في هذي عندكم الحق يا لبنات ...

[ماكانش]

ايييييييييييييه سيرفات شفت اسمك جيت نجرى هههههههـــ
ان شاء الله راك مليح
ختك هاجر 10

ههههههههههههههههههه
والله عرفتك يا السلفية الصغيرة تاعنا بلا ماتقوليلي هههههه
واش راكي بخير
بلاك تقبلي بالأخ هذا
مازلتي صغيرة ويجيك واحد ذا دين وخلق وعندو ليستاع راهم بزاف ...

 

[nawal 88]

السلام عليكم
شوف خويا سفيان ماشي الناس كامل كيف كيف
بصح الطفلة كي طيح في عجوزتها واعرة لازمها تتقبل الوضع ودير في بالك بلي الواحد كل ما كبر في السن عقلو راهو يخف
+
ثاني هي راهي داتلها راجل بكمالو لازم تقلقها شوية هههههههه
سلام​

 

[مانو شريف]

بي يطيحنا في عجايز يعودوا كي مماماتنا

 

[homework]

مشكور على الموضوع و ننصحك باش دير موضوع على العرايس باش ترضي الطرفين
أنا قلت صيف هذا تكون درت حل لروحك ياخويا ماكانش مازالك عازب ربي يطيحك في بنت لحلال انشاء الله ​

أيا ونتوما يا لبنات تشرطو هذ الشرط ؟؟؟لالا
وإذا ماتحققش تقدري تعيشي مع أم راجلك ؟؟؟ عادي مي كل واحد يشد سابعوا انا وحدة منحبش المشاكل و ما نقدرش عليهم
واذا كان قبيحة واش اديري هههههه ؟؟؟ نطلب ربي يهديها و نقدرها في وجه ابنها ​

 

[ماكانش]

يعطيكم الصحة
عندي زوج مواضيع مازال ماتقبلوش ؟؟؟

 

[مسلمة وافتخر باسلامى]

والله هدا الموضوع هايل خويا مكانش
هادى اكثر حاجة نخمم فيها
المسالة ماهيش ساهلة كيما يشوف البعض
الانسان عمرو ما يرفض النعمة نهار يكون متهنى
بصح واش الواحد يشوف ويسمع ولا يخاف
يعنى مشاكل لا حصر لها
والواحد نهار برى يرزقو دار وحدو مليحة للراجل والمرا من كل النواحى حتى الراجل يتهنى وينقص عليه الحس
والعروسة تقعد عزيزة خاصة ادا كانت مليحة مع عجوزتها
بصح كاين عجايز ماشاء الله
وتانى كل واحد وظروفو
وتانى هدا رزق من الله اما يعطيك فتشكر
او يبتليك فتصبر
وربى يهنى الجميع

 

[*houda*]

ثالثا:
ماكانش قد الواحد يعيش ليبر راسو راس مرتو ...[/CENTER][/QUOTE]
fi hathi 3andek alhak

 

[همسات خجولة]

اولا نشكرك على طرح هاد الموضوع
انا من وجهة نظري مع المرا لي تشترط باه تسكن وحدها يا اخي حرية المرء في داروا ولا واش قلت فيها
وهدا ماشي كره في لعجايز حشا ولله لانو راهي كيما امي ونديرها في عيني وعلى وراسي يلازم وزيد الوحدة كل ماتكون بعيدة تقعد عزيزة على غاشي راجلها
كيما يقول المثل البعد يجيب السلام والقرب يجيب لخصام
وربي يرزقك ببنت لحلال ان شاء الله اخي الكريم

 

[ماكانش]

يعطيكم الصحة كامل
لي عودة ربي يحفظكم

 

[loula1]

شكرا على الموضوع خويا لعزيز مي كاينة حاجة تقدر تكون لعجوزة ناس ملاح و لعروسة شيطان تيدل فوليدها عليها المهم أنا مانششرطش الدار نسكن معاها شويا ادا عاملتنين مليح نحتها فوق راسي مي لاكان صعيبة مانقدر نتفاهم معاها نقولها ليمين تقولي اشمال تما لازم دار وحدي
شكرا على الموضوع

 

[ميرهان]

