جيزي وموبيليس يشجعو في لفساد

[abidou 20081]

لا علابالهم بلي الناس يموتو على الهدرة و التمعشيق تاع اليالي ايا دارو بونيس في الليل .... يعني لي عندو صلاح ضروري يروح يفليكسي صبحة ربي و لي حاب يهدر مع الحبيبة شبيك لبيك الإتصالات بين يديك .
​

صحا فطورك خويا غزال ويعطيك الصحة على الصراحة تاعك
كاينة منها خويا يعرفو كلش وهما في يدهم كلش كيفاش مايعرفوش وعلى هذي كيما قلت لفليكسي لي حب يقضي صوالحو ولي حب يشيخ باطل هههههههههههه دنية سبحان الله ماعليش حنا باش مانقولوش راهم ينشرو في لفساد على الأقل يتفكرو جماعة النهار ويحنو عليهم شوية وحنا ملي دخل البورتابل لدزاير كامل كاش بونيس ولا باطل يستعملوها غير فالليل وهذي واش من تفسير عندها ربي يخليك وربي يحفظك خويا غزال وربي يعطيك ماتتمنى دمت
​

 

[abidou 20081]

.............مشكور جدا

العفو اخي عادل وربي يجازيك ونورت الموضوع بطلة تاعك وربي ينورك
تقبل الله منا ومنك ومن الجميع الصيام والقيام وصالح ألأعمال
​

 

[abidou 20081]

شكرا حبيبي الغالي لكن الموضوع ليس لي إنما لأخي عبيدو تحياتي .
​

بارك الله فيك خويا غزال لكن ـتأكد أنه موضوعك كذلك ياخويا ماعنديش هذا موضوعي وهذا موضوعك عندي موضوع الجميع وكل واحد عندو الحرية كيفاش يتصرف فيه ربي يبارك فيك وربي يحفظك أنت وخويا عادل
ودمتم وتقبل الله الصيام والقيام وصالح الأعمال للجميع
​

 

[lady.nina]

كتبت واش كان يدور في بالي

البورتابل كان للبيباج mais الان صارو يعيطو قبالة و ادا لقاو la vois تاع بنت كون متاكد بغات متزوجة ماراحش يمحوه
هو صح مليح لزوج مخطوبين
شعب تاع هدرة
الحكمة تقول خير الكلام ما قل و دل هاديكانت بكري pq الان و لات تكلم اكتر تدفع اقل


و ماكلاه تنحيه من وذنك et 2 préference تشري
kit m'1
للراحة اليدوية

مشكور

 

[الـساحر]

و عليكم السلام أخي في الله ..
...
ان شاء الله تمــام الصحــة و العافية ..

عنك حق لا حولا والا قوة الا بالله

تحية معطرة بالورد
​

​

 

[02asma02]

السلام عليكم
والله لاول مرة يعجز لساني على التعبير واش نقولوا حسبنا الله ونعم الوكيل في لي راهم يشجعوا في الفساد
بارك الله فيك

 

[أمل حياتي]

السلام عليكم,مشكوووووووووووووووور أخي ع الموضوع
هدا هوا سباب لفساد لي رانا فيه,وهدا الشي لي خلى les jeunes يوقعو ف الحرام,تبانلهم الصيام ف النهار و juste يأذن c bn يلقاو حريتهم,alors vaut mieux نعسو روحنا على قد ما نقدرو,أنا شخصيا مخطوبة ونخاف نوقع ف لحرام,ربي يهدينا وصح فطورطم

 

[aMiNa-K]

و و و و عليكم السلام ورحمة الله تعالى وبركاته

وربي يسلمك وأنت زادة لقيت الرد جيت نجري وأنا عندي هذا هو البونيس هههههه
واش ختي أمينة راكي تديري الإشهار لموبيليس هههههههههههههه ماعليش لي عندو موبيليس يقول هي لي مليحة ولي عندو جيزي يقول لالا جيزي خير وهي ماشية وكيما قلتي كامل مايمدوش لي بونيس صداقة هذي مفروغ منها ويتبعو الفايدة وين راهي على كل حال هما الرابحين في كل الأحوال ومهما دارو بونيس يبقاو رابحين بصح كل الشغالات تاع الناس تقريبا فالنهار وعلاش مايزيدوش تاني لي بونيس فالنهار وهكذا يتبتو بلي راهم مع الشعب كامل ماشي غير مع خفافيش الليل ولي حبو يرجعونا كامل منهم حتى لي عندو شغل ويحب يطول فالهدرة يخليها لليل
ربي يخليك وربي يحفظك ويعطيك ماتتمني ختي أمينة وأنت لي فور ماشي المواضيع ومشاركتك أسعدتني كثيرا ربي ينورك
تقبل الله الصيام والقيام وصالح الأعمال ​

