
وثآلمون حنآ الصدآق تآعنآ أوبليجي يكون الذهب شرآلهآ غير السنسلة والخآتم
ـ أنآآ شخصيآآ نديه ثآلث ومثلث غير الصدآق مآيلعبليش بيه :p
من لخر نجيبهآلكـ بعد مآرحيت شويآآ :-h
انآآ وحده الآ شفت عريس الغفلة مش قآدر
قآدرة نتنآزلو على حوآيج سوغثو الآ كآن يستآهل :-r
ومن جهة اخرى وآلديآآ بربي ان شآء الله مش رآيحة نثقل عليهم
أبآآغ القندروة تآع القطيفة لآزمني نديرهآ ،يآبنتي نموت عليهآ من الي كنت صغيرة
وانآ نستنى فالنهآر الي نكون عروسة وكي نتصدر نلبسهآ :$
آ شوشو ختيوة يآآو الدعوة فالصلآح والهنآآ ، رنآ نهدرو بركـ
كي تكون الوحده رآيحة تدي ولد حلآل صح وتكون هآنية معآه الدنيآ ومآفيهآ .


​

 

[SAMIRA25]

موضوع مليح الحمد لله عديت هده المرحلة و ما درت والو ولا حاجة من هدا الحوايج و الحمد لله
حبيت نقول فقط هدي لقات الراجل تطلب منه يديرلها هدا الشيء كاينين بنات يخرجو كل شيء على ظهر والديهم يكبروهم و يقريوهم و من بعد يزيد يشوروها كيما قلتي بالقنادر تاع 8 ملاين ربي يهدي شبابنا ​

 

[hala.21]

يعطيك الصحة اختي موضوع باهي ...
وتختلف هذه عادات من ولاية الى أخرى سيرتو عندنا فالشرق تلقاي صعوبة بزاف فالجهاز وتصديرة وخرطي هذا وخلاصة القول كيما تقول يما هات لهنــــــــــــــــــــــى وطيش لغنى ...
وربي يكون في عون كل عرايس ان شاء الله وشكرا.

 

[::أبرار::]

و عليكم السلام و رحمة الله تعالى و بركاته

مساء النور ختيتي ساندريلا و مشكورة على الموضوع الباهي دائماً متألقة

المهم نرجع للموضوع, في بلادنا كل منطقة و عاداتها و تقاليدها و حتى تلقاي عند كل عايلة عادات و تقاليد خاصة, أنا من رايك و الله المصاريف هاذي للي داخلة ضمن العادات و التقاليد و الله راهي تكلف اكثر من المهر و العرس في ذاتو, نحكيلك على عادات عائلتي فيها مهر فقط و للي لا يتجاوز 16 مليون سنتيم داخل فيه كل شي يعني فوق هذا ماكان حتى شروط لا صوف و لا ذهب و لا طبق و لا يحزنون الا اذا حب العريس و عائلتو يهدو العروس حاجة زيادة هاذيك ترجع ليهم,

لكن كما راني نشوف تشري قندورة ب 8 ملاين و نلبسها يمكن ما تلحقش 5 مرات في حياتي فهذا و الله ربي ما يقبلهاش , و طبعا هاذي وجهة نظري انا فقط :d:d

ربي يكون في عون الشباب المقبلين على الزواج :d

مشكورة وردتي على الموضوع الرائع

بوركتي

و خالص التحايا
​

 

[السلطانة]

صحيتي شوشو موضوع مليح
نعتمدو ونرجع نتمعن فيه بالبيان

ميغسي طاطا على الاعتماد
في انتظار العودة
​

 

[السلطانة]

موضوع شباب بزااااااااااااااااااااف
هاذي هي حالة البنات كيما يقولو واش يخرج العروسة من دار بوها
من تخرج حتان تفلسهم و تخلي موراها الديون
ومبعدا تلحق الدالة لراجلها و ....................................

