السرقة ولات عيني عينك

[mo0oh]

hhhhhhhhhhhhh

 

[omar.lakaf]

السلام عليكم واش راك مع الصحة نتمنى تكون بخير
اولا اسمحلي على هاد الغياب الطويل اعرف انك كتبت عدة مواضيع ولم ارد عليها لسبب واحد وهو انشغالي الكثير في العمل لان شهر جويلية وأوت عندما يأخدون الناس الاجازات والعطل يشتد علية الخناق في العمل
الان نولو للموضوع
من اين ابدأ ومادا احكي موضوعك هاد وكأنه موجه لي مباشرة والله هاد الشي الي حكيت عليه راهو مخليني في بلاصتي خاصة انني خجول ولا اطلب حقي ممن اسلفهم ماغاديش نحكي قاع القصة راهي طويلة ومعقدة المهم راس المال المقدر بي 50 مليون راح والمدة راهي تجاوزت الثمن سنوات ونا راني ساكت وحالف مانهدرلهش خليها على الله برك والمشكل راهو لاباس بيه ههههههههههههههه زاد نايفني بصح كاين حاجة وحدة راهو عنده 3سنوات ملي تزوج وربي ماعطاهش الاولاد هدي اول اشارة ..............................الخ​

 

[abidou 20081]

اللون تخلطتلى تبدل المنتدى هههه عندك الحق دوكا الى وجهو صحيح يسلف كلش حتى لبرة وخيط لوكان يخصوه
كيما قلت تولى تطلب على حاجتك و كى تحب تردها يقولو ياخى عبد لبرة جا يقولى ردهالىنسا روحو كى جا يسلف كى جا يسلف ههههه
و بزيادة كاين ناس سامطيين كتر لوكان يشوفوك تسلف يخلوك

ربى يعيشك خويا على الطرح ديما وحدك بمواضيعك نتا زادة صحا رمضان ربى يعيننا على صيامو و قيامو و يتقبل منا

هههههههههههه عندك الحق ختي لعزيزة killua0555 ليباري راهم يلقاوهم فالطريق ولا غبر تقول برة تجيك وحدها وهذي كاين منها يقولك برة وجا مازال يقولي ردها منين هذ لبرة ماتسوى والو علاش من اللول يروح و يتسلفها يدوخو فالغاشي من سقاطة تاعهم يعني نهار لي يجي يتسلفها تكون عزيزة وكي يجي يرد ترجع حاجا ماكان والو ويرجعهالك غربة ومانيش عارف واش منين ماتسوى والو أنا نعرف رجعها بلى ما يقولولك الناس رجعلنا صوالحنا ربي يحفظك ختي وربي يخليك وربي يعطيك ماتتمني وأنت زادة ربي يتقبلو منا ومنك ومن جميع المومنين صحا السحور مقدما ​

 

[abidou 20081]

عندك حق خويا انا بلا ما نسلف يشوفوك لابس حاجة مثلا خاتم تقلك يو عجبني اعطيني نشوفو نمدهولها تحاول تبدل الموضوع بش تنسيني فيه وللا دير روحها ما قدرتش تنحيه مي قدرت تلبسو كنت نحشم قبل مي ضرك نحيهولها وللا كون نعرف نطيرلها صبعها معاه هههههههههههههههههههه شكرا اخي موضوع بردت و ريحت فيه قلبي شككككككككككككرررررررررررررررررررررررررا

هههههههه والله ياختي رانية لعزيزة غير جبتيلنا حاجا تاع الصح الفكرة الجديدة هذي تاع لخواتم وهذي تاني عندنا حنا الرجال منين تكون داير خاتم فضة ولا يجيك في جاه ربي أعطيني نقيسو وبعدها يبدى ينسي فيك وإذا مانسيتش يلعبها الخاتم ماحبش يخرج واللعب المارق هذاك بصح أنت راكي وحدك طيريلها صبعها بزاف هههههههههههههههههه وانا نقولك حاجا في هذ ألمر سيرتو تاع لخواتم قبل مايتنحلوش هو نقولو أنا راه مايتنحش على خاطرش يقيس الخاتم ولا مايقيسوش ماعندو حتى معنى وزيد كي يقيس الخاتم رايح يزيدلو في عمرو ولا بحال رايح يشري خوه نوريلو الحانوت ويشري خير منو ههههههههههههه
ربي يخليك ختي رانيا ويفتح عليك والموضوع موضوعك وبردي قلبك حتى يرجع لاقلاص ههههههههههههههههه
صحا رمضانك والله يجيبو علينا وعليك بالخير والبركة دمتي ​

