الذبان في النهار .... والناموس في اليل (حوار exclusive )

[jiji 94]

شكرا اخي محمد ....واصل ​

 

[flawer-girl]

ياودي وليت نقصر مع ذبان وانا نغسل لماعن تجي تخبطني تقولي كلب بجنحين
عجبا حتى ذبان وسفلز ولا مشكل يا درى واش راه جاينا
وانتوما يعطيكم الصحة على هذا الموضوع

 

[ندى16]

ايه يا زمان حنا نصدرولهم العباد وهوما يصدرونا قمامتهم حاشاكم
هوما عندم الدبان والناموس يحرقو وحنا العباد يحرقو مفارقة هايلة بينا وبينهم

 

[S@miRios]

السلام عليكم
و الله اليامات هاذي راكم جايبينها غير على الدولة ، هاي مخدمتش ، هاي مزقمتش ،،
صح و الحقيقة الدولة تغلط ، لكن اللوم يقع علينا نحن الشعب ، ( الجزائري ) اذا عملو طرقات
نعمرها بالزيقوات ، هوما واش يقولو نزقموها مرة ماشي زوج ، و الله التيليفونات هاذوك تاع
لبرة زعبة حابينا نعاندو لقور تلقا تريفون مكسر و لقفالي مكاش ، حنا تاني نخربو بزاف
و يقولك ( و بالتي هي أحسن ) يعني خلونا احنا نبدا نزقم روحنا و منبعد لومو غيرنا
الموضوع مميز و طرقة ايصال الفكرة عجبتني و كيما يقول المثل '' يداكا اوكتا .... و فوك نفخ ''

 

[x123]

الله غالب خويا
dz
البروبلام 80 بالمئة من الشعب و 20 من الدولة
و رايح يبقى و يزيد


ضرك المرة الجاية يجيبو شركة تع شناوا ينظفو الاحيائ
و يفلاشيو العقول تع البنيادم
غير صبر خويا
مين نطلع انا رئيس نجيبهم ههه

شكرا على الموضوع
​

 

[Moha le sage]

لي عودة مع ردودكم الجميلة

 

[jiji 94]

شكرا لك اخي محمد​

 

[zaki92]

هههههههههههههههههههههههه ولله غير جيبتوها في الناموس والذبان وفي لبلاد مشكورين من عند الصرصور​

 

[سوميثا]

بوركت الأنامل على الموضوع الرائع أخي.
وهذي هي الدزاير شوي من عند الشعب و شوي من عند الدولة حتى رجعت بزاف علينا

 

[Moha le sage]

ههههه وحدك يا موح والله روح اكتب الجزء الخامس نتاع باب:biggrin: الحارة هذا العام راه والو :thumbdown:
لالا شوف انا نمثل دور فراشة ولا نحلة حاجة اخرى ما نقبلش والميضوع هايل
​

قلنا راح نكتب باب البلاكار الجزء لول :biggrin: ذرك يدي السو كسي و اعلى نسبة مشاهدة

دور الفراشة و النحلة مديناهم الله غالب لحقي روطار :crying:

شوفي خيري ما بين برغوثة ولا بقة ولا قرادة :001_wub: :angel_not:

مرسي ليك

 

[Moha le sage]

هههههههه خصنا يجي النمس تاع باب الحارة يصيدهم
وينك وينك يا ناموسة
يا ناموسة وينك وينك

نتي ثاني مع باب الحارة :thumbdown: قلنا استنناو باب البلاكار :biggrin: ميضوع رائع فيه كلش النمس والناموس والبق والقراد والقرمل .. راح نولي نعيط في لصواق

 

[Moha le sage]

خويا كي يكثر الناموس و الذبان في بلاصة ...لوجيكمو
ناسها ماشي نظاف :crying: و حنا بلادنا معمرة بيهم و في كل بلاصة و زيد متوحشين تقول جاو من الامازون...سيرتو النمل ماعاد ينفع معاهم والو
ماعليش ماتحسيش بالاك ينقرضو برا...و نولو خير حنا للي عدنا ..هاكاك بلاك نولو متميزين على الاقل بحاجة وحدة عليهم :biggrin::confused1:
بارك الله فيكم راكم درتو قصرة هي بين الناموسة و الذبانة :biggrin:

يعطيك الصحة والنضافة راهي في العقل والتصرف تاع العبد ..في لبستو و شمبرتو طريقة تفكيرو .. حنا صاريلنا كي تاع البنقلاداش .. هوما اوموان عندهم الغاشي معذورين وفقراء .. حنا فنيانين ومنحبوش ننطواييو ..في الزنق ول الكيران ولا اي بلاصة عمومية ..واحد ما يرفد كاغط بالعكس غير نطيشو و نرمو في الطريق في الجناين ... فاقد الشئ لا يعطيه

