حقائق عنكم..

["viola"]

السلام عليكم

وشرااكم


ماصباح و انا نقول نحط منحطش خخخخ

راني عيااانة و زيد معرفتش وين ندير الموضوع

المهم ان شاء الله يكون يصلح بررك

الموضوع "حقائق" ..

كل واحد يحطلنا حقائق عن نفسو و مذابيكم تكون شوي غريبة و فريدة

خلونا نشوفو الاختلاف الفطري المبدع تاعنا كيفاش داير :d

نبدا انا :up:

1*ننسى الوجوه بعد فترة قصييييييييرة جدا ...يعني حتى تاع اقرب الناس ليا ..ماما كي نبدى نتخايل فيها ننسى ملامحها كيفاش دايرة :s

2*كي نحكي مع أي واحد ..حتى و نكون سمعتو ملييح و مهما كان طول السبيتش تاعو لازم نقولو: اه؟؟ ونخليه يعاود من الاول هههه

3*و عكس اللي لفوق أنا مستحيل نعاود الهدرة ..يعني حتى اذا كان لازم نعاود ..نحرفها قاااع :down:



ايا كشما راني نتفكر اني نجي

متحشمونيش الخاوة:bravo01: ​

 

[sahiko hamza]

رد: حقائق عنكم..

وعليكم السلام


هههههههه
موضوع لطيف
ينقل الموضوع .
​

 

[الزهرة الحمراء]

رد: حقائق عنكم..

السلام عليكم اختي
قتلتيني ضحك وموضوعك باهي وطريف ربي يبارك علييك وعليه خخخ
وبالنسبة ليا انا نشاركك فالحقيقة الاولى انا قلت غير انا لي عندي المشكل هذا مزية راني من البشر
لحد الساعةة هدا واش في بالي كاش مانتفكر نجييك ​

 

[{مُدَلَّلَتُهُ}]

رد: حقائق عنكم..

السلام عليكم و رحمة الله و بركاته

موضوعك بزااف شباب ههههه عجبني

الحقاائق

1- ما نتفكرش أسماء الغاشي بالأخص لا دخلت لدار فيها 4 من الناس مثلا و قالولي كاملين اسماواتهم يااو قرن و لا حفظت نولي نخلط بيناتهم "ولاد خالتي لضوكا مازال ما حفظتش الإسم مع الوجه الصحيح خاطرش عرفتهم و أنا كبيرة شوية و شفتهم كامل نهارر واحد :p . "

2- ساعات في الليل نوض نهدر نهدر كي يسقسوني نجاوب بصح لا فات منهم ضحكو نفطن لروحي خخخ صراولي كوارث مع هاد الحكاية بالذات .

هادو الي جاو في بالي ضوكا لا تفكرت كاش عفسة نجيبها و نجي


​

 

[أمين 27]

رد: حقائق عنكم..

سلااااااااام عليكم كيراكم

حقيقة عني ....... أممممممم نكره واحد يقولي شششششت ولا ياكل عند ودني ياااااااااااااي :P
​

 

[بنقابي افتخر]

رد: حقائق عنكم..

ههههه انا الحقيقه
عندي اللي في راسي نديرو ومهما كانت النتيجه
وحجا مانحبهاش في روحي نتمنى نحيها
لما يحكو معايا العباد نغيس ونولي نخمم وبلا مامعبا هو يهدر وانا نجبدله السيجي اللي كنت نخمم فيه
العبد هذاك يولي مايضويش وانا بلا نقصد نجرحو

 

[{مُدَلَّلَتُهُ}]

رد: حقائق عنكم..

ميستر فارغ شغل : حتى أنا حكاية الماكلة هاديك تخرجني على عقلي ما نقدرش واحد ياكل قدامي و يدير الأصوات ولا ياكل و نرفد راسي فيه على غفلة نلقا فمه محلول ... نحبس الماكلة طوول .

ما نبغيش يعيبو على الماكلة قدامي . لا قالو فيها عيب نتقلق و نحبس الماكلة :/ .
​

 

[Salam Fleur]

رد: حقائق عنكم..

ههه

نخاف نبدا نهدر منحبسش ......... خخخخخ

حقائق عليا ......... ممممم

اذا كنت زعفانة او فرحانة ممكن جدا يومين وانا نهدر و مانكرهش ...داحب بالاك راني نهدر في نفس الكلام ....... في الاعادة افادة ههههه.....

مدمنة على كونان ...هههههههه .........

مانعرفش نكذب .... كي نكذب تجيني واحد الضحكة ....ههههه ....نولي نضحك حتى يولويا الدموع يسيلوا .... ههههه

هذا واش تفكرت دركة الا كاش جديد نعاود نولي ....هه​

 

[الزهرة الحمراء]

رد: حقائق عنكم..

السلام عليكم راني عاودت رجعت ههه
تفكرت حاجة عليا انا مرات كي يكون يحكي معايا مثلا واحد نبدا نخمم في حاجة خلاف وكي قولي راكي معايا نقولوا ايه
وكي يقولوا مثلا واش ترايي عليا ندير نقولوا مع الوقت ربي يديرلها حل
ملاحظة العفسة هادي نديرها برك كي نكون كارهة ولا قلقانة
​

 

[BLEU PEARL]

رد: حقائق عنكم..

سلام ايمانو يعطيك الصحة موضوع فقمة الإحراج هههه
واش عندك ثقب الأوزون فراسك!ههههه بالاكي برك تنساي وراقي التلاميذ ماتصحيهمش كي تتخرجي هههه ياكلوك
حقائق عني
متناقضة الشخصية خطرة نتدين للطرف وخطرات نتمهبل ونقصر تقول ما طفلة وحدة ههههه
ونزيد نتفكر
ايه الزلزال فصغري كنت نحسابو أخطبوط كبير تحت الأرض هههه
ونشوف تاني ونرجعلك بالخبر

 

[{مُدَلَّلَتُهُ}]

رد: حقائق عنكم..