 

[abidou 20081]

واش معنتها الثقة ؟؟؟والسرقة صح كاينة ؟؟؟
hhhhhhhhhhhhh

السرقة كاينة وتكون خويا موح وراهي ماشية وتزيد بصح سرقة الثقة هذي سرقة صعيبة بزاف ومنين انت داير الثقة في صاحبك ومرات تكون عندك بالاك حاجا عزيزة عليك وماتشدهاش عليه وهو يخدعك فيها تسمى مابفى والو خان الثقة وزاد سرقك ربي يحفظك خويا وربي ينورك كيما نورت الصفحة وصحا رمضانك دمت​

 

[abidou 20081]

السلام عليكم

هذه خويا يسموه التسحار

وهنا تعود فيها الكف والكوتبي يعيط

شكرا اخي بارك الله فيك

خويا الورقلي والله غير يعطيك الصحة على المشاركو تاعك قبل ونقولك في كل بلاصة واش يعيطولو كاين لي يسموه سقاطة وكاين لي يقولك نصحرو وكاين لي يقولك نسحج عليه ومهما تبدلت الهدرة تبقى سرقة هي سرقة والكف والكوتبي خويا مع هذ الناس والله غير في بعض المرات غير قليل مانعرف هذ لوجوه منين جايبينها والله إذا كانت قباحة راهي فاتت وإذا يشوفوها قفازة كامل الناس تقدر تقفز بصح هذو الجيعانين يديرو بزاف والجيعان مانقصدش بيه جيعان الكرش لكن جيعان لعقل ولي ماشافش يبقى ديما مخلوع
ربي يحفظك وربي يخليك خويا الورقلي وربي يعطيك ماتتمنى وصحا رمضانك دمت ​

 

[abidou 20081]

عندك الحق خويا على هدا الموضوع خطرة سلفت فلاش ديسك لواحد يقرى معايا وحدو قلي متخميش يقعد عندي يومين راني محتاجو انهر الثالث يكون عندك قتلو معليش خليه كي راك محتاجو انا مانيش مسحقاتو هادو ليامات بصح كي نسحقو نعيطلك جيبهولي قالي مكاش مشكلهادي فالشتا
جا الفاكونس تع الصيف وخلاص كي قتلو ردهولي سحقيتو وليت ماشي مليحة اومبعد ازعف انا نخلعت في عوض يقولي صحيتي قالي مخلوعة مانيش راح ناكلو
حسيت انا راني نسلف عليه
واش تهدر مع عرب كيما هادو
ربي يحفظك وربي يخليك

ختي لعزيزة ميميتا والله ماعرفت واش نقولك هذي ماشي رجلة كامل واحد تديري فيه الخير ويرجعو شر هذا راه بعيد بزاف بزاف على ريحة الرجلة ويحسب روحو راه قافز وبالاك راه يزوخ بها ويقول صحرتها في فلاش ديسك الجايح مسكين يدير حوايج بزاف تاع الجياحة ويبانولو قفازة بصح ماراهش عارف بلي ربي يخلف على الشجرة وعمرو ما يخلف على لي يقطعها وكيما قلتي في عوض لي يقولك يعطيك الصحة وأسمحيلي بالاك طولت عليك ولا يشوف فيك مخلوعة هههههه مانعرف شكون لي مخلوع مول الشي ولا لي راه سارقو وهذا الغنية تاع مخلوع ومارانيش رايح ناكلو وأنت واش بيك هكذا ماراكش داير فيا الثقة كامل هذو غنيات تاع هف برك ياخويا رجعلي صلاحي وروح تشري واحد أخر منين راك كيما هكذا وكاين لي يحب يرجعك غالط ويبينلك بلي أنا هاك صاحتك وماتزيد دور بيا ماندور بيك تقول أنت راه مكانش بحالو وهي فالحقيقة قولي تهنيت من الفيقورة تاعك وهذو يسموهم وجوه لخسارة وخسارتهم خير منهم قاعدين عايشين على ظهر الناس كي الدبانة حشاك ومازال يبينلك روحو راه تاع رجلة وثقة ربي يهدي برك ختي ميميتا ربي يحفظك وربي يخليك وربي يعطيك ماتتمني وصحا رمضانك *​

