جيزي وموبيليس يشجعو في لفساد

[D aucun]

السلام عليكم خويا عبيدو
يا خويا عبيدو علابالك شحنت الغاشي على التقطاع هههههه راهم داخلينها غير تمنشير هههههه سيرتو فينا شوف راني قريت الردود كاين عضوة تقولك يلقاو لاvوا تاع شيرة سي بون حتى ولو انها متزوجة ما يطلقهاش
اوكي أنت راكي شيرة دخل نيميرو جديد وعلاش تهزي يعرفك يكتبلك ميساج انا فلان هادي أولا
تانيا والله أنتم هاردين السوق بقيتو أنتم لي تتبلاو خويا عبيدو كل مرة يدخل عندي نيميرو جديد ونلقاه تاع بنات وبورطو عندي 0798 لا بلي بار تاع بنات مي مع ديك وتلقاهم كل يوم وتزيد تقولك أنت راك بيبيت واش يا أختي تحوسو تلصقو وتقولو الديفو فينا ؟؟؟
زيد ادا ماتحكيش مع وحدة سي بون تيليفون تاعك يرجع ستوندار وهذا ادا ماتسبيتش قاع ولاباس
أوكي نرجعو لجازي وموبيليس يا خويا انت مدير ولا ايطار في هاد الشركة همك أنك دخل الدراهم واش وزيد ماننكروش انو كاين فيها فايدة وين تحكي مع لافامي راك معايا
بصح شوف يا عبيدو خونا داخلينها يقطعو فينا وناسيين همهم سي حنا مي ماشي كامل يابنت الناس
مرسي خويا عبيدو ربي يخليك

 

[fatima188]

والله عندك الحق من نهار دارو العفايس تاع باطل هاذو خلات على المجتمع تاعنا وراح فيها طول .فسدونا ليجان تاعنا ربي يهدي الشركات وربي يهدي الناس الفالسة​

 

[abidou 20081]

يتسمى خويا رانا متفاهمين

راك متهني خويا هههههه وأنت عندك البونيس ولا بلا بونيس كيف كيف بصح الجماعة لي عندها المكالمات بزاف هذو بلا بونيس ما يقدروش يسايروها تكلفهم بزاف مع ضعف القدرة الشرائية مافراتش بصح كاين لي ينقصها من عمرو ويزيدها هدرة كنا زمان يقولك واش عندك فيها قول واش حبيت ياك الهدرة باطل درك ولات بالدراهم ههههههه

هي خويا ضرك الموبيل فنهار راه للاعمال و صوالج مهمين و الناس لي يحتاجوه صح:thumbup: و فليل راه للعشاق و صحاب المسلسلات ههه:001_rolleyes:
جيزي نورمالمو دير فنهار باه تعاون لي يحتاجوه صح
:confused1:بصح هي خيرت باه تساعد العشاق:blushing:
راك عارف مساكين خدايمن طول نهار و يمن يجي ليل يتحشو حبيباتهم ههه:blushing::laugh:

صحاب جيزي حبو يدعمو الفساد لانهم اصلا فاسدين
ربي يهديهم


و اسف على العودة الطويلة
بارك الله فيك
صح صيامك
صح فطورك



​

صحا فطورك خويا وربي يتقبل

واش تحب تدير منين ولات الأعمال مافيهاش الفايدة كيما جماعة العشق لكن منين تخمم مليح وتفهم هدرتي مليح هي وعلاش البونيس هذا محطوط غير لجماعة الليل بالاك كامل الأعضاء إتفقنا على حاجا وحدة وهي للعشاق ماعليش جماعة النهار جماعة الأشغال ماعليش بصح منين نفكرو مانلقاوش بلي سياسة بريئة يعني سياسة متعمدة تشجع لفساد وهذي النقطة المهمة لي راني نقول فيها يعني كاين سياسة مدروسة لهد الشيء وهذ السياسة ماتساعدش حتى الناس لي تظل فالنهار تهنبر ويجي الليل باش يتنفس تحكمو حبيبتو تسهرو لنص الليل كيفاش رايح يكون الروندمون تاعو فالنهار يعني خالوطة وخلاص في توقيت البونيس وتقولي كل واحد يتحمل مسؤوليتو نقولك عندك الحق بصح راك عارف مع الظروف الإجتماعية لي راها عندنا كل واحد ولا يفكر يربح دورو خير ملي يخسرو غير هكذا بالرغم من أنهم في الكثير من الأحيان يخسروهم على حوايج مخك يقعد حابس
النقطة الأخرى لي مانتمناش تعاودها ولي هي تأسفك على العودة الطويلة ياخويا ما تتأسف ماوالو راه الموضوع موضوعك وهو مطروح للنقاش هذي حاجا اللولة والتانية مشاركتك كيف ما كانت تفرحني وربي يفرحك ويعطيك ماتتمنى
وتقبل الله الصيام والقيام وصالح الأعمال ​

