الطول للبقر .. وما يبقى في الواد ..

[فيتامين سي]

رد: الطول للبقر .. وما يبقى في الواد ..

​

تحية حائرة أزفها لاخواني واخواتي البائسين والبائسات عبر ربوع قارتنا الحبيبة .قارة افريقيا الحبية. ايها الشعب الحائر .. اني نشوف في ناس كامل حايرة في مواضيعها ما لازمش نحيرو في حتى حاجة ببساطة لأننا افارقة .و لحل كفاش درك . ومن اعرافنا وتقاليدنا اننا نديرو حوايج بيزار اللي مش عاجباتو يروح يعطيها لروما ولا برشلونة في الطيارة ولا في البابور .مام على رجليه معليش .​

نجيو للموضوع عارف عنوان مخربط صباح النور هع هع هع حبيت نحكي اليوم على موضوع نعيشوه في حياتنا اليومة وكاين بزاف ناس يحتارفوه انه الشرررررررررات مهنة العجايز يا سادة ولا المعاني كيما يقولو العجايز الهدرة عليا والمعنى على جارتي .9999 سطر على هذي الجملة عجبتني . كنت نخمم بيني بين روحي كون يديرو بطولة عالمية في الشرات راح نديو اللقب العالمي ونخلو كامل العالم يصفق ... حكيت المرة لي فاتت على التوسويس في بلاد البتيسويس مي نورمالمو قبل ما نحكو فيه لازم نحكو على سبب لي خلا ناس موسوسة هو هدا الموضوع الشرات كيما قالو واحد ما عندي صاحبي ما يشرلي​

بوه هل مشيت يوما وضربك احدهم بشرة وترك مسمرا في مكانك ؟؟.....للأسف كاين ديفوا نردها ديفوا منردش نخليهم يغلو وحدهم على حساب شكون و كيفاش و علاش ​

ام هل تعرضت لشرة وضحكت لأنك لم تفهمها ومبعد وصلك الميساج الحقيقي بعد عدة ايام وفقت مع روحك كم كنت غبي ؟؟تصرالي مع ختي برك حرب العالمية

​

لو نحب ندير نبذة تاريخية و تعريف محترم للشرة نلبس كوستيم ونريح فوق كرسي ونجبد ورقة رسمية ونسقم الميكروفون ونقول تفضل ابدعنا احم احم هي عبارة عن رسالة ضمنية تحمل معاني حارقة واحيانا مدمرة ..فكرتني في تعريفات الفلفسة. كي تحب توصل لواحد ميساج لتحت لتحت اضربو بشرة واتركه تحت شعار اضربه بشرة دعه يمر ماشي كما نتا تحكي اليوم يجاوبوك عليها الشهر الجاي في انتظار تصفيقاتكم الحارة -_-.. ولو نرجع للتاريخ احترف العرب قديما موضوع الشرات في حكايتهم المشهورة وافق شن طبق هادي باختصار واحد اسمو شن يمشي في طريق تلاقى مع واحد طريق كامل وهو يحكي بالشرات لي معاه ما فهم والو كي وصل هاد السيد لدار عرضو للغدا عندو طفلة يسموها طبق قالها سيد او قتلني بالشرات وهادي طبق فهمت الشرات كامل ايا ولاو زوجو كيف كيف وقالك وفق شن طبقة وولات مثل كي شغل عندنا حنا فولة ولقات ختها مي هادو تلاقاو في الشرات.

​

ونوصيكم كي تشرو حوايج جدد اكم تشبعو بالشرات وش هو انتوما تضحكو عندبالكم صح .هههه اكدلي على هدي مي لازم نمشو في طريق ..و هدا ما يسمى النية في الهبال . كي يجيك واحد يقلك والله جا عليك تريكو حمر راك وليت تشبه لكوكب المريخ انت فهمتها بلي راك شباب وهو حاب يقول يا ودي نحي علينا راهي حبة طماطم خير منك .هنا ادا قالك شباب غير روح بدل بهدلتنا و ادا مخلا فيك ميصلح معناها خرجت بطاطاة كبيرة .. ولا تروح للخدمة ولا تقرا بكري وانت منين داك دير روطار يقولولك يا درا وش من حمار مات اليوم ولا عدت خاطيك شرات تلعبها فكاهي وتقولهم تاع جارنا قدور .. وتضححححك يا مصيبة بهدلت بينا