تفكرت عفسة

عندي هوس بالروآئح لوكان نصيب نضل نشري و ما نكرهش و كل ريحة تفكرني بحاجة معينة .. . صحبتي كي نوصلو عند الكوسميتيك تديلي الـ porte monnaie ! تقولي خلاص راكي حالتلنا الكوسميتيك في الشومبرة .
​

 

[BLEU PEARL]

رد: حقائق عنكم..

تفكرت تاني
نكره نكره نكره مالغري سطايفية ونعشق السطايفية مي نذم كلمة زغبة اعععععع
ونهار تكون تشتكي ولاتمدح فروحك ويزاحمني واحد ويقول مام أنا نصيب نقتلو
ههههه

 

[Hakan]

رد: حقائق عنكم..

خخخخخخ هذا المعنى الحقيقي نتاع
العسل الحر
وموضوع مزير بزااف قااطع كي الرب

المهم حقائق عليا اول حاجة اني سبيسيال في غسيل الدمااغ شحال من وااحد يجي يشكيلي ولا عندو بروبلاام نخرجو يضحك نورماال هههه
حاجة غريبة م قوة الذاكرة يعني نتلاقا معاك مرة خلااص نحفظك واش كنت لابس والوجه نتاعك بكل تفاصيلو
حاجة اخرى نرجعلك من بعد ان شاء الله ​

 

[الزهرة الحمراء]

رد: حقائق عنكم..

راني جيتك جابلي ربي رايحا نسكن هنا
حقيقة عليا مستحيل ناكل حاجة يقولولها زبدة بالرغم من اني من نهار ولدت جامي طاحت في فمي يعني نكرها بالفطرة ​

 

[♫الباحثة عن الحظ♫]

رد: حقائق عنكم..

اهلين موضوعك فور هايل

بون حقائق عني
1. لا احب من يلمس شعري او يقترب مني ياي نكره
2. نكره الي ياكل ويدير اصوات يقلقني
3.منحبش انسان نحكي معاه ومش يشوف في عيوني ههه الله غالب سينو يبالي مش مهتم
4.منحبش الي يلمس حوايجي ولوكان يلمسو حاجة يلبسوها منزيدش نلبسها ومين نكون شريت حاجة وتكون وحدة قريبة ليا عندها نفس الشىء نرميها ومنزيدش ندور بيها

امبعد نرجع

 

[Salam Fleur]

رد: حقائق عنكم..

خخخخخخ هذا المعنى الحقيقي نتاع
العسل الحر
وموضوع مزير بزااف قااطع كي الرب

المهم حقائق عليا اول حاجة اني سبيسيال في غسيل الدمااغ شحال من وااحد يجي يشكيلي ولا عندو بروبلاام نخرجو يضحك نورماال هههه
حاجة غريبة م قوة الذاكرة يعني نتلاقا معاك مرة خلااص نحفظك واش كنت لابس والوجه نتاعك بكل تفاصيلو
حاجة اخرى نرجعلك من بعد ان شاء الله ​

حتى انا عندي قوة الذاكرة ...... بصح مرات نكره من جدها ... سمى النسيان عندنا مكانش بلاصتوا ........................

اه تفكرت ............ لو نقول حاجة و يكذبوني فيها كي تظهر صح خلات عليك نماركيها ف واحد الكارني حياتك كامل وانا نعاودلك فيها .........هههه​

 

[Hakan]

رد: حقائق عنكم..

تفكرت حاجة وعلابالي تكرهوني لوكان نقولنا
وهي قضية انو تعاف وتكره من الماكلة لما تصيب حاجة فيهاا
والله نقلكم قلبي بارد من هذي الجيهة ديفوا نصيب شعرة في المطلوع ذباانة
في الشربة
قادر يتقايا حاشكم واحد قدامي وتصيبني ناكل معاه نورماال ههههه علابالي واعرة
مي قلبي قاسي بزااف من هذي الجيهة ​

 

[♫الباحثة عن الحظ♫]

رد: حقائق عنكم..

تفكرت حاجة وعلابالي تكرهوني لوكان نقولنا
وهي قضية انو تعاف وتكره من الماكلة لما تصيب حاجة فيهاا
والله نقلكم قلبي بارد من هذي الجيهة ديفوا نصيب شعرة في المطلوع ذباانة
في الشربة
قادر يتقايا حاشكم واحد قدامي وتصيبني ناكل معاه نورماال ههههه علابالي واعرة
مي قلبي قاسي بزااف من هذي الجيهة ​

اها في هادي انا عكسك خلاه خلاه يا حكيم انا لوكان يجلس قدامي شخص يدير اصوات فقط نروح ونخلي الاكل نشبع

 

["viola"]

رد: حقائق عنكم..

وعليكم السلام


هههههههه
موضوع لطيف
ينقل الموضوع .
​

ههه شكرا للاعتماد نشالله ميكادنوهش برك :d

زهري المسود الله غالب :p​

 

[Salam Fleur]

رد: حقائق عنكم..

حالياً الأعضاء النشيطين الذين يشاهدون هذا الموضوع : 11 (7 عضو و 4 ضيف)
‏Salam Fleur, ‏♫الباحثة عن الحظ♫, ‏"viola", ‏ليدي, ‏الباندي, ‏hakim story, ‏Lovely ღ smile



اول موضوع نشوفوا يتفوق فيه عدد الاعضاء على عدد الضيوف ..........

4 هاذوك قرعجوا قرعجوا ....ههه​