نصيحتي ليك نتا الي حاب تصارح وحدة بحبك وناوي تتزوجها

[Moha le sage]

بالنسبة للردود ما عندي حتى مشكل عادي اخي...
و راني معاك فالاستخارة، لازم كل انسان يستخير المولى قبل ما يسقسي حتى واحد...
ما دام هاد الانسان لا باس بيه و ما يخصو والو وعلاش يخاف من ماليها ...يا اخي لازملو شوية ثقة بالنفس ... و ادا هي ولا مواليها يتكبرو عليه بسبة مستواه انا في رايي ما يفكرش فيها خلاص... الباب اللي يجيك منو الريح سدو و استريح.
شكرا مجددا.​

هاذي يقولولها النفس ... والنفس واعرة ... لاماخاف من البنت يخاف من ماليها ميعطوهالوش .. ولو ان الخوف هو من البنت بالدرجة الاولى ... كون يضمن بزاف من الشباب بلي يتقبلو كون يقدمو صدقيني بزاف لي يقدمو .... وزيديها المشاكل الاجتماعية كيما الفقر واللي الله غالب عليه والقليل اللي مش كافي روحو ولي يقوم بعايلة .... امور بزاف واعرة

حنا نقولو ربي يجيب الخير

 

[Moha le sage]

ان شاء الله خويا لعزيز ...ربي يسهل لكل اللي ناوي لحلال
​

من فمك لربي وسهللنا كامل ان شاء الله

 

[Moha le sage]

شكراااا على النصااائح والطرق الجميلة

لكن ......


انا الحب ماهوش داخل راااسي وان شاء الله مايدخلش لأنوا كذب ماكان والوا


قادرة تبدلك في أي وقت ماتكسرش راسك قاااع

*****

لهذا تجنبوا هذا الطريق .............؟؟؟؟



killer of dracula


​

ربي يخليك خويا على كلامك لجميل ...

الحب هو شيء داخلنا ... اما تصرفات لعباد هذيك حاجة خرى ...

ربي خلقنا نحبو ونتحبو ... و احلى حاجة هي كي يتوج هذاك الحب بزواج و علاقة شرعية

الحب مهوش طريق .. لكن كاينين بزاف طرق في الحب ... فيها لمليح وفيها الحاير

ونا فاهمك على واش راك تحكي .. بصح كل نفس متعلقة بحاجة .. ومتقدرش تقلب الناس كامل كيف كيف

مشكور خويا و كثر خيرك عل الرد

 

[violeta]

هاذي يقولولها النفس ... والنفس واعرة ... لاماخاف من البنت يخاف من ماليها ميعطوهالوش .. ولو ان الخوف هو من البنت بالدرجة الاولى ... كون يضمن بزاف من الشباب بلي يتقبلو كون يقدمو صدقيني بزاف لي يقدمو .... وزيديها المشاكل الاجتماعية كيما الفقر واللي الله غالب عليه والقليل اللي مش كافي روحو ولي يقوم بعايلة .... امور بزاف واعرة

حنا نقولو ربي يجيب الخير

وجهة نظر معقولة بصح مازلت في رايي يروح يخطبها من دارهم خير...​

 

[killer of dracoula]

ربي يخليك خويا على كلامك لجميل ...

الحب هو شيء داخلنا ... اما تصرفات لعباد هذيك حاجة خرى ...

ربي خلقنا نحبو ونتحبو ... و احلى حاجة هي كي يتوج هذاك الحب بزواج و علاقة شرعية

الحب مهوش طريق .. لكن كاينين بزاف طرق في الحب ... فيها لمليح وفيها الحاير

ونا فاهمك على واش راك تحكي .. بصح كل نفس متعلقة بحاجة .. ومتقدرش تقلب الناس كامل كيف كيف

مشكور خويا و كثر خيرك عل الرد

بارك الله فيك على النصيحة الارووع

الكلام الاجمل من عندك انت !!!!


أنت باين فيك مابقالك والوا كيما الشاب حسني هههه



بالصح أنا ماهوش داخل رآآآآسي مانيش فاهم علاه ؟؟؟




المهم ...بلامزية على الرد

كيفاااه أنت بكلك وانزيد مانردش عليك ؟؟؟


راك فووووووووووووور ...ربي يعااااونك


وميرسيييييييييييييي
​

 

[MoOn TeArS]

ازيك يارا

كل واحد فينا ياخذ نصيبو .. ومصارحة الشب للبنت لازمة عشان من بعد ميبقاش حيران وطفشان لما تكتب كتابها مع حد تاني ..

