قسمناهم فصل بفصل *شبــاب اللمة*

[الساجدة لله وحده]

السلام عليكم ورحمة الله تعالى وبركاته..
..زماان وقت ماكنا صغاار...
..كنا كل وقت مخصين ليه لعبة معينة..
..مثلا فالصيف...نلعبو لعبة الغمضية..بحكم انو كنا نسهرو فالليل في الشاارع بارسكو السخانة..ههههههه

..وكاين للي حاسبين الدنيا غير بالون...ههههه..تلقااهم يا يلعبو دي ماتش..
..او وحد اللعبة تشبه البيسبول...مي بيسبوول نتاع العرب..هههههه
..ووحدوخرا...يلمو لغلاقاات نتاع لي بوتااي..وبالاخص القازوز..
..ويجمعوهم وحدة فوق وحدة..ويقسم لزوج نتاع لي كيب...
..وحدين يضربو بالبالون هادي المجموعة نتاع لغلاقاات ..ويهربو..والدور نتاع الفريق الاخر..هو لازم يضربوهم بالبالون..قبل مايرجعو ويركبو الشكل الاول للي كانت عليه الغلاقاات...وفي مناطق اخرى يسموها..صيد السمك..ههههههه
المهم فالصيف...الالعااااب كلها..نتاع الجري....:blink:...وزيد العطش...ياحفيــــــظ
-------------------------------------------------
وفالخريف يبدا الجو شويا يتبدل ..
..والشتا طيح على غفلة..
..مالا لازم نلعبو لعبة نكونو ثابتين بجنب الداار..
..هكاا حتى ولو طاحت الشتاا....ندخلو بالخف ههههههه
..وكااين لعباات بزااف كيما..
لعبة الكراات الزجاجية...حنا عندنا يقولو البيـgان.....نتع الزجااج...وبكري كان للي عندو وحدة من هذا النوع يعني مرفه...والزوالي مسكين يلعب بنتاع البلاستيك..ويقولولو النيبلي..:laugh:
..وبيان سير الكل تعرفو كيفااش نلعبو بيهم...سيرتو لولاد

اما البنااااااات يلعبو..العرايس..ههههه....زعما بيوت ...البنت المرفهة كانت عندها باربي...

..اما المسكينة..تصنع بزوج قصباات وتلبسها شويا كتااااان..

الله غالب ماكاانش فوتو......مليحة ..ههههه....
..ويديرو عشة...عندنا معناها...كل وحدة وبيتها ويديرو معيشة يستخايلو رواحهم رباات بيوت..
...هههههههه
------------------------------------------------------------------------------
يجي الشتااء......واحد ماتلقااه برا...
..الكل مقابلين الشوفااج...واهنا غير التيليفيزيون الرسوم المتحركة..
والا للي عندو بلاي ستيشن والا كااش جو..الميكرو=للنااس المرفهة..
اما المسكين..التيليفزيون..والا يدير لاسياست هههههه
.لماا.يطيح الثلج..

.نخرجو..نترامو بيه...*تقول راك في فلسطين*
.علاه ماتشوفوش الكمامن للي ينقو الطريق من الثلج.!!
..الجوااب هو بارسكو كاين الذراري للي ينحوه من الارض هههههه مايخلولو حتى اثر..
................هههههههههههه:laugh:
وبعض الالعااب للي نقدرو نلعبوهم فالداار...
..كنا نلعبو لعبة الالغااز..او بااش تبدى وبااش تكمل...
...وزيد لعبة اخرى نلعبوها فالكولواار ههههه بااش مانكسروش التيليفيزيون...
..يلعبوها بالحجر الصغير..5حجاارت تكفي...
..عندنا يسموها القرد..ماشي حيواان ههههه...وكاان عندها اسم اخر مي نسيتو..
ولازم تلمهم في يدك وترمي وتشد ومايهمش اذا طاحو بشرط ان تبقى وحدة فوق يدك..
.. ترجع ترمي للي في يدك فالسما وترفد للي فالارض...هههههه
....هادي لعبة للبنااااات ..مي الولااد كانو يشاركونا فيهاا..

