- إنضم
- 15 مارس 2009
- المشاركات
- 8,143
- نقاط التفاعل
- 3,563
- النقاط
- 356
هذا موضوع مشترك بين tarkan و غزال الصحراء
كل يوم نوضو صباح على التفنفين تاع الذبان و نرقدو على التزنزين تاع النموس و التخربيش تاع الgرلوات و les cafards ونشرو الفليطوكس ولي باستي تاع الـ spi mat و كل يوم نفس الحكاية ونفس الجيش تاع الحشرات ..بصح خممو معايا وين راه المشكل ؟ في الدار ولا البرا في محيط الدار :confused1:
vs
اليكم هاذ الحوار لي جرى بين نموسة و ذبانة دارو بواحد راقد وقت المغرب ... وقت تسليم المهام .. حسب المنهاج المعروف الذبان في النهار و النموس في اليل :music_whistling:
الذبانة : vvvvvvvvvvvv
الناموسة : zzzzzzzzzzz
الذبانة : : واش راكي تديري هنا يا الناموسة المصفارة .. راه مزال ماضلامتش :cursing:
الناموسة :أنا مصفارة ؟ ياو باين ما عندكش مراية في الدار يكفي أنك تدوري غير في النهار وتخافي السهرات و كي يكثرو يديرولك المبيد .. وراها طاحت الظلمة غير شوفي كشما ماعون باتي فيه :thumbdown:
الذبانة : خصك تلحقيني انا حاشاك يا لالة نحط غير فوق السكر و فوق لخدود الحمر :001_wub:
الناموسة : ياه من وقتاش ولا الذبان يحط فوق لخدود , شوفي نتي كون ما جاش الكارطي موسخ الله ما تعيشي مي أنا عادي الناس نكددهم من وجوهم كي يولو راقدين
الذبانة : : ربي صححلك الوجه وتهدري فيها .. انا نلحس ومنقرصش وكي نقلق نعض ونتي مكفاش موالين الدار حكمتهم anémie خلصتولهم الدم نتي و صحاباتك
hmy:
النموسة : و الله لا راكي غير تهدري و خلاص .. أنا على الأقل نقرص في الناس بقيمتي مي جامي نروح لزبلة تاع لي كارتي باش نعيش... انا لاباس عليا ندخل لكاش دار نمصهم و نخرج واش يخصني ... قالك عاند و لا تحسد
الذبانة : يا خي جنس دراكيلا يخي .. احمدي ربي لي تاع البلدية خلاو الزيقوات محلولين و مبلوكيين .. كون جينا في بلاد خرى والله ماراكي مسامياتيني :angry:
الناموسة : هاذي راني ديما نحمد في ربي عليها , و انا مانيش غالطة كي جيت للبلاد هاذي ... و نتي كون ما جاش لوسخ و البلدية راقدين واش راكي ديري هنا ؟ و الله لا كون جاو يخدمو في خدمتهم ما طوليش و تنقرضي
الذبانة : اسمعي تشراك الفم يحبس معايا .. ديجا وش نستنى من وحدة تخرج من زيقو ومن les caves سير مش متربية و السمعة تاعك في الحضيض .. انا من الدار منخرجش ولا محطيتش فوق ماكلة سيدي .. نحط في اللي تسميها نتي زبالة .. بصح منلومكش متعرفيش معلابالكش بلي الماكلة لي تترمى والخبز لي يطيش كثر من لي ياكلوه ؟ وزيد السكان مدايرين ريسطوورون تاعنا في كل قرنية و ما يديهاش الكاميو غير بالشهر .. مالا خير لي نتغدى ونتعشى ثم :biggrin:
الناموسة :ايه ايه أفرحي و تشيكري و زيدي و كيما يقولو تعلمي لحفافة في ريوص ليتامة , و الله كون تتريقل هاذي لبلاد و يولي كل واحد يخدم خدمتو ثما يعرفو قيمة الماكلة لي راهي يطيشو فيها و لي قادرين يوكلو بيها اثيوبيا عام ولا عامين
الذبانة : واش يهمني فيهم انا .. وحساب الحطة مزالت مطولة الحالة ومزالو مطاعم الرحمة تاوعنا في كل gرنية .. و تحت كل تاقة يرمولنا صاشي كحلة قفة رمضان .. علابالك مالا لحقني ميساج البارح من عند بنت خالي في فرانسا قاتلي دارولنا ابادة جماعية في فرانسا .. مالا قلتلها ارواحي عيشي هنا معانا ..
