الذبان في النهار .... والناموس في اليل (حوار exclusive )

[Moha le sage]

و الله غير فور ربي يعاونكم كملو برك

مرسي ميزورا .. ربي يخليك على كلامك الطيب

وان شاء الله كامل نديرو مواضيع مليحة

 

[نجاة40]

هههههههههه موضوع واعر بزاف يعطيكم الصحة ياذبانة وناموسة​

 

[Moha le sage]

ما لقري راهو دار الحال عندنا في سطيف وعاد الجو برد مي الدبان والناموس مهبش يحشم
مكفاهش الصيف طامع في الخريف تاني
انا وحدة من الناس الحرب في الليل بيني وبين الناموس
الباستي ومنفعتش فية .......يا انا يا هو في الشومبرة
ههههههههه

دار الحال .. والنو دايرة حالة والذبان انا نخرج فيه من الشموبرا و هو يدخل تاع السيف

وكي يخلص التور تاعو يجي سيدي الناموس .. راني حاير علاش يكثر في الخريف هذا الذبان .. وزيد يولي سامط رهج يخلي الحيط فيه 6 ميطرات ويجي لوجهي :cursing:

مرسي ليك بنت الكارطي

 

[Moha le sage]

ههههههههههههه
بقدر ما ضحكني الحوار بقدر ما بكاني حال البلاد
و تبقى غير الهدرة و الضحك الي نقدروا عليه حنا المواطنين مساكين
افففففففففففففف من ................

كيما يقولو يا اشواق شر البلية ما يضحك

والحال تاعنا راه باين ..عايشين كامل ديباناج ..جامي تلقاي حاجة تصلح ...

الحشؤرات يجو من التسيب والاهمال .. وزيديلها الرقود تاع السكان لي ما يديروش حل لعمارهم ..

تحياتي ليك اشواق

 

[soror]

حوار رائع

شكراااااااااااااااااا
​

 

[Moha le sage]

شوكيتوني نتوما
موضوع سياسي بطريقة ضحك و تبكي

و الله ربي يعيشكم و إن شاء الله يتريقل حال بلادنا مع الجيل الجديد
​

اهلا عادل .. اشفى عليها لي متفكرتنيش في الاهداء :biggrin:

موضوع اجتماعي قبل ما يكون سياسي .. و هاذي حال لالجيري

يعطيك الصحة على الطلة والتقييم خويا عادل و انشاء الله يتريقلو لحوال

تحياتي ليك

 

[[ايمآن]]

هههههههه واعرين والله زيدو كاين الgرلو والبق هههههه
يعطيكم الصحة فووووووووور
​

 

[Moha le sage]

مازالت ثقافة النظافة بعيدة كل البعد عن احيائنا ومساكننا وبلدياتنا

وما يزيد الطين بلة فتح اماكن بيع الخضر العشوائية ورمي القاذورات في وسط الشارع بعد الرحيل

اظافة الى اهمال البلديات لعملها والمتمثل في المحافظة على وجه البلدية النظيف يساهم المواطن بشكل كبير في تأزيم الوضع بعدم المبالاة وربما قام بتنظيف منزله وجواره دون مراعاة لباقي الجيران والحي

ويوجد عمل اخر وهو طبيعة المنطقة ان كانت غابية او معشوشبة او قريبة من وديان فهذه محمية للناموس وباقي الحشرات ويعتبر تعديا على ممتلكتها .
ولكن العجيب في الدول المتحضرة حتى وديانهم وغاباتهم نظيفة وحشراتهم متحضرة ولطيفة وكانها منتقاة بعناية
بينما عندنا فاننا نطعمها ونربيها بانواع مختلفة من رمي القاذورات ومالا يرمى حتى في الطبيعة والبيئة
بدل تنقية المحيط والاشجار والاعشاب والطريق تجدنا نرمي كل شيء المهم خاطية راسي والبيئة (واش من بيئة تهدر عليها المهم الخبزة )هاذي العقلية وكاين حتى اللي يمكر ويعملها سكارة وعيناني في البلاد
وكانه ينتقم لنفسه من احوال البلاد على حساب الطبيعة والمحيط والبيئة .