وكاين مرات وين يكونو زوج من الناس يحبو يتفاهمو على راس الثالث ويبداو فيه بالشرات حتى يديرولو تشنج في المخ تاعو ويبات مريض بالتوسويس ويحكمو التوهم ثانيك ويبدا يتوهم بلي هو بقرة حتى ابن سينا الله يرحمو ما عندناش حتى علاج .. وعادة لما يكونو زوج يشرو والثالث مش فاهم يحس نفسو كي الاطرش في الزفة ويحس روحو قديم على ساحة الشهدا ومش فاهم والو لازمو ميزاجور وش راه صاري في العالم وتلقاه اما يضحك وهو مش فاهم واما يسأل وعمرو مراح يجاوبو تلقاه غير وقتاه .. علاه .. كيفاه .. كيما حكاية المستورة في المنتدى ههه والله نشيعكم في المنتدى ايها الاشرار حتى نفهم ولا ما يبقى في الواد غير حجارو اخخخ


​

المهم انا تعايشت مع ناس عايشين بالشرات علخاطر مع الوقت اي تولي مرض في الانسان كثر من التفويد الله يعافينا .. انت تحكي نورمال معاه ومبعد يعجبك الحال تولي تحكي باسهاب حتى البصاق يطير من فمك (قريب دير فيضان ) والسيد يحكي معاك داخلها شرة من خارج بوحدة منهيه وانت في بالك راه يمدح فيك هنا ننصحك بزيارة دكتور في اقرب وقت ولكن الحقيقة تقول تقدر تحكم هدرتو كامل وتفرض بللي هي المتغير س ومبعدا تضرب هدا السي س في -1 وراح تتوصل للمعنى الحقيقي وتحس نفسك كنت ابلها ودرت فيضان في الباطل كون وفرتو وسقيت بيه مزارع الفلاحين راح يكون المنتوج اوفر.

​

وانا نعتبر الناس لي ناجحين في الشرات هوما عادة ناس دبلوماسيين يصلحو في السياسة انه المستقبل راني رايحة نخدم مع بن غبريط كثر من المجتمع لي ردوه كامل موسوس ..موسوس طبيعي مكان مدخلنا لي يحب يثري الموضوع يعطينا امثلة من حياتو اليومية وفي النهاية تقبلوا تحياتي ايتها الوجوه الشاحبة.​

................

الأمثلة بزاااف بصح نسييتهم
هي حياتنا هكدا ..اخر حاجة كنت نعاير في واحد بالضحك نقوله نتا عقلك 00 و بزااف كلام و هو راح معايا في الخط و ولا يسب في روحه مي حاسب يسب في الناس كي كملت فهم قالي كنتي عليا ..نونونو كنت على خيالك ..هداك لي راه في الحيط ههههههه
و مرة مع استاذي تاع فلسفة انا منحبهاش و هو يهبلنا بسيف نرجعو بتخمامه دايما نمدله امثلة مي كي يفهمهم يعرف بلي هداك قصف سداسي الابعاد ..مرة يحكيلنا على انسان و حيوان و خرطي حيوان تطور و رجع انسان كي كمل قلته أستاذ هدوك لافامي ناوعك نتا لي تعرفهم ..:sport01: :sport01:

 

[Msb security]

رد: الطول للبقر .. وما يبقى في الواد ..

السلام عليكم
ايه يا خويا العزيز كاينا هاذي بزاف

كيما واحد تقولك خلي مسافة بيني وبينك
سينو ناطيك بقصف ثلاثي الابعاد
خخخخ راك فاهم :down:

دوماج انا نيتي مجيهتها سافيا
بصح هيا ...؟ :s

اذا هيا ثلاثي الابعاد
حنا قصف ب 4K
واذ حبت نبدوها م
480 720 1080 2K UHD 4K
وكع لي كاليتي

:sport01:

الله غالب الشرات دايرين حالة
اجيني يابلا ولا نجيك

سلام​

 

[ليليا مرام]

رد: الطول للبقر .. وما يبقى في الواد ..

