رساله حراق جزائري قبل غرقه ...بالصور...تبكي الحجر

[نرمين]

الله يهدينا

 

[aMiNa-K]

حتى انا شفت واحد ماينعتلي واللا يقلي
بزاف ذوبزاف اللي راحو روجعوا بالتاويل
عمبالي مانيش اعمى

ايه راك اعمى و نص يا خويا
حاكم فكرة الهجرة و مخشن راسك ماتسمع لحتى راي

و بالنسبة وش قلت في ردك لوخر كي وليت تهدر على الرسول - صلى الله عليه و سلم- اسمحلي خو مكاين حتى اوجه شبه بين حالتكم هاد الوقت و حالتو هاداك الوقت

هو هاجر من مكة باسكو اذاوه بزاف و ماهاجرش حتى اذنو ربي سبحانو و هاجر باش يبلغ الرسالة تاعو.. و انتوما قاعدين في بلادكم و ضربتلكم تهاجرو -plutot -تحرقو باسكو هادي ماشي هجرة شرعية
و بلاد الناس اللي راك طامع دير تاويل عندهم غير ماتطمعش يستقبلوكم استقبال حار.. ياو راهم يكرهونا و لوكان يصيبو يقتلونا كامل

و زيد تانيك ربي ماقالش ابقاو في الجزائر و بصح تانيك قال ( و لا تؤدو بانفسكم للتهلكة).. الحرقة هدي تتسمى انتحار و راك عارف مليح اللي ينتحر وين يروح؟

كما يقولو صحاب البلاد الله يذكرهم بخير.. علابالي راني (نحلب في محلب مقعور):glare:
بصح.. صح ان شاء الله ماتصحلكمش حرقة

​

 

[طارق القبطان]

ايه راك اعمى و نص يا خويا​

حاكم فكرة الهجرة و مخشن راسك ماتسمع لحتى راي​

و بالنسبة وش قلت في ردك لوخر كي وليت تهدر على الرسول - صلى الله عليه و سلم- اسمحلي خو مكاين حتى اوجه شبه بين حالتكم هاد الوقت و حالتو هاداك الوقت​

هو هاجر من مكة باسكو اذاوه بزاف و ماهاجرش حتى اذنو ربي سبحانو و هاجر باش يبلغ الرسالة تاعو.. و انتوما قاعدين في بلادكم و ضربتلكم تهاجرو -plutot -تحرقو باسكو هادي ماشي هجرة شرعية
و بلاد الناس اللي راك طامع دير تاويل عندهم غير ماتطمعش يستقبلوكم استقبال حار.. ياو راهم يكرهونا و لوكان يصيبو يقتلونا كامل​

و زيد تانيك ربي ماقالش ابقاو في الجزائر و بصح تانيك قال ( و لا تؤدو بانفسكم للتهلكة).. الحرقة هدي تتسمى انتحار و راك عارف مليح اللي ينتحر وين يروح؟​

كما يقولو صحاب البلاد الله يذكرهم بخير.. علابالي راني (نحلب في محلب مقعور):glare:
بصح.. صح ان شاء الله ماتصحلكمش حرقة ​

ههههههههههعلابالي راني (نحلب في محلب مقعور):glare:هههههههههههههههه
والله قتلني الضحك
انا عمبالي كيفماه يستقبلوني
لن يكون اسوأ مم أعيشه في بلادنا
مام هنا يكرهونا
شكون بقى يشوف في خوه هنا
عمبالي واش رايح ندير واش راه يستنى
وهذا ماشي انتحار خلاص
آيا ليه ليه بديتي تفتي وتقولي انتحار ويروح لجهنم
خلاص بركات
انت راها حاكمتلك هنا عيشي حياتك وخلي الغاشي يشوفوا واش يخرج عليهم
التهلكة الكبيرة راني فيها ماعندي مانخسر وماعندو مايصرالي

كل واحد عمبالوا بروحوا واش يخرج عليه
انا ماخرجتش عليا هنا
على الأقل لهيه مكان حتى واحد للي يستشفى فيك
آيا السلام عليكم وصح فطورك
كي تكري راكي تفهمي واش راني نحكي​

 

[HASSAN]

الله يرحمو وصدقوني غير الدولة اللي تتحمل كل شيء

 

[نرمين]

الله يرحمو وصدقوني غير الدولة اللي تتحمل كل شيء

عندك الحق خويا الحق على الدولة وهي اللي تدي دنوبهم

 