الناس غلابا و لكن بتطمح للسعادة في اي وقت ..
الزوج قسمة ونصيب وسعات النصيب بيكون مع بنت تانية .. دي سنة الحياة

مرسي اوي يارا على زيارتك الخفيفة

de rien
محمد
المهم ان الواحد يبقا عنده ايمان ان اللي ربنا كاتبه له
هو الخير
عشان كدا الواحد مش لازم يزعل
ولازم يستخير ربنا قبل ما يقدم على عمل اي شئ

 

[Moha le sage]

هاذي يقولولها النفس ... والنفس واعرة ... لاماخاف من البنت يخاف من ماليها ميعطوهالوش .. ولو ان الخوف هو من البنت بالدرجة الاولى ... كون يضمن بزاف من الشباب بلي يتقبلو كون يقدمو صدقيني بزاف لي يقدمو .... وزيديها المشاكل الاجتماعية كيما الفقر واللي الله غالب عليه والقليل اللي مش كافي روحو ولي يقوم بعايلة .... امور بزاف واعرة

حنا نقولو ربي يجيب الخير

وجهة نظر معقولة بصح مازلت في رايي يروح يخطبها من دارهم خير...​

ونا نحترم رايك ونقدرو ....

رأيك صواب يحتمل الخطأ ... و رأيي خطأ يحتمل الصواب

مشكورة مرة خرى ... تعبتك معايا

 

[كريم26]

والله معك حق اخي محمد
شكرااااااااااااا ع النصائح يا احلى امير:biggrin:
الله ينور قلبك دايما........​

تحياتي لك​

كريم26​

 

[Moha le sage]

بارك الله فيك على النصيحة الارووع

الكلام الاجمل من عندك انت !!!!


أنت باين فيك مابقالك والوا كيما الشاب حسني هههه



بالصح أنا ماهوش داخل رآآآآسي مانيش فاهم علاه ؟؟؟




المهم ...بلامزية على الرد

كيفاااه أنت بكلك وانزيد مانردش عليك ؟؟؟


راك فووووووووووووور ...ربي يعااااونك


وميرسيييييييييييييي
​

والله غير حشمتني بهدرتك يا غالي ..مالقيت وش نقلك .. كون نتلاقاو برا والله غير نسلك لخويا عشا من المقطوعين ...

نتا كي مدخلش راسك راك هايل وان شاء الله ميدخلش راسك هكذاك خير ...

الحب طحين ونا نقلهالك بفمي ... وراه مذلة كبيرة ... بصح وش راح تدير كي تطيح مشكل

غنيات حسني ونصرو وبلال كامل ينطبقو عليا ..من السميع تاع حسني ونصرو وليت انا غنية..

ريح كيما راك فور ..عندك تطيح ...اما حكايتي انا ... راه يجي نهار لي نقصصهالك .. وجد لمشاور من ذرك

 

[Moha le sage]

de rien
محمد
المهم ان الواحد يبقا عنده ايمان ان اللي ربنا كاتبه له
هو الخير
عشان كدا الواحد مش لازم يزعل
ولازم يستخير ربنا قبل ما يقدم على عمل اي شئ

ونا معاك في كلامك ..التوكل عل الله .. والسعي في الدنيا بما يرضي الخالق

مرسي يارا

 

[Moha le sage]

والله معك حق اخي محمد
شكرااااااااااااا ع النصائح يا احلى امير:biggrin:
الله ينور قلبك دايما........​

تحياتي لك​

كريم26​

يعيشك اخي كريم وميحرمنيش من صداقتنا ... كلامي مهوش حقائق لا نقاش فيها ...

ولكن مجرد نصائح ربما تفيد اي واحد فينا

الف شكر وتحياتي ليك كريم

 

[MoOn TeArS]

ونا معاك في كلامك ..التوكل عل الله .. والسعي في الدنيا بما يرضي الخالق

مرسي يارا

de rien
ربنا يعمل للجميع مافيه الخير

 

[killer of dracoula]

والله غير حشمتني بهدرتك يا غالي ..مالقيت وش نقلك .. كون نتلاقاو برا والله غير نسلك لخويا عشا من المقطوعين ...

نتا كي مدخلش راسك راك هايل وان شاء الله ميدخلش راسك هكذاك خير ...

الحب طحين ونا نقلهالك بفمي ... وراه مذلة كبيرة ... بصح وش راح تدير كي تطيح مشكل

غنيات حسني ونصرو وبلال كامل ينطبقو عليا ..من السميع تاع حسني ونصرو وليت انا غنية..

