رساله حراق جزائري قبل غرقه ...بالصور...تبكي الحجر

[zagane]

salam alaycom

mesekin wache yedir hadi el bilad

 

[طارق القبطان]

مازال.. مازال هاد التخمام.. مازال حابين تدو رواحتيكم للهلاك..:cursing:

ماراكش تشوف اللي راحو وش صرالهم..و ادا راك حاب تسويسيدي تاع الصح احكم حبيلة و علق روحك فيها و هي فرات..:glare:
و زاد كمل عليها المشرف سي فلان مول الكستيم.. امن على الدعاء هههه​

اللي ماقدرش يتول روحو في بلادو غير مكالاه يطمع في بلاد الناس.. و ان شاء الله ماتصحلكمش الحرقة للخارج.. :glare:​

علاه ما تصلحش في الخارج نروحوا وتصلح ونولوا غير نشوفوا الوالدين ونفرحوهم

 

[نرمين]

علاه ما تصلحش في الخارج نروحوا وتصلح ونولوا غير نشوفوا الوالدين ونفرحوهم

يكدب عليك والله غير بلادك خير vive l'algerie

 

[وردة غرداية]

منظر يقيس القلب.........



ربي يرحمهم ان شاء الله و ربي يصبر والديهم اعليهم.......


ان شاء الله الشباب يدو عبرة....و ما يجازفوش باعمارهم........بلادنا شابة و علاه راكم هاربيين منها......سقسو ناس الغربة و كيفاش راهم يعانيو....ماكانش قد الواحد يرقد في حضن بلادو.................و كيما قال الشاب ربي يرحمو...........viva l'algérie

 

[حورية الجزائر]

انا لله وان اليه راجعون

ربي يرزق اهليهم الصبر

 

[محامي الجزائر]

ان الله وان اليه راجعون
والله موضوع اليوم في الخبر عنوانه رسالة الى الحكومة
الحرقة .. رسالة إلى السلطة عنوانها ''روما ولا انتوما''​

 

[killua0555]

ربى يرحمو مسكيين و يصبر والدييه
صحا ما قلناش ما تحرقوش و البلاد مليحة خير من برا بصح اوما للواحد كى يحرق يوصل ماشى يروح فى فلوكة ميت ميت و الا مامتش يموت يقتل روحو

 

[kamou]

يا ربي اهدينا واهدي شبابنا
يا رب نطلبولهم المغفرة وربي يصبر اهلهم
قصة تقطع القلب
​

 

[aMiNa-K]

علاه ما تصلحش في الخارج نروحوا وتصلح ونولوا غير نشوفوا الوالدين ونفرحوهم

ايه تروحو و تولو بغير تشوفو الوالدين.. و لا تبعثولهم زوج مشاور معاهم التصويرة تاعكم :glare:
رانا شفنا اللي قبلكم وش دارو لهيه.. هدا ادا ماتقلبش عليكم البحر و تولو في خبر كان ​

 

[لينة]

ربي يرحمهم
شفتوا الحرقة واش ادير ؟

 

[RaNiA]

ربي يرحمهم
الغربة مش مليحة
لي يروح بسواردو وفي الطيارة حتى وياربي يلقا روحو لتما لازمتلو يخدم ومش الخدمات لي معولين عليها بالاك كونسيارج وما تطيرلوش
ياماخص لي يحرقو يا يموتو في البحر يا يوصلو لتما يموتو بالشر و يموتو زي الكلاب واحد ما يلتا بيهم
​

 

[طارق القبطان]

ايه تروحو و تولو بغير تشوفو الوالدين.. و لا تبعثولهم زوج مشاور معاهم التصويرة تاعكم :glare:


رانا شفنا اللي قبلكم وش دارو لهيه.. هدا ادا ماتقلبش عليكم البحر و تولو في خبر كان ​

حتى انا شفت واحد ماينعتلي واللا يقلي
بزاف ذوبزاف اللي راحو روجعوا بالتاويل
عمبالي مانيش اعمى

يكدب عليك والله غير بلادك خير vive l'algerie

كل واحد كيفماه انت مليحة ليك انا ماهيشمليحة ليا ومخرجتش عليا

 

[hind*alg-]

لاحول ولا قوة الابالله
كي راهم يقولوvive algerie )
وعلاش راحو وخلاوهة

 

[طارق القبطان]

لاحول ولا قوة الابالله
كي راهم يقولوvive algerie )
وعلاش راحو وخلاوهة

علاش من الحقرة والميزيرية اللي راهم فيها
حتى الرسول صلى الله عليه وسلم هاجر من مكة وهي احب الارض اليه
ثاني زيدوا قولوا ماقدرش يغير الواقع فيمكة وهرب وزيدوا قولوا فشا في مكة
هيه اللي ماصحتلوش في بلادو ممكن تصحلوا في بلاد الناس هذي هي الدنيا هكذا دارها ربي ما قلكش اقعد ذراع في المكان الفلاني كاين حوايج نحبوهم نتخلاو عليهم لاسباب محددة
(هو الذي جعل لكم الارéض ذلولا فامشوا في مناكبها وكلوا من رزقه )
ما قالش فاقعدوا في الجزاير
باغيين ترجعوا الهجرة كفر وخيانة رام قاعدين هنا وراهم اكبر الخونة للبلاد
كل واحد الله يسهل عليه يعمل اللي في راسوا مادام ماتعداه على الاخريين
انتوما ثاني شوية كثرتوا
الحراقة فيهم وفيهم
رام كرهوا علاش تحوسوا عليهم وعلاش راكم غير تنتقدوا ومنا ومنا
لا بلادك خير لا والوا كل واحد يشوف مخروجوا
كاين اللي صدقتلوا هنا
وخلى كلشي وراح غامر بالشي اللي بناه في سنين
وكاين اللي ما عندوا مايخسر
وراح وتفتح الابواب في وجهوا​

 

[zahra09]

المعيشة هنا صعيبا + الراي التالف

يغيضو ساكن

تحياتي​

 

[titou_le_roi2009]

الله غالب .........نحب بلادي

الله يرحم قاع لي ماتو في البوطي :crying:

 

[maya31]

وين وصلنا
يقولو ياكلنا الحوت و ماشي دود


و الله حاجة تحير
ربي يحفظنا ليجان تاوعنا ربي يهديهم و يقعدو في بلادهم
​

 

[مولاة الملاية]

لا حول ولا قوة الا بالله

الله ارحمه و اغفر ذنوبه

الله اهدنا الى صراطك المستقيم

شكرا

 

[كريم39]

الله يارحمه والله ياحفظنا

 

[tita69]

الله يرحمهم ويدخلهم فسيح جنانه