في هذي عندكم الحق يا لبنات ...

[♥SaMoù Là MoDèsTe♥]

هــــــي من الآحــســــن لـــــمـآ يـــتـــــزوج آلـــرجـــل يـــعـــيــــش وحــــدو مـــع زوجــتــو

بــــــــآش يــــتـــجـــنــــب كـــل صـــغيـــرة وكــبـــيـــرة من آلمشــآكل آلتي قد تـــحــدث

وبــآش تـــآنـــي تـــبــــقى مكــآنــة آلــكـــنـــة عــــزيــــزة عـــنـــد أهـــل زوجـــهــــــــــــــآ




°°آلبـــيوت أســـرآر°°... خويـــآ سفيــــآن ،
مــآ تحكم حتى على كنة أو عجوز حتى تــعشرهم
وآلعْـــــــشْرة فـــتــــــآشة​

 

[ملكًة الاحسآس]

وعليكــم السلام
والله ياهدي عمتكــ غير وحدهــا ، ياو حتى لوكان جات عروستها هدي ثقيلة وقساس روحهــا بـ لي جاست تاعها هدوو ومعاملتهــا تخليــها تعاملها معاملة المثــل
بصح كما قالو الي قبلي مشي كامل العجايز كيف كيف

​

أيا ونتوما يا لبنات تشرطو هذ الشرط ؟؟؟
لوكــان نشوف الراجل الي رايحة نديه قادر يسكني وحدي ، نشرطوو هكدا نكونو في زوج ملاح وحباب ديما
وإذا ماتحققش تقدري تعيشي مع أم راجلك ؟؟؟
ايـه نورمال ، ديجا انا مشي ضد هدي الفكرة ، نعاملهــا كما نعامل ماما ، وماشكيتش تقعد ديما تاخذ مني موقف مش مليــح يجي النهار الي تقول الطفلة هدي دايراتني كي أمها وانا هي الشريرة ههه
واذا كان قبيحة واش اديري هههههه ؟؟؟
علاش زعمه اذا كانت ماما قبيحة واش رايحة نديـر ، والو ماندير نصبر وما نقدم جهتها ماوالو ، نوكل عليها ربي ويجي النهار الي تعرف شكون المليح وشكون القبيح
+
يعطيــك الصحة على الطرح
​

​

 

[نسيم الربيع]

صح كاين عجايز الله لايشوفك
وكاين عجايز ملاح بصح عرايسهم رايحين بنيه خبيثه
على العموم الطفله مليح تسكن وحدها مادام كاين اللي يبقى مع عجوزتها يعني مهما كان متديش الطفل وتخلي لعجوزه وحدها فالدار
واذا ماقدرش راجلها يديرلها دارها وحدها راهي مع عجوزتها وتساعف وتشد قدرها وخلاص
ربي يهنينا​

 

[Amoula ALG]

ههههههههه
وي صح عندك لحق
اذا كانت عجوزة ختك واعرة نستعرف بيها ختك ههههههههه
ايه جابتها لروحها
واذا راهي عاقلة لمسكينة نقلك ختك ظالمتها
بصح لعجوزة الطيبة هذيك نحطها فوق راسي
لالا قتلي انا واعرة ؟؟؟؟ ههههههه
والله مكاين طيب قدي انا هدا مش غرور ولا حاجة خرىثقة بنفس هذي والله وعارفة روحي
مي اناواعرة مع لواعرين (وليت فوندام ولا روكي ههههههه)
ولا حاب عجوزتي تولي واعرة وتتحقر عليا وانا نقعد عاقلة ههههههه
صح عندك لحق يعني نشوف الحل مع راجلي
بصح لعجوزة لي في راسها تديرو لوكان يجيها ولدها ويفهمها كيفكيف
ملا هذي حاجة النسا يفروها وحدهم هههههه
مغسي خويا
ربي يحفظك

 

[شذى الإيمان]

صح كاين عجايز الله لايشوفك

وكاين عجايز ملاح بصح عرايسهم رايحين بنيه خبيثه
على العموم الطفله مليح تسكن وحدها مادام كاين اللي يبقى مع عجوزتها يعني مهما كان متديش الطفل وتخلي لعجوزه وحدها فالدار​

