.......سرقوني!!

[هــــيلدا]

Bon ملقيتش كيفاش راح نبدا، عندي 200 سؤال راهو في راسي ضرك.
رايحة نحكيلكم واش صرالي ليوم
نضت الصباح هادي كيفي كيف الناس جات عندي ماما قاتلي روحي لخالتك وصليلها شوي حوايج
للهنا "الامر عادي"

خرجت ممشيتش حتى 300 متر دخلت على الاحياء باش نوصل دار خالتي
جاني واحد حكمني من ذراعي ودورهولي حكمتني الخلعة درت عندو لقيتو جابدلي موس ( سكين)

نحي الخاتم ازربي منيش قاعد

تشوكيت عيطت على طولي كاشما يجي واحد شفت 2 jeuns جايين من بعيد سمعوني نعيط مي لاحياة لمن تنادي
نحيت الخاتم وانا نترجف مديتهولو وقعدت نبكي في بلاصتي من الخلعة وصلوني هدوك ls jeuns:ختي كاشما دالك!!

تديك جهنم نشالله كي كنت نعيط دايرين رواحهم مسمعوش ومن بعد يجي يزعق عليا

للهنا الامر راهو شوية عادي
روحت للدار لمزيا للي مبعدتش وصلت بحالة يرثى لها
واش صرالك؟ حكيتلهم وانا عبد آخر قالولي بللي المهم شفيت على العبد
عيطت ماما لخالي ( الله يبارك عندي 11 خال)
واحد ربع ساعة كانو في دارنا 4 منهم
سقساوني Ask شفيت على للي سرقني داوني 2 خوالي معاهم في التاكسي بقينا ندورو في هذيك البلايص
سبحان الله فتنا على دار لقيناه قدامها تقول يسنا فينا
راني sur بللي هو الخلعة للي دارهالي متتعاودش
نزلو عندو خوالي ونزلوني معاهم كي شافني ولا أصفر ملقاش واش يدير

ضرك نجيو للعجب كان قدام دار حنا مسعيناهاش المهم أنا رجعت للتاكسي حكمو واحد من خوالي عطاه طريحة نتاع الموت حتان شفني ومنعرف واش كان صاري للبرا انا قاعدة نسنا في التاكسي وميتة بالخلعة
واحد نص ساعة دخل خالي للتاكسي ولحقو الثاني

خاتمي ردوه يعني مكانش وين يديه ليه ليه حكموه
مي ضرك السبة للي خلاتو يسرقني؟؟؟

حبس عليه باباه المصروف كعاد حاوزوه من لقراية!!!

بالله عليكم ضرك هاذي سبة لواحد يسرق على جالها!!
لوكان كان معندوش لوكان كانو فقراء لوكان ولوكان........
مي سبة كيما هاذي والله لازملو ينحيوه.

يعني انتشرت السرقة في بلادنا لهاذ الدرجة؟؟
ضرك للي يضرو راسو ينوض يسرق
مفكرش يعني لوكان جيت مريضة بالسكر ولا بعيد الشر واش كان راح يصرالي؟؟؟
هذا أنا مصرالي والو parsk هاذي المرة الثانية للي نتسرق فيها (موالفة:001_unsure

اني sur بللي هاذ الحكاية مايش صارية غير عندي انا ومايش غير هنا في باتنة ولا هنا في بوعقال
ناس بزاف راهي تشكي منها.
علاه عندنا شعب ضرك ولا ميعرف لا الحلال لا الحرام
الاعتداء على الناس، ممتلكات الناس......بزاف حوايج ولات نورمال؟؟
اللي معندوش شكون يوقف معاه يروح حقو؟؟
لوكان مجاوش خوالي كان رديت حقي؟؟
المرات للي فاتو داولي موبيلي مكان حتى واحد معايا!!
رديتو؟ no
علاه؟ مكان حتى واحد يدافع عليا!!
en+
علاه هذوك ls jeuns كي شافو واش صاري علاه متلاحوش
هذي النخوة الجزايرية؟؟
آخرتها النهي عن المنكر!!!!