[Ninja_09]

البحر راهوا مليان ميش بالحوت ولكن بالشباب اللي كيفوا
يا بابور يا ممونامور خرجني من لاميزير سمعولها الشباب
وراهم يطبقوا فيها
ربي يستر ولي قال كلمة يتحمل مسؤوليتها عند ربي
ربي يداوي لحال ليجان راح يخلاصواااااا
صح فطور الحراقة اذا كشما كاين ليراهم حارقين وربي يوصلهم على خير

 

[aMiNa-K]

ههههههههههعلابالي راني (نحلب في محلب مقعور):glare:هههههههههههههههه

والله قتلني الضحك
انا عمبالي كيفماه يستقبلوني
لن يكون اسوأ مم أعيشه في بلادنا
مام هنا يكرهونا
شكون بقى يشوف في خوه هنا
عمبالي واش رايح ندير واش راه يستنى
وهذا ماشي انتحار خلاص
آيا ليه ليه بديتي تفتي وتقولي انتحار ويروح لجهنم
خلاص بركات
انت راها حاكمتلك هنا عيشي حياتك وخلي الغاشي يشوفوا واش يخرج عليهم
التهلكة الكبيرة راني فيها ماعندي مانخسر وماعندو مايصرالي​

كل واحد عمبالوا بروحوا واش يخرج عليه
انا ماخرجتش عليا هنا
على الأقل لهيه مكان حتى واحد للي يستشفى فيك
آيا السلام عليكم وصح فطورك

كي تكري راكي تفهمي واش راني نحكي​

اللي يسمعك تهدر يقول ماراك تاكل ماراك تلبس و راك عايش في الزنقة!!!
راك تشوف غير اللي حرقو و دارو التاول لهيه.. ماراكش تشوف اللي دارو التاويل في بلادهم وش خصهم؟

و راك متمسك بهاد الفكرة و ميبس راسك.. المهم ادا صحتلك حرقة الله يسهلك عليك بصح هات برك ماتوليش تقول ياندامة.. و لا كاش مايصرالك بعيد الشر ماتنساش تكتب ورقة و تحطها في قرعة باش نقراوها و نحطوها في الجرنان كما دار خونا في الموضوع - الله يرحمو -

الله يسهل عليك

 

[oussama R10]

ان لله وانا اليه راحعون

الله يرحمهم والله يهدي الجميع
​

 

[طارق القبطان]

اللي يسمعك تهدر يقول ماراك تاكل ماراك تلبس و راك عايش في الزنقة!!!
راك تشوف غير اللي حرقو و دارو التاول لهيه.. ماراكش تشوف اللي دارو التاويل في بلادهم وش خصهم؟

و راك متمسك بهاد الفكرة و ميبس راسك.. المهم ادا صحتلك حرقة الله يسهلك عليك بصح هات برك ماتوليش تقول ياندامة.. و لا كاش مايصرالك بعيد الشر ماتنساش تكتب ورقة و تحطها في قرعة باش نقراوها و نحطوها في الجرنان كما دار خونا في الموضوع - الله يرحمو -

الله يسهل عليك

ماتخافيش مانكتب والوا
وما نحكي والوا
مانعطيكش فرصة تستشفاي

 

[aMiNa-K]

ماتخافيش مانكتب والوا
وما نحكي والوا
مانعطيكش فرصة تستشفاي

اواه ماجاياش لازم نعرفو وش صرالك
و ليد البلاد لازم نسمعو عليك كاش خبر و جامي مانستشفاوش

راني نهدر برك.. ان شاء الله ماتزعفش برك​

 

[the summer]

الموضوع مهم شكرا على الموضوع عمر الواحد لا يلقى الخير في بلادات الناس من غير بلادو و على الاقل كل واحد حاب يحرق ادا ماخممش في روحو يخمم في دوك الوالدين اللي يخليهم محروقين عليه وقلبهم يتفطر عليهم المسؤولية مش غير تع الدولة برك كامل عندنا عقل ونخمممو هادو الحراقة كي كانو يقراوعلاه هداك الوقت ماخمموش كي كانو يخليو ليكور نتاوعهم ويهربو كي يخلوالقراية ويروحو يتسكعو برا فالشارع ليجان والفو الماكلة والرقاد ويحبو يجيبوها غير بالرقاد وراهم يحرقو باه غدوة ما غدوة اللي سلكلها ووصل يجي بعد عوام يتعرض بالطوموبيل و السروال بونتكور والتيشورت ماركة تاع الخارج ديكور برك وهو فالخارج كواغتو محروقين يخدم زبال حاشاكم ولا يغسل في ليتوالات اعذروني على هادي الكلمة بصح هدا هو الواقع ياليجان افطنو الدنيا راهي غارتكم وكيما يقولو بلادنا تستر عارنا حتى يفرج ربي وماكانش اللي يقول صبرت بزاف واش صبرت كيما واحد فيفلسطين ولا العراق افطن افطن وحبس ماتحلم

