حبسو ياجماعة ماشي كامل فقهاء كامل علماء

[عصفورة بيضة]

شكرا اخي على الموضوع الرائع عندك حق

 

[abidou 20081]

اخي الكريم الحمد أنا لا افتي ولا اضع مواضيع تخص الفتاوى ولكن أعلم ان الاحاديث والايات لها تفاسير مختلفة ومنعددة وانا سمعت تفسيرها من محمد حسان خطيب الامة وانا لم اقل انك مخطيء أو انك على ضلالة قلت ديننا فيه أمور تركت للاجتهاد ...
صحيح اليوم كل من دب يفتي ولا يعلمون ان اجرؤكم على الفتوى اجرؤكم على النار ...
لكن صدقني الطيبون للطيبات واقع وحقيقة اما فيما يخص اسيا وزوجة صالح فهناك الابتلاء لاتنسى ان الله يبتلي الطيبين والصالحين ...
عفوا وعذرا على سوء الفهم
حفظك الله ودمت على هذه الروح الرحبة والراقية في النقاش ​

أختي الكريمة مرحبا بك مرة أخرى وأخرى وفي كل مرة نورتي وربي ينورك
من كلامك فهمت بلي مافهمتيش كلامي ونقولك ختي مارانيش نجادل فيك أولا وماقلتلكش راكي تفتي من عندك تانيا هذا باش نحط النقاش في مكانو برك
أختي راكي تقولي بلي راكي سمعتي الأحاديث والأيات ولها تفاسير مختلفة ماعليش كامل رانا نسمعو هذا الحاجا بصح كاين طريقة نعرفو بها الصح من الغالط نروحو لأسباب النزول ونقارنوها
حاجا ساهلة ياك مارانيش نهدر على كل الأيات وعلى هذي حطيت أية وحدة برك على خاطرش كل أية وليها تفسيرها باش تفهميني ختي مليح وأنا مانطعن حتى في عالم بصح تاني كي نقرى لإبن عباس ولا إبن كثير لي كامل تجنبو الخوض في مسألة الأية باش يحطوها على قضية الزواج ويجي أي كان يحطها عادي هذي ماكانش منها
وأنت راكي تقولي إبتلاء كاين وماتنساش لالا ختي مانسيتش بلي كاين إبتلاء بصح أنت لي نسيتي بلي ربي عمرو مايناقض روحو إذا كان تفسيرك للأية بلي تجي للزواج وهكذا راكي نتقولي بلي ربي قال أية و بعدها ناقضها بالإبتلاء لالا أختي الإبتلاء كاين صح بصح حاجامن زوج يا إما الأية لي قالها مولانا ماتتفسرش كيما راهم يفسرو فيها البعض و إما لكلام الأخر وأستغفر الله عليه ان الأية رجعت غالطة وكامل نعرفو ربي سبحانو ماغلطش في أدق أدق التفاصيل وماعندناش أدنى شك في هذي وإذا عندك دليل شرعي على صحة هذ لكلام تفضلس ختي نستفادو كامل ونعاود ونقول بلي اللتفسير هذا ماشي عبيدو لي قالو راه فالموضوع يقول لإبن عباس ولولا أعيد وأكرر لولا أن الصفحة رايحة تتعمر نزيد نجيب تفاسير ومعاني أخرى لعلماء كبار وكبار كذلك كلها تصب في نفس المعنى
حفظك الله ورعاك أختي الكريمة وأرجو أن لا نتفهمي كلامي على أنه جدال وأنا أتفهم كلامك على أنه مناقشة ومحاولة فهم للدين فقط وتقبل الله مني ومنك و من الجميع صالح الأعمال​

 

[abidou 20081]

شكرا اخي على الموضوع الرائع عندك حق

صحا فطورك وربي يتقبل أختي عصفورة

الشكر لك أختي الكريمة على الزيارة الذي نورت الصفحة
وربي ينورك وربي يحفظك ويعطيك ماتتمني
تقبل الله الصيام والقيام وصالح الأعمال​

 

[ابتسام 2]