السلام عليكم هش هش اهلا اهلا يومك مبارك
موضوع قمة والصراحة مش جديدة عليك وما نتوقعش يكون منك موضوع ممل اطلاقا
نردعو لموضوع الشرات والله يا خويا حنا شعب حاير فروحو عبادنا تجيهم بالصراحة ما يعجبهمش الحال لازم تكون توام مع الف واحد تخمم كيما يخمم وتمشي بعقليتو
اللي يشرو على الناس عندي انا ضعاف شخصية يتخباو فالظهر مش قادرين ياوجهو عندي ما فيها والو قال يا فلان ارواح كذا وكذا مي حنا لالا كيما قلت مرات واحد بنيتو قاعد فجماعة والشرات وهي راهم عليك وانت يلحقك المساج روطار او يشرو عليك انا الصراحة يا هشام نقراها طايرة لو قدامي يشرو راح نفهمها عليا ونحكم مولات الهدرة ديركت فبلاصتها عندها شي معايا تقضيه فالحين اما انا والله ما نشر على حتى واحد ديركت عندي هدرة نقولهالك عجباتك ما عجباتكش عادي ومش ضروري انت تتقبلها مني عادي المهم نجي نقولك فوجهك لو طول المدة وحدك راح تفهمي انو مليح كي نحكمك ديركت خير من نشر عليك وكانو انت ما عندكش عقل
وي صرات قدامي شعال من مرة يشرو على بنات كانت العقلية هذي كي كنا نقراو فالليسي مي لما كبرنا الصواريخ راح تطور اكيد يرجعو المعاني والشرات جو جو مش ارض ارض
وكانت العقلية هذي عند النسا مي النسا راهم كونجي خلاوها للرجال راهم داو كل صفاتنا
والله مهما كان ماكانش قد الواحد يجي يحكمك ديركت
شكرا كالعادة مميز مي روح ترفي نخاف يحسدوك

 

[FATIMA 19]

رد: الطول للبقر .. وما يبقى في الواد ..

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
السّلآمـ عليْكمــ
موضوع باهيــــ سيرتو الأسلوب نتاعك في الكتابة (يعطيك الصحة)
الشرات حنا نقولولهم المعاني
كاين مثل يقول :
"الهدرة عليا و المعنى على جاري"
و لي مايفهمشْـــ المعآنيـــ راحت عليه
يلزم يدير دروس خصوصية لفهم الكلام غير المباشر
مي الحاجة لــــي كثرت ضكا الشرات نتاع الفيسبوك
يحطو في المعاني و يكتبو مقصودة
والله حرت في هاذي المخلوقات مساكنـْ مرضى


°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
​

 

[قرصان الساحل]

رد: الطول للبقر .. وما يبقى في الواد ..

كاين ربي معليش
انني حيا ارزق اتنفس الo2 و اطرح ال co2

عارفك كي القط عايشة بسبع ارواح شريرة
اذن انت تقومين بعملية التنفس سعيد جدا لأجلك انت
تحياتي
​

 

[فيتامين سي]

رد: الطول للبقر .. وما يبقى في الواد ..

عارفك كي القط عايشة بسبع ارواح شريرة
اذن انت تقومين بعملية التنفس سعيد جدا لأجلك انت
تحياتي
​

شكرا اخي الافريقي البائس ..لكن حسب اخر الدراسات فان القط يملك روح واحد و قضية 7 أرواح مجرد خرافة
الله يسلمك
نعم نقوم بعملية التنفس .معلومة مؤكدة هذي
شكرا لك اخي البائس

 

["viola"]

رد: الطول للبقر .. وما يبقى في الواد ..

السلاام عليكم و رحمة الله و بركاته

يعني رحت للمنبع تاع التوسويس اونباغصون برافو برافو ..:bravo01:

احنا يقولولها المعاني على راس ام هاني ..

سور ام هاني هاذي كاش مخلوقة كانت من هاذوك لي حكيت عليهم تضحك على الشرة وبعد ايام تفوقلها ..

شعور صعب عزيزي المشاهد..:-o

انا شخصيا احبذ العمل الجماعي فالشرات نهار نتلاقاو على راس واحد ..:sport02:

حلاوتها قااع فالتويزا مبعد نتقاسموا الغنيمة ..يالوكان زوج ندو فيفتي فيفتي و خليه هو يتقابض مع حوايجوا ..:d

اما اذا تعرضت أنا للشرات ما ينفعني نهارها غير احتياطي الf-16 لبدء القصف العشوائي ..فالبادئ أظلم كيما علابالنا:sport01:


يعطيك الصحة موضوع هااايل :regards01:
​

 

[قرصان الساحل]

رد: الطول للبقر .. وما يبقى في الواد ..