أهلا فاتي

مي مافهمتش واش هادوك النقاط واش تقصدي بيهم

فهميني :p:p:p:p:p:p:p
​

 

[السلطانة]

يعطيك الصحة اخيتي على الموضوع الزين
انا راني معاك في موضوع الخساير برك . من جيهتي انا تاني من نحبش هاد التقاليد لي بزاف العروسة لازم تشوف من جيهتها وجيهة زوجها مش من الفرحة تخلط برك هادي قطيفة معمرة ومتولة دراهمها برك قد شرطها وشامسة والفتلة وكوكتال االطرز النيجيري ووووو المودال لي يخرج تخرج معاه :s علاش هدا كامل راحة تزوجهم مثلا

اهلا اختي مارينا نورتينا
ياو ضريبة لملايين
واش معناهم أصلا هادوك الطرز والفتلة والشامسة ولا معرف واش
شغل راح يتلبسو كل يوم وهوما يتخباو وتفوت لامود تاعهم
​

علابالنا البنت تحب هاد الشي مي تنقص شويا يعني الشي لي تلبسو على جال ليلة وطيش علاه عليها

ايه وكاينة لي تنهب راجلها
تقولو نحتاج الدراهم يبمدلها مسكين باه تروح تخيط هادوك القنادر كون يفيق يقتل روحو
​

انا بالنسبة ليا ما نحبش هاد التقاليد لي بزاف باسكو خسارة ليا وللرجل تاني وهو تاني مش برك يخسر من هاد العادات الخرطي
( كون نطلب من خطيبي هاد الشي كامل كان ما يفهم والو حتى من هو براني على الجزاير راسو يحبس:-o هههههه :d)

هههه انتي فور صح مع خطيبك

​

موضوع هايل اختي العزيزة جاني على قلبي باسكو دايما ندير اباgار على هاد الشي هههه
تقبلي مروري اخية :regards01:

العفو حنونتي
ياللي تخمي كيفي
صحيتي

​

 

[السلطانة]

يعطيك الصحة لي عودة ونحكي​

في انتظارك يالحساسة نتاعنا

​

 

[السلطانة]

عاداتكم يختلفو علينا بزاف في العاصمة ​

اكيد
حنا الشرق وسيرتو في قالمة سامبل اكثر منكم

​

 

[السلطانة]

السلآآم عليــكم
طلت علينآ شوشوتي بموضوع من موآضيعهآ الي يهبلوو
بوون عآدآتكم شويآ مختلفين علينآ ، بوغثوون مش بعآد بزآآف :d
وعليكم السلام بشبوشة
منوغا :p
كمآ حكآية الصوف ، حنآ على العروسة مش العريس
امآ النعجآت ، حنآ يمدو درآهم اللحم وبوهآ يدبر رآسه
ههههه ضربة على لعروسة حنا العريس لي يدبر راسو الصوف مع قضية العروس وزوج نعجات ضربة
وبالنسبة لسؤآلكـ ، رآني معآكـ وهآد العآدآت والتقآليد الي رآهي تهدر عليهم
اسمهم الفوخ والزوخ لآpــخوv تقول لمآمآك تحوسي يضحكو علينآ النآس
يحبو يبانو حاجة قدام الناس
كآين بزآآف حوآيج مش ضروريين وأولهم التصديرة الجبة ب 5 ولآ 6 ملآين أبآآغ الفرgــآني
تديرحوآيج ملآح وخفآف الي تسحقهم مش الي يشوفوهم نهآر العرس وامبعد تخبيهم
اييييه هادو مافهمتش واش لاحهم
يآخي دركـ سي غآغ وين نلقآو وحده فالأعرآس بجبة ثقيلة يآ أونسومبل يآ غوب سوآغي
والمصيبة تآعنآ تلقآهم كآمل يتعآندوو فلانة تقول مش فلانة خير عليآ تدي هكدآ وانا مآنديش
والآ مآتلقآش الطفلة امهآ
ايه مي التصديرة كاين لي يكثرو فيها بزاف بزاف
حنا رحمة ربي في قالمة تحب لعروسة متديرهاش هيا حرة تخدم دي غوب سامبل وتريح
يظهرلي الجيل تآع دركـ وآعي ، أغلبيتهم يحبو ينقصو على الطرف لآخر
كمآ وحده تقربلي والله غير فرطت في نص صدآقهآ بويسك شآفت خطيبهآ مخنوق
وثآلمون حنآ الصدآق تآعنآ أوبليجي يكون الذهب شرآلهآ غير السنسلة والخآتم
ـ أنآآ شخصيآآ نديه ثآلث ومثلث غير الصدآق مآيلعبليش بيه :p
ههههه راه الحق الشرعي
من لخر نجيبهآلكـ بعد مآرحيت شويآآ :-h
انآآ وحده الآ شفت عريس الغفلة مش قآدر
قآدرة نتنآزلو على حوآيج سوغثو الآ كآن يستآهل :-r
ومن جهة اخرى وآلديآآ بربي ان شآء الله مش رآيحة نثقل عليهم
أبآآغ القندروة تآع القطيفة لآزمني نديرهآ ،يآبنتي نموت عليهآ من الي كنت صغيرة
وانآ نستنى فالنهآر الي نكون عروسة وكي نتصدر نلبسهآ :$
ههههه مالا ابداي وجديها من درك
وابار صا كلش خفيف يكون مليح
آ شوشو ختيوة يآآو الدعوة فالصلآح والهنآآ ، رنآ نهدرو بركـ
كي تكون الوحده رآيحة تدي ولد حلآل صح وتكون هآنية معآه الدنيآ ومآفيهآ .
هاداك الصح الفايدة في الهنا
والراجل الصالح لي يخاف ربي يصلي صلاتو وطايع والديه أكيد راح يطيع مرتو