 

[abidou 20081]

السلام عليكم خويا عبيدو
يا خويا عبيدو علابالك شحنت الغاشي على التقطاع هههههه راهم داخلينها غير تمنشير هههههه سيرتو فينا شوف راني قريت الردود كاين عضوة تقولك يلقاو لاvوا تاع شيرة سي بون حتى ولو انها متزوجة ما يطلقهاش
اوكي أنت راكي شيرة دخل نيميرو جديد وعلاش تهزي يعرفك يكتبلك ميساج انا فلان هادي أولا
تانيا والله أنتم هاردين السوق بقيتو أنتم لي تتبلاو خويا عبيدو كل مرة يدخل عندي نيميرو جديد ونلقاه تاع بنات وبورطو عندي 0798 لا بلي بار تاع بنات مي مع ديك وتلقاهم كل يوم وتزيد تقولك أنت راك بيبيت واش يا أختي تحوسو تلصقو وتقولو الديفو فينا ؟؟؟
زيد ادا ماتحكيش مع وحدة سي بون تيليفون تاعك يرجع ستوندار وهذا ادا ماتسبيتش قاع ولاباس
أوكي نرجعو لجازي وموبيليس يا خويا انت مدير ولا ايطار في هاد الشركة همك أنك دخل الدراهم واش وزيد ماننكروش انو كاين فيها فايدة وين تحكي مع لافامي راك معايا
بصح شوف يا عبيدو خونا داخلينها يقطعو فينا وناسيين همهم سي حنا مي ماشي كامل يابنت الناس
مرسي خويا عبيدو ربي يخليك

صحا فطورك خويا مختار وربي يتقبل

خويا مختار عندك الحق واش راك تقول وهذي نظن ماكانش لي صراتلو وحتى لبنات في روحهم مرات يصونيلهم بورتابل ويلقاو من عند طفلة وكاين قصة هنا تقالت فالمنتدى من عند واحد الأخت منين صونالها البورتابل تاعها ولقاتها طفلة واش دارت كدبت عليها وقالتلها بلي هذ البورتابل تاع خويا أيا هكذا ماجات توصل لعشيا حتى بدات الطفلة لي صونات غير تعاود عندبالها صح البورتابل تاع خوها تقولك بالاك نلصق ونقولك خويا مختار والله من طبيعتي من حبش نظلم بصح منين تخمم مليح تلقى كاين أسباب بزاف لي وصلتنا لهذ الأمور وإذا ماتعالجتش رايحين نزيدو كثر على خاطرش الطفلة تاني نفس ياخويا ونفس ضعيفة على الطفل ومنين الطفل قوي على الطفلة لازم تاني هو يلعب الدور تاعو وكاين تاني بعض الدراري الله يهديهم والله غير مرلايحين غير لهذ الشيء يعني يقعد من نيميرو لنيميرو وزادت كملتها لحديث لي رانا نهدرو عليه ولي هو هذ لي بونيس تاع الليل لي سهلت المهمة لهذ النوع من الناس ونقدرو نقولو درك الحمد لله لي ولات لي بيس ماتتمدش حتى تتسجل بالأسم درك الناس بدات تخاف شوية وقبل منين كانت تتمد غير هكذا والله غير تسمع لي ماتسمعوش وبلا حشمة ولا تربية نورمال يصونيلك ومنين تسقسيه على من تحوس يحطلك الكاينة ويكوبي تغيضو كي مايلقاهاش طفلة تقولي جيزي وموبيليس والإطارات تحوس على الفايدة معاك أنا في هذ النقطة وكل واحد عندو سلعة لازم يمشيها بصح هذ السلعة ماتمشيش غير فالليل يعني على الأقل باش مايبانوش راهم يشجعو على لفساد مرة مرة يديرو جست لجماعة النهار
ربي يحفظك وربي يخليك وربي يعطيك ماتتمنى ودمت أخي ​