ريح كيما راك فور ..عندك تطيح ...اما حكايتي انا ... راه يجي نهار لي نقصصهالك .. وجد لمشاور من ذرك

يعيشك محمد راني نستناااك ع العشااء ههه ​

أنا راني تهنيت منوا ...قاااع للأبد والله ​

ربي يعاااونك أنت محمد ماتعمرش رااااسك بالزاااف ....​

على بالي بيها تاع وقت وصايي ....​

ممكن أنت راك تبقى تخمم وداير في روحك حااالة وجيك شعووور كبير ...​

...وهوما ....آك علابالك ؟؟؟​

والله ....​

**************​

باين عليك أنت راك في مشكل .... نحلهااا كااان أنا ...وانسيك فيهااا كان حبيت ههه​

ماتسمعش حسني بالزاااف ....حسني في هدااك الوقت مابقالوا والوا ​

****​

أنا ماتخممش علياا مانطيحش حتى بالسحور هههه​

وراني نستنااااك​

 

[MIMI23]

السلام عليكم
انا وحدة من البنات اللي يحسدوا الرجالة في انهم يقدروا يصارحوا لبنات بحبهم
انا مثلا نموت على واحد يمتلي كل حياتي و عايشة في عداب ديما نخمم فيه
لو يعرض عليا الزواج راح نوافق على طول
المشكل اني خايفة ما يكونش يخمخم فيا
و هدا اكبر مشكل عند البنات
الرجال يحاول مع البنت ما شي مشكل ادا قبلت او لا المهم انوا حاول اما البنت تقعد غير تستنا
نشالله يكون من نصيبي يارب

 

[Moha le sage]

de rien
ربنا يعمل للجميع مافيه الخير

اللم امين يارا

مرسي

 

[Moha le sage]

يعيشك محمد راني نستناااك ع العشااء ههه ​

أنا راني تهنيت منوا ...قاااع للأبد والله ​

ربي يعاااونك أنت محمد ماتعمرش رااااسك بالزاااف ....​

على بالي بيها تاع وقت وصايي ....​

ممكن أنت راك تبقى تخمم وداير في روحك حااالة وجيك شعووور كبير ...​

...وهوما ....آك علابالك ؟؟؟​

والله ....​

**************​

باين عليك أنت راك في مشكل .... نحلهااا كااان أنا ...وانسيك فيهااا كان حبيت ههه​

ماتسمعش حسني بالزاااف ....حسني في هدااك الوقت مابقالوا والوا ​

****​

أنا ماتخممش علياا مانطيحش حتى بالسحور هههه​

وراني نستنااااك​

اواه ذرك الحمد لله منيش في مشكل فت لحوايج هاذو ونسيتهم عندي وقت .. ..بصح مليح الواحد ينصح خاوتو و يحكي عليهم

هههههههههه مليح كي يعود عندك اونتيدود تاع سحور

وكي تجي لسطيف نغدي حبيبي ونعشيه كيما تحب

ربي يخليك

 

[Moha le sage]

السلام عليكم
انا وحدة من البنات اللي يحسدوا الرجالة في انهم يقدروا يصارحوا لبنات بحبهم
انا مثلا نموت على واحد يمتلي كل حياتي و عايشة في عداب ديما نخمم فيه
لو يعرض عليا الزواج راح نوافق على طول
المشكل اني خايفة ما يكونش يخمخم فيا
و هدا اكبر مشكل عند البنات
الرجال يحاول مع البنت ما شي مشكل ادا قبلت او لا المهم انوا حاول اما البنت تقعد غير تستنا
نشالله يكون من نصيبي يارب

السلام و رحمة الله تعالى و بركاته

حاب نشكرك على صراحتك .. وندعي ربي يصلحلك امورك ويتقدملك هاذ الشاب الي تحبيه

و راني حاس بيك ونعرف هاذ الاحساس مليح ... لازم تعرفي وش يخمم هو .. واذا كان اصلا يخمم في الزواج .. بصح اذا كان يحبك راه سير يتعلق بيك و نتي عل الاقل لمحيلو بلي يجي يخطب

هي صح الناس تجيهم حاجة طايحة كي طفلة تعبر عن شعورها للطفل .. بصح تقدري على الاقل تحصي واش راه يخمم .. كاين الف عفسة .. بصح كون نبدا نهدر علابالي كاين ناس بزاف تبدا تكريتيكي و تستنا في هاذ الفرصة .. ملا راح نسكت ..

خممي مليح تلقاي الف حل .. وان شاء الله ما يكون غير الخير و يكون من نصيبك ..

 

[marouane19]

صحيت خويا ع النصيحة
ان شاء الله يسفاد منها الجميعــ،،
بالتوفيق

 

[Moha le sage]

صحيت خويا ع النصيحة
ان شاء الله يسفاد منها الجميعــ،،
بالتوفيق

ربي يعيشك خويا مروان .. مشكور عللى ردك الجميل

 

[super-jasmine]

كثير منكم يحب وحدة و حاب يصارحها وناويها للحلال .. ويخاف يصارحها ولا مقدرش ..