----------------------------------------------------------
الربيع........يايما وعلى الربيع...كل الالعااب نحنو ليها..
..الفووووووت...والمطاردة..عندنا يقولو حاويقة...
يكوون لحشيش بزااف..مالا كنا نخرجو على المدينة ونروحو للحقول نلعبو فيهم(رفقة الاوليااء)
..تما نديرو راينا بالعياط...نخرجو المكبوحاااات...
لعبة اخرى...نجمعو وحد العشبة ونصنعو منها البيتشااك...لعبة هايلة..كي شغل رااك تجونgلي..
..بالبالون.:yahoo:..
ولبنااات يديرو حالة فالورد...مايخلووش وحدة..
والا يديرو حلقة نتاع بناات..ويبدااو فالغنااء..
.افتحي ياوردة..اغلقي ياوردة
.هههه

------------------------
هادو نتااع زمااااان..
..كنا كي ندخلو للداار...نفوتو ديرااكت للصالدوباان..
..نغسلو ونبدلو حوايجنا قبل ماتشوفنا الوالدة ههههههه..
..مي هذا هو لو شاارم نتاع الطفولة..منين ماتلعبش بالترااب
..اسكو انت خلقت من ترااااااب!!!
..والطفل نتاع دوك...غير الميكرو والبلاااي
..معقد مسكين..ههههههه
.....
المهم...انا حبيت برك نتفكر شويا من الطفولة..والاياام الباهية..
..وهادو الالعااب عندنا حنا فالغرب..
..وانتوما..!!
..اسكو كنتو كيفنا...والالعااب هي نفسها..
..تقدرو تحسبوهم مختالفين...بوسيبل غير التسمية برك
..وللي عندو اي اضاافة...اكيد مرحب به.
..سلاااام...:001_smile:​

 

[rafika32]

اييييه يا دندونة فكرتيني في ايام الطفولة

والسذاجة والحبور

نحيا كما تحيا البلابل والجداول والزهور (الشابي ربي يرحمو)

*********

احنا ثاني كنا نلعبو العاب بزاف كيما نتاوعكم

فريق يحط علب الطماطم فوق بعضاهم
ونرموهم بالكرة يطيحهم
من بعد
الفريق الثاني يجري من وراهم وما يخليهمش يعاودوا يبنوهم

هذي نسموها السنيوات ...رائعة

كاين ثاني : الكريدة نلعبوها بخمس حجرات

وهي على مراحل ..في الاول تهز حجرة من بعد 2 من بعد3...
حتى 5
من بعد يتبدل اللعب ..يجي مرحلة يسموها العيد الصغير
من بعد العيد الكبير ...وكل مرحلة اصعب من لي قبلها

كاين ثاني

لماريل : نرسموها في الارض (وش قطعنا سبابط )

ونلعبوها بحجرة مصفحة بالتناوب

كاين ثاني

تيري فلاي

زوج فرق يجروا من ورا بعضاهم وكي تدخل للبيتة نتاعك راك آمن
واذا حكمك الفريق الخصم وحطك في البيتة نتاعو وسلكك
صاحبك راك حر تعاود ترجع تلعب وهكذا حتى يحكموكم كامل

تجي دالت الفريق الاخر

ايه وش نحكي وش نخلي

وكاين الخميسات وكاين العرايس .......

يعطيك الصحة دندونة موضوع ذو شجون

​

 

[الساجدة لله وحده]

الله يخليك اختي رفيقة..
..هههه الكريدة..هذا هو الاسم للي قلت باني نسيتو....خخخخ
...ولماريل..عندنا التشابا ههههههه
...مارسي مرورك كان اروع من الموضوع.......​

 

[نقاء الروح]

اه يا دندونة واش عملتي فيا بهادا الموضوع فكرتيني في يامات الطفولة والله غير قريب خليت الميكرو ورحت نجري نلعب
مشكورة ديما متالقة

 

[الشيخ عبد الله]

شكرا أبنتي الساجدة لله ... أيه ..
لقد تذكرت ايام الطفولة .. و أيام الحلوة ..
يا ليت الشباب يعود يوما فأخبره بما فعل بيا المشيب

شكرا و جزاكي الله كل خير أبنتي
​

 

[zola_ta]

هههههههههه و الله غير عندك الحق أنا نقرا ل papa و نضحكواااهههههههه...
و ماتنسايش تشيلا وكنا نغنوها هكا un deux trois tu sera les rois quatre cinq six tu sera la police
و يا سعدو اللي جا من la police ههههههههههه
و كاين و كاين بزاااااااااف
يعطيك الصحة أختي ​

 

[Sini]

السلام عليكم و رحمة الله و بركاته​

شكراااااااااااااااا لك أختي على
:thumbup: :thumbup: :thumbup:

الرحلة الجميلة الى ذكريات الطفولة

:angel_not: :angel_not: :angel_not: ​

أكثر ما كنت أفضل ،كانت هذه اللعب :​

​

​

​