الناموسة : ايه مام أنا عيطلي واحد لافامي تاعي في بلجيكا قالي صاي ما بقالهمش و يفحتو ديجا ضركا الناموس تاع ثما حكماتو المجاعة , دارو إرهاب تحت شعار ( النظافة المسلحة ) قتلولي كليكة كبيرة نعرفهم و راني أقترحت عليه يجيب حبابو و يجي يسكن هنا في لالجيري حكيتلو بلي الحالة راهي ماشية و غير الناموس لي رابح في لبلاد ..
الذبانة : علابلالك بلي حساب اخر احصاء لقاو في كل دار 200 نموسة ولي بدون مأوى في كل كرطي 2000 نموسة بلا ما نحسبو الغير مسجلين والمشطبين من القوائم الانتخابية
الناموسة : ها ألهي بروحك قاعدة تحسبي فينا في الإحصائيات مام نتوما راكم بزاف يا لطيف في كل دار 4000 وكي تكونو برا نحسبكم غيمة... و الميزانية تاع لبلاد راحت في لفليطوكس فقرتو لبلاد و ماصرالكم والو .
الذبانة : اسمعي يا بولسان طويل ..الميزانية تاع البلاد راحت في المشاريع تاع نص طياب .. لي يمد المشروع يدي شوي والي يخدمو يدي شوي و كامل يدو شوي والنتيجة projet تاع 2 ملاير في البدية ..يولي تاع 300 مليون نهار لي يبداو صح .. المير يدي سهمة والمقاول سهمة وحتى الخدامة و يتريشيو في الرمل والسيمة والحديد .. والنتيجة كلش مطرافيكي ..c'est normale من بعد يتبلوكاو الزيقوات و يفيضو les caves .. وتتوالدو نتوما و يولي عندكم جيش كبير
الناموسة : ايه المشاريع هاذوك من بكري و ماشي مشكل الذبان و لا الناموس لي يقرص , هاذاك مشكل الذبان لي عندهم في الراص والناموس من نوع توسويس يعني
المبيد تاعو ماشي قرعة زرقة لا ! يليق يجيبو مبيد فكري و ناس تغير على لبلاد , هي en tous cas مدام الحالة هكذا يسمى رانا في الجنة .. ونتي نسيتي بلي كل ما يجي رئيس يبنترو برك لحيوط و يغطو الزيقوات بالتراب ... يعني حق ما يفوت وحق ما الكاميرة تنقل للعالم بلي كلش مخدوم .. و المشاريع هاذوك من بكري و ماشي مشكل الذبان و لا الناموس لي يقرص , هاذاك مشكل الذبان لي عندهم في الراص والناموس من نوع توسويس يعني المبيد تاعو ماشي قرعة زرقة لا ! يليق يجيبو مبيد فكري و ناس تغير على لبلاد .
الذبانة : انا نقلك ..مدام في دزاير كاين غاشي مكانش شعب .. يعني عايشين وخلاص .. ما يطالبو بحقوقهم ما يعرفو يعيشو ..الماكلة والرقاد والتفراج ..النسا ميتين على المسلسلات هذا هندي وهذا تركي والرجال على البالو هاذي برصا وهاذي ريال ..و شكون لي يخدم ؟ الصينيين ؟ !! .. كون جا عندنا شعب مثقف كون كل حي عندو جماعة لي يقومو بيه وتلقى السكان متعاونين بالنظافة .. ومدايرين لجنة .. وكي يشوفو قضية كبيرة قادرة تدير تيفوئيد ولا كشما ميكروب يعيطو للمسؤولين تاع للبلدية ..بصح غاشينا يعرف يهز غير العلامات و يركب في كيران تاع الباطل في المسيرات وتحيا فلان وفلتان ونهارالصح والو .. لي يجي يقلك تخطي راسي ...