 

[silena samanta]

بارك الله فيك اخي الكريم والله موضوع فصميم وهوما يعطوهم باطل وناس ترجع ديرونجي فليل لي معندوش شغل يقارع ل12 والله غير ربي يهدي باين فليل معندك مدير بلزينيتي باطل

 

[abidou 20081]

والله عندك الحق من نهار دارو العفايس تاع باطل هاذو خلات على المجتمع تاعنا وراح فيها طول .فسدونا ليجان تاعنا ربي يهدي الشركات وربي يهدي الناس الفالسة​

صحا فطورك وربي يتقبل ختي فاطمة

أمين ياختي ونتمناو الهداية لينا كاملين وراكي تشوفي منين بدات هذ لعفايس بدات تكثر معاها واحد الشوفات حتى راهي تولي قريب حاجا عادية عند الناس غير تطيح الظلمة كل واحد حاكم شوكة وقاعد يرحي يكوبي منا يفورمي ملهيه وهي تكمل من هذا راهي مع لاخر نورمال والدعوة إذا كملت هكذا رايحين نفقدو واحد لحوايج بزاف بزاف وراكي تشوفي رانا في وقت الطفلة ماتدير الثقة فالطفل والطفل مايدير الثقة فالطفلة ورايحة تزيد كثر وخاصة في العائلات يعني يتزوج بطفلة بعد مدة من الزواج يبدى يرجع في لابوبين والسؤال اللول مع من كنتي وهذي عقلية لي زالجيريان باش مانهربوش منها ونهدرو صراحة وما نكدبوش على بعضنا يعني رانادرك نزرعو في قنابل موقوتة ماتعرفي ويقتاش تنفجر
بالمعنى للموضوع ربي يحفظك ختي وربي يخليك وربي يعطيك ماتتمني ومشاركتك أسعدتني حقا وربي ينورك
تقبل الله الصيام والقيام وصالح الأعمال دمتي ​

 

[abidou 20081]

بارك الله فيك اخي الكريم والله موضوع فصميم وهوما يعطوهم باطل وناس ترجع ديرونجي فليل لي معندوش شغل يقارع ل12 والله غير ربي يهدي باين فليل معندك مدير بلزينيتي باطل

صحا فطورك وربي يتقبل ختي لولو وربي يحفظك

وفيك بركة وأنت لي ماشاء الله عليك وربي يبارك فيك ماشي الموضوع وكيما قلتي هوما يعطيوهم الباطل وبعض الناس تخلص الديرونجمون بصح نقولك والله غير كاين لي يبات ساهر كثر من 12 تاع الليل الله غالب عليه والله غالب عليها بصح المشكلة لي طلع السكر أنه بعض الأشخاص يستغلو هذا البونيس في أمور أخرى منها التخلاط ومنها الديرونجمون تاع الناس مايقولك كاين لمريض مايقولك بالاك هذي متزوجة ولا مخطوبة يخربولها بيتها عندهم كامل الناس كيف كيف وهذي الكارثة ولوكان راكي تلاحظي معايا تلقاي الوقت هذا حتى ويكونو زوج متفاهمين مليح يعني علاقة تاع زواج ممكن تتخرب غير على أمر تافه مثل هذا واحد يجرب نيميرو يلقاه تاع طفلة يسجلو عندو ياربي ماهدرتش معاه يعني قالتلو روح تلعب بعيد بصح هو يقعد يعاود ويعاود حتى لي معاها ولا دارها ويدخلهم الشك وحتى إذا جا صاحبها ولا خطيبها وصونالها ولقاه مشغول السؤال الأول هو مع من كنتي تهدري بالاك فاللول مايدي مايجيب بصح بعد مدة رايح يبدى الشيطان يلعب في لعوبو وتولي أزمة ومنها نعرفو بلي هذ التكنولوجيا تاع البورتابل قد ماكانت نعمة رجعت نقمة ومنين زادو البونيس في وقت تاع الليل زادو كملو على الحالة ربي يحفظك وربي يخليك ختي لولو ربي ينورك والمشاركة تاعك ماتعرفيش شحال اسعدتني وربي يفتح في وجهك كل بيبان الخير
وتقبل الله الصيام والقيام وصالح الأعمال ​