يقلك... سال مجرب ولا تسال طبيب
هذي نصيحتي ليك نتا يا الشاب الي تحوس تفوت الخطوة هاذي :

باش تصارح وحدة مهيش ساهلة ..ودير في بالك بلي لازم تسوفري وتتعذب في حالتين

كاين لعذاب لول كون ماتقلهاش وكون هي تتزوج بواحد اخر .... هذيك منحكيلكش .. مهوش عذاب تاع نهار وليلة ... ياو تنساها سنين ... وتعاود تجي ليك الذكريات هذوك يخنقوك ..يطيرو عليك النعاس في عز النوم .. يسمطولك لحياة و حبابك دايرين بيك ... وكي تزيد تحس وتعرف بلي الي صرا صرا ومتقدرش تولي اللور ... لحياة تولي كحلة كحولة ليلة ظلمة مفيهاش قمر ..
احساس منرضاه لحتى واحد حتى ولو يكون عدويا ... تحس بلي حياتك =0 .. دير دراهم ومايجيبولكش حبيبتك ...تشوف في لبنات كامل كيف كيف .. مايساويوش ظفر من تاوعها و متقدرش تتزوج بوحدا اخرى ............ صعيبة بزاف بزاف .......

لعذاب الثاني انك تصارحها واذا مقبلتش معناها في راسها واحد ثاني .. واذا مكانتش مدايرة في بالها واحد اخر تقدر تقنعها .... واذا مقدرتش راك على الاقل تكون هاني بينك وبين ضميرك انك درت لي عليك وما كتبش ربي ..راح تتعذب ايامات ومن بعد راه ربي يفرج ... واللي خلق ما يضيع

متغلعش روحك بالمستوى و ابقى راجل ..والراجل بذراعو ماشي بالدبلوم ... حنا الرجال عندنا العقدة من المرا لي عندها المال ..واللي قارية علينا ... انا كنت في الجامعة نشوف في بنات بزاف كي يجو لي يخطبوهم ..واحد بانتر واحد روسوفور ولاخر مولا حنوت ... نحيها من راسك العفسة هاذي .. مكانش منها

هاي انا عندي مثلا ليسانس فرونسي .. بصح منيش مداير في بالي تاع المستوى ..كي تعجبك وحدة تعجبك .. تحس بلي معاها تقدر تدير الدار ..ماشي مع ديبلومها ... ونفس الشيء بالنسبة للبنت


الطفلة كي تدير واحد في بالها والله ويعود طلاب ...تقبل بيه .. بشرط يعجبها و تلقى فيه حاجة ملقاتهاش في واحد اخر

الحل تاعك هو تخرج حبك ليها ... بصح هي متقدرش تصارحك متقدرش تهدر ونتا اونفاص ليها ..بلاك تجرحك .. وزيد هذا شيء صعيب و زيد الحشمة منك ومنها

الحل هو تكتب ميساج طويل وعريض بخط يدك و تحكي فيه كلش و بانك ناوي لحلال .. وخاصة انك تحبها من وقت فات .. وهاذ الكلمة توزن بزاف ..

الميساج هذا يقدر يكون في برية تديرهالها وحدة تعرفها في كرطابلها ... ولا تكتب ميساج في البرتابل ... بصح ميساجات البرتابل صغار .

ولا تجيب التلفون تاعها ... وتهدرلها كلش وانك تحوس عليها بالحلال ...

في كل لحوال لازم تخرج وش كاين في قلبك .. وتحط النقاط على الحروف

واذا عكست ومصلحتلكش .. معندك ما تدير بلاك مكش قد النيفو ولا مكش بوقوص كفاية ولا مدايرة واحد اخر ولا تشوف في روحها تستاهل احسن منك ... وهاذ لحوايج عندها الحق فيهم و كل نفس واش تهوى وماكاش لي مايبغيش الزين

اخيرا ننصحك تدير وش قتلك ولا تشوف وحدة تعرف تهدر وتكون رزينة وتقنع .. وتحكيلها كلش وهي تجاوبك بالشىء لي كان ... بعدما تحكيلها بفمك نتا ..ولازم تكون وحدة كونفيونص و ترتاحلها .. ومتكونش تغير ..

متروحش تخطب مباشرة باش متتعكسش .. ولكن تاستي و اعرف راي البنت في الزواج وفيك نتا واعرف واش كاين في بالها ..و كلش من بعد ساهل ...

اخيرا نقلكم الزواج مكتوب .. وماشي كل طفلة نحبوها نتزوجو بيها ... هذيك غير في القصص ..

نتمنى تصلحلكم الامور من كل قلبي ... انا لي حياتي كامل راحت في لعذاب.......

محمد

wow ma3endi mengoul rabi yahefdek..ih louken jew kemel ykhamou kifek..w heda mekech menou ...kima ygoulou khali l bir b ghtah...
merci mouh ..​