أختي الكريمة مرحبا بك مرة أخرى وأخرى وفي كل مرة نورتي وربي ينورك​

من كلامك فهمت بلي مافهمتيش كلامي ونقولك ختي مارانيش نجادل فيك أولا وماقلتلكش راكي تفتي من عندك تانيا هذا باش نحط النقاش في مكانو برك
أختي راكي تقولي بلي راكي سمعتي الأحاديث والأيات ولها تفاسير مختلفة ماعليش كامل رانا نسمعو هذا الحاجا بصح كاين طريقة نعرفو بها الصح من الغالط نروحو لأسباب النزول ونقارنوها
حاجا ساهلة ياك مارانيش نهدر على كل الأيات وعلى هذي حطيت أية وحدة برك على خاطرش كل أية وليها تفسيرها باش تفهميني ختي مليح وأنا مانطعن حتى في عالم بصح تاني كي نقرى لإبن عباس ولا إبن كثير لي كامل تجنبو الخوض في مسألة الأية باش يحطوها على قضية الزواج ويجي أي كان يحطها عادي هذي ماكانش منها
وأنت راكي تقولي إبتلاء كاين وماتنساش لالا ختي مانسيتش بلي كاين إبتلاء بصح أنت لي نسيتي بلي ربي عمرو مايناقض روحو إذا كان تفسيرك للأية بلي تجي للزواج وهكذا راكي نتقولي بلي ربي قال أية و بعدها ناقضها بالإبتلاء لالا أختي الإبتلاء كاين صح بصح حاجامن زوج يا إما الأية لي قالها مولانا ماتتفسرش كيما راهم يفسرو فيها البعض و إما لكلام الأخر وأستغفر الله عليه ان الأية رجعت غالطة وكامل نعرفو ربي سبحانو ماغلطش في أدق أدق التفاصيل وماعندناش أدنى شك في هذي وإذا عندك دليل شرعي على صحة هذ لكلام تفضلس ختي نستفادو كامل ونعاود ونقول بلي اللتفسير هذا ماشي عبيدو لي قالو راه فالموضوع يقول لإبن عباس ولولا أعيد وأكرر لولا أن الصفحة رايحة تتعمر نزيد نجيب تفاسير ومعاني أخرى لعلماء كبار وكبار كذلك كلها تصب في نفس المعنى ​

حفظك الله ورعاك أختي الكريمة وأرجو أن لا نتفهمي كلامي على أنه جدال وأنا أتفهم كلامك على أنه مناقشة ومحاولة فهم للدين فقط وتقبل الله مني ومنك و من الجميع صالح الأعمال​

أبدا أخي ان لا اعتبره جدال بل العكس احب أن أتعلم امور ديني وافهمها وانا لست معقدة ولا عنيدة ولا اجادل بالباطل ولا أتمسك بعلم كنت اعرفه لانني من البشر وكل البشر خطاؤون ..لهذا انا اخذت بمفهوم الاية الصحيح وان شاء الله ساصححها لغيري
من تعلم علما فليعلمه
بارك الله فيك وشكرا لك ​

 

[abidou 20081]

أبدا أخي ان لا اعتبره جدال بل العكس احب أن أتعلم امور ديني وافهمها وانا لست معقدة ولا عنيدة ولا اجادل بالباطل ولا أتمسك بعلم كنت اعرفه لانني من البشر وكل البشر خطاؤون ..لهذا انا اخذت بمفهوم الاية الصحيح وان شاء الله ساصححها لغيري
من تعلم علما فليعلمه
بارك الله فيك وشكرا لك ​

العفو أختي الكريمة وعمرك ماتقولي عبيدو راه شافها من باب جدال وعمري ماشفتها من هذ الباب وأنا إنسان منين يوصل الجدال في أمر الدين مانكملش يعني مانجابكش أصلا لكن فهمت بلي وحدة تحوس تفهم في أمر الدين وربي يبارك فيك وماراني تاني لا عالم ولا فقيه لكن بعد البحث العميق والتدبر في الأية باش حطيت هذا الموضوع لأني ماشي من الناس لي تحط واش جاها وخلاص ولوكان ما لقيتش التفاسير وأسباب النزول وغيرها من الأمور هذي ومن عند كبار الفقهاء وعلماء الدين والله ياختي مانحط موضوع كيما هذا والحاجا الوحيدة لي نحبك تفهميها مليح وهي عمري ما خزرت ليك بنظرة إنسانة معقدة ولا عنيدة وبالعكس أختي لي يحوس يفهم في دينو عمرو مايكون معقد ولا عنيد ماشاء الله عليك ختي وربي يبارك فيك وربي يفهنا في دينا وهذا مارايحين ندو معانا من هذ الدنيا ربي يحفظك وربي يحققلك كل أمنياتك دمت ​

 

[aMiNa-K]