 

[farah mimita]

سلام خويا عبيدو
صح فطورك .بارك الله فيك على الموضوع
صح عندك 1000حق يديرو ليبونيس غير فالليل او في شهر رمضان تكون تتفرج ف التليفيزيون
تصيب الاشهار غير على الهدرة باطل او جيزي او موبيليس او نجمة ...سبحان الله تقول تقول شهر تع
قصرة وتمسخير ياك هادا شهر تع عبادة علاش مايديروش ليبونيس في الشهور لخرين غير في رمضان
او فالليل هوما يتبعو في واش يخرج عليهم بلا ما يدرسو واش راح يصرا شافو الشباب او لبنات طايحين على الهدرة فاليل وفرولهم الجو الي يساعدهم .او زيد يقعدو يتمسخرو بالغاشي في نصاف الليالي او زيد يديرو المشاكل للناس نعطيك مثال عليا انا فالليل تيليفون تاعي جامي درتو يسوني
دايما فيبرور علاش بارسكو يعيطو او كي تريبوندي عندك ماتسمع او زيد يديرو ليبروبلام او راك عارف وايذا سمعو صوت طفلة راك عارف ....او زيد وزيد.....
مارسي على الموضوع :thumbup::thumbup:
​

 

[abidou 20081]

سلام خويا عبيدو
صح فطورك .بارك الله فيك على الموضوع
صح عندك 1000حق يديرو ليبونيس غير فالليل او في شهر رمضان تكون تتفرج ف التليفيزيون
تصيب الاشهار غير على الهدرة باطل او جيزي او موبيليس او نجمة ...سبحان الله تقول تقول شهر تع
قصرة وتمسخير ياك هادا شهر تع عبادة علاش مايديروش ليبونيس في الشهور لخرين غير في رمضان
او فالليل هوما يتبعو في واش يخرج عليهم بلا ما يدرسو واش راح يصرا شافو الشباب او لبنات طايحين على الهدرة فاليل وفرولهم الجو الي يساعدهم .او زيد يقعدو يتمسخرو بالغاشي في نصاف الليالي او زيد يديرو المشاكل للناس نعطيك مثال عليا انا فالليل تيليفون تاعي جامي درتو يسوني
دايما فيبرور علاش بارسكو يعيطو او كي تريبوندي عندك ماتسمع او زيد يديرو ليبروبلام او راك عارف وايذا سمعو صوت طفلة راك عارف ....او زيد وزيد.....
مارسي على الموضوع :thumbup::thumbup:
​

سلام ختي فرح ويجعل أيامك كلها فرح وصحا فطورك وربي يتقبل
هذي كاينة منها ختي تكثر بزاف في شهر رمضان وتولي كامل الشبكات تعلن في الإشهارات تاعها كيلي ربي يربط الشياطين في رمضان ويتطلقو شياطين العباد في بلاصتهم يرجع كلش باطل أهدرو برك وزيد هذي مافيها شك يديرو واش يخرج عليهم وزيد خدمتهم مع الشباب ولبنات تكثر فالليل وهما يوفرولهم الجو المناسب ماعليش نقولو كل واحد الله يسهل عليه بصح ماحسبوش للناس لي يديرونجوها وزيد نقزلك حاجا والله غير ماشي غير أنت لي تديريه سيلونسيو حتى انا من كثرت هذ الهراج وليت نديرلو الكود ماشي غير السيلونسيو وكاين بعض العيباد واش تحبي نقولك عليهم جساد بغال وعقول عصافير ماعليك غير تغلقي ودنيك معاهم ورانا رجالة وماسلكناش معاهم يبعث بالاك يقولك نطيح مع كاش طفلة منين يلقاك طفل تبغي عمرو تخرج
وتولي أنت وياه في شد مارانيش قدك والهدرة السامطة خليها على ربي برك
ربي يحفظك وربي يخليك وربي يعيطك ماتتمني وربي ينورك كيما نورتي الصفحة
وتقبل الله الصيام والقيام وصالح الأعمال دمتي ​