سلام عليكم
وعليكم السلام مرحبا بيك ختي سوسو
مبروك الاسم الجديد
وفيك بركة .. وش رايك نقدر ندي احسن اسم في المنتدى
انا نعتبر هذ الاشخاص مسوسين بزاف و هذي العادة نكرهها حقا خاصة لي ديروها وسط جماعة ياو كارثة :-o مي الصح الصح تكون مليحة و بعض العباد و الجزايريين الله يبارك تجمعهم علاقة و اتفاقية الى الابد مع الشرة و الشرة هذي فن يتقنه الشابات الجزائريات :p الهدرة عليك و المعنى على جارك وي عندك حق في كلام كامل لي قلتيه وهي باه نكونو صراحا هادي العادة عند البنات كثر من الولاد ولو دوك هوما تاني رافدين هادي العقلية و ثاني في الاعراس كاش عجوزة ما عرضت اخرة لعرس بنها ياو حليلها النهار كامل و هي تقايس فيها قنابل الشرات هههه
ههه العراس تبانلي موبقات ربي كامل ينبتو تاني مرات كي نسمع واحدة رايحة العرس نعرف بلي تجهزت بكامل الاسلحة البيولوجية في انتظار الحروب التاريخية لي تصرا تحت الطابلة
ياو راك حكيت كل شيئ الله يبارك ما لقيت ما زيد الله يعطيك الصحة على الموضوع
يبارك في ايامك ختي ..
تقبل مروري و تحياتي :regards01:
مرحبا بيك ديما منورة مواضيعي
سلام ^^​

يعطيك الصحة ختي سوسو على مرورك الجميل .. ومرحبا بعودتك مرة اخرى منورة
تحياتي
​

 

[قرصان الساحل]

رد: الطول للبقر .. وما يبقى في الواد ..

................

الأمثلة بزاااف بصح نسييتهم واش هاد لاميموار عندك ركبي كارت ميموار جديدة 8 جيغا عاوني بيها
هي حياتنا هكدا ..اخر حاجة كنت نعاير في واحد بالضحك نقوله نتا عقلك 00 و بزااف كلام و هو راح معايا في الخط و ولا يسب في روحه مي حاسب يسب في الناس كي كملت فهم قالي كنتي عليا صباح الخير هدا وين فاق حبيبنا وهااا حي عليااا..نونونو كنت على خيالك ..هداك لي راه في الحيط ههههههه اوووف واخيرا تنفس الصعداء مزية كنت تحكي على خيالو ماشي عليه هو
و مرة مع استاذي تاع فلسفة انا منحبهاش و هو يهبلنا بسيف نرجعو بتخمامه دايما نمدله امثلة مي كي يفهمهم يعرف بلي هداك قصف سداسي الابعاد ..مرة يحكيلنا على انسان و حيوان و خرطي حيوان تطور و رجع انسان كي كمل قلته أستاذ هدوك لافامي ناوعك نتا لي تعرفهم ..:sport01: :sport01: يعني استاذك تاع الفلسفة قلتي ليه انت حيوان بصريح العبارة ههه هادي انا ما نسميهاش شرة نسميها اعلان الحرب والقصف المباشر دون سابق انذار

ههه ديما نستمتع بحكاياتك اللي متخلاصش ختي هبة وننتاظرو حكاياتك تاع الف ليلة وليلة لي ميخلاصوش .. يعطيك الصحة هبة
​

 

[قرصان الساحل]

رد: الطول للبقر .. وما يبقى في الواد ..

السلام عليكم
وعليكم السلام مرحبا بيك اخي
ايه يا خويا العزيز كاينا هاذي بزاف
كيما واحد تقولك خلي مسافة بيني وبينك
سينو ناطيك بقصف ثلاثي الابعاد
خخخخ راك فاهم :down:
ههه يا خويا وش داك انت تخلط في الجاج حتى يقلك خلي مسافة
اخطيك كيما قالو ناس بكري من النخالة تتهنى من نقير تاع الجاج
دوماج انا نيتي مجيهتها سافيا
بصح هيا ...؟ :s
بالصح هي تحب تنقر وي هادي هي هه
اذا هيا ثلاثي الابعاد
حنا قصف ب 4K
واذ حبت نبدوها م
480 720 1080 2K UHD 4K
وكع لي كاليتي

