السرقة ولات عيني عينك

[abidou 20081]

خاوتي بالاك يدوخكم العنوان صح وصح رانا نشوفو فالسرقة عيني عينك بصح كاين سرقة أخرى راني قاصدها وعلى بالي كامل تعرضتو ليها وهي سرقة تسلاف لحوايج يعني أي حاجة سلفتها لصاحبك ولا صاحبتك ولا أي شخص عندك علاقة مليحة معاه يعني أنت من الثقة لي درتها فيه لوكان تصيب حوايجك تنحيهم وتعطيهوملو بصح هو يخون هذيك الثقة ويلعبها ينسيك في حاجتك وكيلي ما صرى والو يعني تسلف ومايرجعش وهذي سرقة والبعض يشوفها حاجا ساهلة وعند ربي حاجا كبيرة ممكن صح الإنسان ينسى هذي تكون وسبحان الذي لا ينسى ولا يسهى لكن المشكلة هنا في مول الحاجة يولي حاشم باش يقولو عليها وإذا قالو كاين بعض الناس يدوروهالو غربة ويقولو واش ماراكش داير فيا الثقة درك نرجعلك حاجتك وماتهدر معايا مانهدر معاك مخلوع hmy: وأنت فريها درك تسلف حاجتك وتولي رابح العيب ماتفهم والو وتولي نادم النهار لي شفتو فيه ولا تولي أنت حاشم وتقول بالاك صح وتبدى أنت لي راك مسلفو تحلل فيه ماتزعفش وا،ا قلت بالاك راك كملت بها برك :confused1: وعلى هذي خاوتي من الموضوع بالاك واحد راه متسلف حاجا على واحد وراه ناسيها نتمنى نكونو فكرناه
و قالك المومن يبدى بنفسو
المهم من خلال هذ الهدرة والمعطيات واش تقولو أنتما واش رايكم في هذ التصرفات ورانا نشوفو فيها ماشية وتزيد باش نقطعو الخير هذي ماكانش منها بصح كاين ناس نضرت بزاف من هذا العفسة وكاين ناس لوكان تحسب واش راه عندها عند الغاشي لوكان راهم مترفهين وهذا الطبيعة خلاتهم عايشين وصابرين وخلاص

لكم الحرية في إبداء رأيكم ومناقشة الموضوع من أي جانب تريدون وحفظكم الله ورعاكم مسبقا *​

 

[** غزال الصحراء **]

شكرا أخي عبيدي , ايه يا صاحبي أرواح و نتا فاهمهم انا واحد مانحبش نسلف حتى نلحق لي نسي واحد ولا و ديما ينسوني خاصة في Les cds هااا و الله في العين كيما هاذي ماليهاش ياسر سلف عليا واحد سيدي شاريه جديد وقالي راه مامشاليش و لضركا راه عندو ايا قلت في قلبي بصحتو خلي يديه و لواش نخصرو على جال حاجة تافهة مي كيما يقولو توصي لجاية راك شايف ؟ خير من لي جات في حاجة كبيرة ربي يسترنا و الله ربي يعلم واش مدينلي و الله ناس تبروفيتي و خلاص ربي يهدي ان شاء الله و في الحقيقة غير قريت الموضوع بانلي في راصي واحد شايع بتصحار تاع لحوايج هنايا في حومتنا ايا دمتم .....رمضان كريم .
​

 

[killua0555]

ههه موضوع هايل فكرتنى فى وحد صحباتى ادا سلفنالها حاجة ننساها خير و لوكان نحوس عليها نجيبها متسوا والو نقطعها شيفونات ديراكت:crying:
صح كاين ناس تموت على الباطل و بروبلام كى يجو يسلفو الحاجة حتى يقطعولك قلبك و تمدهالهم من فوق فوق قلبك و تمدهالهم ممبعد
كى ماشى تاعو مايحافظ عليها ما والو يقطعها و لا يقيسها بالمرقة هههههه ممبعد يولى فى حشومة معا مولاها هو يخمم بلى ميرجعهاش خير من يتبهدل و لا بالاك جيه شابة تحلالو ميحبش يرجعها و يبقى يتهرب حتى طيب فوق لحمو ههههه



مشكور خويا على الطرح :angel_not:

 

[abidou 20081]

شكرا أخي عبيدي , ايه يا صاحبي أرواح و نتا فاهمهم انا واحد مانحبش نسلف حتى نلحق لي نسي واحد ولا و ديما ينسوني خاصة في les cds هااا و الله في العين كيما هاذي ماليهاش ياسر سلف عليا واحد سيدي شاريه جديد وقالي راه مامشاليش و لضركا راه عندو ايا قلت في قلبي بصحتو خلي يديه و لواش نخصرو على جال حاجة تافهة مي كيما يقولو توصي لجاية راك شايف ؟ خير من لي جات في حاجة كبيرة ربي يسترنا و الله ربي يعلم واش مدينلي و الله ناس تبروفيتي و خلاص ربي يهدي ان شاء الله و في الحقيقة غير قريت الموضوع بانلي في راصي واحد شايع بتصحار تاع لحوايج هنايا في حومتنا ايا دمتم .....رمضان كريم .