 

[farah mimita]

سلام ختي فرح ويجعل أيامك كلها فرح وصحا فطورك وربي يتقبل
هذي كاينة منها ختي تكثر بزاف في شهر رمضان وتولي كامل الشبكات تعلن في الإشهارات تاعها كيلي ربي يربط الشياطين في رمضان ويتطلقو شياطين العباد في بلاصتهم يرجع كلش باطل أهدرو برك وزيد هذي مافيها شك يديرو واش يخرج عليهم وزيد خدمتهم مع الشباب ولبنات تكثر فالليل وهما يوفرولهم الجو المناسب ماعليش نقولو كل واحد الله يسهل عليه بصح ماحسبوش للناس لي يديرونجوها وزيد نقزلك حاجا والله غير ماشي غير أنت لي تديريه سيلونسيو حتى انا من كثرت هذ الهراج وليت نديرلو الكود ماشي غير السيلونسيو وكاين بعض العيباد واش تحبي نقولك عليهم جساد بغال وعقول عصافير ماعليك غير تغلقي ودنيك معاهم ورانا رجالة وماسلكناش معاهم يبعث بالاك يقولك نطيح مع كاش طفلة منين يلقاك طفل تبغي عمرو تخرج
وتولي أنت وياه في شد مارانيش قدك والهدرة السامطة خليها على ربي برك
ربي يحفظك وربي يخليك وربي يعيطك ماتتمني وربي ينورك كيما نورتي الصفحة
وتقبل الله الصيام والقيام وصالح الأعمال دمتي ​

حرنا مع تخمام غاشي الراشي الي مايسلكو مايحصلو الله يهديهم
تصبح بخير او صح صحورك اخي

 

[abidou 20081]

حرنا مع تخمام غاشي الراشي الي مايسلكو مايحصلو الله يهديهم
تصبح بخير او صح صحورك اخي

واش تحبي تديري تعانديهم تولي كيما هما وعليها ماعليك غير ترمي فالثقيل وخلاص
تصبحين على ألف خير ونوم هنيء وأحلام سعيد ماتنسيش طفي البورتابل هههههههههههههه
ربي يتقبل الصيام والقيام وربي يحفظك ​

 

[farida91]

هذي العفسة تاع الليل قليل اللي يستفادو منها في حاجه مليحه
اما لخرين دايرينها غير للتمسخير
تلقا راجل عندو50 سنه داير موبيليس ابونمون يهدر مع ......الله يهديه
فالليل الناس تعبد ربي و هما يباتو يتمسخرو
الله يهدي ماخلق
صحيت خويا عبيدو على الموضوع الهادف
ربي يحفظك خويا ​

 

[Adel Adel1]

سامحني أخي لكن نضن هو ينتمي للمنتدى العام ولا لا؟

مشكور بزاف عليه موضوع مميز
​

 

[abidou 20081]

هذي العفسة تاع الليل قليل اللي يستفادو منها في حاجه مليحه
اما لخرين دايرينها غير للتمسخير
تلقا راجل عندو50 سنه داير موبيليس ابونمون يهدر مع ......الله يهديه
فالليل الناس تعبد ربي و هما يباتو يتمسخرو
الله يهدي ماخلق
صحيت خويا عبيدو على الموضوع الهادف
ربي يحفظك خويا ​

