.......سرقوني!!

[Adel Adel1]

مرة طفلة ياقريسي فيها واحد رخيس رحت دخل روحي انا و صاحبي ديت ضربة بالموس في يدي و ماعليهش قلت
للأسف كلمة شكرا ماديتهاش من عندها تقول عليا بوليسي و مرات جربو ياقريسيو و ماقدروش أصلا البلاصة لي نسكن فيها يا قريسيو لقاوها خدمة الله لا تربحهم فسدولنا الحالة
​

 

[abidou 20081]

تحية عطرة وطيبة اختي العزيزة هيلدا
والله واش تحبي نقولك قبل كل شي نقولك الحمد لله على سلامتك وهذي عندنا هي الفايدة والدنيا مافيها
بالنسبة للسرقة والله غير العيب فينا قبل السراق ونقولك مادام رانا كيما رانا والله غير مازال نشوفو لعجب
أنت ختي غلطتي منين قلتي تلاقيتي مع زوج لي جان أ،ت تلاقيتي مع طفيلات كيما أنت لوكان جاو زوج رجالة كيما راكي تحكي مايخلوكش خاصة راهم زوج ماشي واحد وممكن هذوك الزوج راهم معاه من جماعة العسة برك
المهم نقولك باش نقضو على هذ السراق ماراهيش الملفات والشكايات تاع الشرطة هي لي تقضي على هذ الظاهرة بالعكس راهم يدخلو مجرمين صغار للحبس يخرجو مجرمين كبار ومحترفين لكن عجبتني طريقة
إستعملوها في واحد القرية كثرت فيها السرقة ناض الغاشي نظم روحو بالعصي العسة ومنين يحكمو سراق هذاك نهارو والله مايطلقوه بالعصى غير حتى يولي يزحف وبعدها يرفدوه لدار الشرطة يرموه لتم أقسم بالله غير شهر برك رجعت هذيك القرية تقولي راكي فالمدينة أرمي دراهمك في لرض تلقايها في كاش حانوت
حاطينها بالاك يجي مولاها يسقسي عليها أمشي بقنطار دهب ولا بعشرين خاتم والله مايدنا واحد ليك
وأنا نظن هذي هي الطريقة المثلى للقضاء على هذ الحثالة من المجتمع لي ما عندهم ضمير ماعندهم قلب
وحتى إذا كان جيعان ولا فقير ماعندوش حجة باش يسرق والسرقة بكل أنواعها حرام ولي جيعان مايسرقش الناس بالموس وباين واش يسرق تاني ماشي الدهب والسلاسل والبورتابلات هذا راه حشاك كلب مايسواش وبين واحد يسرق خبزة و واحد يسرق بورتابل فرق كبير وحتى نظرة المجتمع ليهم تفرق
المهم لوكان هذ السراق لي سرقك وطاح مع الرجالة تاع زمان والله غير لي ياكلو خباطي كثر ملي كلاه طعام في حياتو بصح مع هذ الجيل ربي يستر برك الحمد لله على سلامتك وربي يحفظك وربي يخليك ويعطيك ماتتمني
دمتي بألف خير وهناء إن شاء الله ​

 

[titou_le_roi2009]

الله غالب ...........................نحب بلادي

يا ختي واش نقولك على سلامتك
والله هاد اليامات واحد صاحبي عندو خوه يقرى في 2 متوسط ضربوه بخدمي في 3 بلايص مسكين دخل 10 أيام كومة على جال بورطابل
مسكين راح غير يفوت رمضان في العاصمة
الله يسترنا برك

 

[هــــيلدا]

انتي كي قلتي دخلت للاحياء جاتني في بالي الزنق ههههههههه
إيه نسكن في حي شعبي فيه الزنق مي مفيهمش ليفوايو كيما في بالك بصح كعاد الجمعة مكانش ناس بزاف
نخاف منهم خلاه و زيد يقعدوا فيهم غيرليفوايوا راكم عمبالكم
حكايتك خوفنتي خلاه قلت لروحي هذي هي اخر مرة نخرج بالخاتم انا تاني
ليسرقوهولي خلاه

إيه ضرك لازم كل وحدة دير بالها وحكاية الذهب لبرا لازم ننساوها
merciiii

 

[هــــيلدا]

مرة طفلة ياقريسي فيها واحد رخيس رحت دخل روحي انا و صاحبي ديت ضربة بالموس في يدي و ماعليهش قلت
للأسف كلمة شكرا
يعطيك الصحة خويا هكذا الرجولة تكون ولا خلي انت المهم درت جاست مايش كيما هذوك ls jeuns لي يشوفو فيا وجاو فايتين تقول ماصرا والو ماديتهاش من عندها تقول عليا بوليسي و مرات جربو ياقريسيو و ماقدروش أصلا البلاصة لي نسكن فيها يا قريسيو لقاوها خدمة الله لا تربحهم فسدولنا الحالة خدمة هواية تمسخير المهم يسرقو ربي يهديهم

merciii
​

 