يعطيك الصحة أختي على هذا التنبيه، صح كاين واحد العجوزة مريضة، عروستها باش ما ترفدهاش راحت مع راجلها وخلاتها وحدها​

 

[العائدة الى الله]

مثل ما قالت هذيك الصغيرة ما زالت صغيرة حتي لوانا عمر ي 17 و ما زالنا صغار و الله هههههه
و الله خويا صاحب الموضوع شوف راهو
كاين عجايز نااااااااااااار يا لطيف و العكس تاني كاين كنات الله يبارك أكثر من نار هههههه
بصح مهما كانت العجوزة واعرة هي ام زوجها و لو انا في مكانها نحطها على راسي و في العين
مهما كان و مهما شافت منها راهي زوجة ابنها و تاني و ربة بيت و امراة صالحة
و هي تاني راح تعود ام لازم تتفهم الوضع و حاجة اخرى ملزمش الراجل ينسى امو راهي هي ربته و كبرته و تعبت عليه و بكات عليه كي كان مريض...و ...و ...و
مش كي تتزوج تعود في صف مرتك مثلا و تنسى امك لا و مش اي حاجة تقولها مرتك تنفذها كي الخادم لا راهو مثال برك للتوضيح
راهي ام عندها قلب و كبيرة تاني يمكن غيرة برك هههههههههههههه
و تاني لازم الاحترام

المهم منطولش هههههههههههههههه اصلا خاطيني مواضيع الزواج و مش نخمم فيه نكملوا الدراسة و مبعد ربي يسهل
غير حبيت نعطي رايي فقط و وجهة نظري
شكرا خويا ما شا ءالله كل مواضيعك روووووووووووووعة

 

[ماكانش]

مثل ما قالت هذه الصغيرة ما زالت صغيرة حتي لوانا عمر ي 17 و ما زالنا صغار و الله هههههه
و الله خويا صاحب الموضوع شوف راهو
كاين عجايز نااااااااااااار يا لطيف و العكس تاني كاين كنات الله يبارك أكثر من نار هههههه
بصح مهما كانت العجوزة واعرة هي ام زوجها و لو انا في مكانها نحطها على راسي و في العين
مهما كان و مهما شافت منها راهي زوجة ابنها و تاني و ربة بيت و امراة صالحة
و هي تاني راح تعود ام لازم تتفهم الوضع و حاجة اخرى ملزمش الراجل ينسى امو راهي هي ربته و كبرته و تعبت عليه و بكات عليه كي كان مريض...و ...و ...و
مش كي تتزوج تعود في صف مرتك مثلا و تنسى امك لا و مش اي حاجة تقولها مرتك تنفذها كي الخادم لا راهو مثال برك للتوضيح
راهي ام عندها قلب و كبيرة تاني يمكن غيرة برك هههههههههههههه
و تاني لازم الاحترام

المهم منطولش هههههههههههههههه اصلا خاطيني مواضيع الزواج و مش نخمم فيه نكملوا الدراسة و مبعد ربي يسهل
غير حبيت نعطي رايي فقط و وجهة نظري
شكرا خويا ما شا ءالله كل مواضيعك روووووووووووووعة

أهلا بيك سوها
واهلا بالمموشة تاعنا ههههههه نضحك برك
ايه مازلتي صغير ربي يحفظك لوالديك
عندك حق في واش قلتي وهدرتك ربي بارك هدرة تاع وحدة ناضجة وكبيرة في عقلك ربي خليك
وكيما قلتي لازم ثاني الإبن مايتبعش مرتو بزاف وهذا كامل لازملو لمرا ماتفسدش الرجل على والديه
سباب المشاكل كامل كي تكون لمرا تعاند وتفسد
يعطيك الصحة وربي يحفظك ...​

 

[مينة آلاء الْقُدُّوس]

أهلا بيك مينة
عندك الحق ماشي كامل الرجال لاحقين على الديار ودار وحدو
بصح هذا ثاني مايبررلوش أنو يجيبها ويحشرها في f3 مع 5 خاوتو ومو وختو ؟؟؟
الله غالب يكري واذا ماقدرش يهني روحو ويكثر من الصيام و لالا مينة ؟؟؟
​