قولولي وين رايحين بهاذ العقلية؟؟

 

[حفيد هواري بومدين]

موضوعك قريتو من a ل z
عندك الزهر كي رجعتي حوايجك والله
احنا رجال كون يقريسيونا مانمدوش يقطعونا بالسكين
تاني حاجة الخلعة لي يديرها الجاست نتاع السرقة ماتتعدوش يعني تبقا طول في الذاكرة
نجيك لسؤالك
نحالو بيو المصروف سرق
وكاين لي يسرق كهواية وكاين لي يسرق ماعندوش
مي واش نقولك
هادي بلادنا
يشوفوك براني يسرقوك
يحقروك في كل بلاصة
عقلية نتاع جزائري pure
ماتقدريش تبدليلو المونتاليتي نتاعو
وليك الخط

​

 

[هــــيلدا]

موضوعك قريتو من a ل z

merci عليك
عندك الزهر كي رجعتي حوايجك والله
احنا رجال كون يقريسيونا مانمدوش يقطعونا بالسكين
كاينة هاذي صح والله يجبدلك موس يبان جبدلك ساطور غير تشوف فيه يسيحلك الدم وحدو
تاني حاجة الخلعة لي يديرها الجاست نتاع السرقة ماتتعدوش يعني تبقا طول في الذاكرة
والله مللي روحت وانا نترجف هذا راني تسرقت من قبل وفي صباح وين رايحة نعقب الباك كان عندي علوم معامل 6
والله لايتربحو في جرتو ديت 5
نجيك لسؤالك
نحالو بيو المصروف سرق
وكاين لي يسرق كهواية وكاين لي يسرق ماعندوش
والله لوكان سرق معندوش نورمال نزيد نمدلو
مي يسرق نحالو بيو المصروف والله لعيب
مي واش نقولك
هادي بلادنا
يشوفوك براني يسرقوك
يحقروك في كل بلاصة
والله يا خويا هذا وليد حومتي مهوش بعيد عليا ب 300 متر فمابالك براني؟؟
عقلية نتاع جزائري pure
ماتقدريش تبدليلو المونتاليتي نتاعو
وليك الخط

merciiiiiiii

​

 

[soror]

مدايرين العار لروحهم لا حشمة لا والو
و خصوصا لي كانو يتفرجو عليك تتسرقي عيب عليهم

يا حسرة على ناس بكري وناس دك ما ؟؟
عييت نفهمهم

المهم كي جاتك سلامات
​

 

[هــــيلدا]

مدايرين العار لروحهم لا حشمة لا والو
و خصوصا لي كانو يتفرجو عليك تتسرقي عيب عليهم
والله هذوك هما للي تغيظك منهم

يا حسرة على ناس بكري وناس دك ما ؟؟
عييت نفهمهم


المهم كي جاتك سلامات

مارسي ختي انشالله وحدة منا متشوف شر
​

 

[بنت قسنطينة]

هذه هي الحقيقة
و هذا هو الواقع الان
و لكان انت سرقولك الخاتم على بعد 300 متر
انا عندي جارتي تدرس بالثانوية بمجرد خروجها من المنزل داولها الحقيبة تاعها : الساك
يعني قدام باب الدار
و حدث هذا في اواخر شهر رمضان
يعني الناس عادو ما يعرفو والو
كل شيء عندهم حلال
رمضان اللي هو رمضان و ميعرفوش قيمتو
المهم ربي يهدينا ان شاء الله
و لازم نردو بالنا على رواحنا ​

 

[نجاة40]

والله اختي في جيهتنا حرمو للناس يخرجو اقسم بالله نعرفوهم بالاسم وبالدار بصح واش نديرو راح بابا يشكي قالولو ماعندنا مانديرولهم راه مواطن كيفو كيفك بلا مانحكيلك على المخدرات نشوفهم بعيني كيفاه يخدمو ويبيعو فيها و...... يا اختي لعزيزة الدنيا فزدت ذرك شوفي كيفاه تحمي روحك برك انا جاب ربي يعرفوني بلي نعرفهم ولي يقدم عندي نعرفو بصح لي مساكن نشوفهم يتسرقو يغيضوني لي نقدر نرجعلها حاجتها نرجعهالها بصح كاين اخرين هوما بعد يخرجو مشلشلين بالذهب مانقدرش نرجعهم
ربي يصلح لحوال برك​

 

[هــــيلدا]

هذه هي الحقيقة
و هذا هو الواقع الان
و لكان انت سرقولك الخاتم على بعد 300 متر
انا عندي جارتي تدرس بالثانوية بمجرد خروجها من المنزل داولها الحقيبة تاعها : الساك

