بقــــلات طيلــــة شهـر رمضــان كل الأعضـاء أدخل ، أعقــــد و انـــوي و قــرا فـــالك ال

[zahra09]

حـــبيبتي

نـــــور
صــــح فطـــــورك
هذي البوقالة في خاطرك
اعقـــدي
و نــــوي
بسم اله بديت و على النبي صليت و على الصحاية رضيت
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة. ​

ســـــلام ​

السلام عليكم

ربي يخليك ان شاء الله

اسفة على التاخر

على فكرة انت عضوة مميزة جدا لاحظتك فمنتدى حواء كي كنت مشرفة​

 

[نور الشحرورة]

صديقتي وردة الروح
صباح الورد يا أجمل وردة
سامحيني لأني ما رديت على بوقالاتك لأنو في هذا الوقت ما أقدر أكون بالمنتدى
و الله عجبتني كتير البوقالة
و أنا ننوي عليك هذي

البوقالة 10

:
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
ربي يرحمك و يقضي كل حاجاتك في هذا الشهر العظيم
دمت بود ​

 

[وردة الروح]

صـــــح فطــــوكك
و رمضانكم مبارك و تقبل الله منا الصيام و القيام و صالح الأعمال
أحبائــــي أهـــل اللمة الكـــرام
أرجو أن تكونوا بخير
و هذي البوقالة في خاطركم كاملين
أعقـــــــدوا
أنـــويـــــو
بسم الله بديت و على النبي صلية و على الصحابة رضيت

خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

صـــــح سحــــــوركم ​

 

[boutarfaya_2]

هذا وش تعرفوا يا البنات ياك؟
هههههههههه...
​

 

[وردة الروح]

و علاش ما عجبكش الحال يا
أخونا
boutarfaya_2
زيد أحنا نعرفو بزاااااااااااف حوايج
؟؟؟
باين بليك راك تقرا الموضويع اللي تتحط في اللمة بلى ما تشوف شكون الي دارهم
ويلا ولد و لا بنت
لازم تركز منا وجاي باك
ههههههههههههههه
و هذي في خاطرك
مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .
على ربي تعجبك ​

 

[souzan]

البوقالة 3

:
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة
مرسي على الموضوع
​

 

[souzan]

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل

​

 

[Rohana]

دّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ

يعطيك الصحة يا وردة الروح يستاهلوا عندهم ما داروا فينا "التماسيح و السحالي"

وردة الروح زيدنا وحدة في خاطرنا يعطيك الصحة
​

 

[jinan27]

السلام عليكم
صحة فطوركم ناس اللمة الأعزاء
صحة فطورك حبيبتي وردة الروح ،،انوي هذي البوقالة في خاطرك
بسم الله بديت وعلى النبي صليت
يا البنية انسي إلي نساك, و إلي ما هو ليك يعييك.
اتمنى تعجبك وهذي زغرودة ليك
يوووووووووووووووووووووييييووووووووووووي
سلام​

 

[jinan27]

تاني بوقالة في خاطر أختي ربي يخليها ليا
بسم الله بديت وعلى النبي صليت
إذا انت ليل أنا نجمة اضويك , و إذا انت بحر أنا موجة أقويك , و إذا انت ربيع أنا وردة أبهيك , و حلفت غير أنا إلي نديك
وهاي زغرودة ليك
يوووووووووووييوووووووووي
ان شاء الله تعجبك

​

 

[jinan27]

ثالث بوقالة في خاطر ناس اللمة
بسم الله بديت وعلى النبي صليت
نزلت عند البحر و غسلت رجليا , و جبت مرود كحل و كحلت عينيا حتى لوذنيا , أطلب ربي يرجع الحبيب إلي غاب عليا.
صحة رمضانكم
​

 

[Łøst Fłôwęr]

صح فطوركم


انا نخليك تخيريلي وحدة
يا
وردة الروح
:thumbup:​

 

[وردة الروح]

صــــح فطــــوركم
أهلا أحبائي في صهرتنا البوقالية
و هذي في خاطر كل ناس اللمة
أعقدو
و نويو
بسم الله
البوقالة 4

:
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
انشاء لله تعجبكم​

 

[وردة الروح]

صح فطـــــوك حبيبتي
جينــــان
هذي غيبـــة عليك
يا رب تكوني مليحة و بخير و صحة و عافية
صحيتي على البوقالة و الله غير شابة
و معناها مناسب جدا
ههههههههههههه
و صحيت على التولوية الشابة
راني نويت عليك هذي
بسم الله

03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
و اسمحيللي ما ننجمش نولول لخاطرش راني مريضة من قرجومتي
هههههههههههه
صــــح سحــــورك ​

 

[وردة الروح]

صـــح قطــــورك
يا العزيـــــزة ديالي
حبيبة الرحمن
و حبيبة قلبي
و هذي بوقالة في خاطرك
بســـم الله

01 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
يا ربي تعجبك
صــــــح سحــــورك
​

 

[jinan27]

صح فطـــــوك حبيبتي

جينــــان
هذي غيبـــة عليك
يا رب تكوني مليحة و بخير و صحة و عافية
صحيتي على البوقالة و الله غير شابة
و معناها مناسب جدا
ههههههههههههه
و صحيت على التولوية الشابة
راني نويت عليك هذي
بسم الله ​

03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .
و اسمحيللي ما ننجمش نولول لخاطرش راني مريضة من قرجومتي
هههههههههههه
صــــح سحــــورك ​

الله يسلمك حبوبة وربي يفرحك على سؤالك عني
ايا مليحة كي عجبتك البوقالة ديالي وربي يشفيك عاجلا
ربي يشفي هذيك القرجومة باش تزغردلي في البوقالات هههههه
ربي يوفقك ويحفظك
صحة سحورك​

 

[طيور الجنة21]

البوقالة 8

:
لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .

مشكورة أختي الكريمة.تحياتي

شكرا لمروركما
رمضان كريم ​

​

 

[remanous]

شكرا اختي على الموضوع الرائع

صحا رمضانكم

 

[المشتاقة للجنان]

البوقالة 6

:
شكرا لك شي ينحي على الخاطر
يلا ليك بقالة
خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة
و حكمتكم : سرور الدنيا كأحلام النائم .

​

 

[Łøst Fłôwęr]

صـــح قطــــورك

يا العزيـــــزة ديالي
حبيبة الرحمن
و حبيبة قلبي
و هذي بوقالة في خاطرك
بســـم الله ​

01 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
يا ربي تعجبك
صــــــح سحــــورك ​

هاااااااااااااايلة مرسي حبيبتي
وانت زاده​