هاو لحق الطحين ولا مكانش الرجال فالدزاير ولا كيفاش

[abidou 20081]

السلام عليكم

ياخويا غير بلعقل انت شفت غير الدخلة تاع الستاد باطل
مزال عندك ما تشوف

المهم كيما قال جحا تخطى داري

انا هذو الصوالح كامل ما يمشوش معايا
اختي و لا زوجتي من الدار ميبوجوش apar لا قدر الله المرض و لا كاش جنازة يخرجو و لازم نكون انا معاهم
لوكان تقول لواحد شد بنت و لا زوجتك فالدار يقلك واش دخلك
la civilisation
لوكان كل واحد يشد اهلو فالدار ميكون والو
ان شاء الله​

صحا فطورك وربي يتقبل الصيام اخي كاراكالا
قبل كلش نقولك ربي يحفظك ويخليك جزائري حر ومولا نيف تاع الصح والله لا يقدر على مومن حاجا ماشي مليحة وهذا لي حب يدي بنتو ولا زوجتو لستاد وعلاش نقولو شدهم خليه يديه الله لا يفيقو وإذا كان ذيوت واش رايح نديلو ياك طريقو باينة ستاد قدامو ويوريلنا التقدم والحضارة تاعو
كاينين لي ماعندهم لا غيرة ولا شرف والله غير تحلالهم باش يزوقو شوية هدرة وإذا حب يديها تستمتع بالكلام الجميل شكون لي يشدو وحتى الدخلة راهي باطل غير يجيب معاه ختو ولا مرتو راهم يدخلوه باطل في خاطرها
ربي يحفظك ويخليك خويا وربي يعطيك ماتتمنى
تقبل الله الصيام والقيام وصالح الأعمال
دمت جزائري حر ​

 

[abidou 20081]

النية بغونا نخلو المدرجات للبابيش الجزائري باه يتفرج حكمو الحكومة وحكمو مناصب الشغل وحكم الارض والسماء منعت منهم

صحا فطورك خويا عدنان وربي يخليك هذي غيبة

واش تحب نقولك خويا النية واضحة مادابيهم يبعتو بنات الناس لي ستاد كيما راهم يديرو بيهم فالبيراوات وكامل نعرفو هذ الشيء وكيما قلت حكمو كلش غير الله غالب جاهم السما بعية وما قدرولهاش بصح راهم غالطين في حسابهم و الشردمة من القرة لي جمعوها هذاك النهار راهي تمثل غير في نفسها وحاشا بالله باش يكونو جزائريين فحولة وتاع نيف وراه هذ النوع واجد في كل بلاصة ويعرفوهم كامل ربي يخليك خويا عدنان وربي يعطيك ماتتمنى ويفتح في وجهك كل بيبان الخير
تقبل الله منا ومنك ومن الجميع الصيام والقيام وصالح الأعمال دمت جزاري حر وأصيل ​

 

[ramos el soufi]

الله يستر هذا واش نقدر نقول
​

 

[أحلام البليدية]

اذا كان الشعب مربي مكاين والو كي يروحو لينات نورماااااااال حنا تاني بلادنا ونحبو نشجعوها و لبنات يديرو الموفمو كترمن لولاد هههههه
مي الله غالب هذي هيا
شكرااااا

 

[abidou 20081]

الله يستر هذا واش نقدر نقول
​

صحا فطورك خويا وربي يتقبل
عندك الحق واش تزيد تقول فوق الله يسترنا وهما لي بغاو يكشفونا ربي يجيب الخير برك وربي ينورك كيما نورت الصفحة بالطلة تاعك وربي يحفظك ويخليك خويا ​

 

[الأستاذ مصطفى]

صح .............................

 

[Mr mino]

صح .............................

 

[abidou 20081]

اذا كان الشعب مربي مكاين والو كي يروحو لينات نورماااااااال حنا تاني بلادنا ونحبو نشجعوها و لبنات يديرو الموفمو كترمن لولاد هههههه
مي الله غالب هذي هيا
شكرااااا