عندك الحق خويا غزال وشرف لي أن تكون أول من يفتح الموضوع ربي يفتح عليك وكيما راك حكيت على سيدي يرخس روحو على أتفه الأسباب تلقى الناس تحب تكلب ومنين ما مشالوش السيدي يرجهو لمولاه ويقولو ياودي يرحم والديك وهاهو السيدي تاعك وراه ماحبش يمشيلي ماشي يخليه عندو ويقول مامشاليش يعني رايح يتبورك بيه كي خلاه وألأمثلة كثيرة في هذا المجال وفكرتني في روحي في نقطة لوكان نكون مانيش عارف واش نكون ما نحبش نتسلف على واحد حاجا ياخويا نخاف والمشكلة عندي ونستعرف بلي إنسان ينسى بزاف بصح الحمد لله طبقت هذ السياسة وعندي فالبلاد حتى منين نروح نشري و يكون مشكلة فالصرف يقولي مول الحانوت روح أو مبعد خلص نقولو شدها عندك حتى نوليلك مرات يزعفو منها بصح الله غالب كل واحد كيفاش عقليتو وهنا نحكي ماشي زوخ وحشا بالله لكن ربما واحد تعجبو تاني الفكرة ويتعلم عليها وصح لقيت راحتي بها
ربي يحفظك وربي يخليك خويا غزال وصح رمضانك​

 

[abidou 20081]

ههه موضوع هايل فكرتنى فى وحد صحباتى ادا سلفنالها حاجة ننساها خير و لوكان نحوس عليها نجيبها متسوا والو نقطعها شيفونات ديراكت
صح كاين ناس تموت على الباطل و بروبلام كى يجو يسلفو الحاجة حتى يقطعولك قلبك و تمدهالهم من فوق فوق قلبك و تمدهالهم ممبعد
كى ماشى تاعو مايحافظ عليها ما والو يقطعها و لا يقيسها بالمرقة هههههه ممبعد يولى فى حشومة معا مولاها هو يخمم بلى ميرجعهاش خير من يتبهدل و لا بالاك جيه شابة تحلالو ميحبش يرجعها و يبقى يتهرب حتى طيب فوق لحمو ههههه



مشكور خويا على الطرح

اليوم حتى قلت ماشي ختي لعزيزة killua0555 لي راها تكتب راكي ولفتينا بالخط تاعك لعريض ولفيولي هههههههههههههه والله غير عندك الحق وأنت زدتي دخلتينا في نوع أخر من الناس لي تدي حاجة الناس وماتحافظش عليها وهذا عيب كبير والناس تاني لي تجيك تبكي وتحلف وتعظم في مولاها على جال باش يتسلف عليك حاجا وبعدها ينساك فالبلاصة كيلي ماشافكش وكاين منهم منين يشوفك يولي يبدل فالطريق وعلاش نديرها حتى نولي حاشم وكاين ماشي غير اللبسة على خاطرش أنتم لبنات مشهورين بزاف فالتسلاف تاع اللبسة بصح كاين حوايج بزاف وحتى من لماعين مرات تاع الدار يجبهالك تقول ماشي الحاجا لي سلفتهالو هذا إذا رجعهالك عيب ما نعرف واش من وجه عندهم وكاين لي وجهو صحيح يعجبك يديرها اليوم وغدوة يرجعلك صاريلها كيلي واحد راح يتسلف على واحد قالو سلفني 5 ألاف إذا عندك قالو والله مانسعاه عندي ألفين فالجيب برك قالو أعطيهالي ونبقى نسالك 3ألاف ههههههههههه جا يتسلف رجع يسال
ربي يحفظك وربي يخليك ختي وربي يعطيك ماتتمني وصحا رمضانك​

​

 

[عبير المطيعة]

هههه شابة هدي تاع جا يسلف رجع يسال​

 

[abidou 20081]

هههه شابة هدي تاع جا يسلف رجع يسال

وهذي هي العباد ختي لعزيزة عبير اليوم رانا نشوفو فيها من بلاصة لبلاصة بالاك حتى من الجار لخوه يدي عليه وينكرو في لزرق كيلي ما شافو ما والو وكاين لي يديها ويخليلك وقت ويقولك رجعتهالك تقولو ياولدي أنعل بليس يقسم ويسخط غير رجعها ويرجعك راك مسرقو بعد ما نتا سلفتو
ربي يخليك ختي وربي ينورك كيما نورتي الصفحة ورمضان كريم ​

 

[brahimalg]

الله غالب ... كي يبغي يسلف يقعد يحوس عليك من بلاصة للبلاصة ... و منبعد باش يرجعها يولي يهرب من بلاصة للبلاصة ...