السلام عليكم و رحمة الله و بركاته
صحا فطورك خويا عبيدو و تبل الله

وش تحب خويا عبيدو.. كاين اللي كلمة زوج يبداك.. قال الله و قال الرسول و هوما ماعلابالهمش مامبا وش معنتها ولا وين لازم يحطو الايات و الاحاديث

و زيد la façon de parler تاعهم :thumbdown:.. عندهم خلاص وش قالو هاداك هو الصح و مكانش نقاش.. تغلط تواجب بكلمة يبداك اعود بالله و يقولك استغفر مولاك و جدد التوبة تاعكو يكفروك !!! .. خلاص سيبو عمباتلهم الدين لحق لعندهم و حبس
بصح الدين تاعنا ماشي هكدا

كل من هب و دب ولا يفتي علينا.. و يقولك نحن اهل الجنة و انت اهل النار
تحير وش تدير مع عباد كما هادو؟؟؟؟

كي العادة خويا عبيدو.. مواضيعك مميزة و تستاهل التقييم
بارك الله فيك​

 

[abidou 20081]

السلام عليكم و رحمة الله و بركاته
صحا فطورك خويا عبيدو و تبل الله

وش تحب خويا عبيدو.. كاين اللي كلمة زوج يبداك.. قال الله و قال الرسول و هوما ماعلابالهمش مامبا وش معنتها ولا وين لازم يحطو الايات و الاحاديث

و زيد la façon de parler تاعهم :thumbdown:.. عندهم خلاص وش قالو هاداك هو الصح و مكانش نقاش.. تغلط تواجب بكلمة يبداك اعود بالله و يقولك استغفر مولاك و جدد التوبة تاعكو يكفروك !!! .. خلاص سيبو عمباتلهم الدين لحق لعندهم و حبس
بصح الدين تاعنا ماشي هكدا

كل من هب و دب ولا يفتي علينا.. و يقولك نحن اهل الجنة و انت اهل النار
تحير وش تدير مع عباد كما هادو؟؟؟؟

كي العادة خويا عبيدو.. مواضيعك مميزة و تستاهل التقييم
بارك الله فيك​

وعليكم السلام ورحمة الله تعالى وبركاته

ربي يسلمك وأنت زادة ختي وربي ينورك
ومالله غير كلامك دواء في روحو ختي أمينة كاينة منها غير أرواح وقول أية وغير أرواح وكفر الناس
وخاصة هذ الكلمة لي قلتيها تاع روح عاود التوبة تاعك ولينا تم تم ونسمعوها خلاص هما وصلو عند ربي وعطاهم توكيل باش يقبلو توبة واحد ويكفرو الأخر سبحان الله العلي العظيم هذا الرسول عليه الصلاة والسلام وماينطق عن الهوى وربي قال فيه وما أرسلناك إلا مبشر ونديرا وهما تجاوزوه يعني ولاو يصدرو في أحكام على الناس روح عاود توبتك ومانيش عارف واش يزوقو فالهدرة
ويخلعو فالغاشي غير بالهف لالا ختي أمينة ماشي كيما هكذا الدين الإسلامي ولوكان نعرفو قصة سيدنا عمر رضي الله عنه منين قتل كافر في معركة وقبل مايقتلو هذاك الكافر قال أشهد أن لا إله إلا الله بصح سيدنا عمر رضي الله عنه ومبشر بالجنة كمل وقتلو ومنين راح لرسول صلى الله عليه وسلم قالو وعلاش قتلتو قالو قالها خوفا من السيف رجع عليه سيد الخلق وقالو وهل شققت على قلبه يعني هل دخلت في قلبو وعرفت نيتو بلي قالها خوف من السيف وعلى هذي حتى واحد فوق الكرة الأرضية ماراه عارف شكون المقبول عند ربي وشكون لي راه يتعب في روحو برك
تواضع لله يرفعك ختي أمينة وهذ النوع تاع رياء لي يحفظ سورتين يبدى يفتي على الغاشي منهم
فالدنيا قول واش حبيت وزوق كيما تحب بصح عند مولانا يحبس كلش ربي يحفظك وربي يخليك وربي يعطيك ماتتمني ونورتي الصفحة وربي ينورك ويحقق لك كل ماتتمني دمتي​

 

[farida91]