:sport01:
وي زيد شوي في لي كاليتي خويا ولا نقلك شوف الايلطرا اش دي اي مليحة هداك ما يليق للقصف
الله غالب الشرات دايرين حالة
اجيني يابلا ولا نجيك
ابدا في الهجوم على البلا حتى تقلل من الاضرار علخاطر هو جاي جاي
سلام​

والله يا خويا قالك ابعد عن الشر وغنيلو انت رايح ليه برجليك ههه ... يعطيك الصحة خويا نورت الموضوع ربي يبارك فيك
تحياتي
​

 

[فيتامين سي]

رد: الطول للبقر .. وما يبقى في الواد ..

ههه ديما نستمتع بحكاياتك اللي متخلاصش ختي هبة وننتاظرو حكاياتك تاع الف ليلة وليلة لي ميخلاصوش .. يعطيك الصحة هبة
​

الله يسلم عمو
نوووووو هداك حوار فلسفي عادي ..هداك المنطق :s
الحمد لله كان عاقل مدارلي والو و مطولش بزاف غير خرجت انا زاد شوية و خرج وقيلة معجبهش القسم بلا بيا
و مرة القسم لي فيه أطفال تخمامهم بيبي
شريت عجين أطفال انا وصحبتي وقسمت عليهم قلتلهم هكو لعبو نهار تكبرو رواحو نحكو :-r
و انا هدو الكلام لي بالمعني منعتبرهش وقاحة بالنسبة ليا ...في بلاصة متتدابز و طلع و هود قول لي حبيت بطريقة مليحة لي تخلي العدو يغلي بلا أي جهد

 

[قرصان الساحل]

رد: الطول للبقر .. وما يبقى في الواد ..

السلام عليكم هش هش اهلا اهلا يومك مبارك
وعليكم السلام مرحبا بيك مريومة ختي يبارك في ايامك
موضوع قمة والصراحة مش جديدة عليك وما نتوقعش يكون منك موضوع ممل اطلاقا
من ذوقك ختي ومادا بيا مواضيعي ميخلوش لي يقراهم يمل ولا ينعس في نص الموضوع
نردعو لموضوع الشرات والله يا خويا حنا شعب حاير فروحو عبادنا تجيهم بالصراحة ما يعجبهمش الحال لازم تكون توام مع الف واحد تخمم كيما يخمم وتمشي بعقليتو
اللي يشرو على الناس عندي انا ضعاف شخصية يتخباو فالظهر مش قادرين ياوجهو عندي ما فيها والو قال يا فلان ارواح كذا وكذا مي حنا لالا كيما قلت مرات واحد بنيتو قاعد فجماعة والشرات وهي راهم عليك وانت يلحقك المساج روطار او يشرو عليك انا الصراحة يا هشام نقراها طايرة لو قدامي يشرو راح نفهمها عليا ونحكم مولات الهدرة ديركت فبلاصتها عندها شي معايا تقضيه فالحين اما انا والله ما نشر على حتى واحد ديركت عندي هدرة نقولهالك عجباتك ما عجباتكش عادي ومش ضروري انت تتقبلها مني عادي المهم نجي نقولك فوجهك لو طول المدة وحدك راح تفهمي انو مليح كي نحكمك ديركت خير من نشر عليك وكانو انت ما عندكش عقل ايه راني فهمتك ختي زهرة الواحد من الاحسن يحكي في الوجه ويواجه الانسان لي مقابلو احسن ما يقول س تستلزم ع و ع تستلزم ص ومبعد انت لازم تستنتج بلي س تستلزم ص تسمى فيها شوية خدمة ههه علاه من لول ما يقولش ديراكت اودي اي س تستلزم ص وتريح وتريحنا مي مرات التعامل يكون على حساب الشخص مرات هو يضربك بشرة ما تنجمش ترد عليه مباشرة لأنك مش متأكد انك مقصود 100 بلمية تولي تضربو بشرة معاكسة تاع ميساجك وصل بيان ريسي.
وي صرات قدامي شعال من مرة يشرو على بنات كانت العقلية هذي كي كنا نقراو فالليسي مي لما كبرنا الصواريخ راح تطور اكيد يرجعو المعاني والشرات جو جو مش ارض ارض
وكانت العقلية هذي عند النسا مي النسا راهم كونجي خلاوها للرجال راهم داو كل صفاتنا
لا سيدتي ما زالت النسا هن الرائدات صح مش ننفي فيها على الرجال مي متأكد هادي العقلية منتشرة بقووووة كبيرة عند النسا
والله مهما كان ماكانش قد الواحد يجي يحكمك ديركت وي وتبقى احسن طريقة الواحد يكون كلير اي نات كل الاوراق فوق الطابلة
شكرا كالعادة مميز مي روح ترفي نخاف يحسدوك عفوا الله ينورك ختي ... ههه وعلا يعاينوني ا ختي على جال هاد تخربيش