 

[abidou 20081]

السلام عليكم واش راك مع الصحة نتمنى تكون بخير
اولا اسمحلي على هاد الغياب الطويل اعرف انك كتبت عدة مواضيع ولم ارد عليها لسبب واحد وهو انشغالي الكثير في العمل لان شهر جويلية وأوت عندما يأخدون الناس الاجازات والعطل يشتد علية الخناق في العمل
الان نولو للموضوع
من اين ابدأ ومادا احكي موضوعك هاد وكأنه موجه لي مباشرة والله هاد الشي الي حكيت عليه راهو مخليني في بلاصتي خاصة انني خجول ولا اطلب حقي ممن اسلفهم ماغاديش نحكي قاع القصة راهي طويلة ومعقدة المهم راس المال المقدر بي 50 مليون راح والمدة راهي تجاوزت الثمن سنوات ونا راني ساكت وحالف مانهدرلهش خليها على الله برك والمشكل راهو لاباس بيه ههههههههههههههه زاد نايفني بصح كاين حاجة وحدة راهو عنده 3سنوات ملي تزوج وربي ماعطاهش الاولاد هدي اول اشارة ..............................الخ

خويا عمر الحمد لله على سلامتك ومارانيش ناسيك ودكرتك شحال من خطرة في بعض المواضيع وعلى الغيبة لي غيبتها المهم الحمد لله كي راك بخير وهذي الفايدة وربي يعاونك على خدمتك

نرجع لقصتك خويا والله غير صح صعيبة وهذ الناس هذا واش تحوس غير على واحد حشام ويطيحو عليه بصح والله مايربح ياخويا عمر بصح خويا عمر ونصيحة من عند خوك عبيدو هذ الناس لازم ماتطلقلهاش روحك والله مانخليه ترونكيل سماطة ولا قباحة كي ما حب هو ماحشمش لي راه سارقني وأنا نحشم لوكان جا عندو وجه هو لي يحشم ماشي أنا وزيد راه كي ما قلت كاين لو يعني ماشي مغبون واش معنتها يترفه على ظهري وزيد لوكان غير تكون ورقة بينك وبينو ولا عندك شهود ملاح عليه هكذا تتسقم مليح وزيد راك قلت راته منايفني واش معنتها ينايفك هذي العفسة تاع باش ماتكسرلوش راسو برك وأبعثلو ناس كبار يحدثوه وماتخليهش يروح هكذا
ربي يجيب الخير خويا وعمر وربي يرجعلك حقك غير ماتخافش وربي يحفظك وربي ينورك والله غير نورت الموضوع وصحا رمضانك خويا عمر ​

 

[قط بلا وذنين]

عندك الصصصصصصصصصصصصصحححححححححححححححححححححححححححححححححححححح راك تشوف قاع هاك

 

[abidou 20081]

عندك الصصصصصصصصصصصصصحححححححححححححححححححححححححححححححححححححح راك تشوف قاع هاك

سلام خويا وربي يعيشك

خويا لعزيز قبل مانرد عليك نقولك والله مابغيتلك تختار أسم كيما هذا ياخويا راك إنسان ماشاء الله وعلاش ترجع روحك قط في مايخص الموضوع نقولك الله غالب هذا واقع ولينا عايشينو ورجعنا نشوفو فيها قفازة يعجبك ماشي سرقة ولحرام حبو يحللوه بواحد الطرق تضحك تاع الصح ربي يجيب الخير برك وربي يحفظك وربي يعطيك ماتتمنى ودمت بألف خير وهناء إن شاء الله