صحا فطورك ختي أحلام وربي يتقبل

هذ الكلمة لي قولتيها ختي إذا كان الشعب مربي كبيرة بزاف بزاف ماشي كامل الناس كيف كيف ونزيدك حاجا إذا كان الشعب ماشي معنتها التربية أنها تروح الطفلة لستاد راني معاك في كلمة بلادنا كامل ونشجعوها وأنا مارانيش ضد التشجيع باش تفهمي كلامي راني ضد باش يحولو الأنثى إلى رجل ويحولوها إلى سلعة للعرض وراني ضد الإنحلال الخلقي بصح ماشي معنتها نشجع الفريق الوطني يعني نطلع لستاد الجزائر فيها قريب 40مليون نسمة كامل راهم يطلعو لستاد ماكانش منها فيها الملايين من الرجال يشجعو الفريق الوطني ومايطلعوش لستاد واش صرالهم ولا يتسماو ماراهمش مشجعين لالا ختي الطفلة بلاصتها ماشي فالستاد وزيد قولتي الطفلة تدير الموفمو كثر من لولاد ماظنيتش هذي وماتدخلس في لاميموار تاعي كامل واش جاب الهول تاع الدراري لطفلة نستعرف تفوتونا بحاجا وحدة ولي هي الزغاريد هذي مافيها شك بصح حاجا تاع الهول هذي مايصنعوها غير الدراري وأصلا هما لي خرجوها ختي أحلام المشكلة الإختلاط وين كان ماجابش نتائج مليحة وين فالستاد يكون إنسان شوية واقعي والطفلة إذا دخلت لستاد تفقد كل الأنوثة تاعها ويصبح ينظر لها كأنها راجل ربي يحفظك ختي وربي يخليك وربي يعطيك ماتتمني ونورتي الموضوع
تقبل الله منا ومنك ومن الجميع الصيام والقيام وصالح الأعمال ​

 

[abidou 20081]

صح .............................

خويا الكناري صحا فطورك

الصح ولا صعيب مع هذا الناس ومنين نفهموهم مايفهموش ربي ينورك وربي يخليك وربي يعطيك ماتتمنى
دمت وتقبل الله منا ومنكم الصيام والقيام وصالح الأعمال ​

 

[abidou 20081]

صح .............................

صحا فطورك خويا مينو واش تفهمت أنت والكناري على كلمة وحدة ماعليش خويا كيما قلت الصح حتى واحد ماقبلو ولا الصح غالط في هذ لبلاد ربي يجيب الخير برك وربي يحفظك ويخليك وربي يفتح عليك خويا
وتقبل الله منا ومنكم الصيام والقيام وصالح الأعمال ​

 

[x123]

ياخي تعليقي راك قلته فعنوانك
مابقاش الرجال
و بنات مين مايلقاوش لي يتحكم فيهم ................

نورمالمو دراهم او ماشي دراهم ممنوع صطاد على بنات
و حتى و لو الدولة تع كلاب اسمحلي على هادي الكلمة لكن صح
نحير كيف البنت تقبل على روحها تروح لصطادو و توقف مع 25 الف راجل
ربي يهديهم

ندور ندور و نجو نقولو العيب فالشعب
ادا اصحاب الحكومة كفار و ذئاب ملازمش نوافقوهم


ربي يهدينا ربي يهدينا


تقبل مروري اخي
​

 

[abidou 20081]

ياخي تعليقي راك قلته فعنوانك
مابقاش الرجال
و بنات مين مايلقاوش لي يتحكم فيهم ................

نورمالمو دراهم او ماشي دراهم ممنوع صطاد على بنات
و حتى و لو الدولة تع كلاب اسمحلي على هادي الكلمة لكن صح
نحير كيف البنت تقبل على روحها تروح لصطادو و توقف مع 25 الف راجل
ربي يهديهم

ندور ندور و نجو نقولو العيب فالشعب
ادا اصحاب الحكومة كفار و ذئاب ملازمش نوافقوهم


ربي يهدينا ربي يهدينا


تقبل مروري اخي
​

صحا فطورك خويا المجهول وربي يتقبل
نقولك يعطيك الصحة على المشاركة تاعك القيمة ولكلام الرجالة تاع الصح يأخي الطفلة لي تسمح لروحها تروح لستاد أعرف بلي فقدت أدنى كرامة و فقدت معاها كل المعاني كلمة الأنوثة والوالدين لي يسمحو لبناتهم يطلعو لستاد مع أني أشك في العائلات الجزائريات أن تسمح بذلك لكن البعض لي يسمح هذو نقولك يأخي غير الديوث ولي ماعندوش أصل لي يدي بنتو لستاد ولا مرتو بالنسبة للسلطة نقولك خويا إذا كان فيهم لي مايحشمش ولا ما يعرفش التقاليد ولا ما يحترمش الديانة الإسلامية تأكد خويا بلي دار القانون وعلى بالو بلي ماشي بنتو ولا مرتو لي تروح لستاد منها تعرف بلي حب يزهى ببنات الناس كيما راهم يديرو فالبيراوات ولا فالخدايم وهذي كامل نعرفوها يعني يخاف على عرضو وأعراض الناس ماعلابالوش بيها وتأكد خويا بلي ماراهم خاسرين حتى حاجا يعني هما يشجعو ويستناو إذا حكمت مليحة ماحكمتش يلعبوها يدورو في رايهم ويدعاو بالإسلام كيلي ماصرى والو خدمة المنافقين
ربي يخليك ويحفظك خويا وربي يعطيك ماتتمنى وربي يتقبل منا ومنكم الصيام والقيام وصالح الأعمال ​