الناموسة : ايه هاذي كاينة منها , يعني رانا متفاهمين ضرك بلي المشكل ماشي فيا أنا و لا نتي , المشكل فيهم هوما و لا راني غالطة ؟
الذبانة :اممممم ( vvvvvvv) و الله تبانلي هذاك هو حنا وين نلقاو الخبزة و الوسخ نروحولو حتى و لوكان حراقة ..
النموسة : كون يديرو علينا هوما يحرقو لبلاد النور و الخدمة للغرب و يخلونا بلادهم نخمرو فيها و نعيشو فيها مهنيين و معليش لا بغاو يخلونا حكومتهم ما عندها ما ضرنا
الذبانة :و الله لا سلم لسانك يا ناموسة قلتي الصح . . مدام تفاهمنا ذرك خليني نلحس وجه هاذ السيد الراقد وشوي رجليه انا و حباباتي ..
النموسة : معليش عندك في يدك ربع ساعة مابين نعقم البرا تاعي .. راه وقت ما يتامنش .. تاع انفلونزا خنازر و جاج ... وغدوة انفلونزا لبعير في الصحراء
تمت ..........
ونبقى نعاني في هاذ الوضع المعيشي ..وتبقى تعاني الاف الاحياء السكانية من جميع الامراض والاوبئة والحشرات بانواعها ..
وكيما يقول ذاك الراجل : كاين غير المرض ودوا تاعو من الخارج
تقمص دور البطولة في هاذ الموضوع :
الذبانة : tarkan
الناموسة : غزال الصحراء
No Comment
كل يوم نوضو صباح على التفنفين تاع الذبان و نرقدو على التزنزين تاع النموس و التخربيش تاع الgرلوات و les cafards ونشرو الفليطوكس ولي باستي تاع الـ spi mat و كل يوم نفس الحكاية ونفس الجيش تاع الحشرات ..بصح خممو معايا وين راه المشكل ؟ في الدار ولا البرا في محيط الدار :confused1:
اليكم هاذ الحوار لي جرى بين نموسة و ذبانة دارو بواحد راقد وقت المغرب ... وقت تسليم المهام .. حسب المنهاج المعروف الذبان في النهار و النموس في اليل :music_whistling:
الذبانة : vvvvvvvvvvvv
الناموسة : zzzzzzzzzzz
الذبانة : : واش راكي تديري هنا يا الناموسة المصفارة .. راه مزال ماضلامتش :cursing:
الناموسة :أنا مصفارة ؟ ياو باين ما عندكش مراية في الدار يكفي أنك تدوري غير في النهار وتخافي السهرات و كي يكثرو يديرولك المبيد .. وراها طاحت الظلمة غير شوفي كشما ماعون باتي فيه :thumbdown:
الذبانة : خصك تلحقيني انا حاشاك يا لالة نحط غير فوق السكر و فوق لخدود الحمر :001_wub:
الناموسة : ياه من وقتاش ولا الذبان يحط فوق لخدود , شوفي نتي كون ما جاش الكارطي موسخ الله ما تعيشي مي أنا عادي الناس نكددهم من وجوهم كي يولو راقدين
الذبانة : : ربي صححلك الوجه وتهدري فيها .. انا نلحس ومنقرصش وكي نقلق نعض ونتي مكفاش موالين الدار حكمتهم anémie خلصتولهم الدم نتي و صحاباتك