زاد عليا الحال البارح ههههه.. تالمو شفت الاشهار تاع موبيليس فلاتيلي وليت نعاود فيه ماشي بلعاني هههههههههه

و الحل تاع الهدرة باطل.. لازم كامل نولو خفافيش و نخلو شغالاتنا لليل.. هدا ادا ماولاتش لاشارج و كل دقيقة تتكوبا الهدرة خخخخخخ

بارك الله فيك خويا عبيدو
و صحا فطورك

​

 

[كلي امال]

السلام عليكم و رحمة الله تعالى و بركاته
علاه مايكونش البونيس في النهار ؟؟؟؟؟؟؟؟ الجواب ساهل على خاطر في النهار مكانش فيه الفايدة كل واحد و اشغالاتوا مي في الليل كامل فارغين شغل
و انا في رايي ماهمش يساهموا في الفساد لكن هوما السبب الاول في هاد الوقت
و الشعب تاعنا الله يبارك يحب غير الباطل و هو في الحقيقة ماشي باطل علاه زعمة هاد الشركات خمت علينا ؟ و الله والو كان مالقاوش و الله مايديروا هاد العفايس
انا عن نفسي خممت ندير كاش واحد من هاد البونيس من بعد نبدا نطلع في الحسابات لقيتوا مايخرجش عليا اللي نفليكسي نحكي بيه ساعة و لا نهار كامل في العادة يقعدلي شهر
والديرونجمون في الليل و الله وحدو تكون راقد تسمع البورتابل يصوني تنوض ميت بالخلعة واش صرا سيرتو ادا كان عندكم المريض في العايلة
و الله مابقالني غير ندعوا ربي يهدينا و يسترنا
تقبل مروري اخي الفاضل

 

[khaledmessaoud]

ياوووووووووووووو حنا لى نقصين إمان لا جازي ولا موبيليس ولا حاجة خرة حنا حنا حنا ............... ربي يهدينا لطريق الخير

 

[abidou 20081]

كتبت واش كان يدور في بالي

البورتابل كان للبيباج mais الان صارو يعيطو قبالة و ادا لقاو la vois تاع بنت كون متاكد بغات متزوجة ماراحش يمحوه
هو صح مليح لزوج مخطوبين
شعب تاع هدرة
الحكمة تقول خير الكلام ما قل و دل هاديكانت بكري pq الان و لات تكلم اكتر تدفع اقل


و ماكلاه تنحيه من وذنك et 2 préference تشري
kit m'1
للراحة اليدوية

مشكور

صحا فطورك وربي يتقبل ختي نينا
ونقولك ختي لعزيزة وحنا هذا واش نحوسو كل واحد يكتب واش يجي في بالو وربي يحفظك وأنت راكي أضفتي نكهة للموضوع تاع الصح ودكرتي نقطة مهمة ولي هي جماعة لفساد لي تقعد تسيي في لي نيميرو وإذا لقاها طفلة مسكينة يبقى النيميرو تاعها مسجل يعني يبقاو يديمردو فيها حبت ولا كرهت مايعرفو بلي راها متزوجة ولا مخطوبة ولا خاطيها والنظرة عند هذ الناس عندهم بلي كل طفلة كيف كيف وهذو ختي الناس المخلوعة مساكن لي دارو بورتابلات وماعرفو واش يديرو بها وماعلابالوش بلي كيما راه يدير يجي نهار ويندارلو سواء مع ختو ولا بنتو المهم كيما دار يندارلو وزيد تاع الصح درك لازملك الكيت مان باش يدك ماتتعبش هذي لرجال ولامودا جديدة عند بعض الطفيلات ولات تحت الخمار بلا ماتستعمل يدها يعني أنا مرة صراتلي نشوف في طفلة لاباس عليها وتمشي فالطريق وتهدر وحدها يعني لا بورتابل ولا كيت مان قعد نقول ربي يشافيها المسكينة عندبالي دفعت كورطها تاع الصح بعد شوية نشوف بلوكة طالعة مع ودنها والله غير قعد مخي حابس يعني العربي ماتخميش عليه يتعب من كلش غير في هذ لحوايج يخترعلك حوايج إبليس وتتلفلو فيهم ربي يخليك وربي يحفظك ختي وربي يعطيك ماتتمني دمتي
وتقبل الله الصيام والقيام وصالح الأعمال ​