هذا ساك فيه حوايج لقراية ومامنعش
يعني قدام باب الدار
و حدث هذا في اواخر شهر رمضان
يعني الناس عادو ما يعرفو والو
كل شيء عندهم حلال

prsk ميعرفوش حاجة وسمها حرام على هذيك كلش حلال
رمضان اللي هو رمضان و ميعرفوش قيمتو
المهم ربي يهدينا ان شاء الله
و لازم نردو بالنا على رواحنا

انشالله وضرك لازم كل وحدة تعس روحها
​

 

[x123]

اختي اذا صراتلك هادي الحادثة فوهرن
قولي الحمد لله لي قعدتي حية
على خاطر راهم ضرك يسرقو الانسان و ممبعد يضربه بسكين و يروح
+
سرقة راهي حرفة ضرك يعني تلقى واحد من 14 ينة حتى ل 50 عام و هو يسرق يعني معتبرها خدمة
+
قولي ربي يهديهم

+
ضرك رانا عايشين فغابة القوي ياكل الضعيف
يعني مايلكها غير القوة و الحمد لله مين عندك 11 خال ربي يخليهملك

و ربي يحفظهم على خاطر هادي هي سرقك واحد لازم تسترجع حقك
على خاطر تروح تشتكي يكتبو pv و يرموه فالبيرو و يخلوه
​

 

[karim073]

غدوة يزيد يعاودها مع واحد اخرى و هاكذا دواليه حتى يتسجن وكي يخرج يزيد يعاودها و هي رايحة

انت احمدي ربي كاين لي قطعولهم لحمهم و كاين لي داولها وذنها على جال فلوكة

 

[هــــيلدا]

والله اختي في جيهتنا حرمو للناس يخرجو اقسم بالله نعرفوهم بالاسم وبالدار بصح واش نديرو راح بابا يشكي قالولو ماعندنا مانديرولهم راه مواطن كيفو كيفك
هذو مينفعش تشكي معاهم عييت في خوالي قلتلهم نروحو نشكيو بيه مدام نعرفوه قالولي ميديرولو والو طريحة خير من شهر حبس
بلا مانحكيلك على المخدرات نشوفهم بعيني كيفاه يخدمو ويبيعو فيها و...... يا اختي لعزيزة الدنيا فزدت ذرك شوفي كيفاه تحمي روحك برك انا جاب ربي يعرفوني بلي نعرفهم ولي يقدم عندي نعرفو بصح لي مساكن نشوفهم يتسرقو يغيضوني لي نقدر نرجعلها حاجتها نرجعهالها بصح كاين اخرين هوما بعد يخرجو مشلشلين بالذهب مانقدرش نرجعهم
صح كاينة منها بصح والله لابسة خاتم من صغرو ميبانش منعرف وين قابرو
ربي يصلح لحوال برك
آمين...........mercii
​

 

[حلمي النسيان]

ربي يكون معاك اختي

و مزية اللي ماصرالك والو

واذا على هاذوك ليجان

كيما قلتي لا حياة لمن تنادي

واش رايحة تعملي

المهم هذا هو حالنا

واحد يكون قاعد تطلعله يسرق شكون اللي راح يحبسه

ربي يهديهم ان شاء الله

و يصلحهم لطريق الخير

​

 

[هــــيلدا]

اختي اذا صراتلك هادي الحادثة فوهرن
قولي الحمد لله لي قعدتي حية
على خاطر راهم ضرك يسرقو الانسان و ممبعد يضربه بسكين و يروح
+وي والله الحمد لله
سرقة راهي حرفة ضرك يعني تلقى واحد من 14 ينة حتى ل 50 عام و هو يسرق يعني معتبرها خدمة
+كاينة للي معتبرينها خدمة مي هذا سرقني لمصروف الجيب!! تتصور وين وصلت الوقاحة!!
قولي ربي يهديهم

+ربي يهديهم ولا يديهم عباد كيما هكذا منحتاجوهمش في بلادنا
ضرك رانا عايشين فغابة القوي ياكل الضعيف
يعني مايلكها غير القوة و الحمد لله مين عندك 11 خال ربي يخليهملك

و ربي يحفظهم على خاطر هادي هي سرقك واحد لازم تسترجع حقك
على خاطر تروح تشتكي يكتبو pv و يرموه فالبيرو و يخلوه