و ثاني كي يرجعهالك يقول شد جدها الحلوف .. . ههههههههههه

و الله متفهم والو ... الله غالب هذا هو العربي هههههههههه

 

[zagane]

salam alaycom

شد مد القرض مات

 

[Adel Adel1]

حدث ولا حرج سيديات كابلات تاع الpc صور جهازmp4
حرمت نزيد ندير ثقة فالناس بكل
عندي صديق فقط هو لانتيم تاعي مداير فيه الثقة

 

[abidou 20081]

الله غالب ... كي يبغي يسلف يقعد يحوس عليك من بلاصة للبلاصة ... و منبعد باش يرجعها يولي يهرب من بلاصة للبلاصة ...

و ثاني كي يرجعهالك يقول شد جدها الحلوف .. . ههههههههههه

و الله متفهم والو ... الله غالب هذا هو العربي هههههههههه

وهذي لي تغيض خويا براهيم تلقاه محتاجك يجي يبكيلك ونهار لي يرجاعها يرجعلك حاجا أخرى تقول راه داير فيك مزية وللأسف حنا لعرب لي كنا أهل كرم وجود ومعروفين بالكلمة والنيف شفت وين وصلت بنا الحالة ولينا نضربو بيهم الأمثال في كل حاجا ماشي مليحة وكامل على جال تصرفات قبيحة ماعندها حتى معنى سقاطة وخلاص ربي يحفظك وربي يخليك خويا براهيم ونورت الموضوع ربي ينورك ورمضام كريم دمت

 

[abidou 20081]

salam alaycom

شد مد القرض مات

عندك الحق خويا لعزيز زقان شد مد القرض مات وولاد لحرام فسدو على ولاد لحلال بصح المشكلة راهي فالسلف
ماشي فالبيع والشرا وين يجي يبكي محتاج وأنت تقول إذا مارفتوش اليوم ويقتاش ترفدو وبعدها يدوهالك غربة تولي أنت لي فيك العيب وهو الرجلة لي ماكانش بحالو الله يداوي الحال برك
ربي يخليك وربي يحفظك وربي يعطيك ماتتمنى خويا ورمضان كريم دمت ​

 

[RaNiA]

ايه عندك حق هذي كاينة منها بزاف عندنا
العبد يسلف حاجتو ويولي حاشم يقولهم رجعوهالي
مالا افضل حل ما تسلف ما يسلفولك كل واحد يحكم حوايجيه و هذا لي يضال يسلف في الحوايج قاعد كي الطلاب يحاول يقنع بواش عندو ما يقلق الناس ما يقلقوه​

 

[abidou 20081]

حدث ولا حرج سيديات كابلات تاع الpc صور جهازmp4
حرمت نزيد ندير ثقة فالناس بكل
عندي صديق فقط هو لانتيم تاعي مداير فيه الثقة

أولا خويا عادل أسمحلي نقولك الله يخليلك صاحبك هذا وربي يدوم العشرة ونقولك يعطيك الصحة على المشاركة القيمة
الناس درك ولات تتسلف كلش ماتفهم والو يعني حتى حاجا ماراهي مستتنية من التسلاف بصح فالرجوع ربي يجيب كيلي ماتعرفو ما يعرفك كيلي ماجاك يحلل كيلي ما رفد عليك حاجا ويبقى فمك محلول واراك فاهم فيها والو ونهار لي تروح ترجع حاجتك يرجعك أنت الغالط وهو الصحيح ويبدى يفتيلك من كل المداهب حتى يرجعك تقول واش داني نروحلو ولا واش داني نسلفو ويفسد حتى على واحد أخر بالاك خير منو في كلش ويستاهل
ربي يحفظك وربي يخليك وربي ينورك كيما نورت الصفحة وربي يفتح عليك كل بيبان الخير ورمضان مبارك ودت ​

 

[abidou 20081]

ايه عندك حق هذي كاينة منها بزاف عندنا
العبد يسلف حاجتو ويولي حاشم يقولهم رجعوهالي
مالا افضل حل ما تسلف ما يسلفولك كل واحد يحكم حوايجيه و هذا لي يضال يسلف في الحوايج قاعد كي الطلاب يحاول يقنع بواش عندو ما يقلق الناس ما يقلقوه