[هــــيلدا]

تحية عطرة وطيبة اختي العزيزة هيلدا
والله واش تحبي نقولك قبل كل شي نقولك الحمد لله على سلامتك وهذي عندنا هي الفايدة والدنيا مافيها
بارك الله فيك اخي نورتني بمرورك
بالنسبة للسرقة والله غير العيب فينا قبل السراق ونقولك مادام رانا كيما رانا والله غير مازال نشوفو لعجب
والله حاجة باينة هذو بالشوية يتطورو يوليو يجيبولنا عفسات جديدة يسرقو بيها
أنت ختي غلطتي منين قلتي تلاقيتي مع زوج لي جان أ،ت تلاقيتي مع طفيلات كيما أنت لوكان جاو زوج رجالة كيما راكي تحكي مايخلوكش خاصة راهم زوج ماشي واحد وممكن هذوك الزوج راهم معاه من جماعة العسة برك
والله يا خو واش نقولك لوكان يحكمو واحد منهم يلبزو مخلاو لا طول لا عرض مي الله غالب راك قلتها مهمش رجالة
المهم نقولك باش نقضو على هذ السراق ماراهيش الملفات والشكايات تاع الشرطة هي لي تقضي على هذ الظاهرة بالعكس راهم يدخلو مجرمين صغار للحبس يخرجو مجرمين كبار ومحترفين ايه علابالك يدخلو بصنعة يتعلمو صنعات اخرى من بعضاهم الحبس نتاعنا ضرك ولا مدرسة لتعليم الإجرام لكن عجبتني طريقة
إستعملوها في واحد القرية كثرت فيها السرقة ناض الغاشي نظم روحو بالعصي العسة ومنين يحكمو سراق هذاك نهارو والله مايطلقوه بالعصى غير حتى يولي يزحف وبعدها يرفدوه لدار الشرطة يرموه لتم أقسم بالله غير شهر برك رجعت هذيك القرية تقولي راكي فالمدينة أرمي دراهمك في لرض تلقايها في كاش حانوت
حاطينها بالاك يجي مولاها يسقسي عليها أمشي بقنطار دهب ولا بعشرين خاتم والله مايدنا واحد ليك
وأنا نظن هذي هي الطريقة المثلى للقضاء على هذ الحثالة من المجتمع لي ما عندهم ضمير ماعندهم قلب
ايه لازم هكذا يديرولهم طريحة الموت وقليل فيهم مليح يلموهم كامل ويقصولهم يديهم والشعب يتفرج
وحتى إذا كان جيعان ولا فقير ماعندوش حجة باش يسرق والسرقة بكل أنواعها حرام ولي جيعان مايسرقش الناس بالموس وباين واش يسرق تاني ماشي الدهب والسلاسل والبورتابلات هذا راه حشاك كلب مايسواش وبين واحد يسرق خبزة و واحد يسرق بورتابل فرق كبير وحتى نظرة المجتمع ليهم تفرق
والله لوكان جا جيعان ولا فقير الواحد يفوتها مي يسرق على جال المصروف لعيب كبير
المهم لوكان هذ السراق لي سرقك وطاح مع الرجالة تاع زمان والله غير لي ياكلو خباطي كثر ملي كلاه طعام في حياتو بصح مع هذ الجيل ربي يستر الله غالب ضرك كل واحد يعس روحو واحد ماولا يشوف لصاحبو واش راهو صاريلوبرك الحمد لله على سلامتك وربي يحفظك وربي يخليك ويعطيك ماتتمني
دمتي بألف خير وهناء إن شاء الله
مرسيي خويا ربي يعيشك
​

 

[immy]

مرة ما عندهاش بزاااف كنت خارجة من الكلاصة قالولي بنات دقيقة نشوفو الساك تاعك

خليتو و خرجت من بعد رجت اديتو نورمال

و كي جيت نجبد البورتابل باش نعيط لصاحبتي نقوللها راني خارجة

مالقيت لا بورتابل لا دراهم حتى من الحكل و الغيسيل اداوه

غاضني الكحل جابتهولي صاحبتي من بسكرة

و غاضني الجاست هذي يعني انا خليتلهم ساكي سرقوني و المشكلة راهم بنات​

 

[هــــيلدا]

يا ختي واش نقولك على سلامتك

الله يسلمك
والله هاد اليامات واحد صاحبي عندو خوه يقرى في 2 متوسط ضربوه بخدمي في 3 بلايص مسكين دخل 10 أيام كومة على جال بورطابل
مسكين راح غير يفوت رمضان في العاصمة ربي يشفيه وربي يهديهم ولا يديهم هذا طفل صغير وما منعش منهم لوكان غير جاو يديو الحاجة ويوحو يزيدو يضربو
الله يسترنا برك آمين
mercii

 

[هــــيلدا]

