السرقة ولات عيني عينك

[aMiNa-K]

السلام عليكم
كي العادة خويا عبيدو مواضيعك شابة

راك تشوف وين لحقت السرقة.. يسرقو في الوجه و عينك تشوف.. و ولات هدي شطارة .. لازم نديرو هكدا باش نعيشو:mellow:
و المشكل كي الواحد يريكلامي على حقو يولي مخلوع و ماشي مليح :confused1:
مانعرف وشنو هو الحل مع هاد النوعية؟
ادا الواحد مايحبش يسلف يبان مشحاح
يريكلامي على حقو يولي يبان مخلوع
يسكت مايقول والو يبان جايح و اتسرق عيني عينك

و انا فيا طبيعة ادا سلفت حاجة ندير في بالي بلي مديتها.. علابالي الغاشي تاعنا مايرجعوش الحاجة
و اللي مانحملهاش تاع الصح.. الحوايج مانحبش حوايجي تلبسهم وحدخرة :thumbdown:.. و ادا سلفت حوايج و يرجعوهملي مانلبسهمش هههههه

موضوع شباب.. صحيت​

 

[abidou 20081]

لي عودة ان شاء الله

الموضوع موضوعك ومرحبا بيك في اي وقت دمتي ربي يخليك ويحفظك ​

 

[abidou 20081]

هههههههههها فكرتني بحوايج سلفتهم يا خويا تسلف حاجة ومن بعد تولي تحلل شغل طلاب وتندم كامل على هذيك المزية ....انا كنت نسلف الوحدة نعرفها حوايج يعني لبسة ماتجي ترجعها حتى نكره حياتي وكي ترجعلي حاجتي تكون ولات ما تتشافش نرميها وخلاص...الله يهدي.

تحية عطرة أختي سماح

الناس ياختي ماوالاتش تحشم أنت مول لحوايج تحشم وهو متسلفهم ومايحشمش وجهو صحيح والله ماراني عارف منين جايبو أنت ديري الخير وتقولي ماعليش عندي ولا عند صاحبتي كيف كيف بصح هما مارانيش عارف كيفاش يفكرو مخك يحبس مع هذ العباد ماتعرفي ماتديري معاهم ومنين تجيبلك حاجتك ماتنشافش وماتحشمش واش بقى والله غير عيب كبير وسرقة وهما يشوفو فيها قفازة ربي يهدي وخلاص
نورتي الصفحة وربي ينورك وربي يحفظك ويخليك ويعطيك ماتتمني دمتي بألف خير إن شاء الله ​

 

[حكاية انثى]

عنوان شيق وموضوع يشد
ههههههههه والله بصح ياما ناس يموتو
يسلفو حوايج وياما اشياء راحت وماولات
ولكن انا فيا عيب حين نسلف حاجة
نخجل نروح مراها نردها
المهم ربي يحفظ تبقى غير في حوايج
ماشي مهمين بالي يسرقونا حتى احنا

 

[abidou 20081]

السلام عليكم
كي العادة خويا عبيدو مواضيعك شابة

راك تشوف وين لحقت السرقة.. يسرقو في الوجه و عينك تشوف.. و ولات هدي شطارة .. لازم نديرو هكدا باش نعيشو:mellow:
و المشكل كي الواحد يريكلامي على حقو يولي مخلوع و ماشي مليح :confused1:
مانعرف وشنو هو الحل مع هاد النوعية؟
ادا الواحد مايحبش يسلف يبان مشحاح
يريكلامي على حقو يولي يبان مخلوع
يسكت مايقول والو يبان جايح و اتسرق عيني عينك

و انا فيا طبيعة ادا سلفت حاجة ندير في بالي بلي مديتها.. علابالي الغاشي تاعنا مايرجعوش الحاجة
و اللي مانحملهاش تاع الصح.. الحوايج مانحبش حوايجي تلبسهم وحدخرة :thumbdown:.. و ادا سلفت حوايج و يرجعوهملي مانلبسهمش هههههه

