- إنضم
- 1 أوت 2008
- المشاركات
- 8,795
- الحلول المقدمة
- 6
- نقاط التفاعل
- 17,848
- نقاط الجوائز
- 3,655
- الجنس
- ذكر
واش راه صاير في منتدى واش راك تهدر مركز تحقيق بوليسي والا غوانتنامو ولا ابو غريب
والله ومجاتش عيب نصرعك بحجرة تشوف النجوم فوق راسك
تجي فايت من هاذا المنتدى تحصل جميع المواضيع تحقيقات بوليسية على واش تجاوب على هذا ولا ذاك واصلا واش تقول واش الفايدة ورى الاسئلة يا سيدي اللي يجي يخطب وميصيرلوش هاك
ومن بعد راني قلتلك واش نحب ولا نكره راح تجيبلي واش نحب
ولا تبعد عليا واش نكره ياسيدي انا راح نكذب عليك ونديرلك الجنة في عين فلوس وتحسبني ملاك ولا فراشة كامل
انت واش تفيد قولي
وين هي المواضيع المليحة والمفيدة والي تعبر على شخصك ماشي على واحد ساكن في السعودية ولا مصر ولا السودان ولا التيهاوهاو
راني نشوف فيها غير كور واعطي الاعور كوبي كولي كوبي كولي ماشينة ولا امبريمونت
ولا كيما صاحبنا هذا
والله وماشي عيب غير نربطك في شجرة ونجلدك 100 جلدة
كي تسرق اعرف كيفاش تسرق متخليناش نفيقو بيك
كاين مواضيع يحسبو صحابها راهم جابو الجديد وجابو السبع من رجلو انا عندي غير عامين راني نشوف المواضيع نفسها تسيركيلي كيما الرولات نتاع حديقة التسلية.
والله ومجاتش عيب نخبطك بهراوة للراس نتغاشى
فيق روحك راك كبير واذا كنت صغير كاين منتدى براعم الجزائر روح العب التيلا ولا الغميضة فيها
الناس طلع النيفو نتاعها واحنا قاعدين غير نسمطو ونخسرو
ونسرقو من المنتديات يعني يجي واحد براني يشبع ضحك علينا يصيب موضوع عندو من 2000 مازالنا نردو عليه وعاجبنا الحال
ودايريلو القيمة
يقلك هاذو اهل الكهف انا نهرب قبل منرقد معاهم
يا سيدي تعلم مكنتش تقرى في الليكول
حصة انشاء اسيدي دير روحك راك رجعت للواحدة واكتب موضوع من راسك على الجاج علاش ميقدرش يطير
ولا السيارة تمشي بالمازوت ولا بالباراكة
اواه يتعينلي متفهمش ماينفع غير هاذي الفخة
باش تعود تخدم بالكلافي وتعرف الحروف وين راهم
يعني الي كتبو هاذو المواضيع خير منك يا هوما ثاني مجيح كيما انت
لتجيح انت واكتب موضوعك سبيصيال
ايا سيدي سكارة فيه برك دير القلب
والله ومجاتش عيب غير نوض ليك بفردة سباط لهاذوك اليدين الي
تكوبي وتكولي بيهم
ايا روح ومتزيدش تعاودها اجري اوليدي
والله طلعلي لا تونصيو بالجياح الي راني نشوف فيه
عيطولي للاسعاف راني انا لتغاشيت
وانتوما روحو لهاذ الموضوع يتهلى فيكم :
ادخل هنا ولا نفجخك