​

ميرسي الحووب على الرحي :p
​

 

[السلطانة]

موضوع مليح الحمد لله عديت هده المرحلة و ما درت والو ولا حاجة من هدا الحوايج و الحمد لله
حبيت نقول فقط هدي لقات الراجل تطلب منه يديرلها هدا الشيء كاينين بنات يخرجو كل شيء على ظهر والديهم يكبروهم و يقريوهم و من بعد يزيد يشوروها كيما قلتي بالقنادر تاع 8 ملاين ربي يهدي شبابنا ​

صح كاين بنات يضغطو على والديهم
وهوما مساكن يتهلكو باه غير يلبيو لبنتهم
هاديك واش تحب وهي ولاعلابالها ماش حاسة بيهم
همها تبين روحها قدام الناس
الله يحفظك ويباركلك في زوجك وولادك
يابنت الجسور المعلقة
:-r
​

 

[السلطانة]

يعطيك الصحة اختي موضوع باهي ...
وتختلف هذه عادات من ولاية الى أخرى سيرتو عندنا فالشرق تلقاي صعوبة بزاف فالجهاز وتصديرة وخرطي هذا وخلاصة القول كيما تقول يما هات لهنــــــــــــــــــــــى وطيش لغنى ...
وربي يكون في عون كل عرايس ان شاء الله وشكرا.

أهلا هالة نورتينا
حنا في قالمة تقلصت هاد العادات
بشوي معليهمش
بغير انو التصديرة متعنيناش
كيف تحب لعروسة تدير
مي كاين لي مهووسين
​

شكرا على المرور الطيب
​

 

[السلطانة]

و عليكم السلام و رحمة الله تعالى و بركاته

مساء النور ختيتي ساندريلا و مشكورة على الموضوع الباهي دائماً متألقة
أهلا بالغالية أدرار

المهم نرجع للموضوع, في بلادنا كل منطقة و عاداتها و تقاليدها و حتى تلقاي عند كل عايلة عادات و تقاليد خاصة, أنا من رايك و الله المصاريف هاذي للي داخلة ضمن العادات و التقاليد و الله راهي تكلف اكثر من المهر و العرس في ذاتو, نحكيلك على عادات عائلتي فيها مهر فقط و للي لا يتجاوز 16 مليون سنتيم داخل فيه كل شي يعني فوق هذا ماكان حتى شروط لا صوف و لا ذهب و لا طبق و لا يحزنون الا اذا حب العريس و عائلتو يهدو العروس حاجة زيادة هاذيك ترجع ليهم,

لكن كما راني نشوف تشري قندورة ب 8 ملاين و نلبسها يمكن ما تلحقش 5 مرات في حياتي فهذا و الله ربي ما يقبلهاش , و طبعا هاذي وجهة نظري انا فقط :d:d

ربي يكون في عون الشباب المقبلين على الزواج :d

مشكورة وردتي على الموضوع الرائع

بوركتي

و خالص التحايا
​

مشكورة على الاضافة القيمة

​

 

[أم راضية ~_]

السلام عليكم
رايي راهو هنا​

http://4algeria.com/forum/threads/367334/#post4680023

و هنا​

http://4algeria.com/forum/threads/367334-3/#post4684957

ونعاود نقولها
الي يشد فالصحيح ما يطيح​