 

[debcha-sat]

عندك حق والله ربي يسلم فمك على الي قلتو انا نتمنى نروح للستاد مي جامي فكرت نروحلو و الله يهدي المسؤولين الي راهم يديرو هكا من المفروض نحافظو على المراة الجزائرية ماشي نطيحو بيها ****شكرا على الموضوع

 

[أحلام البليدية]

صحا فطورك ختي أحلام وربي يتقبل ​

هذ الكلمة لي قولتيها ختي إذا كان الشعب مربي كبيرة بزاف بزاف ماشي كامل الناس كيف كيف ونزيدك حاجا إذا كان الشعب ماشي معنتها التربية أنها تروح الطفلة لستاد راني معاك في كلمة بلادنا كامل ونشجعوها وأنا مارانيش ضد التشجيع باش تفهمي كلامي راني ضد باش يحولو الأنثى إلى رجل ويحولوها إلى سلعة للعرض وراني ضد الإنحلال الخلقي بصح ماشي معنتها نشجع الفريق الوطني يعني نطلع لستاد الجزائر فيها قريب 40مليون نسمة كامل راهم يطلعو لستاد ماكانش منها فيها الملايين من الرجال يشجعو الفريق الوطني ومايطلعوش لستاد واش صرالهم ولا يتسماو ماراهمش مشجعين لالا ختي الطفلة بلاصتها ماشي فالستاد وزيد قولتي الطفلة تدير الموفمو كثر من لولاد ماظنيتش هذي وماتدخلس في لاميموار تاعي كامل واش جاب الهول تاع الدراري لطفلة نستعرف تفوتونا بحاجا وحدة ولي هي الزغاريد هذي مافيها شك بصح حاجا تاع الهول هذي مايصنعوها غير الدراري وأصلا هما لي خرجوها ختي أحلام المشكلة الإختلاط وين كان ماجابش نتائج مليحة وين فالستاد يكون إنسان شوية واقعي والطفلة إذا دخلت لستاد تفقد كل الأنوثة تاعها ويصبح ينظر لها كأنها راجل ربي يحفظك ختي وربي يخليك وربي يعطيك ماتتمني ونورتي الموضوع

تقبل الله منا ومنك ومن الجميع الصيام والقيام وصالح الأعمال ​

شكرا خويا وعندك الحق فلي قلتو و احترم رأيك
مي لوكان يخصوا جهة صغيرة للبنات مافيها والو وما نشوفش بلي الطفلة تفقد انوثتها حتا هي تحب اديفولي شويا هههههه المهم ادير قيمة لروحها باش الناس يقيموها هذا رأيي
وكي قتلك الشعب ماشي مربي علبالي بلي ماشي كامل هذي حاجة باينة :001_rolleyes:
وكي قتلك لبنات يديرو الموفمو كترمن الذكورة كنت نتمسخر برك هذي باينة على الضحكة الي درتها نتاع الصح الذكورة هوما الي يديرو الهول هذي من عند ربي مي حنا كيما قلت انت نعاونوهم بالزغاريد يو يو يو يو يو يو يو يو يو يييييييييييييييييييييييييي وفي الاخير مبروك علينا
صحا فطورك خويا وتقبل الله مني ومنك صالح الاعمال
تقبل احترامي ومروري:thumbup:

 

[سلوى البتول]

باينة وحدة من لي بعثوها والديها تقرى فالجامعة
هده الجملة ما رضيتش عليها ........
(( ما يلفظ من قول إلا لديه رقيب عتيد ))

 

[x123]