 

[njouud]

rabi yarhamhem

 

[adelskikda]

الله اكبر الله اكبر انا لله وانا اليه راجعون ربي يرحمو

 

[D aucun]

ايه يا اختي ربي يرحمهم ايه يا اختي جزائر العز والكرامة واه جزائر الحقرة والمعرفة والرشوة وكل لي الصفات الخبيتة خبث العباد ونقولك والله كما تكونو يولى عليكم ايه لانا حنا ماشي ملاح يحكمونا عباد ماشي ملاح ويسيرونا انا لا اتحدث عن ولاة امور الدولة الجزائرية انات اتحدت عن مسيري البلديات والدوائر ومسيري المؤسسات ويقولو جزائر العز والكرامة ارفع راسك يا با لالا ارفع راسك ياولد فلان ماشي كامل ولد الفقير يرفع راسو في البحر مع الحوت الله غالب يا اختي والله ديفوا الواحد راهو الحمد لله عليه مي كي تبقي تشوف في حالتنا تقول الزودياك ولا القعاد الله غالب هلكنا يا اختي كلش بالمعرفة نظن حتى السلام ولات معرفة ولكن ولكن ولكن انا من هنا نوجه نداء لكامل الشباب الجزايري رغم المعاناة نقولو الحرقة فرصة جبانة لاتبات الذات اقعد هنا وبين روحك راجل وماتقول ماكانش كيفاه السامط غلب القبيح ولي راجل ويفرض روحو يفرض روحه وتوجور بلادك بلادك وخير من الغربة بورطو في بلادنا ونحسو ارواحنا مغتربين

 

[نرمين]

الله يرحمهم ويوسع عليهم ويحفظ امتنا من كل شر

 

[حسان]

ربي يرحمهم

و الله اتأسف كثير و كثير و كثير و كثير و كثيييييييييييييييير على حاجة وحدة محبسة لي مخي

عندي اصدقاء يعيشون في إسبانيا و خاصة في برشالونة و انا توجهت غلى برشالونة عام الماضي و تقريبا اكثر من 8 مرات

نقول لكم حاجة وحدة مكانش بلاد كيما الجزائر و أقسم بالله العظيم لا أستطع ان أقنعكم بغير هذا

 

[نرمين]

ربي يرحمهم

و الله اتأسف كثير و كثير و كثير و كثير و كثيييييييييييييييير على حاجة وحدة محبسة لي مخي

عندي اصدقاء يعيشون في إسبانيا و خاصة في برشالونة و انا توجهت غلى برشالونة عام الماضي و تقريبا اكثر من 8 مرات

نقول لكم حاجة وحدة مكانش بلاد كيما الجزائر و أقسم بالله العظيم لا أستطع ان أقنعكم بغير هذا

عندك مليار حق والله ماكاين كيما الجزائر هي امنا الكبرى والحضن الدافيء الدي يجمع كل ابنائها بصح المشكل ماشي فيها المشكل في بعض النفوس الخبيثة
شكرا على المرور

 

[بنـ MaPa ـت]

الله يرحمهم و يحفض شبابنا....شكرا على الموضوع...تحياتي..

 

[نرمين]

الله يرحمهم و يحفض شبابنا....شكرا على الموضوع...تحياتي..

العفو اختي شكرا على المرور

 

[MĺŹǾ žĕĥÔŖ]

يــــــاربي مساكن الحـراقة وعـلاش كون راهم يخدمو ولاباس عليـهم قاع مايفكروش يحرقـو خلاص

يارب إرحـهم في الدنيا والأخـــرة يارحيـــــــــــــــــــــم


يارب إرحـــــم شبابنــــــــا ياربي


والله غير الحرقة صعيبــــة بزاف وانا يغيضونـي ليجـان مسـاكيـــــن لاخدمة


واش نقـولو ربي معاهم أن شاء الله