hmy:النموسة : و الله لا راكي غير تهدري و خلاص .. أنا على الأقل نقرص في الناس بقيمتي مي جامي نروح لزبلة تاع لي كارتي باش نعيش... انا لاباس عليا ندخل لكاش دار نمصهم و نخرج واش يخصني ... قالك عاند و لا تحسد
الذبانة : يا خي جنس دراكيلا يخي .. احمدي ربي لي تاع البلدية خلاو الزيقوات محلولين و مبلوكيين .. كون جينا في بلاد خرى والله ماراكي مسامياتيني :angry:
الناموسة : هاذي راني ديما نحمد في ربي عليها , و انا مانيش غالطة كي جيت للبلاد هاذي ... و نتي كون ما جاش لوسخ و البلدية راقدين واش راكي ديري هنا ؟ و الله لا كون جاو يخدمو في خدمتهم ما طوليش و تنقرضي
الذبانة : اسمعي تشراك الفم يحبس معايا .. ديجا وش نستنى من وحدة تخرج من زيقو ومن les caves سير مش متربية و السمعة تاعك في الحضيض .. انا من الدار منخرجش ولا محطيتش فوق ماكلة سيدي .. نحط في اللي تسميها نتي زبالة .. بصح منلومكش متعرفيش معلابالكش بلي الماكلة لي تترمى والخبز لي يطيش كثر من لي ياكلوه ؟ وزيد السكان مدايرين ريسطوورون تاعنا في كل قرنية و ما يديهاش الكاميو غير بالشهر .. مالا خير لي نتغدى ونتعشى ثم :biggrin:
الناموسة :ايه ايه أفرحي و تشيكري و زيدي و كيما يقولو تعلمي لحفافة في ريوص ليتامة , و الله كون تتريقل هاذي لبلاد و يولي كل واحد يخدم خدمتو ثما يعرفو قيمة الماكلة لي راهي يطيشو فيها و لي قادرين يوكلو بيها اثيوبيا عام ولا عامين
الذبانة : واش يهمني فيهم انا .. وحساب الحطة مزالت مطولة الحالة ومزالو مطاعم الرحمة تاوعنا في كل gرنية .. و تحت كل تاقة يرمولنا صاشي كحلة قفة رمضان .. علابالك مالا لحقني ميساج البارح من عند بنت خالي في فرانسا قاتلي دارولنا ابادة جماعية في فرانسا .. مالا قلتلها ارواحي عيشي هنا معانا ..
الناموسة : ايه مام أنا عيطلي واحد لافامي تاعي في بلجيكا قالي صاي ما بقالهمش و يفحتو ديجا ضركا الناموس تاع ثما حكماتو المجاعة , دارو إرهاب تحت شعار ( النظافة المسلحة ) قتلولي كليكة كبيرة نعرفهم و راني أقترحت عليه يجيب حبابو و يجي يسكن هنا في لالجيري حكيتلو بلي الحالة راهي ماشية و غير الناموس لي رابح في لبلاد ..
الذبانة : علابلالك بلي حساب اخر احصاء لقاو في كل دار 200 نموسة ولي بدون مأوى في كل كرطي 2000 نموسة بلا ما نحسبو الغير مسجلين والمشطبين من القوائم الانتخابية
الناموسة : ها ألهي بروحك قاعدة تحسبي فينا في الإحصائيات مام نتوما راكم بزاف يا لطيف في كل دار 4000 وكي تكونو برا نحسبكم غيمة... و الميزانية تاع لبلاد راحت في لفليطوكس فقرتو لبلاد و ماصرالكم والو .