يعطيك الحصة ختي مريومة كي العادة ديما ردك كافي ووافي وشافي ومناقشتك دايما في المستوى نورتي موضوعي اختي
بارك الله فيك
تحياتي
​

 

[قرصان الساحل]

رد: الطول للبقر .. وما يبقى في الواد ..

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
السّلآمـ عليْكمــ
وعليكم السلام مرحبا بيك اختي فطيمة
موضوع باهيــــ سيرتو الأسلوب نتاعك في الكتابة (يعطيك الصحة)
الله يسلمك ختي انت لي باهية تشوفي في الاسلوب تاعي باهي ربي يحفظك
الشرات حنا نقولولهم المعاني وي المعاني
كاين مثل يقول :
"الهدرة عليا و المعنى على جاري"
اكزاكتلي هاديك هي
و لي مايفهمشْـــ المعآنيـــ راحت عليه
وي اللي ما يفهمش كيما قلت في الموضوع راح يحس روحو كي الاطرش في الزفة
يلزم يدير دروس خصوصية لفهم الكلام غير المباشر
ايه وهاد الدروس مش مجانية لازم تنوض وتطيح مع هاد البشر وبالخبرة الواسعة راح تولي تفهم
مي الحاجة لــــي كثرت ضكا الشرات نتاع الفيسبوك
يحطو في المعاني و يكتبو مقصودة
والله حرت في هاذي المخلوقات مساكنـْ مرضى
وي يعطيك الصحة هادي فاتتني تاع المعاني في الفايس بوك يضربك بستاتي يخليك مسمر ولا ديفوا يدير عليك اغنية
يفكروني في فرنسا نهار حبت تدخل الجزاير ودارت سبة المروحة

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
​

يعطيك الصحة ختي فطيمة ذكرتي نقطة مهمة بزاف في ردك وهي الناس اليوم ولات تستغل التكنولوجيا حتى توصل المعاني تاعها كيما الفايس بوك ويتواصل الاجتهاد ههه
موفقة اختي
​

 

[قرصان الساحل]

رد: الطول للبقر .. وما يبقى في الواد ..

شكرا اخي الافريقي البائس ..لكن حسب اخر الدراسات فان القط يملك روح واحد و قضية 7 أرواح مجرد خرافة
الله يسلمك
نعم نقوم بعملية التنفس .معلومة مؤكدة هذي
شكرا لك اخي البائس

لم يأتيني اي شيئ رسمي بخصوص الروح القططية فحسب معلومات معهد الارصاد والترصد ودراسة الحيوانات لازالت هنا 7 ارواح قططية كاملة الى ان يثبت العكس
نعم اختي البائسة تنفسي قليلا فقط خلي العالم معاك شوي راه فيك 7 ملاير انف يقوم بالعملية دون ان انسى الحيوانات والاشجار والحوت والمصانع
عفوووا اختي مرحبا بيك دايما
​

 

[قرصان الساحل]

رد: الطول للبقر .. وما يبقى في الواد ..