ايه على خاطر بلاد ميكي

merciiii
​

 

[هــــيلدا]

غدوة يزيد يعاودها مع واحد اخرى و هاكذا دواليه حتى يتسجن وكي يخرج يزيد يعاودها و هي رايحة

الله غالب كل واحد وكيفماه تربى ومنين خرج لوكان جات بيدي نلمهم كامل وننفيهم لسيبيريا

انت احمدي ربي كاين لي قطعولهم لحمهم و كاين لي داولها وذنها على جال فلوكة

الحمد لله والله خرجت سلامات ورديت حقي ودا طريحة :thumbup:

 

[هــــيلدا]

ربي يكون معاك اختي

و مزية اللي ماصرالك والو

واذا على هاذوك ليجان

كيما قلتي لا حياة لمن تنادي

هذا لوكان تشوفيهم مخلاو لا طول لا عرض لا حشمة لا نخوة الله غالب

واش رايحة تعملي

المهم هذا هو حالنا

واحد يكون قاعد تطلعله يسرق شكون اللي راح يحبسه

ايه هذا رجالا وميقدرولهم فمابالك طفلة معندها مدير

ربي يهديهم ان شاء الله

و يصلحهم لطريق الخير
آمين mercii

​

 

[السوفي حمة]

للأسف الشديد
هذي الظاهرة انتشرت في كامل الجزائر
في سبيطار زوجة عمي ماتت وكانت لابسة مناقش وسلسلة، كرحنا نجيبو حوايجها قالك منعرفوش وين راهو، لكن كعرفو مرناش مسلمين في حقنا
رجعوهم وقالوا لقيوهم ومعرفوش نتاع شكون
يعني السرقة مهيش غير عند البطال
ربي يهدينا وين رانا رايحين
​

 

[هــــيلدا]

للأسف الشديد
هذي الظاهرة انتشرت في كامل الجزائر
صح ولات كيما لغدا منقولوش كيما حليب الصباح على خاطر كاين للي ميشربوش
في سبيطار زوجة عمي ماتت ربي يرحمها وكانت لابسة مناقش وسلسلة، كرحنا نجيبو حوايجها قالك منعرفوش وين راهو، لكن كعرفو مرناش مسلمين في حقنا
رجعوهم وقالوا لقيوهم ومعرفوش نتاع شكون ايه تبالهم فالغاشي راقد على وذنيه الميت يالعجب وممنعش معاهم
يعني السرقة مهيش غير عند البطال
ربي يهدينا آمين وين رانا رايحين

Mercii
​

 

[RaNiA]

الله غالب ربي يهديهم ان شاء الله ​

عليها مليحة الطفلة تدخل للكراتي باه لي يدور بيها تكسلو بطريحة
مرة انا واحد سبقلي هربت ولا يجري ورايا مالحقنيش ههههه​

كي تزيدي تحبسيلو وتخافي هاذاك واين يزيد يعقد عليك وما يديلكش غير الخاتم جاب ربي نتي منعتي

ربي يشفيهم كون جا لي يسرق تتقص يدو درك يترباو شوي ​

 

[هــــيلدا]

الله غالب ربي يهديهم ان شاء الله ​

عليها مليحة الطفلة تدخل للكراتي باه لي يدور بيها تكسلو بطريحة

والله الجيدو ومنفعش معايا وصلني مت بالخلعة
مرة انا واحد سبقلي هربت ولا يجري ورايا مالحقنيش ههههه

انت قافزة يعولو عليك
​

كي تزيدي تحبسيلو وتخافي هاذاك واين يزيد يعقد عليك وما يديلكش غير الخاتم جاب ربي نتي منعتي

ربي يشفيهم كون جا لي يسرق تتقص يدو درك يترباو شوي

وين رانا وين راهم للي يقصولهم يديهم
الله غالب كل واحد يسلك روحو
​

merciiiii

 

[nina bonoise]

انتي كي قلتي دخلت للاحياء جاتني في بالي الزنق ههههههههه
نخاف منهم خلاه و زيد يقعدوا فيهم غيرليفوايوا راكم عمبالكم
حكايتك خوفنتي خلاه قلت لروحي هذي هي اخر مرة نخرج بالخاتم انا تاني
ليسرقوهولي خلاه