صحا فطورك وربي يتقبل ختي فريدة

عندك الحق فلي قلتيه والله غير يعطيك الصحة تاع الصح هذ العفسة تاع الليل باين شكون لي يستفاد منها والأغلبية تاع التمسخير برك والديرونحكون أما ناس الشغالات ماعندو مايدير بها يحتاجها فالنهار منين يولي يسير في شغالاتو أما جماعة الليل باين بين شكون وشكون وباش نعاود كلامي ونقول لوكان جات بين واحد ووحدة على علاقة تاع الصح يعني يبنو حياتهم مع بعض مانهدرش بصح تاع من واحدة لوحدة وهي من واحد لواحد هذا لي فساد وخبث وكيما قلتي شيخ مولا 50 داير أبونمون باش تاني هو يجيب وقتو واش نقولو على الشباب هكذا يتسمى ماعليهم لوم لاخدمة ولا زدمة لا مستقبل باين الديقوطاج قاتلهم الزواج ماعرفوش حتى كيفاش يحلمو بيه ويجي واحد خدام وبمرتو وبولادو ولا باس عليه وما يحمدش النعمة واش بقالي مانقول أنا لبفرق بيناتهم كبير كبير ومنين تشوف حوايج كيما هكذا تقول وعلاش راني نلوم فالشباب والله غير عندك الحق تاع الصح ختي فريدة ربي يحفظك وربي يخليك وربي يعطيك ماتتمني ونورتي الموضوع ربي ينورك
وتقبل الله الصيام والقيام وصالح الأعمال​

 

[abidou 20081]

سامحني أخي لكن نضن هو ينتمي للمنتدى العام ولا لا؟

مشكور بزاف عليه موضوع مميز
​

سماح خويا عادل وماكانش حتى مشكل وخويا عبدو المشرف هنا وين حب يحولو يحولو
وأنت خويا لي مشكور على تنويرك لموضوعي وربي ينورك خويا وربي يحفظك
وتقبل الله الصيام والقيام وصالح الأعمال ​

 

[Moha le sage]

الموضوع بالعامية يا اخي عادل و يتحول لقسم واش راك تهدر لانو بالدارجة ... وليس المنتدى العام

وكيما يقول صاحبنا كمال مواضيعك تالمون تحفة الواحد مايفيقش كي يلقى روحو يرد فيهم

 

[rafiksat39]

والله عندك الحق خويا

هذا انوعف البونيس

فسد عقلية الشباب

اللي يبات لصباح وهو يتكلم

مع بنات الرجالة مشكورعلى الموضوع
​

 

[abidou 20081]

الموضوع بالعامية يا اخي عادل و يتحول لقسم واش راك تهدر لانو بالدارجة ... وليس المنتدى العام

وكيما يقول صاحبنا كمال مواضيعك تالمون تحفة الواحد مايفيقش كي يلقى روحو يرد فيهم

ربي يخليك خويا محمد وربي يحفظك وشكرا على التنبيه كما أشكرك على الشهادة الذي أفتخر وأعتز بها منك ومن الأخ مختار ربي يحفظكم وربي يخليكم والله غير لسان يعجز مرات باش يوفيكم حقكم وربي هو لي عالم
الله يكثر من مثالكم وتقبل الله الصيام والقيام وصالح الأعمال ​

 

[abidou 20081]

والله عندك الحق خويا

هذا انوعف البونيس

فسد عقلية الشباب

اللي يبات لصباح وهو يتكلم

مع بنات الرجالة مشكورعلى الموضوع
​

صحا فطورك خويا رفيق وربي يتقبل
ونقولك خويا أنت لي عندك الحق وما قلتش كلمة غالطة تاع الصح فسد العقلية
وفسد الحالة كاملة والشباب لقى وين يفوت وقتو فالليل وفالنهار راقد وهي مشات
وإذا كملت هكذا الحالة رايحة تزيد تفسد كثر و كثر ربي يحفظك خويا وربي يخليك ويعطيك ماتتمنى وربي ينورك كيما نورت الصفحة
تقبل الله الصيام والقيام وصالح الأعمال ​

 

[Lonely Girl]

مشكور خويا عبيدو موضوع قمممممممممممممة
انا نقلك البروبلام يبقى في العبد هو مسؤول على روحو علاه مشروط عليه يبات يهدر بالبورتابل والهدرة بزاف يخي تجيب لخسارة الشركات هاذوما راهم يتاجرو ويديرو اي حاجة تمشيلهم اليميتي ميلينيوم ميحوسو عليك ماوالو ليسونسيال يدخلو فيها دراهم
​