بقــــلات طيلــــة شهـر رمضــان كل الأعضـاء أدخل ، أعقــــد و انـــوي و قــرا فـــالك ال

[jinan27]

لحمد لله

إنا لله و إنا إليه راجعون
لله ما أخذ و لله ما أعطى
اللهم أجرنا في مصيبتنا و اخلف علينا خيرا منها
قولي

آميـــن

آميـــن وانا دائمة الدعاء به ان شاء الله ربي يعوضنا خير
​

 

[zahra09]

​

شفتي حبيبتي زهرة وش عاملين الحنونين ههههه ننصحك ما تديري حنون ما تحصلي خلي قلبك مهني

تقدري تقولي النصيحة جات متاخرة مي معليش

يعطيك الصحة على البوقالة والله تنحي الغمة عجبتني بزاف
وهذي في خاطرك انوي يا زهرة بصح مش على الحنون ههههه
يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

ربي يخليك

صحة سحورك

الله يسلمك نتي تانيت​

[/quote]

 

[وردة الروح]

شكــــرا جزيــــلا
لكــــل من مر من هنــــا
رمضـــانكـــــــم مبـــارك​

 

[وردة الروح]

بســـــم الله
هــــذي البوقــــالة في خاطــــر حبيبي الصغـــــير
قــــرة عينـــــي
و حبــــــة قلبــي
راني اعقدت و نويتها عليك
يا حبيبي
يا قمر قلبي
يا شمس فؤادي
الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا
ربي يحفظك يا غالي ​

 

[وردة الروح]

حبيبتـــي
جينـــــان
صــــح فطـــــورك
راكي طولتي
وقيلا مزالكي قدام الميدة تاكلي
هههههههههههه
بالعقل عليك أرواحي انبوقلو أمبعد روحي كملي ماكلتك
و لا راكي قدام ميدة لتاي و البقلاوة
هههههههههه
على كل بصتحك
و هذي البوقالة في خاطرك
انوي و عقدي
بسم االله
قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي لي تسيل؟؟؟

سهـــــرة ممتعــــــة ​

 

[jinan27]

حبيبتـــي ​

جينـــــان
صــــح فطـــــورك
الله يسلمك وانتي زادة صحة فطورك حبوبة
راكي طولتي
توحشتيني ...ههههه هذاك هو كنت مع الكوزينة ،،يا يمة على ماعن رمضان
وقيلا مزالكي قدام الميدة تاكلي
هههههههههههه
خصتني خير الماكلة عندنا السخانة بزاف يحلالي غير الماء
بالعقل عليك أرواحي انبوقلو أمبعد روحي كملي ماكلتك
اني جيت حبيبتي وجدي روحك للبوقالة ههههه
و لا راكي قدام ميدة لتاي و البقلاوة
هههههههههه
على كل بصتحك
على كل الله يسلمك
و هذي البوقالة في خاطرك
انوي و عقدي
بسم االله
قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي لي تسيل؟؟؟​

سهـــــرة ممتعــــــة ​

الله يخليك على البوقالة اللي عجبتني​

دالتك انوي واعقدي وعندك تنويها على الحنون بسرقة عليا هههههههههه
دزيت باب الحبيب ...دفة على دفة...فراشو من حريرنرقد وندفا...بوقالو من ذهب نشرب لا نروى...وكلامو من عسل...غير نذوق نشفى
سلام​

 

[وردة الروح]

الله يخليك على البوقالة اللي عجبتني
إعيشـــك حبيبتي
إطول عمــــرك


دالتك انوي واعقدي وعندك تنويها على الحنون بسرقة عليا هههههههههه
باخي البارح قتلك بليك الحمد لله راني مهنية راسي
لاحنون و لاهم يحزنون
العام الماجي إنشاءلله راني ندخل و ننوي على حنوني الي هو زوجي الحبيب
قــولي
آميــــن
ههههههههههههههه​

دزيت باب الحبيب ...دفة على دفة...فراشو من حريرنرقد وندفا...بوقالو من ذهب نشرب لا نروى...وكلامو من عسل...غير نذوق نشفى
والله غير زين شابـــة
انشاءلله هذا زوجي الفاضـــل
ربي يحفظــــه و يطـــول في عمره
صح سحــــورك يا الغاليــــة ​

 

[وردة الروح]

و هـــذي في خاطــــر
العزيـــز على قلبــي الغائــب
ربي إجيـــبو و يــرد في ساعـة قريبــة شابـة و حنينــة
اللي ربي فقط أعلـــم بحوالـــو
انت سبيبط.... وانا خويط فيك.... انت سنيسلة.... وانا خمسة تحميك... انت خويتم وانا حجرة تبهيك ...وين تروح تلقاني وغير انا لي نديك
مجيئــــا قريبــــا بحـــول الله تعالى ​

 

[jinan27]

السلام عليكم
صحة فطورك حبيبتي وردة الروح
انوي واعقدي هالبوقالة ليك
بسم الله بديت وعلى النبي صليت
نزلت للبحر وجدت الرمل يغلي, حملت بيدي و حطيت في حجري, و الشاب إلي نساني راني عليه ندعي, إن شاء الله يرجع لي بحري.
يا رب تعجبك
ودي
​

 

[jinan27]