صحا فطورك خويا المجهول وربي يتقبل
نقولك يعطيك الصحة على المشاركة تاعك القيمة ولكلام الرجالة تاع الصح يأخي الطفلة لي تسمح لروحها تروح لستاد أعرف بلي فقدت أدنى كرامة و فقدت معاها كل المعاني كلمة الأنوثة والوالدين لي يسمحو لبناتهم يطلعو لستاد مع أني أشك في العائلات الجزائريات أن تسمح بذلك لكن البعض لي يسمح هذو نقولك يأخي غير الديوث ولي ماعندوش أصل لي يدي بنتو لستاد ولا مرتو بالنسبة للسلطة نقولك خويا إذا كان فيهم لي مايحشمش ولا ما يعرفش التقاليد ولا ما يحترمش الديانة الإسلامية تأكد خويا بلي دار القانون وعلى بالو بلي ماشي بنتو ولا مرتو لي تروح لستاد منها تعرف بلي حب يزهى ببنات الناس كيما راهم يديرو فالبيراوات ولا فالخدايم وهذي كامل نعرفوها يعني يخاف على عرضو وأعراض الناس ماعلابالوش بيها وتأكد خويا بلي ماراهم خاسرين حتى حاجا يعني هما يشجعو ويستناو إذا حكمت مليحة ماحكمتش يلعبوها يدورو في رايهم ويدعاو بالإسلام كيلي ماصرى والو خدمة المنافقين
ربي يخليك ويحفظك خويا وربي يعطيك ماتتمنى وربي يتقبل منا ومنكم الصيام والقيام وصالح الأعمال ​

و الله خويا كل لي قلته صح
خاصة القضية تع الاصل و الكرامة
تبارك الله راك متميز خويا
و مواضيعك ديما فالمستوى
ربي يحفظك
بارك الله فيك
صح فطورك
تقبل الله منا و منكم
​

 

[abidou 20081]

شكرا خويا وعندك الحق فلي قلتو و احترم رأيك
مي لوكان يخصوا جهة صغيرة للبنات مافيها والو وما نشوفش بلي الطفلة تفقد انوثتها حتا هي تحب اديفولي شويا هههههه المهم ادير قيمة لروحها باش الناس يقيموها هذا رأيي
وكي قتلك الشعب ماشي مربي علبالي بلي ماشي كامل هذي حاجة باينة
وكي قتلك لبنات يديرو الموفمو كترمن الذكورة كنت نتمسخر برك هذي باينة على الضحكة الي درتها نتاع الصح الذكورة هوما الي يديرو الهول هذي من عند ربي مي حنا كيما قلت انت نعاونوهم بالزغاريد يو يو يو يو يو يو يو يو يو يييييييييييييييييييييييييي وفي الاخير مبروك علينا
صحا فطورك خويا وتقبل الله مني ومنك صالح الاعمال
تقبل احترامي ومروري

صحا فطورك ختي أحلام وربي يتقبل

شوفي ختي أحلام باش ماتنوفق عليك ومانعرفش أصلا نتنوفق أنت راكي تحطي في إقتراحات يعني يحطو جهة خاصة للبنات والمشكلة ماشي جهة خاصة ولا في غاشي يطلع لستاد وما يقولش قدامهم كلام طايح المشكلة هي أصلا فالمكان لي ماعندوش علاقة كامل بالأنثى يعني ماراهيش بلاصة تاع أنثى أصلا ومن كلامي مارانيش نقصد بلي الأنثى ماعندهاش الحق تشجع سواء فريق بلادها ولا فريق تاع ولايتها يعني النادي تاعها من حقها تشجع ومن حقها تفرح لكن ماشي في لي ستاد ومن حقها ديفولي تاني بصح عندها حوايج بزاف تديفولي فيهم وحتى الطفلة عندها حوايج كثر من الدراري فالديفولاج بانتلها غير على ستاد لي ديفولي فيه ونقولك حاجا ختي احلام اليوم على خاطرش الطفلة ماراهيش تطلع لي ستاد تشوف فيها تديفولي بصح والله يالوكان غدوة تولي عادي تطلع لي ستاد والله غير تعرف بلي ماكاين حتى ديفولاج في لي ستاد هذا إذا قلنا ماكانش حتى مشكل ولا حتى هدرة أما إذا تصورنا أمر أخر لي هو مقابلة سخونة ويجيك حكم تاع ماتش يخدم على فريق أخر كيما الكثير من الحكام لي رانا نشوفو فيهم شكون هذا من الشعب لي يحكم في روحو ولا نولو كامل كيف كيف كي الطفلة كي الطفل نطيحو لهذ لاربيت الحكم ولا تغلق ودنيها واش هو الموقف تاعها وهذا نحو منها المضاربة والفوضى غير الهدرة رانا فالزنقة والواحد ماسلكش وين ستاد وزيد ماننكرش بلي الطفلة ولا لمرى تزيد تعطي نكهة للتشجيع بالزغاريد كيما قلتي وحضرنالهم صح في شحال من ديفيلي بصح من لي بالكون ولا في وسط عائلتهم ماشي في لي ستاد وتأكدي ختي بلي مارانيش ضد البنات بصح راني ضد لفساد ولوكان جيت نفكر فالزهو برك كيما يفكرو بعض ضعاف النفوس لوكان راني أنا تاني نشجع ونقول وعلاش الطفلة ماتطلعش لستاد وماشي ماعنتها ماعنديش طفلة نخاف عليها خلاص يعني ندير بنات الناس كامل كيف كيف لالا كامل راهم ولاد وبنات بلادي وما نبغيلهم غير الخير ومادابيا تاني نشوفهم غير الفوق وأنا واحد منين يجي واحد براني ويقول بنات الدزاير ماشاء الله متمسكين ماشي كيما بنات الدول الأخرى يزيد فيا النص ماشي كيما يقعد يطيح بيهم ونتمنى فهمتي واش راني نقصد وفي الأخير نقولك مبروك علينا وعليك وعاودي فيها تزغريدة أخرى وربي يحفظك وربي يخليك وربي يعطيك ماتتمني ختي وصحا فطورك وربي يتقبل ومرورك أسعدني حقا كيف لاأقبله فهو شرف لي ربي ينورك دمتي ​