خي
ههههههه والله اضحكتني تاع يحشرها في f3
كل وحد ورزقو فالدنيانعرف لي كانت مع 7 فيf5 *صبرت ونالت اهي في دولة الله يبارك الفيلاحتى
تتبحر فيها وزيد دات دعاوي الخير ايا بركا متحرش فالبنات :santa_1:خلي الامة في نيتها هههه ان شاء الله ربي يرزقنا بلحلال سلام
​

 

[القطة الزهرية]

مثل ما قالت هذيك الصغيرة ما زالت صغيرة حتي لوانا عمر ي 17 و ما زالنا صغار و الله هههههه
و الله خويا صاحب الموضوع شوف راهو
كاين عجايز نااااااااااااار يا لطيف و العكس تاني كاين كنات الله يبارك أكثر من نار هههههه
بصح مهما كانت العجوزة واعرة هي ام زوجها و لو انا في مكانها نحطها على راسي و في العين
مهما كان و مهما شافت منها راهي زوجة ابنها و تاني و ربة بيت و امراة صالحة
و هي تاني راح تعود ام لازم تتفهم الوضع و حاجة اخرى ملزمش الراجل ينسى امو راهي هي ربته و كبرته و تعبت عليه و بكات عليه كي كان مريض...و ...و ...و
مش كي تتزوج تعود في صف مرتك مثلا و تنسى امك لا و مش اي حاجة تقولها مرتك تنفذها كي الخادم لا راهو مثال برك للتوضيح
راهي ام عندها قلب و كبيرة تاني يمكن غيرة برك هههههههههههههه
و تاني لازم الاحترام

المهم منطولش هههههههههههههههه اصلا خاطيني مواضيع الزواج و مش نخمم فيه نكملوا الدراسة و مبعد ربي يسهل
غير حبيت نعطي رايي فقط و وجهة نظري
شكرا خويا ما شا ءالله كل مواضيعك روووووووووووووعة

hhhh mazalna sghar sahbti 3morha 9adna 17 ans rahi babntha fi 3morha 1mois mach ghir hiya na3raf bzf ali kifha 3morha 17 ans tadi wahad 3omro 35 ans ......3ich tchof wki tkamel 19 ans t9olak ani kraht hyati wndamt wach darhalak man alawal w tab9a hasla bzoj wlad wla ktar

 

[العائدة الى الله]

أهلا بيك سوها
واهلا بالمموشة تاعنا ههههههه نضحك برك
ايه مازلتي صغير ربي يحفظك لوالديك
عندك حق في واش قلتي وهدرتك ربي بارك هدرة تاع وحدة ناضجة وكبيرة في عقلك ربي خليك
وكيما قلتي لازم ثاني الإبن مايتبعش مرتو بزاف وهذا كامل لازملو لمرا ماتفسدش الرجل على والديه
سباب المشاكل كامل كي تكون لمرا تعاند وتفسد​

يعطيك الصحة وربي يحفظك ...​

ههههههههههههههههه نورمال
امين
رغم اني صغيرة كل من حولي يقول كبيرة في عقلي و نبان كبيرة هههههه
صح هي سبب المشاكل خصوصي اذا كانت جنية و واعرة هههههههه
شكرا سرني اني رديت على موضوعك لانه كل مواضيعك روووووووووووووووووعة
امين و يحفظك و ربي يرزقك بالزوجة الصالحة
تحيتي
سهى

 

[ماكانش]

يعطيك الصحة على الطرح الممتاز أولا يا أخي صح عدنا الحق أنا وحدة من لبنات ملبكري راني دسيديت نسكن وحدي منسكنش مع لعجوزة في حاجة وحدة نقدر نسكن معاها الا اذا مقدرش ألي نحبو ادرلي داري وحدي بسيف نحمل في وجهو هو برك.