السلاام عليكم و رحمة الله و بركاته
وعليكم السلام
مرحبا اختي فيولا اعتقدكي صاحبة اكمل القصة في قسم الانجليزية ان لم تخني ذاكرتي

يعني رحت للمنبع تاع التوسويس اونباغصون برافو برافو ..:bravo01:
هه وي رانا في لاسورس وندرسو في القضية
احنا يقولولها المعاني على راس ام هاني ..
سور ام هاني هاذي كاش مخلوقة كانت من هاذوك لي حكيت عليهم تضحك على الشرة وبعد ايام تفوقلها ..
ههه هادي ام هاني لازم نبعثو مراسلينا من لاسورس يجيبولنا حكايتها هادي تبانلي بعد ايام وما تفيقش مسكينة الا ادا فهمها هاني
شعور صعب عزيزي المشاهد..:-o
نعم صعب قالك سقسي مجرب ولا تسقسي طبيب -_-
انا شخصيا احبذ العمل الجماعي فالشرات نهار نتلاقاو على راس واحد ..:sport02:
حلاوتها قااع فالتويزا مبعد نتقاسموا الغنيمة ..يالوكان زوج ندو فيفتي فيفتي و خليه هو يتقابض مع حوايجوا ..:d
التويزة في الشرات انت معلم واحنا منك نتعلم وهنا انا غقلت على امر في موضوعي وهو التويزة في الشرات وتقاسم الغنائم في النهاية
انها الابداعات يا سادة لا انها الحاجة ام الاختراع
اما اذا تعرضت أنا للشرات ما ينفعني نهارها غير احتياطي الf-16 لبدء القصف العشوائي ..فالبادئ أظلم كيما علابالنا:sport01:
نعم وتتعدد انواع القصف بعدما شاهدنا في الردود السابقة القصف متعدد الجهات فيولا جابت نوع جديد وهو القصف العشوائي
وارجح راح يكون فيه ضحايا ما عندهم حتى علاقة بالموضوع فالقصف عشوائي
ننصح بتوخي الحيطة والحذر
يعطيك الصحة موضوع هااايل :regards01:
الله يسلمك ختي ردك هو الاهيل
​

والله ردك في القمة ختي فيولا .. استمتعت جدا وانا اقرأ على طريقتك المميزة في استعمال الشرات وطريقة مكافحتها ونسعد لانضمامك لمنتخبنا في البطولة الافريقية للشرات
تحياتي
​

 

[قرصان الساحل]

رد: الطول للبقر .. وما يبقى في الواد ..

الله يسلم عمو
نوووووو هداك حوار فلسفي عادي ..هداك المنطق :s المنطق اوتعرفين المنطق اه صحا المنطق يقول استاذك من فصيلة الحيوانات نعم يحيا منطق الحيوانات اذن
الحمد لله كان عاقل مدارلي والو و مطولش بزاف غير خرجت انا زاد شوية و خرج وقيلة معجبهش القسم بلا بيا ههه ما لقاش شكون يفهم المنطق غيرك خاف يهبل بلا بيك وقيل
و مرة القسم لي فيه أطفال تخمامهم بيبي
شريت عجين أطفال انا وصحبتي وقسمت عليهم قلتلهم هكو لعبو نهار تكبرو رواحو نحكو :-r
هاهاها هدا قصف ولا خلي مي انت خسرتي عليهم دراهم العجين تسمى راكي تساهمي في اصلاح المجتمع من مالك الخاص نتمنى تكون فكرتك ناجحة وما راحوش دراهمك في الباطل
و انا هدو الكلام لي بالمعني منعتبرهش وقاحة بالنسبة ليا ...في بلاصة متتدابز و طلع و هود قول لي حبيت بطريقة مليحة لي تخلي العدو يغلي بلا أي جهد وي ويبقى الحكم على حساب الشخص المقابل لأن مش كامل ناس نعاملوها بنفس المنطق كاين اللي ما يفهمش غير بلي جاست هادوما

صحيتي ختي هبة راهي توسعت جبهات القصف تاعك نستنى نهار يردولك الصاع صاعين كيفاه تولي ههه متخافيش مش راح نستشفى
يعطيك الصحة ختي اثريتي الموضوع بأمثلتك الاكثر من رائعة اننا نستمتع انا والافارقة
​

 

[أميرة ميرال]

رد: الطول للبقر .. وما يبقى في الواد ..

السلام عليكم خو
ههه ضحكتني وفكرتني في وحدة زمان الليسي كانو لبنات يظلو يشرو
عليها وفي بالهم ماهيش فاهمة بلي هذاك لكلام عليها حتى صدمتهم مرة
ودارت ليهم في لاكلاص وقالتلهم الشرة مرة وهوما حلو عينيهم يحسبو
الناس الكل بغال وما يفهموش مي بيناتنا أنا ما نفهمش الشرات هههه
راني من جماعة البغال في الجانب هذا غير ما تشروش عليا راني نبان اكبر
مغفلة عرفها تاريخ الجزائر :p ومرسي خونا على الموضوع الشباب
​

 

[قرصان الساحل]

رد: الطول للبقر .. وما يبقى في الواد ..