ثقافة النظافة والتنظيف غائبة اذا لم تكن معدومة في بلادنا وليس فقط بلادنا حتى نكون واقعيين كل البلدان
ولكن تختلف باختلاف الوعي والثقافة ومتابعة السلطات المختصة والجمعيات والمنظمات المهتمة بذلك .
والتوعية والتعليم السلوك الحضاري الذي يحاسب عليه الانسان في الخارج من قبل المجتمع ولكن عندنا ونحن مسلمون فمن الله اولا ثم الاخلاق والضمير .

الى ذلك الحين تبقى الناموسة والذبانة ملازمين لنا وحاضرين في كل المناسبات بقوة.
لدرجة انك عندما تجلس في مكان ليس فيه ذبانة او ناموسة تتحير وديراكت يجو في بالك وتستغرب عدم حضورهم في المكان .وعند اقتراب الصيف يكون الشغل الشاغل هو نسبة الناموس و الذبان هذا العام هل هي مرتفعة او منخفظة حسب العام الدراسي طبعا .

وتجد اكثر جملة للبحث في محرك غوغل هو كيف تتخلص من الناموس والذبان .الدول الاعلى نسبة في البحث الجزائر رابط البحث الاكثر زيارة الذبان في النهار .... والناموس في اليل (حوار exclusive )
المنتدى منتدى اللمة الجزائرية .
صحيتو على الحوارالهزلي الهادف هاذي هي دزيري شوتايم..

السلام عليكم


لقد تطرقت اخي فريد لجوانب عديدة في ردك لم نتطرق لها .. لكن يبقى العامل المشترك فيها هو الانسان بتصرفاته .. لو لم تكن اهمال في تسيير المياه او عدم الاكتراث لتسرب المياه في كهوف العمارات و في مختلف الاحياء .. لو كانت المجاري المائية متقنة التوصيل و تتفقد دوريا خيفة من الانغلاق بسبب البقايا المتراكمة و خيفة من الفيضانات الناتجة من التهاطلات .. لو لم يكن كل هذا لما وجدت المستنقعات ..المرتع لكل حشرة ضارة

لكل حي موقع سواء كان غابيا او مدنيا و لكل خطة عمل خاصة به .. في المناطق النائية يبى احسن حل هو نقل القمامة بعيد عن المناطق السكنية وازالة الحشائش المجاورة للمساكن و اعتماد قنوات تصريف المياه والمراقبة الدورية لها .. ولا نهمل دور القائمين على هته الاحياء من حيث توفير المرافق الضرورية لضمان النظافة

نفس الشئء بالنسبة للاحياء العمرانية الحضرية و التي للاسف تعاني اكثر مما تعانيه المناطق الريفية بحكم الكثافة السكانية في المتر المربع و التوسع العمودي ( العمارات ) فيكفي ان يرمي احد السكان بقمامته في غير مكاتنها حتى يجعل من المكان ملجأ لكل هته الحشرات .. ويبقى الحل الوحيد هو تظافر الجهود وروح المسؤولية المتقاسمة بين المواطن والعامل في النظافة والمسؤول عن المدينة ..

قبل البحث عن المبيدات يجب البحث عن اسباب تفحل انتشار هته الظواهر .. الاسباب الحقيقة لاستاصالها جذرية .. والتي رأس هرمها وذروة سنامها هو الاهمال


تحياتي ليك اخي فريد .. وفعلا دزيري شو تايم سياسي ..وهذا الموضوع اجتماعي مع بعض الميولات السياسية .. اكتفيت بوضعه هنا

اخوك محمد

 

[Moha le sage]

مشكورين على الطرح المميز لهذا الموضوع و ان شاء الله الكل يقراوه و يفهموا العبرة ​

العفو اختي راضية

وانا اعلم تمام العلم ان موضوعي يبقى مجرد اسطر في صفحات الكترونية

العبرة هي في التغيير و في ايجاد الحلول الناجعة

تحياتي ليك

 

[نبضة قلب]