أهلا بيك حنان
او عجبني كلامك بزاف وقاسني ههههههه
مليحة تاع الا اذا لي نحبو ماعندوش نصبر على جالو
هذي لقطة واعرة ههههه​

هههههههه .. ماني واعرة ما والو يا خويا

انا نهدر بعد ما شفت و شفت واش صرا
المشاكل يكونو بزاف بين العجوزة و العروسة سيرتو اذا وحدة منهم ما هيش قليلة
و انا وين نعرف هاذي لي رح نروح عندها مليحة ولا لا
نكون وحدي من اللول خير .. ماشي حتى يصراو مشاكل و نولي نطلب نكون وحدي
ذيك الساعة مانوليش مليحة
رام كاين بزاف عباد نعرفهم كانو ضد هاذ الفكرة مي نهار شافو المشاكل ولاو معاها
...
و على سؤالك نهار يكون هذا لي نشتيه باينة هو ثاني يشتيني :shay: يعني يقبل بشرطي​

..​

ولا واش رايك ؟؟​

راني معاك هدى
وتبالي ماكانش واحد لقا دار وحدو وحاب يسكن مع والديه
واذا كان هذا ألي تشتيه ماقدرش يوفرلك شرطك ؟؟؟​

سلاااااااامووو
صحيت على بهاء الموضوع
بالنسبة ليا ما عندي حتى مشكل نعيش مع عجوزتي:sheer:، بالعكس تماما مادابيا نسكن معاها كاش عام و لا حتى يوالفوني بيناتهم و نتعود على سيرتهم وحتى لوكان ما نسكنش معاها لازم روح ليها 3 مرات في الأسبوع على الأقل :shiny:،يعني الواحد مادبيه يثقل ميزان حسناتو و كاين أجر كبير للبارين بوالديهم ، الله يقدرني برك نرضيها و نرضيه :shay:

بصح إدا كانت قبيحة و ما تخافش ربي و حاطتني في راسها :sad: :sad: :sad: :sad:ما عندي ما ندير غير أني نصبر و في هاد الحالة لازم زوجي يوقف معايا نورمالمو راهو عارف بللي نحب يماه :shay::shay::shay:
و رضاه و حبو ليا هو الصح :shay::shay::shay::shay::shay:

علا بالي رايي غريب بصح أنا نحس عجوزتي كي ماما و إحساسها صعيب يعني هي حملت و وضعت و تعبت و كبرت ووووووووو و أنا نجي في نهار نبعدو عليها :scared: :scared:,لا لا لا مش من عقليتي هادي :schmoll:
شكرا ليك بزاف كي العادة رائع و متألق :shay:

أهلا بيك يلديز
يعطيك الصحة على الهدرة لحلوة والباهية
بصح 3 مرت في السمانة بزاف شويا ههههههههه
مليحة تسكني معاهم عامين باش تولي فرد منهم
ولمليحة بزاف يطيحك ربي في عجوزة عاقلة
يعطيك الصحة يلديز ​

ههههههههههههههههههههههههههه موضوع هايل .اذا كانت قبيحة فالعين بالعين والسن بالسن والبادئ اضلم.بصح شخصيا نفضل ليبيراسيون

ههههههههههه
بابابا راكي واعرة يا سهيلة هههه
ماكانش قد تفوتيلها وتبعدي عليها
اما السن بالسن واعرة شويا ومانعرف
يعطيك الصحة ​

 

[Sẻl Mā]

ههههههه
الحمد لله كاين واحد اعترف
انا نقلك الصح انا تنارفا ثمثم هههههه
يعني دار عايلة متخرجش عليا
كان راهي واعرة او طفرتها في روحها هههههههه
متسلكش مني ههههههه بويسك انا والظلم منتلاقوش
زعما تولي عجوزتي واعرة وتتحقر عليا غير هذي ماتصراش
ملا من اللول نخلي لقدر بيني وبين عجوزتي ومنعيشش معاها
ونحطها في عينيا ولي حابة تديرو تديرو المهم متهونيش ومذلنيش
يا انا نفسدها ولا هي هههههههه
يقلك العشرة تولد لعراك
وحاشا بعض العجايز الله يبارك عليهم مدايرين كناتهم كي بناتهم وعازينهم
وكاين استغفر الله ماعندي مانقلك {كيما جداتي ام بابا} هههههه
من تجينا دير مشكل وتروح لازم
ولمرا في اللخر واش تطلب من راجلها راهو حقها

خويا عندك تدير في بالك راني واعرة ولا قبيحة هههههههه (سور بعد ماقريت وش كتبت تقول هذي يا لطيف منها و و و ههه)
انا وحدة لي يتعوج معايا يربح معايا غير لعيب
ولي عاملني مليح يكثر خيرو ونعاملو كما عاملني
نحب نعيش كما راني عايشة في الدار مش عيشة ذل وحقرة

شكرا على الموضوع خويا
+ تقييم

 

[نسيم الربيع]

يعطيك الصحة أختي على هذا التنبيه، صح كاين واحد العجوزة مريضة، عروستها باش ما ترفدهاش راحت مع راجلها وخلاتها وحدها​

شفتي كيفاش
بصح هذي اللوم مش عليها اللوم على راجلها الرخيس
اللي راح وخلا يماه وحدها مريضه​

 

[hannsg]

ههههههه
الحمد لله كاين واحد اعترف
انا نقلك الصح انا تنارفا ثمثم هههههه
يعني دار عايلة متخرجش عليا
كان راهي واعرة او طفرتها في روحها هههههههه
متسلكش مني ههههههه بويسك انا والظلم منتلاقوش
زعما تولي عجوزتي واعرة وتتحقر عليا غير هذي ماتصراش
ملا من اللول نخلي لقدر بيني وبين عجوزتي ومنعيشش معاها
ونحطها في عينيا ولي حابة تديرو تديرو المهم متهونيش ومذلنيش
يا انا نفسدها ولا هي هههههههه
يقلك العشرة تولد لعراك
وحاشا بعض العجايز الله يبارك عليهم مدايرين كناتهم كي بناتهم وعازينهم
وكاين استغفر الله ماعندي مانقلك {كيما جداتي ام بابا} هههههه
من تجينا دير مشكل وتروح لازم
ولمرا في اللخر واش تطلب من راجلها راهو حقها

خويا عندك تدير في بالك راني واعرة ولا قبيحة هههههههه (سور بعد ماقريت وش كتبت تقول هذي يا لطيف منها و و و ههه)
انا وحدة لي يتعوج معايا يربح معايا غير لعيب
ولي عاملني مليح يكثر خيرو ونعاملو كما عاملني
نحب نعيش كما راني عايشة في الدار مش عيشة ذل وحقرة

شكرا على الموضوع خويا
+ تقييم

هههههه يا ختي اذا شي هذا كامل و مش واعرة؟ هههههه
نورمالمو مرا كبيرة مديريش عليها الصغير يقادر الكبير
مي تعليقك هذا تقول معاود لالا؟

 

[شذى الإيمان]

شفتي كيفاش

بصح هذي اللوم مش عليها اللوم على راجلها اللي راح وخلا يماه وحدها مريضه​

كلامك صواب أختي، إذا الرجل سمح في يماه، واحد ما يقدر يلزم مرتو باش تقوم بيها، غير ولا كانت هي فيها الخير وتخاف ربي، وتعرف بللي واش تدير في صغرها يرجعلها في كبرها​

 

[العائدة الى الله]

hhhh mazalna sghar sahbti 3morha 9adna 17 ans rahi babntha fi 3morha 1mois mach ghir hiya na3raf bzf ali kifha 3morha 17 ans tadi wahad 3omro 35 ans ......3ich tchof wki tkamel 19 ans t9olak ani kraht hyati wndamt wach darhalak man alawal w tab9a hasla bzoj wlad wla ktar

ههههههههههههههههههههههههههههههههههه ايه ما زالنا صغار و الله صغار هههههههههههههههههههههه
هم برك حابين يكبروا رواحهم هبلوا الزواج مش لعبة اساسا بنات درك معجولين عالزواج برك
ربي يهدي
هههههههههههههههههههههههه عندك الحق واش داك تخربي حياتك او تفسديها
نورمالمو كملتي قرايتك و حققتي يلي تحلمي بيه و بعد ربي سيهل
ربي يهدي برك هذا واش نقول