والله غير عندك الحق ختي لعزيزة رانيا الواحد درك لي يسلف هو لي ولا يحشم باش يروح يرجع حاجتو وتاني ولا لي يسلف حوايجو ولا كي الطلاب يساسي على حوايجو باش يرجعوهالو والمشكلة فالحباد الساقطة هذي لي تفسد بالاك على عباد أخرى تستاهل ومرات صح الواحد يقول كل واحد في حدو مانقلق واحد مايقلقني بصح كي يجك واحد يبكيلك تقول السماح وتروح ولا تبقى تشوف فيه في ذيك الحالة
ربي يحفظك وربي يخليك وربي يعطيك ماتتمني ورمضان مبارك

 

[killua0555]

اليوم حتى قلت ماشي ختي لعزيزة killua0555 لي راها تكتب راكي ولفتينا بالخط تاعك لعريض ولفيولي هههههههههههههه والله غير عندك الحق وأنت زدتي دخلتينا في نوع أخر من الناس لي تدي حاجة الناس وماتحافظش عليها وهذا عيب كبير والناس تاني لي تجيك تبكي وتحلف وتعظم في مولاها على جال باش يتسلف عليك حاجا وبعدها ينساك فالبلاصة كيلي ماشافكش وكاين منهم منين يشوفك يولي يبدل فالطريق وعلاش نديرها حتى نولي حاشم وكاين ماشي غير اللبسة على خاطرش أنتم لبنات مشهورين بزاف فالتسلاف تاع اللبسة بصح كاين حوايج بزاف وحتى من لماعين مرات تاع الدار يجبهالك تقول ماشي الحاجا لي سلفتهالو هذا إذا رجعهالك عيب ما نعرف واش من وجه عندهم وكاين لي وجهو صحيح يعجبك يديرها اليوم وغدوة يرجعلك صاريلها كيلي واحد راح يتسلف على واحد قالو سلفني 5 ألاف إذا عندك قالو والله مانسعاه عندي ألفين فالجيب برك قالو أعطيهالي ونبقى نسالك 3ألاف ههههههههههه جا يتسلف رجع يسال ​

ربي يحفظك وربي يخليك ختي وربي يعطيك ماتتمني وصحا رمضانك ​

اللون تخلطتلى تبدل المنتدى هههه عندك الحق دوكا الى وجهو صحيح يسلف كلش حتى لبرة وخيط لوكان يخصوه
كيما قلت تولى تطلب على حاجتك :cursing: و كى تحب تردها يقولو ياخى عبد لبرة جا يقولى ردهالى:scared: نسا روحو كى جا يسلف كى جا يسلف ههههه
و بزيادة كاين ناس سامطيين كتر لوكان يشوفوك تسلف يخلوك :angel_not:

ربى يعيشك خويا على الطرح ديما وحدك بمواضيعك نتا زادة صحا رمضان ربى يعيننا على صيامو و قيامو و يتقبل منا

 

[rania 3asla]

عندك حق خويا انا بلا ما نسلف يشوفوك لابس حاجة مثلا خاتم تقلك يو عجبني اعطيني نشوفو نمدهولها تحاول تبدل الموضوع بش تنسيني فيه وللا دير روحها ما قدرتش تنحيه مي قدرت تلبسو كنت نحشم قبل مي ضرك نحيهولها وللا كون نعرف نطيرلها صبعها معاه هههههههههههههههههههه شكرا اخي موضوع بردت و ريحت فيه قلبي شككككككككككككرررررررررررررررررررررررررا

 

[فؤاد الورقلي]

السلام عليكم

هذه خويا يسموه التسحار

وهنا تعود فيها الكف والكوتبي يعيط

شكرا اخي بارك الله فيك

 

[farah mimita]

عندك الحق خويا على هدا الموضوع خطرة سلفت فلاش ديسك لواحد يقرى معايا وحدو قلي متخميش يقعد عندي يومين راني محتاجو انهر الثالث يكون عندك قتلو معليش خليه كي راك محتاجو انا مانيش مسحقاتو هادو ليامات بصح كي نسحقو نعيطلك جيبهولي قالي مكاش مشكلهادي فالشتا
جا الفاكونس تع الصيف وخلاص كي قتلو ردهولي سحقيتو وليت ماشي مليحة اومبعد ازعف انا نخلعت في عوض يقولي صحيتي قالي مخلوعة مانيش راح ناكلو :sad:
حسيت انا راني نسلف عليه
واش تهدر مع عرب كيما هادو
ربي يحفظك وربي يخليك

رمضان مبارك
​

 

[mo0oh]

واش معنتها الثقة ؟؟؟والسرقة صح كاينة ؟؟؟