و الله يعني من الافضل تكون لعروسة بدارها مش لاي شيء و لكن هروب من المشاكل لي لابد ان ثحدث و اكيد تاني باش تبقى لحماة عزيزة و تانيك لعروسة

 

[mina21]

عندك حق لكن حتى الطفلة الا تحب راجلها تقبل تعيش مع يماه حتى ولا كانت قبيحه وكيما يقولوا ناس زمان الي يصبر ينال كلش يففوت غير الحاجة لي مليحه هي لي تبقى
:re_gards::re_gards::shay:

 

[mina21]

عندك حق خويا لكن اذا كانت الطفلة تحب رجالها تقبل تعيش مع عجوزتها مع العلم انو ماش كامل لعجوزات كيما عمتك وكيما يقولوا ناس زمان لي يصبر ينال وي الاخير ما تبقي غير الحاجة لي مليحه

 

[شوشونة]

ماكانش خير من السكن وحدك و على راحتك شكرا عمو ماكانش على الموضوع

 

[ماكانش]

يعطيكم الصحة
لي رجعة نرد عليكم

 

[*ليديا*]

السلام عليكم ورحمة الله وبركاته
اواه انا اجتماعية ما نقدرش نسكن وحدي
وماذابيا يكونو بزاف في العايلة 25 ولا 30 ههههههههه
العجوزة الا راهي قبيحة يقلك الصامط يغلب القبيح
والوحدة تسكن مع دار راجلها في اللول باه تحس كاين تغيير في حياتها وتعرف ناس جدد
واكيد يجي نهار وتدير دارها
يعطيك الصحة على الموضوع سفيان
​

 

[ام سندس]

كل شئ يفوت ولا حد يموت

 

[أم عبد الله]

السلام عليكم
هذا وين شفت الموضوع هذا وين كان مخبي هههههههههه
شوف يااخي راك اتقول لوكان تعيشي مع عجوزة كيما عمتك هاذي انا نقولك بلي الصبر مفتاح الفرج واذا ماقدرت عليها اكيد نحب داري وحدي مي ماشكيتش نديرها نحب الغاشي والحس في الدار
واحنا في الدار جات اماني يعني ام بابا سكنت عندنا حتى ماتت الله يرحمها وقبل ماتموت طلبت من ماما اتجيب عمت بابا تسكن عندنا مسكينة كانت مهبولة وماقبلش بابا يدخلها لسبيطار يعني كل المشاكل اتعلمت انحلهم بالصبر
والله يرحمهم كامل يقولك لي يسكن في دار العايلة يتعلم من الكبار قبل الصغار
ومليح لي بدلت رايك بالنسبة للبنات والسكنة ههههههههه
سلامي واحترامي

 

[Ice Queen]

أيا ونتوما يا لبنات تشرطو هذ الشرط ؟؟؟
على حساب العقلية مي على الاغلب نشرط نسكن وحدي
وإذا ماتحققش تقدري تعيشي مع أم راجلك ؟؟؟
ادا تحتمت ماعندك مادير بالمسايرة وخلاص
واذا كان قبيحة واش اديري هههههه ؟؟؟
نقتلها ويتهنا الفرطاس من حكان الراس ههههههههههه
راني غير نتمسخر واقيلا امنتني واش تدير مع عجايز بكي تسايرهم وتروح معاهم غير بالعقل وخلاص
انا تاني عندي خالتي مسكينة مسوفرية مع عجوزتها.
​

 

[MIMY22]

أيا ونتوما يا لبنات تشرطو هذ الشرط ؟؟؟
ايه نشرط هذى الشرط بش نظمن مانشوفش سلفي ولا خاوتو ولاد عمومو على خاطر مايجوزليش نشوفهم بلا حجاب
وإذا ماتحققش تقدري تعيشي مع أم راجلك ؟؟؟
ماعنديش مشكل نعيش معها لاكن بشرط لازم تكون وحدها
ا ماشي عايلة كيبرة طبعا راح نسكن معها ونحطها فوق راسي هي ووليدها​

واذا كان قبيحة واش اديري هههههه ؟؟؟
راح نصبر لانوا هدى ابتلاء من عند ربي وكما تدين تدان ​

شكرا على طرح الموضوع ++ تقييم​