وقتنا كثر فيه التفلسيف
اللي قرا حرف ولا زوج يلعبها يتفلسف
و نساو بللي هذي امور دينيه ومالازمش اللعب معها
نعرفو بللي الدين النصيحه
مي الانسان مالازمش يدخل روحو في حاجه كبيرة عليه
مانروحوش لحاجه بعيدة علينا
ممكن يكون فاهم تفسير الايه خطا و الناس يروحو في جرتو
وهنا راهو ادا ذنب كبير
ان شاء الله يفيقو باعمارهم وربي يهدي جميع المسلمين ان شاء الله
عبيدو خويا ماعندي مانقول
مواضيعك فووووووووووور ديمن
ربي يحفظك ان شاء الله
و عضو كما نتا مكانش كيفك بزاف
اللي كما نتا قلال بزاااااااااف
ربي يكثر من امثالك ان شاء الله
​

 

[abidou 20081]

وقتنا كثر فيه التفلسيف
اللي قرا حرف ولا زوج يلعبها يتفلسف
و نساو بللي هذي امور دينيه ومالازمش اللعب معها
نعرفو بللي الدين النصيحه
مي الانسان مالازمش يدخل روحو في حاجه كبيرة عليه
مانروحوش لحاجه بعيدة علينا
ممكن يكون فاهم تفسير الايه خطا و الناس يروحو في جرتو
وهنا راهو ادا ذنب كبير
ان شاء الله يفيقو باعمارهم وربي يهدي جميع المسلمين ان شاء الله
عبيدو خويا ماعندي مانقول
مواضيعك فووووووووووور ديمن
ربي يحفظك ان شاء الله
و عضو كما نتا مكانش كيفك بزاف
اللي كما نتا قلال بزاااااااااف
ربي يكثر من امثالك ان شاء الله
​

صحا فطورك ختي فريدة وربي يتقبل
ونقولك والله غير نورتي الصفحة وربي ينورك وكيما قلتي ختي فريدة وقتنا كثر فيه التفلسيف
ماشي عقيدة وكيما قلتي مافكرش بلي من هدرة ممكن يدي غاشي في جرتو وتبقى
لاصقتلو على رقبتو ليوم القيامة حاجا ماشي ساهلة بكري كانو منين يسقسو الأئمة كانو يخافو باش يردو عليهم تم تم درك تلقاه حافظ زوج حروف يخرجلك كتاب حسبها ساهلة
الدين نصيحة صح والإنسان لازم ينصح بواش يعرف ويلحقها ديما بكلمة والله أعلم هذ الكلمة الأئمة وكانت تقولها يجيك واحد درك مازال لعمش في عينيه ويتفلسف عليك من كل جهة ويحط روحو
فاهم لكلش وهذي هي الكارثة لكبيرة وكيما قلتي ربي يهينا كاملين والله ياختي غير شهادتك فيا
أعتز وأفتخر بها خاصة من عضوة مميزة مثلك ونقولك أنت لي فور وربي يكثر من أمثالك إن شاء الله
وربي يعطيك ما تتمني ويحققلك كل أحلامك بربي إن شاء الله ومهما قلت نبقى منقص ومانوفيكش حقك ربي يخليك وربي يتقبل الصيام والقيام وصالح الأعمال ​

 

[Moha le sage]

والله موضوعك خويا عبيدو مليح فوق الحق .. غير اللي يجبد كلام ربي في غير موضوعو و يفسر بيه واش يحب

الفقهاء و ما اولوهش و يجي جماعة بلاك حافظين غير الفاتحة ..يديرو في اقتباس لايات ربي سبحانو في مواضيعهم ..نتا تقول الامام الشهيد الحسن البنا لي راه يهدر ...

ربي يبارك فيك و ما تحرمناش من مواضيعك القيمة

تحيات خوك محمد

 

[صريحة]

يعطيك الصحة خويا على الموضوع المميز
واش راح نقولك في وقتنا هدا الغاشي كامل يفتي مي واحد ميطبق وزيد لوكان طل عليهم حتى الصلاة والله ميصليوها
.يكتبلك اية في موضوع وخلي ربي واش كاتب في موضوع واحد اخر
يلعبو فيها شيوخة قدام الناس ونسو ربي ........... باختصار هدوهوما المنافقين ( وما اكترهم هده الايام لعنت الله عليهم )
ربي يهديهم ويهدينا
تقبل مروري اخي
​

 

[Moha le sage]

يعطيك الصحة خويا على الموضوع المميز
واش راح نقولك في وقتنا هدا الغاشي كامل يفتي مي واحد ميطبق وزيد لوكان طل عليهم حتى الصلاة والله ميصليوها
.يكتبلك اية في موضوع وخلي ربي واش كاتب في موضوع واحد اخر
يلعبو فيها شيوخة قدام الناس ونسو ربي ........... باختصار هدوهوما المنافقين ( وما اكترهم هده الايام لعنت الله عليهم )
ربي يهديهم ويهدينا
تقبل مروري اخي
​