 

[صريحة]

شوف انا نسلف من عند صحبتي وهيا تسلف معندي ومكانش حتى مشكلة مي واحد النهار سلفت سروال لطفلة معنديش علاقة بيها ياسر بعد 3سمنات قتلها رجعيهولي .......تصدق خويا رجعتهولي مقطع والله مغادني السروال كي تقطع واش هيا السبة الي تقطع على جلتها لوكان تشوف السبة تقول كان ماسقسيتش خير
وزيد مصح وجها مزالت تجيني ومزالت تحب تسلف وشوف محن قلبي ههههههههههههه مزلت نسلفلها ............( تطلب حويجك تحشم تسكت تخليها تقلولك اني كلحتها هدي ميسموهاش تكليحة هدي يسموها سرقة ) وخلي وخلي لوكان نبدا نحكي معاتش تفرى
على العموم خلي ربي برك
ويعطيك الصحة على الطرح المميز يامميز
​

 

[youba115]

عندك الصح
ويقولو كل مااخد بسيف الحياء حرام

 

[braidjia34]

والله هادا ما عطا هاد لعام عندك الحق كيما قال منار
ماشي شابة ياماشي ناينا يا شيرا سحارا يا ماشي قشها ياقش صحاباتها يا ماشي قشها يا قش جوارينها ولباقي ليكم المهم ههههه دايمن ندخلللكم هواري منار فنص ماعليش ماعليش

 

[سر القلوب]

والله غير عندك حق خويا ونقول الحق تسلاف الحوايج هادي اكتر عادة نكرها
في الناس
والمشكلة انو كون تسقسيهم مثال عالحوايج اللي لابسهم واحد يقولك شريتهم
من تونس لوخر من فرنسا وكون طل عليه تلقا كلشئ مسلف
والعموم ربي يهدي من خلق

 

[abidou 20081]

شوف انا نسلف من عند صحبتي وهيا تسلف معندي ومكانش حتى مشكلة مي واحد النهار سلفت سروال لطفلة معنديش علاقة بيها ياسر بعد 3سمنات قتلها رجعيهولي .......تصدق خويا رجعتهولي مقطع والله مغادني السروال كي تقطع واش هيا السبة الي تقطع على جلتها لوكان تشوف السبة تقول كان ماسقسيتش خير
وزيد مصح وجها مزالت تجيني ومزالت تحب تسلف وشوف محن قلبي ههههههههههههه مزلت نسلفلها ............( تطلب حويجك تحشم تسكت تخليها تقلولك اني كلحتها هدي ميسموهاش تكليحة هدي يسموها سرقة ) وخلي وخلي لوكان نبدا نحكي معاتش تفرى
على العموم خلي ربي برك
ويعطيك الصحة على الطرح المميز يامميز
​

تحية عطرة ختي لعزيزة صريحة ونورتي الصفحة كيما عادتك ونحب نقولك كاين لمليح وكاين لقبيح في كل بلاصة وكيما كاينة صاحبتك مالقتيش حتى مشكل معاها ولي بالمناسبة نقولك ربي يخليهالك كيما كين ناس أخرى ماتحشم ماتعرف تحشم البعض الغيرة تخليه تدير هذ لحوايج وبالاك السروال تقطع بلعاني وكيفاش حاجتك تقعد عندكط شهور تروح سمانة برك ترجع مقطعة والمشكلة تلقاي عندها لبسة تضرب العام وهي عندها جديدة واش معنتها حوايج الناس فس سمانة تروح ماترجع تصلح لوالو والمشكل كيما قلتي مايقولكش راه لاباس عليه وإنسان مليح بالعكس يشوف فيك جايح وراه كلحلك وهو قافز وأنت فرشة كيما يقولو حتى راسك يحبس حبو يقطعو الخير هذ الناس وماعلابالهمش بلي مع ربي حرام ومنين نساو لحرام رجعوها حاجا عادية وربي يهدي ماخلق
مرورك أسعدني كثيرا وربي يخليك ويحفظك ويعطيك ماتتمني أما شهادتك عني هي شهادة أفتخر وأعتز بها منك خاصة ونقولك والله هذا من نبلك وحسن خلقك ربي يخليك وحتى تميزك لا يحتاج إلى تعريف دمتي بألف خير وهناء إن شاء الله
​