مرسي ليك

تحياتي

 

[Moha le sage]

يعطيكم الصحة على الموضوع دايما فووووور بمواضيعكم
والله غير عندكم الحق ،يا عجبا ياربي نرقد على الناموس ونوض على الذبان
والله الصيف كامل وحنا فالحرب معاهم ،وزيد الحال برد وماخطاوناش
والشي هذا كامل من الغاشي نتاعنا كون جا كل واحد ينظف جيهته والله ماتصرا هكذا ،واش تحب اهدر ولا قعد ماتبدلش العقلية
وشكرا على الموضوع الاكثر من رائع .​

رانا كامل سيستام واحد تاع حياة .. ترقدي على التونوين وتنوظي على التفنفين .. وليامات تتعاود والشهر هكذاك والجديد مكانش ..

النظافة هي طريقة تاع معيشة .. هي روح تاع مسؤولية تبدا بالواحد وتروح للجيران و الحومة والبلاد .. حنا عندنا زوج مشاكل ..متربيناش على النظافة ومتفنينين صاشي ما نرفدوهاش ..على جال خطوتين نرمو الوسخ قدام الجيران وما نكملوش بيه لوين يترمى .. وحتى ولادنا راهم يهزو في نفس العقلية منين يجي التغيير عيشك ؟

ردك هو لي مميز يا ملكة الاحساس اللي بدا ينقرض في هاذ الوقت

تحياتي ليك

 

[Moha le sage]

والله صح نفس المشكل زيدلو انا نجي نحط رجلي برا الدار نلقى البوزنزن ووالله بزاف

بزاف ترو

زعما برد الحال النو خيط من السما والناموس مازالو عايش

كيما درت مايصلحش لفليطوكش تبان راك ديرلهم ديودورو والباستي يحسبو فيه بارفا
ربي يكون معانا
بون شونص في الصيادة تاعهم ماتنساش تحط قدامك صباط باه تقتلهم هه

نتوما البوزنزن و خرين عندهم جشرات في الامازون ومكانش .. نتي تقولي بلادنا لي غابة في وحد الحومات

ونا حسبا ما ني نشوف الجيل لخر هاذا تاع النموس معادت تديرلو والو الباستي ولا واعر

السباط معندو ميدير قدام جيوش تاع ذبان و الفليطوكس يدير الحساسية .. لازم الواحد ميحلش الباب خلاص وقيل

حياتي ليك دانة

 

[Moha le sage]

جرادة:crying:
وش تسالي موح :angry:

و تحيات متبادلة (توب 50):angel_not:
هههههههههههه​

خلاص صرصورة مع عام السنا repos طاحت سوا سوا :biggrin:

نسالك حسيفة ودين قديم

يخي قلنا توب 10 ولا دخلت la concurrence :confused1::cursing:

​

 

[Moha le sage]

شكرا اخي محمد ....واصل ​

العفو اخي الجيلالي
​

 

[السوفي حمة]

​

 

[Moha le sage]

ياودي وليت نقصر مع ذبان وانا نغسل لماعن تجي تخبطني تقولي كلب بجنحين
عجبا حتى ذبان وسفلز ولا مشكل يا درى واش راه جاينا
وانتوما يعطيكم الصحة على هذا الموضوع

انا لي تغيضني نكون راقد يخلو الشومبرا كامل و يجو يحطو فوق وجهي :cursing: اما الكوزينة منحكيلكش ..فيها الفين نسمة من الذبان .. راني مسميهم كل ذبانة عندها اسم ..نتي تقولي مربيهم :scared::sad:

وش من كلب راه الوحدة توزن طن نورمال الماكلة والراحة hmy::angel_not:

الجيل تاع الذبان تبدل على تاع بكري هذي قوليها وعاوديها وحتى هو تلفتلو العقلية :biggrin:

ونتي يعطيك الصحة على ردك ...عودي سوايع سوايع ابوانتي نشوفوك

 

[Moha le sage]

ايه يا زمان حنا نصدرولهم العباد وهوما يصدرونا قمامتهم حاشاكم
هوما عندم الدبان والناموس يحرقو وحنا العباد يحرقو مفارقة هايلة بينا وبينهم

دنيتنا مفارقات وبلادنا عوجة الصحيح غالط والغالط صحيح .. الحق باطل والباطل حق

واش يدير الواحد

مرسي ليك ندى

 

[ou@il_39]

السلام عليكم ،،

شكرا لك على الموضوع ،،


تحيــــــــــاتي ،،
​