كون جا رايك يتقيم نعطيك 20/20

راكي تبردي القلب العطشان للصراحة ... اللي تغيض هي الغافلين لي يتكلحو


تحياتي ليك

 

[السوفي حمة]

يا عبيدو ضرك كل واحد يحفظ الفاتحة وزوج وإلا ثلاثة أحاديث، ويلبس قميص وخمار وإلا منيش عارف واش أسمو، ويبدا يفتي
ياوووو الجماعة كفرو السديس إذا معلبلكش
راهم فووور نتاوعنا واشبيكم
راهم ينشرو في السلفية في بلاد السلفية
​

 

[صريحة]

كون جا رايك يتقيم نعطيك 20/20

راكي تبردي القلب العطشان للصراحة ... اللي تغيض هي الغالين لي يتكلحو


تحياتي ليك

شكرا محمد ويعطيك الصحة ................:blushing::blushing::blushing:
​

 

[abidou 20081]

والله موضوعك خويا عبيدو مليح فوق الحق .. غير اللي يجبد كلام ربي في غير موضوعو و يفسر بيه واش يحب

الفقهاء و ما اولوهش و يجي جماعة بلاك حافظين غير الفاتحة ..يديرو في اقتباس لايات ربي سبحانو في مواضيعهم ..نتا تقول الامام الشهيد الحسن البنا لي راه يهدر ...

ربي يبارك فيك و ما تحرمناش من مواضيعك القيمة

تحيات خوك محمد

خويا محمد صحا فطورك وربي يتقبل ونورت بالطلة تاعك خويا

والله ياخويا محمد الظاهرة هذي لي خلاتني نحط موضوع كيما هذا ماشي ساهل نتلاعبو بأيات مولانا ياعباد ربي راه قرأن ماشي تمسخير غير لي يجي يحطلك أية مايعرفش حتى التفسير تاعها ويقعد يتفلسف كيما يحب يحسبو شعر ولا حكمة يقعد يجبد منها فالأفكار على حساب هواه لي تنفعو يقولها ولي ماتخرجش عليه يخبيها ماشي كيما هكذا الدين وماراهيش عقيدة لازمنا نحترمو كلام مولانا ونعرفو كي نجو نحطو الأية وين نحطوها هكذا نكونو فيدنا ماشي نجو نفتو على الناس وندوهم بالغلاط ونمدولهم معلومة خاطئة وهذي نتحاسبو عليها
ربي يخليك خويا محمد وربي يعطيك ماتتمنى تستاهل كل خير خويا ربي يوفقك في كل أمورك ​

 

[abidou 20081]

يعطيك الصحة خويا على الموضوع المميز
واش راح نقولك في وقتنا هدا الغاشي كامل يفتي مي واحد ميطبق وزيد لوكان طل عليهم حتى الصلاة والله ميصليوها
.يكتبلك اية في موضوع وخلي ربي واش كاتب في موضوع واحد اخر
يلعبو فيها شيوخة قدام الناس ونسو ربي ........... باختصار هدوهوما المنافقين ( وما اكترهم هده الايام لعنت الله عليهم )
ربي يهديهم ويهدينا
تقبل مروري اخي
​

صحا فطورك وربي يتقبل ختي صريحة

وبارك الله فيك أنت على المرور الكريم والمشاركة المميزة ربي يخليك
ونقولك ختي لوكان نجو نحكو على هذ النقطة ماتفراش يقولون مالا يفعلون
وكيما قلتي يعلم ربي يصلي ولا مايصليش هذي خليها على ربي
وانا من رأي لي يصلي ويعرف حق العبادة ماشكيتش تجيه ساهلة ويدير كيما هكذا
ولي يدير كيما هكذا نعرفو غير لي حب يبين روحو على حساب كلام مولانا
وهذي لي أعود بالله صعيبة تاع الصح وأنا منين يجي يتفلسف عليا يعرف مليح بلي راه يعبد في مولانا ماشي فيا أنا وعلى هذي يخلي فهامتو عندو وكيما قلتي إذا حاب يرجع روحو من صفات المنافقين راه عارف المنافق وين بلاصتو في الدرك الأسفل من النار
ربي يحفظك وربي يخليك ويعطيك ماتتمني ومرورك شرف ليا كيفاش مانتقبلوش وربي ينورك ختي
تقبل الله الصيام والقيام وصالح الأعمال ​