السلام عليكم خو
وعليكم السلام ختي اميرال بالخط 6 احسن
وش فاض ليك ستيلو حبستي تكتبي مرة وحدة
ههه ضحكتني وفكرتني في وحدة زمان الليسي كانو لبنات يظلو يشرو
عليها وفي بالهم ماهيش فاهمة بلي هذاك لكلام عليها حتى صدمتهم مرة
ودارت ليهم في لاكلاص وقالتلهم الشرة مرة وهوما حلو عينيهم يحسبو
الناس الكل بغال وما يفهموش مي بيناتنا أنا ما نفهمش الشرات هههه
ههه ماشي هادي هي انت مثلا وكنت عاملة روحك بهلولة في وسطهم
انا لا استبعد اننك تتكلمين على روحك وي كاينة مرات كاين لي فاهم
الشرة بلي ديطاي تاعها مي يدير روحو خاطيه ويأجل الاعلان على الرد
حتى يخلي ناس تفهم بلي كامل الوقت لي كانت تشر كانت فقط تزرني
في شكوة فارغة ههه
راني من جماعة البغال في الجانب هذا غير ما تشروش عليا راني نبان اكبر
مغفلة عرفها تاريخ الجزائر :p ومرسي خونا على الموضوع الشباب
ايه عارف تباني مغفلة مي في الصح غير ربي لي يعلم وش تخبي
كيما قالو ناس بكري المزود رقيق شحال يهز من دقيق ههه
​

يعطيك الصحة ختي اميرال بالخط 6 احسن .. وينك هدا ضربتينا بغيبة نهار كنا كل يوم نشوفو اسمك منور ادا خلاص ليك الستيلو اني نعطيك تاعي انا اكتبي بيه
مشكووووورة ختي نورتي الموضوع
تحياتي
​

 

[أميرة ميرال]

رد: الطول للبقر .. وما يبقى في الواد ..

يعطيك الصحة ختي اميرال بالخط 6 احسن .. وينك هدا ضربتينا بغيبة نهار كنا كل يوم نشوفو اسمك منور ادا خلاص ليك الستيلو اني نعطيك تاعي انا اكتبي بيه
مشكووووورة ختي نورتي الموضوع
تحياتي
​

هههه لي حكيت عليها في ردي ماشي أنا :p
وراني ديجا قلبتها نكتب ب 6 من شحال وخليتلك ديديكاس في موضوعي لي كتبتو ب 6 :d:d
والستيلو ديالك خضر يا خو أنا نحب الوردي كان عندك واحد وردي هاتو :tongue02::tongue02:
مي ماشي لونكر لي خلاص راه القوسطو لي راح كاش بلاصة يتباع فيها قولي نروح نشري 10 كيلو
نجوز بيهم 10 اللولين من رمضان :p:p:p
​

 

[قرصان الساحل]

رد: الطول للبقر .. وما يبقى في الواد ..

هههه لي حكيت عليها في ردي ماشي أنا :p
ايه قوليلي بلي انت هي حتى وماشي هي باه نحس روحي طوغو موري تعرفو غير طيحو لمورال
وراني ديجا قلبتها نكتب ب 6 من شحال وخليتلك ديديكاس في موضوعي لي كتبتو ب 6 :d:d
ههه ايا مليح واخيرا استجبتي لدعوتي لمقاطعة الرقم 7
والستيلو ديالك خضر يا خو أنا نحب الوردي كان عندك واحد وردي هاتو :tongue02::tongue02:
مكانش الوردي كولار المدامات ما نخدموش انا -_-
مي ماشي لونكر لي خلاص راه القوسطو لي راح كاش بلاصة يتباع فيها قولي نروح نشري 10 كيلو
كاين قهوة القوسطو تتباع في جميع المحلات اشري 10 كيلو وديري بيها قوسطو على روحك
نجوز بيهم 10 اللولين من رمضان :p:p:p
​

اكتبي اكتبي بركاك من تفياس تاعك قاتلو قوسطو ما قوسطو ردتيهالنا علم ولا كيفاه .. نستناو في موضوعك المقبل الى ذلكم الحين
تحياتي
​