موضوع شباب.. صحيت​

وعليكم السلام ورحمة الله تعالى وبركاته

ربي يخليك ختي أمينة والموضوع زاد نور وأشرق بوجودك
وهذي هي المشكلة هي سرقة ويشوفو فيها قفازة وعلى هذي تتسنمى سرقة وعينك تشوف
كيما قلتي تريكلامي مشحاحة ومخلوعة وأنت فيك وفيك تسكتي جايحة وفوتها عليها وعقلية حابسة
ديت عليها حوايجها وماجابتش خبر وأفهمي كيفاش تديري معاهم هذ الناس حبو يقطعو الخير من فوق لرض ولي يقدر يديرها ماكانش خير منها يسلف ويقولك مديت ينسى بلي سلف ومن اللول يقولو أديها
هكذا خير منين تقولو أديها مايقولش بلي راني هفيتو وعندك الحق منين حوايجك ماتحبيش تلبسهم وحدوخرى وهي لحوايج هذي أصلا ماشي تاع سلف بصح الوقت هذا ماتفهمي والو كلش يتسلف
وتخيلي واحد النوع أخر من السلف قالتلك يما أعطيها شوية لحم وبعد شوية إذا شريتو البطاطا أبعتيلها شوية راني مالقيتش وشوية هكذا تجيك كنت داكلة على الزيت بلي عندي ومالقيتش أعطيني شوية
وهي دارت فيها غدا ولا عشا على ظهرك ولوكان دارت مليح تجي لدارك تتغدى وتتعشى خير ملي تزيد تعب روحها وطيب ولوكان ماعندهمش ماعليش والله ماتغيض ويستاهلو من عندك تنح وتعطيهم وأنت فرحان المشكلة تلقايهم مرة مرة مدخلين فيها كاش صالون ولا سلعة تاع خارج حتى تبقى حاير هذ لحوايج راهم يتسلفو فيهم تاني وقيلا هههههههههه
ربي يخليك وربي يحفظك والله غير مشاركتك اسعدتني كثيرا دمتي بألف خير وهناء إن شاء الله *​

 

[abidou 20081]

عنوان شيق وموضوع يشد
ههههههههه والله بصح ياما ناس يموتو
يسلفو حوايج وياما اشياء راحت وماولات
ولكن انا فيا عيب حين نسلف حاجة
نخجل نروح مراها نردها
المهم ربي يحفظ تبقى غير في حوايج
ماشي مهمين بالي يسرقونا حتى احنا

تحية عطرة وطيبة اختي العزيزة حكاية أنتى

والموضوع يكمل بيكم ربي يخليك وعندك الحق ياما حوايج راحت وماولاتش
وياما حوايج راحت ورجعت ماتنشافش وخليها على ربي وهذي هي المشكلة لي
راني نهدر فيها كاين بزاف النوع لي كيما أنت يسلف حاجا ويحشم باش يروح يرجعها
وإذا حتاجها يولي يعرق ومايعرفش كامل كيفاش يجيبهالو وينسى بلي هذيك الحاجا راهي تاعو
ولي يحشم لازم هو ماشي أنا لكن البعض الله غالب عليه يقعد يشوف في حاجتو رايحة وهو يتفرج
ومنين تخممي مليح تقولي حاجا ماشي مهمة بصح هو عندو يقولك جايح و مطلوق مايقولكش مسكين حشم باش يجي عندي يطلب حاجتو وكيما قلتي ياربي مايسرقوناش حنا في روحنا وخلاص
ربي يحفظك وربي يخليك ويعطيك ماتتمني دمتي بألف خير وهناء إن شاء الله​

*

 

[قط بلا وذنين]

صحا الكوسا يسلفوها باه يلبسوها و ما يردوهاش و الكايي شا يديروا بيه كي ما يردوهش

 

[77amino77]

السلام
السلف الراي يتلف !!!!!!!!!!!
مادامك تسلف ربي يخلف

 

[abidou 20081]

ربي يخليك خويا وربي يحفظك

الكايي يبخرو بيه ماعلابالكش هذ النوع فيه طبيعة السرقة والحسد
وهذا لي يدي كايي راه مرقها بلي ماراهش حابك تقرا يعني راه
حاسدك هذا وزيد المشكلة لكبيرة لي ولينا نشوفو فيها ولي تحبسلك مخك
هي الشعودة لي البعض أعوذ بالله منهم يروحو عند المشعودين يقولهم
جيبولي حاجا تاع هذاك الشخص وهذا النوع هو لي مشكلة فيهم شحال من
واحد راح ضحية هذا النوع الواحد يدير الخير والأخر واش راه مبيتلو ربي يلطف
وربي ينورك خويا وربي يحفظك دمت بألف خير وهناء إنش شاء الله​

 

[abidou 20081]

السلام
السلف الراي يتلف !!!!!!!!!!!
مادامك تسلف ربي يخلف

السلام وعليكم ورحمة الله تعالى وبركاته
تحية طيبة وعطرة أخي أمينو
كاين مثل يقول ربي يخلف على الشجرة ماشي على لي قطعها
هو ربي يخلف على هذا الشخص لأن الخير يبقى خير
لكن هذا لي ما يرجعش يتسمى سراق مهما حاول يغطي على
هذ السرقة وممكن تسلف حاجا ويقولك نرقد عليها الحس ماعلابالوش بلي ربي
يخرجلو الدوبل تاعها بلا مايفبق صاريلها كي الواحد لي يصرف على دارو من دراهم
لحرام يحسب راه يترفه بلا مايفيق هو العام كامل يخرج فيها بدوبل على الطبة والدوايات
ولا أمور أخرى بصح يقولك يفعل الجاهل بنفسه مالا يفعله العدو بعدوه
ربي يبارك فيك وربي ينورك ويعطيك ماتتمنى دمت بألأف خير وهناء إن شاء الله ​