 

[abidou 20081]

باينة وحدة من لي بعثوها والديها تقرى فالجامعة
هده الجملة ما رضيتش عليها ........
(( ما يلفظ من قول إلا لديه رقيب عتيد ))

صحا فطورك ختي بتول وربي يتقبل

شوفي ختي بتول الإنسان يقول الحق يالوكان يكون مر أنت ماعجباتكش الكلمة وكيلي رجعتي محامية على كامل لبنات وكلنا نعرفو بلي واش راهم يديرو البعض منهم كثر حتى من طلوع لي ستاد هذي ولوكان نبدى نستف درك الصفحة ماتخلاصش يعني ماشي والديها يبعثوها تقرى تلقى الحرية وتبدى تدير في رايها ومنهم لي مايحبوش يرجعو حتى في العطل يعني يكذبو على والديهم بلي راهم شدونا وعندنا الراتراباج والإمتحانات غير باش يكملو يقعدو وزيد وزيد وهذ لحوايج كامل نعرفوها ونزيد نقولك حتى في موسم الإصطياف كاين لبنات لي يخرجو من ديارهم ومن وسط عائلتهم هكذاك وتلقايها لابسة لبسة نقولو شوية مقبولة بصح هذ النوع لي قاعد يكذب على والديه روحي لي بلاج تشوفي حتى اللبسة لي لابسينها والله غير القاوريات ويحشمو بيها بلا ماندخلو في تفاصيل أخرى وحتى نبدى نستفلك في الفيديوات لي راهم متصورينهم مخك يحبس وعلى هذي ماكان علاش نغطو الشمس بالغربال باش واحدة تخرج من دار باباها وتقولهم راني طالعة لستاد هذي ماكانش منها بصح يقدرو يكونو من النوع هذا عادي وأنت قلتي عليا أية لي تقول ما يلفظ من قول إلا لديه رقيب عتيد وأنا نقولك ماعليش نتقبلها وأنت تقدري تتحملي على رقبتك هذ الأية وتقولي ماكانش منها لي رانا نهدرو فيه وإذا تحملتيها على رقبتك نعاهدك بلي نحط إعتدار ونطلب من المشرف يغلق الموضوع
ربي يعيشك ختي وربي يحفظك وربي يعطيك ماتتمني وربي يتقبل الصيام والقيام
ونقولك ختي مايغيضكش الحال على حاجا خاطياتك وكل واحد يعرف روحو واش من مكان راه فيه والصراحة عمرها ماكانت ماشي مليحة ربي ينورك كيما نورتي الصفحة دمتي
​

 

[abidou 20081]

و الله خويا كل لي قلته صح
خاصة القضية تع الاصل و الكرامة
تبارك الله راك متميز خويا
و مواضيعك ديما فالمستوى
ربي يحفظك
بارك الله فيك
صح فطورك
تقبل الله منا و منكم​

صحا فطورك خويا وربي يتقبل

ونقولك والله شهادة أفتخر بها وأعتز بها من عضو متميز مثلك ونقولك
حتى ردودك ماشاء الله عليها وربي يبارك فيك
وربي يحفظك ويرعاك ويعطيك ماتتمنى خويا
دمت ودام تميزك ​

 

[أمل حياتي]

الله غالب راحو الرجال وراحو الرجال,بعد شايفين بناتهم واش عاملين ف لجامعة مابقاش.شكرا ع الموضوع