 

[abidou 20081]

و عليكم السلام أخي في الله ..
...
ان شاء الله تمــام الصحــة و العافية ..

عنك حق لا حولا والا قوة الا بالله

تحية معطرة بالورد
​

​

وعليكم السلام ورحمة الله تعالى وبركاته
خويا ربي يحفظك وربي ينورك ويبارك فيك
وربي يعطيك ماتتمنى ويفتح في وجهك كل بيبان الخير
وخير القول ماقلت لا حول ولا قوة إلا بالله العالي العظيم
ربي يتقبل منا ومنك ومن الجميع الصيام والقيام وصالح الأعمال دمت أخي ​

 

[abidou 20081]

السلام عليكم
والله لاول مرة يعجز لساني على التعبير واش نقولوا حسبنا الله ونعم الوكيل في لي راهم يشجعوا في الفساد
بارك الله فيك

وعليكم السلام ورحمة الله تعالى وبركاته
صحا فطورك وربي يتقبل ختي سميرة
ربي يخليك ختي سميرة وربي ينورك كيما نورتي الموضوع ومجرد الطلة تعني الكثير
ومرات عندك الحق يعجز اللسان عن قول أي شيء يبقى باهت في قلبو حوايج بزاف بصح باش يخرجهم مايلقاش التعبير لي يعبر عليهم صح يقولك نسكت خير لي ربي يحفظك وربي يخليك وربي يعطيك ماتتمني
وتقبل الله الصيام والقيام وصالح الأعمال من الجميع دمتي ​

 

[abidou 20081]

السلام عليكم,مشكوووووووووووووووور أخي ع الموضوع
هدا هوا سباب لفساد لي رانا فيه,وهدا الشي لي خلى les jeunes يوقعو ف الحرام,تبانلهم الصيام ف النهار و juste يأذن c bn يلقاو حريتهم,alors vaut mieux نعسو روحنا على قد ما نقدرو,أنا شخصيا مخطوبة ونخاف نوقع ف لحرام,ربي يهدينا وصح فطورطم

صحا فطورك وربي يتقبل ختي أمل

وأنا نقولك عندك الحق ختي كل حاجا يديروها غير لي نشر الفساد وتشجيع للفساد والسؤال يبقى دائما مطروح وعلاش جماعة النهار ماعندهمش حق فالبونيس والباطل ولا ماعندهمش بورتابلات يعني حنا كامل نعرفو بلي فالنهار كاين شغالات بزاف والناس كامل نايضة بصح مازال ماصحتلهمش يستفادو من هذ البونيس ولا الباطل يعني غير فالليل واش معنتها وأنت ختي نقولك ربي يكملك ولعقوبة إن شاء لنهار لكبير وربي يجمع بناتكم تحت سقف واحد على سنة الله ورسوله الكريم ويرزقكم بالسعادة الكاملة والذرية الصالحة ربي يحفظك وربي يخليك
وربي يتقبل الصيام والقيام وصالح الأعمال ​

 

[abidou 20081]

زاد عليا الحال البارح ههههه.. تالمو شفت الاشهار تاع موبيليس فلاتيلي وليت نعاود فيه ماشي بلعاني هههههههههه

و الحل تاع الهدرة باطل.. لازم كامل نولو خفافيش و نخلو شغالاتنا لليل.. هدا ادا ماولاتش لاشارج و كل دقيقة تتكوبا الهدرة خخخخخخ