 

[abidou 20081]

عندك الصح
ويقولو كل مااخد بسيف الحياء حرام

ربي يخليك خويا لعزيز يوبا وعز ماذكرت خويا صح كل ما أخذ بسيف الحياء حرام لكن للأسف ماوالوش يعرفو لحرام ولاو يعرفو هات برك ربي يحفظك وربي يخليك ويعطيك ماتتمنى خويا نورت الموضوع ربي ينورك دمت
​

 

[abidou 20081]

والله هادا ما عطا هاد لعام عندك الحق كيما قال منار
ماشي شابة ياماشي ناينا يا شيرا سحارا يا ماشي قشها ياقش صحاباتها يا ماشي قشها يا قش جوارينها ولباقي ليكم المهم ههههه دايمن ندخلللكم هواري منار فنص ماعليش ماعليش

تحية عطرة ختي لعزيزة لبرايجية وربي يخليك

خوذي راحتك ختي ودخلي هدرت هواري منار ولا غيرو المهم الفايدة من وراء الهدرة وكيما قلتي أنت
نص الغاشي داها الزوخ يعني لحوايج ماشي تاعهم تاع سلف المشكلة ماشي هنا والمشكلة فالترجاع
إذا رجعوها ولا شدوها ولا قطعوها نهار السلف يجي يبكي ونهار الترجاع يرجعلك فرعون عليك
تقول راه داير فيك مزية باش يرجعلك حاجا تاعك أنت وجوه صحاح مخك يحبس ربي يلطف وخلاص
ربي يحفظك وربي يخليك ويعطيك ماتتمني نورتي الصفحة وربي ينورك دمتي بألف خير وهناء إن شاء الله
​

 

[abidou 20081]

والله غير عندك حق خويا ونقول الحق تسلاف الحوايج هادي اكتر عادة نكرها
في الناس
والمشكلة انو كون تسقسيهم مثال عالحوايج اللي لابسهم واحد يقولك شريتهم
من تونس لوخر من فرنسا وكون طل عليه تلقا كلشئ مسلف
والعموم ربي يهدي من خلق

تحية عطرة وطيبة أختي العزيزة سر القلوب

ونقولك والله غير أنت لي عنك الحق ختي وتسلاف لحوايج هذي ماشي طبيعة أصلا وكيفاش وصلنا لهذ الطبيعة والله غير تبقى دايخ ماعليش نقولو بالاك وحدة عندها عرس ولا عندها حاجا مهمة وماعندهاش باش تقابل وماشي في حالها يعني الله غالب عليها وحتمتها الظروف تروح تتسلف
بصح لازم تعرف بلي غير تقضي صالحتها ترجع واش تسلفت وتنقيها مليح وترجعها في أحسن صورة ماشي ترقد عليها اللعب ولا تحكمها تقطعها ولا ترجعها ماتصلحش وتجيبهالك وزيد نقطة مهمة زدتيها فالموضوع تاع الزوخ لحوايج متسلفين وهي شريتهم من تونس ولا من غيرها يقولك
المتغطي بحوايج الناس عريان والزوخ مايزيد في رجلة وعلى هذي يسموها غير سقاطة وطياحة
وكيما قلتي ربي يهدي ماخلق وربي يحفظك وربي يعطيك ماتتمني ونورتي الصفحة وربي ينورك
دمتي بألف خير وهناء إن شاء الله
​

 

[nina bonoise]

لي عودة ان شاء الله

 

[سماح4]

هههههههههها فكرتني بحوايج سلفتهم يا خويا تسلف حاجة ومن بعد تولي تحلل شغل طلاب وتندم كامل على هذيك المزية ....انا كنت نسلف الوحدة نعرفها حوايج يعني لبسة ماتجي ترجعها حتى نكره حياتي وكي ترجعلي حاجتي تكون ولات ما تتشافش نرميها وخلاص...الله يهدي.