تاني بوقالة في خاطر حبيبتي جزائرية توب
ونقلك صحة رمضانك وصحة فطورك ،،وينك غيبت ؟؟
انوي واعقدي
بسم الله بديت وعلى النبي صليت
عينيك الزروقا, و حواجبك زادو مشقة, و خدودك مصنع عليها الورد, يا زينة المنطق نجيك بالتفاح ضربتيني ضربة بانوا لجراح, و قلبي عندك, ما لقيتلو مفتاح.
يا رب تعجبك
سلامي لك ​

 

[وردة الروح]

مرحــــــبا يا الغالية ديـــال قلبي
صــــح فطـــــوط
اليوم راكي جيت ثم ثم
غير الخير
واش الشهية راهي ماكنش ؟؟؟
ولا اليوم ماشي دالتك في غسيل الماعن ؟؟؟؟
يعطيــــك الصحــــة على البوقالـــة الشابة
و هذس تولويلة على عمري
يويوووووويوووووووووووووووووياااااااااااااااااااا
و هذي البوقالة عليك
بسم الله
انوي و عقدي
دخلت الى الدار ..لقيت خطابة في البيت ..شديت منديل و ابكيت ..لكن في قلبي حبيت
يوووووووووويوووووووويوووووووووووووووووويااااااااااا
يا ربي عن قريب نسمع بيك تخطبتي للراجل انتع الصح
ماشي شبشاقة
هههههههههه
على ربي تعجبـــــك
سهـــــرة ممتعـــــة ​

 

[وردة الروح]

هـــــذه البوقالــــة في خاطــــر حبيبتي
نـــور
اللي عندها مدة ما بانت
خير حبيبتي
على ربي تكوني بخير
بسم الله
يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك
يويووووووويوووووووويوووويااااااااااااااااااااااااااااا
غيبة فيها الخير
انشاءلله
و عودة قريبة ​

 

[وردة الروح]

صــــــح فطــــورك حبيبتي
123zahra​

تنشاءلله راكي مليحة
هذي البوقالة في خاطرك
بسم الله
قلبي على جمرة و قلب حبيبي عل تمرة بعثت لو وردة حمراء و قلت لو الخديعة مرة ..قال لي و الله ما نخدعك حت يروح نعشي للمقبرة
يويوووووويوووووووويااااااااااااااااا
على ربي تعجبك
سهـــرة ممتعـــة ​

 

[وردة الروح]

و هــــــذي على
ور الـــــروح دة
بشمعتي ضويت للغير و دموعي عالخدود تسيل. بربي تضوالي شمعتي و تتمسح على خدودي دمعتي , و يبدل ربي الساعة و تشاركني يا الغالي فرحتي.
اللهم آميــــن
​

 

[jinan27]

مرحــــــبا يا الغالية ديـــال قلبي
اهلين حبيبتي صحة فطورك

صــــح فطـــــورك
الله يسلمك
اليوم راكي جيت ثم ثم
غير الخير
واش الشهية راهي ماكنش ؟؟؟
سبقتك اليوم انتي وقيلا اللي شهيتي الماكلة اليوم هههههه تاكلي بالصحة والهنا
ولا اليوم ماشي دالتك في غسيل الماعن ؟؟؟؟
دالتي ديما بصح اليوم كانو قلال خاطر فطرت غير انا واختي والديا تعرضو عند اختي المتزوجة
يعطيــــك الصحــــة على البوقالـــة الشابة
و هذي تولويلة على عمري
يويوووووويوووووووووووووووووياااااااااااااااااااا
تعرفي تزغردي ههههه
و هذي البوقالة عليك
بسم الله
انوي و عقدي
دخلت الى الدار ..لقيت خطابة في البيت ..شديت منديل و ابكيت ..لكن في قلبي حبيت
يوووووووووويوووووووويوووووووووووووووووويااااااااااا
يا ربي عن قريب نسمع بيك تخطبتي للراجل انتع الصح
ان شاء الله مع بعض نتخطبو لرجال صح مش شباشيق هههههه
ماشي شبشاقة
هههههههههه
والله ضحكت من قلبي على شبشاقة هههههههههه
على ربي تعجبـــــك
عجبتني بزاف ربي يحفظك

سهـــــرة ممتعـــــة

شكرا ولك ايضا​

 

[وردة الروح]

صــــــــح فطـــــــورك
حبيبتي جينـــــان
أرجو أن تكملي شغل البيت اليوم باكرا
و هذي البوقالة في خاطرك

يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .

أرجو أن تنال إعجابكــ
سهــــرة ممتعـــــة
​

 

[وردة الروح]

أهلا بك حبيبتي
وردة الشــــوق
في قعدتنا الشابة هذي
البوقالــــــة
و هذي في خاطــــــرك
أعقـــدي
انـــوي
بسم الله


علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
يا ربي تعجبـــــــك
سهـــــرة ممتعــــــة ​

 

[وردة الروح]

صـــــح فطــــــورك
أهـــــلا حبيتي
نــــــور
مراكيش تباني هذي الأيامات
انشاءلله غيـــر العافيــــة
و هذي البوقالة في خاطرك
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
عودة قريبــــة
​

 

[jinan27]

السلام عليكم​

​

​

صحة فطورك عزيزتي
وردة الروح
يعطيك ربي ما تتمناي ،،،طبعا تعجبني البوقالة راهي هايلة
وهذي البوقالة في خاطرك ويا رب تعجبك
امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .
وهذي زغرودة في خاطرك
يوووووووووووووووووووووووييييووووووووووووووووي

سلامي لك​

​

​

​

 

[ملكة زماني]

البوقالة 7

:
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

انشا الله
شكرا لك على البوقلات الرائعة