مرة ما عندهاش بزاااف كنت خارجة من الكلاصة قالولي بنات دقيقة نشوفو الساك تاعك

خليتو و خرجت كنتي متخلي حاجتك حتى عند واحد من بعد رجت اديتو نورمال

و كي جيت نجبد البورتابل باش نعيط لصاحبتي نقوللها راني خارجة

مالقيت لا بورتابل لا دراهم حتى من الحكل و الغيسيل اداوه

غاضني الكحل جابتهولي صاحبتي من بسكرة

و غاضني الجاست هذي يعني انا خليتلهم ساكي سرقوني و المشكلة راهم بنات
والله عيب يعني حتى الطفلة ولات تسرق صاحبتها
كنتي مدام تعرفيهم تشكي بيهم انا مرة مع صاحبتي فالجامعة كنا فالكافات كي كملنا دخلت تغسل يديها وعلقت الساك نتاعها شوية دخلت موراها لقيت زوج بنات يفتشو فيه بهدلتهم قدام الكافات كامل وشهرت بيهم ولا لي يشوفهم يعرفهم
ربي يهديهم
merciii
​

 

[immy]

عندك حق مي كانو بزاااااف بنات و اولاد ما قدرتش نسرقهم كامل​

 

[nina bonoise]

و الله السرقة راهي دايرة حالة

 

[عاشقة الزهور]

هذا هو لي صاير في هذا الوقت وانت عندك الزهو كي رجعتي حوايجك

 

[pussy cat]

والله يا اختي تعبتيني وانا نقرا
هذا راه فيلم ههههههههه نتسمخر
لمهم احمدي ربي كي رجعلك خاتمك
وهادوك les jeunes متحركتلهمش شعرة!!!!
يا خي حالة

+++ الحمد لله على سلامتك


​

 

[هــــيلدا]

عندك حق مي كانو بزاااااف بنات و اولاد ما قدرتش نسرقهم كامل
جابلي ربي راكي غلطتي!!!!!
​

 

[هــــيلدا]

و الله السرقة راهي دايرة حالة
واش راح ديري لعودش المرة الجاية يسرقوني كامل مايش غير خاتم

 

[هــــيلدا]

هذا هو لي صاير في هذا الوقت وانت عندك الزهو كي رجعتي حوايجك

واحد من المليون للي يرد حويجو ضرك للي تسرق طفرت فيه mercii

 

[هــــيلدا]

والله يا اختي تعبتيني وانا نقرا
هذا راه فيلم ههههههههه نتسمخر

ههه فيلم وبطلة عيانة جبتها غير نديب وخلعة
لمهم احمدي ربي كي رجعلك خاتمك الحمد لله
وهادوك les jeunes متحركتلهمش شعرة!!!!
يا خي حالة هذو رجالة هذا الوقت حاشا البعض

+++ الحمد لله على سلامتك
الله يسلمك حبيبتي mercii


​

 

[abidou 20081]

ايه لازم هكذا يديرولهم طريحة الموت وقليل فيهم مليح يلموهم كامل ويقصولهم يديهم والشعب يتفرج

ربي يخليك وربي يحفظك وهذي حالة لبلاد كامل الناس تشوف فالمنكر ويقولك تخطي راسي
وكل واحد يتهرب ماعرفناها الناس رجعت خوافة ولا ولاو يشجعو فالسراقين وربي يجيب الخير برك
ولوكان يحطو لي سرق قدام الغاشي ويقطعولو يدو لوكان والله واحد ما يلحق واحد بصح نقولك خطرة تفرجت حصة فالتيليفزيون جابو فيها وزراء ومستشارين قانونيين وسألوهم هذا السؤال وعلاش ماتطبقش الشريعة الإسلامية على السراقين رد عليه واحد من المسؤوليين لكبار وقالو لوكان نطبقو حد السرقة الدزاير كامل نقطعولها يديها وهذي نظن تكفيك إعتراف صريح بلي كامل سراقين حتى ملي شادينا ويقولك إن كان رب البيت للدف ضاربا فلا تلومنا الصغار إن رقصو وعلى هذي نقول والله وما تحزم الشعب للقضاء على هذه الآفة حاجا مارايحة تتبدل ربي يحفظك وربي يخليك ودمتي بألف خير وهناء إن شاء الله

 

[mido.]

المهم ركي حيا احمدي ربي و اشكريه

 

[عاشق مجنون]

ختي حابة نقولك غير حاجة حنا هنا في ............. راني شاوي
و علبالي قداه من خطرة تجيني صدفة نشووف سراق يسرق نلقا الرجال و ولاد كبار يجرييو ورااه
يحكموه يقتلوه بالضرب انا باعد جريت ورا سراق خطرة هههههه
يعني احنا ماعندناش واحد يسرق و هوما يشوفوه و مايديرو والو بالعكس ديما يوقفو ورا لي تسرق منو
جامي صراتلنا هذي هنا تاع نشوفو سراق و مانديرو والو
​