بارك الله فيك خويا عبيدو
و صحا فطورك

​

صحا فطورك وربي يتقبل ختي أمينة
ياك لاباس لي زاد عليك الحال ملي قريتها وأنا نضحك ههههههههههههههههههههه
أيا مليح الإشهارات كامل ولاو كيف كيف وكيما قلتي لازمنا كامل نولو خفافيش الليل ولي عندو شغل يخليه لليل ويقضيه وكيما قلتي يا لوكان غير عندنا ريزو مليح كيما البلدان كل يوم كونيكسيون رايحة كل يوم يطلعولك السكر مرات تولي محتاجها أرجونس وتلقى روحك حاب تكسر البورتابل وتلعن النهار لي خرجوه فيه ماكاين والو غير الهف وخلاص الهدرة باطل والريزو ربي يجيب
تقول يمدوها ويندمو عليها هههههههههههههههههه
ربي يبارك فيك ومشاركتك تسعدني دائما وربي يخليك وربي يعطيك ماتتمني ويفتح في وجهك كل بيبان الخير
وتقبل الله الصيام والقيام وصالح الأعمال دمتي ودام تميزك ​

 

[abidou 20081]

السلام عليكم و رحمة الله تعالى و بركاته
علاه مايكونش البونيس في النهار ؟؟؟؟؟؟؟؟ الجواب ساهل على خاطر في النهار مكانش فيه الفايدة كل واحد و اشغالاتوا مي في الليل كامل فارغين شغل
و انا في رايي ماهمش يساهموا في الفساد لكن هوما السبب الاول في هاد الوقت
و الشعب تاعنا الله يبارك يحب غير الباطل و هو في الحقيقة ماشي باطل علاه زعمة هاد الشركات خمت علينا ؟ و الله والو كان مالقاوش و الله مايديروا هاد العفايس
انا عن نفسي خممت ندير كاش واحد من هاد البونيس من بعد نبدا نطلع في الحسابات لقيتوا مايخرجش عليا اللي نفليكسي نحكي بيه ساعة و لا نهار كامل في العادة يقعدلي شهر
والديرونجمون في الليل و الله وحدو تكون راقد تسمع البورتابل يصوني تنوض ميت بالخلعة واش صرا سيرتو ادا كان عندكم المريض في العايلة
و الله مابقالني غير ندعوا ربي يهدينا و يسترنا
تقبل مروري اخي الفاضل

صحا فطورك وربي يتقبل ختي كلي أمال
والله غير يعطيك الصحة على جوابك وتاع الصح واش قلتي الناس كامل فالليل فارغة شغل
ولازم يعمرو الvيد هذاك وهكذا يتسمى رانا نعاونو مليح مسألة باطل هذي ماكانش لي مايحبهاش
والله يجعل كلش باطل ماشي غير الهدرة وعندك الحق منين تقولي لوكان مالقاوش مايديروش هذ العفسة بصح المشكلة أنها كثرت ونشرت واحد الثقافة خطيرة ولي هي ماتلقايش واحد مع وحدة برك ولا وحدة مع واحد برك تلقاي المشكلة كل واحد ومخصص الوقت لشحال من واحد وزيد الناس بدات تتعاند يعني رانا نمشو ونقضو على واحد لحوايج كبيرة ومنها الثقة راكي تشوفي الحالة كيفاش راهي وإذا زادت كملت هكذا رايح مايبقى والو أما مسألة الديرونجمون تاع الليل ولخلايع هذي خليها على ربي والله ياكاين ناس ماتحشم على عرضها ماتقولك كاين مريض ماتقولك مرى متزوجة ولا مخطوبة ويفسدولها حياتها ماكاين والو حشاك حيوانات تمشي وخلاص جساد بغال وعقول عصافير ربي يحيب الخير برك وربي يخفظك ويخليك وربي يعطيك ماتتمني ومرورك أسعدني كثيرا ربي يسعدك دنيا وأخرة
وتقبل الله منا ومنكم الصيام والقيام وصالح الأعمال ​

 

[abidou 20081]

ياوووووووووووووو حنا لى نقصين إمان لا جازي ولا موبيليس ولا حاجة خرة حنا حنا حنا ............... ربي يهدينا لطريق الخير

صحا فطورك خويا وربي يتقبل

خويا نقولك صح رانا ناقصين إيمان وهما كملو عليها يعني ديما الطريق لفساد تكون مسوية أكثر من لطريق للخير وراك عارف الغاشي كامل راه مفتون وربي يهدي كيما قلت ربي يحفظك وربي يخليك وربي ينورك كيما نورت الصفحة
ونقولك ماتقلقش روحك رانا غير قدامك وأنت راك تعيط هههههههههههههههه​