السلام عليكم و رحمة الله تعالى و بركاته
ههههههههههههههههههههههههه
و الله موضوع رائع و مضحك و محير بعض الشيئ
الذبان في النهار و الناموس في الليل
و للأسف هادا هو حال مجتمعاتنا الآن
و هاد الذبانة كانت فوق لكلافيي وشافت فيا بواحد الخزرة يا لطيف
:scared::scared::scared:
:scared:
:scared:
:scared:
:scared:

:scared::scared::scared:
و من بعد هاد الناموسة حلفت فيا

هههههههههههههههههههههههههههههههههه
يعطيك الصحة خويا تاركان و ما ننساوش خونا غزال الصحراء
تقبل تحياتي و مروري​

 

[Moha le sage]

هههههههههههههههههههه
والله دايرين فينا حالة كرهونا العيشة
مشكورين على هاد الحوار الحار

يعطيك الصحة خويا حاتم

ورنا كامل كارهين من العباد العوج قبل الناموس والذبان ..خطراه الثانيين تشري فليطوكس وحلاص .. اما لولين الفليطوكس تاعهم مكانش

تحياتي ليك

 

[jiji 94]

مشكوووووور اخي محمد
وفقك الله

تقبل مرووووووووري​

 

[n@tcho]

ياو فورررررررررررررررررررررررررر
وله تضحك وتبكي على حال بلادنا

مي جبتكم معايا

​

مرسي خويا دبانة و ناموسة​

​

 

[Moha le sage]

صح عندكم الحق واحد مايخدم خدمتو ف لبلاد هادي
وشكرا عل المجهود المبدل​

هذيك هي جازية ..حنا شعب فنيان اللسان ميطرتين والذراع 20 سانتيم :cursing:

العفو وتحياتي ليك جازية ختي

 

[Moha le sage]

مشكوووووور اخي محمد
وفقك الله

تقبل مرووووووووري​

بارك الله فيك خويا الجيلالي

اللهم امين

مرورك اسعدني وترك بصمة جميلة في الموضوع

​

 

[Moha le sage]

ياو فورررررررررررررررررررررررررر
وله تضحك وتبكي على حال بلادنا

مي جبتكم معايا

​

مرسي خويا دبانة و ناموسة​

​

نتي يا ناريمان تحوسي تقضي علينا بالبيف باف و راد تاعك :crying:

بصح ما تخافيش انا وهشام عندنا اونتيتود تاع فليطوكس en plus مدايرين ماسك تاع كليموجان .. منشمو والو .. غير تضايقو رواحكم برك :biggrin:

و الحال راه يبكي من بكري قبل ما يضحك ..بصح رانا نحكيو واش رايح يطيرلنا غير الحكايات :crying:

مرسي بوكو ناريمان وتحياتي ليك

 

[Moha le sage]

هههههههههه موضوع واعر بزاف يعطيكم الصحة ياذبانة وناموسة​

الموضوع اذا واعر بزاف متقربيش ليه لا يعضك ولا ينحلك خدك :scared:hmy: :biggrin:

واش هذا امنتي صح بلي رانا ذبانة وناموسة :crying: يخي قلنا هذاك دور في مسلسل برك خلاص



هههههههههههههه

مرسي ليك نجاة

 

[Moha le sage]

حوار رائع

شكراااااااااااااااااا
​

يعيشي ختي سرور

العفو ويعطيك الصحة
​

 

[Moha le sage]

هههههههه واعرين والله زيدو كاين الgرلو والبق هههههه
يعطيكم الصحة فووووووووور
​

لالا عاقلين هاذ الساعة مش واعرين :biggrin:

بصح فكرتيني في الgرلو والبق

..نديروه ميضوع تاع الحلقة القادمة hmy::angel_not:

نتي شفتلك دور البرغوثة :biggrin:

ههههههههههههههههههه

 

[[ايمآن]]

لالا عاقلين هاذ الساعة مش واعرين :biggrin:

بصح فكرتيني في الgرلو والبق

..نديروه ميضوع تاع الحلقة القادمة hmy::angel_not:

نتي شفتلك دور البرغوثة :biggrin:

ههههههههههههههههههه

ههههه لالا :scared:غير اخطيني نحب نتفرج برك:biggrin: يععع شوف كي دايرةهههههههه
​