 

[omar.lakaf]

المفتي بدون علم لعنته الملائكة والعياد بالله
والله العظيم موضوع رائع لانه يتكلم عن خطأ قد يكلف صاحبه غاليا هاد التنبيه تستق عليه تقييم لأنه يصب في صالح ديننا
ونزيدوه حاجة وحد اوخرى لازم علينا قاع اعضاء ومشرفين الواحد كي يكتب الاية لازم عليه يشكلها ويلا مايقدرش ينقلها من المصحف الشريف لأن القرأن يكتب مشكول
مشكور على التنبه​

 

[abidou 20081]

كون جا رايك يتقيم نعطيك 20/20

راكي تبردي القلب العطشان للصراحة ... اللي تغيض هي الغافلين لي يتكلحو


تحياتي ليك

وأنا راني معاك خويا محمد والله غير الحق مافيه حتى زعاف
ربي يحفظكم كاملين ​

 

[abidou 20081]

يا عبيدو ضرك كل واحد يحفظ الفاتحة وزوج وإلا ثلاثة أحاديث، ويلبس قميص وخمار وإلا منيش عارف واش أسمو، ويبدا يفتي
ياوووو الجماعة كفرو السديس إذا معلبلكش
راهم فووور نتاوعنا واشبيكم
راهم ينشرو في السلفية في بلاد السلفية
​

صحا فطورك خويا حمة وربي يتقبل
واش تحب نزيد على لي راك قلتو خويا حمال راك عارف ولينا في وقت
كيما قلت غير لي يضرب فيها لاتوني تاع الصلاة يرجع فقيه يحسبو الناس كامل معاهم جاهلة
جماعة كفرو السديس وكفرو الأمة كامل خويا حمال رانا نشوفو فيها
كل يوم يتلاعبو بالدين على حساب نفحتهم يحللو لي تخرج عليهم ويحرمو لي ضرهم
كامل هذ لحوايج رانا نشوفو فيها بصح لازمنا نهدرو وصلنا في كل مرة نلقاو أية في موضوع
ماشي موضوعها وكاين البعض على حسن النية يرفدها ويقعد يعاود فيها على حسابو راه
رفد فايدة وهو رفد معلومة خاطئة ياك الإسلام والرسالة نزلت على سيدنا محمد عليه أفضل
الصلاة والسلام مانزلتش عليهم هما ولا تاني هذي حبو يشكونا فيها
ربي يخليك خويا كمال وربي يحفظك ونورت الصفحة خويا ربي ينورك دمت
وتقبل الله الصيام والقيام وصالح الأعمال​

 

[abidou 20081]

المفتي بدون علم لعنته الملائكة والعياد بالله
والله العظيم موضوع رائع لانه يتكلم عن خطأ قد يكلف صاحبه غاليا هاد التنبيه تستق عليه تقييم لأنه يصب في صالح ديننا
ونزيدوه حاجة وحد اوخرى لازم علينا قاع اعضاء ومشرفين الواحد كي يكتب الاية لازم عليه يشكلها ويلا مايقدرش ينقلها من المصحف الشريف لأن القرأن يكتب مشكول
مشكور على التنبه​

صحيت خويا عمر وربي يخليك نورت

هذا المفتي خويا عمر لي يفتي بدون علم تلعنو الملائكة وين يبان هذ الغاشي درك
والله ياخويا عمر ماعلابالهم واش يكلف هذ الخطأ لوكان جا علابالهم والله مايتجرأ الواحد باش يدير
كيما هكذا لوكان مايجي يخرج كلمة حتى يوزنها عشر خطرات وين كلام مولانا
حاجا ماشي ساهلة نتلاعبو بها بصح كاين جماعة الرياء وكاين جماعة شوفوني هاني
وكاين المنافقين وكاين وكاين العباد أنواع ولازم الواحد يعرف واش يقول وتاني واش يحط
بالنسبة للتشكيل خويا عمر في هذي عندك الحق على خاطرش كاين كلمة ماتتشكلش
يتغير المعنى تاعها ومنها إذا قلنا القرأن لازم يتحط بالتشكيل معناها الناش ماراهيش تتساهل في كلام مولانا وين أرواح وأفتي وكاين بعض الأعضاء لي مايعرفوش يشكلو الأية من لكلافي
المهم ربي يخليك وربي يحفظك وربي يعطيك ماتتمنى خويا ونقولك مرة أخرى صحا عيدك
مسبقا وربي ينورك ​