 

[** غزال الصحراء **]

بارك الله فيك خويا غزال لكن ـتأكد أنه موضوعك كذلك ياخويا ماعنديش هذا موضوعي وهذا موضوعك عندي موضوع الجميع وكل واحد عندو الحرية كيفاش يتصرف فيه ربي يبارك فيك وربي يحفظك أنت وخويا عادل
ودمتم وتقبل الله الصيام والقيام وصالح الأعمال للجميع
​

الله يحفظك عزيزي , فقط أردت أن أبين لأخي عادل من الذي تعب على الموضوع و لكن على كل الحال الموضوع تاعي بلا مزية هههه :thumbup: ايا دمت بخير و نحن بإنتظار قلمك .
​

 

[abidou 20081]

الله يحفظك عزيزي , فقط أردت أن أبين لأخي عادل من الذي تعب على الموضوع و لكن على كل الحال الموضوع تاعي بلا مزية هههه :thumbup: ايا دمت بخير و نحن بإنتظار قلمك .
​

مكانش مشكل خويا غزال راني عارف بصح مافيها والو راني قلتلك الموضوع موضوعك وخذ راحتك ربي يخليك ويحفظك وربي يعطيك ماتتمنى خويا دمت ​

 

[x123]

صحا فطورك خويا وربي يتقبل

وقبل كلش نقولك ربي يخليك ويحفظك وشهادة أعتز بها
وماتنساش تاني ردودك ماشاء الله عليها خويا
في مايخص واش هدرت خويا نقولك بلي ماخليتلي واش نزيد تحليلك منطقي ونزيد نقولك راك متهني خويا هههههه وأنت عندك البونيس ولا بلا بونيس كيف كيف بصح الجماعة لي عندها المكالمات بزاف هذو بلا بونيس ما يقدروش يسايروها تكلفهم بزاف مع ضعف القدرة الشرائية مافراتش بصح كاين لي ينقصها من عمرو ويزيدها هدرة كنا زمان يقولك واش عندك فيها قول واش حبيت ياك الهدرة باطل درك ولات بالدراهم ههههههه
من حيث لفساد عندك الحق لفساد ماجاش جديد بصح راه زاد بزاف بزاف وهذ الشبكات زادت ساهمت فيه هما صحيح ما يهمهمش راهم في تجارة ويديرو واش يخرج عليهم وكيما قلت لوكان يحبسو البونيس صحيح الشعب مارايحش يقطع بصح رايح يحس تاع الصح وينقص والعربي مسو في عينيه وماتمسوش في جيبو ربي يخليك خويا وربي يحفظك وربي ينورك كيما نورت الموضوع
وربي يتقبل الصيام والقيام وصالح الأعمال دمت​

هذي هايلة خويا راك مهني تاع الصح ههههههههههههههههه​

يتسمى خويا رانا متفاهمين

راك متهني خويا هههههه وأنت عندك البونيس ولا بلا بونيس كيف كيف بصح الجماعة لي عندها المكالمات بزاف هذو بلا بونيس ما يقدروش يسايروها تكلفهم بزاف مع ضعف القدرة الشرائية مافراتش بصح كاين لي ينقصها من عمرو ويزيدها هدرة كنا زمان يقولك واش عندك فيها قول واش حبيت ياك الهدرة باطل درك ولات بالدراهم ههههههه

هي خويا ضرك الموبيل فنهار راه للاعمال و صوالج مهمين و الناس لي يحتاجوه صح:thumbup: و فليل راه للعشاق و صحاب المسلسلات ههه:001_rolleyes:
جيزي نورمالمو دير فنهار باه تعاون لي يحتاجوه صح
:confused1:بصح هي خيرت باه تساعد العشاق:blushing:
راك عارف مساكين خدايمن طول نهار و يمن يجي ليل يتحشو حبيباتهم ههه:blushing::laugh:

صحاب جيزي حبو يدعمو الفساد لانهم اصلا فاسدين
ربي يهديهم


و اسف على العودة الطويلة
بارك الله فيك
صح صيامك
صح فطورك



​