الذبانة : اسمعي يا بولسان طويل ..الميزانية تاع البلاد راحت في المشاريع تاع نص طياب .. لي يمد المشروع يدي شوي والي يخدمو يدي شوي و كامل يدو شوي والنتيجة projet تاع 2 ملاير في البدية ..يولي تاع 300 مليون نهار لي يبداو صح .. المير يدي سهمة والمقاول سهمة وحتى الخدامة و يتريشيو في الرمل والسيمة والحديد .. والنتيجة كلش مطرافيكي ..c'est normale من بعد يتبلوكاو الزيقوات و يفيضو les caves .. وتتوالدو نتوما و يولي عندكم جيش كبير
الناموسة : ايه المشاريع هاذوك من بكري و ماشي مشكل الذبان و لا الناموس لي يقرص , هاذاك مشكل الذبان لي عندهم في الراص والناموس من نوع توسويس يعني
المبيد تاعو ماشي قرعة زرقة لا ! يليق يجيبو مبيد فكري و ناس تغير على لبلاد , هي en tous cas مدام الحالة هكذا يسمى رانا في الجنة .. ونتي نسيتي بلي كل ما يجي رئيس يبنترو برك لحيوط و يغطو الزيقوات بالتراب ... يعني حق ما يفوت وحق ما الكاميرة تنقل للعالم بلي كلش مخدوم .. و المشاريع هاذوك من بكري و ماشي مشكل الذبان و لا الناموس لي يقرص , هاذاك مشكل الذبان لي عندهم في الراص والناموس من نوع توسويس يعني المبيد تاعو ماشي قرعة زرقة لا ! يليق يجيبو مبيد فكري و ناس تغير على لبلاد .
الذبانة : انا نقلك ..مدام في دزاير كاين غاشي مكانش شعب .. يعني عايشين وخلاص .. ما يطالبو بحقوقهم ما يعرفو يعيشو ..الماكلة والرقاد والتفراج ..النسا ميتين على المسلسلات هذا هندي وهذا تركي والرجال على البالو هاذي برصا وهاذي ريال ..و شكون لي يخدم ؟ الصينيين ؟ !! .. كون جا عندنا شعب مثقف كون كل حي عندو جماعة لي يقومو بيه وتلقى السكان متعاونين بالنظافة .. ومدايرين لجنة .. وكي يشوفو قضية كبيرة قادرة تدير تيفوئيد ولا كشما ميكروب يعيطو للمسؤولين تاع للبلدية ..بصح غاشينا يعرف يهز غير العلامات و يركب في كيران تاع الباطل في المسيرات وتحيا فلان وفلتان ونهارالصح والو .. لي يجي يقلك تخطي راسي ...
الناموسة : ايه هاذي كاينة منها , يعني رانا متفاهمين ضرك بلي المشكل ماشي فيا أنا و لا نتي , المشكل فيهم هوما و لا راني غالطة ؟
الذبانة :اممممم ( vvvvvvv) و الله تبانلي هذاك هو حنا وين نلقاو الخبزة و الوسخ نروحولو حتى و لوكان حراقة ..
النموسة : كون يديرو علينا هوما يحرقو لبلاد النور و الخدمة للغرب و يخلونا بلادهم نخمرو فيها و نعيشو فيها مهنيين و معليش لا بغاو يخلونا حكومتهم ما عندها ما ضرنا
الذبانة :و الله لا سلم لسانك يا ناموسة قلتي الصح . . مدام تفاهمنا ذرك خليني نلحس وجه هاذ السيد الراقد وشوي رجليه انا و حباباتي ..
النموسة : معليش عندك في يدك ربع ساعة مابين نعقم البرا تاعي .. راه وقت ما يتامنش .. تاع انفلونزا خنازر و جاج ... وغدوة انفلونزا لبعير في الصحراء
تمت ..........
ونبقى نعاني في هاذ الوضع المعيشي ..وتبقى تعاني الاف الاحياء السكانية من جميع الامراض والاوبئة والحشرات بانواعها ..
وكيما يقول ذاك الراجل : كاين غير المرض ودوا تاعو من الخارج
تقمص دور البطولة في هاذ الموضوع :
الذبانة : tarkan
الناموسة : غزال الصحراء
No Comment
آخر تعديل:
