في هذي عندكم الحق يا لبنات ...

[نجاة40]

كي تكون دارك وحدك تتربح قدرك مع مرتك ومع امك وهي تربح قدرها مع عجوزتها و ماديرش مشاكل لراجلها
وهكا تعيشو عايلة هايلة
​

 

[Houda Chaouienne DZ]

السلام عليكم
أهلا أخي .. صحيت راك جايبها فالصواب
نستعرف بيك .. هههههههههه

أيا ونتوما يا لبنات تشرطو هذ الشرط ؟؟؟
نعم نشرطوا و مانرجعش فيه
وإذا ماتحققش تقدري تعيشي مع أم راجلك ؟؟؟
نو .. مانقدرش .. مانقلقها ماتقلقني .. نكونو مقادرين بعضانا من النهار اللول
واذا كان قبيحة واش اديري هههههه ؟؟؟
هي في دارها و انا في داري .. الله يسهل


مارسي ع الموضوع
​

 

[ماكانش]

يا خويا صعيبة في وقتنا بش تخرج وحدك؟

تقدر تشري دار ولا تبنيها و انت مولا 25 ولا 30 ؟؟
تقلي نكري.؟؟؟ الكرا تاني متحسبوش ساهل​

انا نسيبورتي لي يخلي مرتو في دارهم العام الاول تهز عوايد دارهم و تتأقم معاهم
ممبعد يشوف كفاش يطلق راسو​

و ربي يكون في عون العروسة لي عندها عجوزتها كيما هادي هههههههه
و متنساش حتى الراجل يتعب و يهبلووه كي تكون الحالة كما هك​

ان شاء الله متكونش كاش عجوزة مكونكتيا هنا تهز علينا دعوة ههههه
تقلك ان شاء الله تقعد باير طول عمرك يا مكانش ههه​

أهلا بيك يا النورس
ههههه
شكون ألي لقا دار وحدو
الهدرة هذي تسوى 500 مليون ههههه
ألي عندو ليستاع عادي وألي ماكانش راهو قاعد ههههه​

 

[Houda Chaouienne DZ]

حالياً الأعضاء النشيطين الذين يشاهدون هذا الموضوع : 9 (7 عضو و 2 ضيف) ‏Houda Chaouienne DZ, ‏♥بنت عنابة♥, ‏AHLEM1992, ‏ماكانش, ‏اجمل زهرة, ‏hannsg, ‏سميحة1

غاشي عظيم .. خلعكم العنوان وقيلة
هههههههه
​

 

[zaho1994]

كاين وكاين ماهوش الناس كامل كيفكيف
مبصح تبانلي المراة تسكن وحدها خير باش تتجني المشاكل ويقعد القدر بيناتهم وماتكرهش منهم وما يكرهوهاش
وكا يبقاو متفاهمييييييييييين وحباااااااااااااااااااااااااااااااااااب
مع احترامي للراي الاخر
تقبل مروري

 

[olympo]

ببساطة التيـ قد تسيئـ لوالدتيــ فلا احتاجها و الجنة تحتــ اقدامــ الامهاتـــ فهلــ ترضى هي ذلكــ لأمها
​

فلا ارضى بزوجة تتخذ من والدتيــ عدوة لها!!! بل تتخذ هي من والدتي كوالدة لها كما انا سأعتبر والديها بمثابة والداي و ستكونــ هيــ في يومــ أمــ

 

[ISMA.dz]

ماتنساوش حتى امهاتنا اذا ماراهمش عجايز راح يولو انشاء الله

نعامل العجوزة مليح باش نلقا الخير في بنات الناس ويتهلاولي في ماما

اعتذر عن التدخل

ليلة سعيدة

سلاااااااااام​

 

[*amina*]

ربي يصبرنا الا طحنا في دار كيما هكا
وكل وحدة يعطيها ربي على حساب نيتها
مهوش عيب الوحدة تطلب دارها هكا تربح ملاحتها مع غاشي راجلها وتقعد عزيزة عندهم ويقعدو عزاز عندها متربح عيبهم ميربحو عيبها
لكن اذا كان عجوزتها مسالمة وعاقلة تصير حتى يفرج عليها ربي خاصة اذا كانو مطايبين
لكن عقلية تاع تحاسب الكنةواش دارت وواش عملت هذ لالا
شكرا على الموضوع فالحق فيه هدرة بزاف لكن اختصرتها حتى نعيش التجربة ونوسع هدرتي

 

[zahya]

أهل بيك زهية
يبارك فيك
ونتي ثاني مبروك عليك الراجل راني نقرا غير عجوزتي عجوزتي ههههههه
مالا عجوزتك كي يما
الوالدة تاعي تبالي تشتي عرايسها كثر من بناتها ...
يعطيك الصحة وربي جيب ألي فيه الخير ...​

الله يسلمك خويا لعزيز وانت تاني ربي يجيبلك وحد لمرا صالحة وفالحة ( يعني شاطرة) ومالحة ( يعني زينة وشابة) .... وتاكد مليون في المائة انو كل انسان يدي غير واحد كيفو ويشبهلو ......وانت علابالي انسان زين وليد فاملية وربي يجمعك بالبنت الفاميلة لي تتهلى فيك وديرك في عينيها ....
اما عجوزتي انا نحبها باسكو وهي سباب وجود راجلي ولي يحب حاجة لازم يحب اصلها وفصلها ولا راني غالطة ..... كيما نحب وليدها لازم عليا نحبها ونديرها فوق راسي ......

 

[olympo]

ماتنساوش حتى امهاتنا اذا ماراهمش عجايز راح يولو انشاء الله

نعامل العجوزة مليح باش نلقا الخير في بنات الناس ويتهلاولي في ماما

اعتذر عن التدخل

ليلة سعيدة

سلاااااااااام​

1. باركـــ الله فيكـــ أختيـــ
2. الله يكثر منـــ امثالكــ فهنـــ للاسفـــ قلائلـــ و أغلبـــ بناتــ اليومــ انانياتـــ و يعتقدنـــ انــ فيـــ ذلكـــ شطارة!
   
3. تقيـــمــــ
   

 

[Houda Chaouienne DZ]

ماتنساوش حتى امهاتنا اذا ماراهمش عجايز راح يولو انشاء الله

نعامل العجوزة مليح باش نلقا الخير في بنات الناس ويتهلاولي في ماما

اعتذر عن التدخل

ليلة سعيدة

سلاااااااااام​

اسمحيلي .. مي مام يما مانتمناهالهاش

نتمناها تعيش وحدها و ربي يهنيها مع بابا و يحفظهولها

ماعندها ما دير بالعرايس و تكسار الراس

عفوا على تدخلي
​

 

[olympo]

و لكل بنتــ تسيئــ لحماتها أقولــ سيأتي يومـــ تصبحنـــ فيهــ حماواتـــ و سنرى و كما تدينــ تدانــ و تشربـــ منـــ نفســ الكأســـ
​

 

[FØùfà Bïô]

آحم آحم .. آهلآ خويآ سسفيآن ..

ههههـ فرحححت كي قريت العنوآن ... قلت سسفيآن قآلنــآ عندككم الحق ..xd

أيا ونتوما يا لبنات تشرطو هذ الشرط ؟؟؟
آممم .. آنآ منشرطآهش .. عندي عآدي ... ويلي كتبه ربي رآضضيه بيهـ ^^
وإذا ماتحققش تقدري تعيشي مع أم راجلك ؟؟؟
نورمـــــــآل .. مكآين حتى مششكل .. لآنهآ بآش تولي في مقآم مآمآ ..
واذا كان قبيحة واش اديري هههههه ؟؟؟
في رآيي مكآنش عجوزه قبيحه ههههـ .. والكل بالمسآيسسه تلين .. معنآهآ لوكآن بآش تقول على المآكله نعطيهآ المآكله .. آذآ على النظآفه نظف .. منخليلهآش على وآش تتكلم وترضى ههـ
وكل مششكل عندهآ حلل ..

°°°°°°°°°°°°°°°°°

يع‘ــطيك الصصح‘ــه خويآ على الموضوع ..

ورآك توجور مع الزوآج ههههـ
​

 

[lebien]

واش هادا؟؟؟؟؟؟
بالنسبة ليا واحدا لازملها دارها واحدها او الشكون اقولي علاش لعجايز احبوا اعيشوا معاهم عرايسهم باش لعجوزة التصيب باش التجوز الوقت جات راحت طيبت قعدة ؟؟؟ مي اسمحولي هادي ما شي لكامل لعجايز او تحياتي لكامل لعجايز

 

[lamilam88]

wach yekteb rabi marhba bih na9bel bih
w nbous yadi wajh w9fa wngoul elhamdolilah
chokran

 

[ماكانش]

يا خويا اذا قلقناك اسمحلنا
و انا مكان قصدي والو انا ناقشت الموضوع و خلاص بعيد على اي حاجة اخرى
سلام:re_gards:

ماتكان حتى مشكل خويا لعزيز
ربي يحفظك ويهنيك

 

[ماكانش]

كي تكون دارك وحدك تتربح قدرك مع مرتك ومع امك وهي تربح قدرها مع عجوزتها و ماديرش مشاكل لراجلها​

وهكا تعيشو عايلة هايلة​

أهلا بيك نجاة
هدرتك صواب وحق
بصح قليل ألي لاحق عليها ...​

السلام عليكم

أهلا أخي .. صحيت راك جايبها فالصواب
نستعرف بيك .. هههههههههه​

أيا ونتوما يا لبنات تشرطو هذ الشرط ؟؟؟
نعم نشرطوا و مانرجعش فيه
وإذا ماتحققش تقدري تعيشي مع أم راجلك ؟؟؟
نو .. مانقدرش .. مانقلقها ماتقلقني .. نكونو مقادرين بعضانا من النهار اللول
واذا كان قبيحة واش اديري هههههه ؟؟؟
هي في دارها و انا في داري .. الله يسهل​

مارسي ع الموضوع​

أهلا هدى
هههههه بابابا واش واعرة ههههه
أيا راني ماحبيتش نحشمك ونقلك ولوكان ألي خطبك هذا تشتيه وقالك نسكن مع دارنا عامين ولا ثلاثة ؟؟؟ ههههههه​

 

[مابقاش بزاف.Dz]

ههه كي العاده عدنا و العود احمد
موضوع مليح
اماا عن العجايز كي يكونوا مع الكنات ربي يستر ههه هذا عموما يقيموا فيها مشاكل كبار
ربي يلطف واش راه صاري و واش رانا نشوفوا فهاد الوقت غير ليبروبلام بين العجوز و العروس
بصح على حساب الاغلبية توجور البلا يجي من عند العجايز يكتروا بزاف حتى البنات يكرهوا و يحبوا يخرجوا
شكرا على الموضوع

 

[مينة آلاء الْقُدُّوس]

موضوع شباب اخي هية صح الاغلبية باه منقولوش كامل هادي هيا العقلية ديالهم لعجايز واعرين بزاف ويعسو كل كبيرة وصغيرة

بصح كاين ناس متقدرش تدير دارها وحدها الله غالب اذا كل وحدة تشرط دارها وخدها راهي خلات الناس قاع تبور
كي النسا كي الرجال
انا عندي بنت الاصل تشرط لهنا وخلاص وكون عاقلة وتشوف هاد لعجوزة كي يماها وتحملها اذا غلطت
انا يما كانت مع جدتي ميتاهموش قاع بصح نهار ماتت جدتي الله يرحمها قالتلي كون غير معندتهاش كامل
ياسعدك يافاعل الخير ونقلك كل واحد ربي يعطيلو على حساب قلبو........سلام
​

 

[Amoula ALG]

ههههههه
الحمد لله كاين واحد اعترف
انا نقلك الصح انا تنارفا ثمثم هههههه
يعني دار عايلة متخرجش عليا
كان راهي واعرة او طفرتها في روحها هههههههه
متسلكش مني ههههههه بويسك انا والظلم منتلاقوش
زعما تولي عجوزتي واعرة وتتحقر عليا غير هذي ماتصراش
ملا من اللول نخلي لقدر بيني وبين عجوزتي ومنعيشش معاها
ونحطها في عينيا ولي حابة تديرو تديرو المهم متهونيش ومذلنيش
يا انا نفسدها ولا هي هههههههه
يقلك العشرة تولد لعراك
وحاشا بعض العجايز الله يبارك عليهم مدايرين كناتهم كي بناتهم وعازينهم
وكاين لااله الا الله محمد رسول الله هههههه وقد متعاملهم مليح يقعدو كما راهم (الحقد ساكن فيهم)
ولمرا في اللخر واش تطلب من راجلها راهو حقها

خويا عندك تدير في بالك راني واعرة ولا قبيحة هههههههه (سور بعد ماقريت وش كتبت تقول هذي يا لطيف منها و و و ههههه)
انا وحدة لي يتعوج معايا يربح معايا غير لعيب
ولي عاملني مليح يكثر خيرو ونعاملو كما عاملني
نحب نعيش كما راني عايشة في الدار مش عيشة ذل وحقرة



اسمحلي خويا على لهدرة ياسر
وجعتلك راسك ههههههه
ومغسي على الموضوع+ تقييم​