 

[القطة الزهرية]

ههههههههههههههههههههههههههههههههههه ايه ما زالنا صغار و الله صغار هههههههههههههههههههههه
هم برك حابين يكبروا رواحهم هبلوا الزواج مش لعبة اساسا بنات درك معجولين عالزواج برك
ربي يهدي
هههههههههههههههههههههههه عندك الحق واش داك تخربي حياتك او تفسديها
نورمالمو كملتي قرايتك و حققتي يلي تحلمي بيه و بعد ربي سيهل
ربي يهدي برك هذا واش نقول

hhhhhhhhhh farahtini ki 9olti mazalna sghar waaaaaaaaay hhhhhhhh
bsah hazin hmom ktar 3lina mali khla9na whoma y9olona ali 9adkom atzawjo hhhhhh 3la biha labnat ta3 doka malhofin 3la azwaj hasbo rohom bayrin wtani manakdabch kayan ali tzawaj bsabat mo3amala ta3 khawatha adrari ki karholha hyatha t9olak nzawaj khitr man had lam3icha khasa ki tkon ambatla la9raya

 

[هدوء المطر]

و عليكم السلام و رحمة الله
واش راك سيفو ؟
هذا الموضوع مزالو بعيد علينا شوية مي معليش عجبني و حبيت نرد فيه...

أيا ونتوما يا لبنات تشرطو هذ الشرط ؟؟؟
شوف إذا كانت عاقلة و ما تحبش التنـgــريش نسكن معاها باسكو هذي الوالدة تاعو و من حقو باه يسكن معاها و ما يخليهاش وحدها ، ماشي كبراتو و تعبت عليه و من بعد نديه أنا بالساهل و نبعدو عليها ، و زيد بالزيادة في يوم من الأيام رايحة نولي أنا ثاني عجوزة و تجي واحدة تبعد عليا ولدي ، '' كما تدين تدان '' و تاني كما فرط في أمو اليوم ، يقدر يفرط فيا غدوة أنا ثاني بصح إذا عادت عجوزتي واعرة بزاااااااف وما تخلينيش نعيش حياتي آلاز ، نولي أوبليجي نشرط هذا الشرط
وإذا ماتحققش تقدري تعيشي مع أم راجلك ؟؟؟
إذا كانت عاقلة نعيش معاها نورمال
واذا كان قبيحة واش اديري هههههه ؟؟؟
نقول ربي يصبرني و خلاص
يعطيك الصحة خويا على الموضوع الزينون


​

 

[إيمان قلب]

السلام عليكم
احم احم اهلا سفيان راني حاسبة روحي جديدة فالمنتدى هههه
والله جذبني عنوان الموضوع قلت واخيرا واحد عطالنا الحق هههه
اممممممم والله موضوعك راه فيه تيارين
ماعلباليش اذا رايي معقول ولالا بالصح انا ضد الطفلة اللي تشرط تسكن وحدها
اذا كانت المبادرة من الراجل وبشرط رضاية الوالدين تجي نورمال بالصح هي تشرطو مايعجبنيش
صح كيما عجوزة كيما هذه الواحدة ماتقدرش تعيش معاها بالصح تاني مش من حق الطفلة تبعدها على وليدها
سورتو اذا كان هذاك ولدها الوحيد
كيما نعرف انا وحدة تزوجت بواحد غير هو عند يماه وشرطت تسكن وحدها وصح سكننها ومخلي يماه عجوزة وحدها ؟؟؟؟ والله ماهي جاية قاع
واش نقولك نهدر على روحي اذا ولات عجوزة كيما هذه وتحتمت على الواحد يعيش معاها يحاول يسايس وخلاص
اما على الشرط تاع الدار مستحيييل باسكو المعيشة مع العايلة عندها بنة اخرى ومنعرف هههه
يعطيك الصحة خيي على الموضوع وربي يصبر عمتك هههه
سلاامي​

 

[سيموني]

يا خويا هادي عجوزة وحدها هههههه..سيموني​