قل الحق ولو كان مرا راكم معايا فالكلمة هذي

[abidou 20081]

السلام عليكم.صحيح المظاهر خداعة. لكن الانسان لا يقاس باللباس فحسب.ان الدين المعاملة فيجب على الانسان ان يتصف بالاخلاق الكريمة و الشيم الحميدة و ان يبتعد عن الاخلاق السيئة لان الطباع الدنيئة اصل كل شقاء و بلاء.و يجب على حافظ القرءان و قارئه ان يتحلى بارفع واكمل الاخلاق.لما سئلت السيدة عائشة-رضي الله عنها- عن خلق الرسول-صلى الله عليه و سلم-قالت(كان خلقه القرءان).ولقد وصف الله تعالىنبيه واثنى عليه بخلقه القويم الرفيع فقال تعالى(وانك لعلى خلق عظيم)سورة القلم(الاية4).

وعليكم السلام ورحمة الله تعالى وبركاته

عندك الحق ختي لعزيزة قبل كل شي المعاملة والإنسان إذا ماكنتش المعاملة تاعو
مع الناس مليحة شكون لي رايح يسمعلو ولي يشوفو أول حاجا يقولها هي أعود بالله يعني يرجع كيفو كيف بليس لعنة الله عليه و علمنا ديننا الحنيف شحال من قصة من المعاملة لي خلات لي قلبو قاسي يستعرف بالإسلام ويدخل فيه ومنها قصة سيدنا إبراهيم عليه الصلاة والسلام منين جاه ضيف كافر وماستقبلوش مليح
ربي سبحانو ماعجبوش تصرف خليل الله ماشي غير واحد وكان وقالو يا إبراهيم 90 سنة وهو على أرضي ياكل ويشرب وكافر بيا مامليتش منو بالمعنى وأنت جاك نهار رديتو سيدنا إبراهيم راح من بلاصة لبلاصة يحوس على هذ الكافر وترجاه ورجعو وضيفو وحكالو القصة قالو يإبراهيم أنت رسول لله وخليله وغضب ربي عليك على جال كافر مثلي منها أمن هذ الضيف واش هي الحاجا لي خلاتو يأمن منين تحاوز ولا منين عرف الرحمة لي نزل بها هذ الدين وين رانا وين راه الإسلام بعاد بزاف ربي يستر برك
والرسول صل الله عليه وسلم وقصته مع جاره اليهودي أكبر دليل على حسن الجوار وحسن المعاملة
بالرغم من أن الرسول كان يتلقى الأذى من هذ الجار اليهودي لكن أعطى أروع مثال لحسن الخلق والأدب منين مرض هذ ليهودي راح زارو خلاه تاع الصح يندم على أي حاجا دارها والأمثلة كثيرة
ربي يحفظك وربي يخليك وربي يعطيك ماتتمني دمتي بألف خير وهناء إن شاء الله ​

 

[البسكرية1990]

عجبتني الملاحظة الي حطيتها في آخر الموضوع بصح انا عندي حق مر وحبيت نقولو بلي كاينيين للأسف الناس الي راك تحكي عليهم في المنتدى وانا تصدمت فيهم قبل كنت نشوف مواضيع نتاعهم وردودهم عجبوني بصح كي حكيت معاهم تع الصح لقيتهم الهدرة الي يقولو فيها نسخ لصق من بلايص اخرى و الخشخاش فارغ ..... للأسف
تقبلو مروري

 

[ابتسام 2]

السلام عليكم اخي عبيدو موضوعك اكثر من رائع والله ليست مجاملة بل حقيقة ولكن قول الحق هنا نور وحلو وليس مر ..
موضوعك لا يمكن ان نمر عليه دون الرد والمشاركة ...كل ما قلته صحيح وواقع وللاسف وانا حقا كان لي نصيب من هذه المعاملة مع الناس المتديين وبالخصوص الفتيات صدقني اخي عبيدو لما دخلت الى الجامعة كنت انسانة طيبة جدا وعلى نياتي كيما يقولو ا دخلت فرحانة وعندي هدف في حياتي هو ان ارى والدي فرحاننين بي وانا متخرجة ويشوف بتنهم في المركز التي تمناوه والحمد لله كان لي ما اردت . المهم دخلت الى الاقامة الجامعية وانا لا اعرف اي بنت وما عندي اي صديقة لان الجامعة التي بعثت اليها بعيدة جدا عن مكان اقامتي وأنا في ذلك الوقت لم اتحصل على الغرفة كان عندي مشاكل وقد تول ابن عمتي مهمة الحاقي بالاقامة وحتى بالكلية وهو انسان متدين ولكن بحق المهم وصى علي بعض من البنات المتحجبات يعني الاخوات والحمد لله انا كنت احب ان نكون مع المتحجبات ويعني بنات الفاملية كيما يقولو
وصدقني اخي عبيدو في رمضان وما ادراك ما رمضان في اول يوم لي من الدراسة كملت الكور نتاعي ورحت لاسيتي نحوس على الطفلة الي وصاها ابن عمتي باه نروح ليها ..طبطبت على غرفتها ..خرجتلي واحدة من الاخوات وخمارها عريض وطويل وقريب يغطي عينيها قلت لها وين راهي فلانة الي يعرفها ابن عمتي قالت لي ماهيش هنا وحكيتلها قصتي عند الباب ولم تسمح لي حتى بالدخول لانها كانت توجد لفطور لللاخوة العزاز يقراوا معاهم ومسجلين معاهم في منظمة طلابية لا داعي لذكر اسمها قلت لها انا ما عندي وين نروح كيفاش ندير قالتلي روحي لواحد الغرفة ربما تلقايها ثم ..رحت على نيتي طببت كالعادة خرجتلي واحدة اخرى من الاخوات لم تتبتسم حتى في وجهي مع اني متحجبة والحمد لله ومستورة سالتها عن الطالبة التي ابحث عنها قالت لي ربماتاتي الان ادخلتني والحمد لله للغرفة جلست انتظر وصول الطالبة المرجوة وكان في الغرفة اخوات بزاف وهماثاني يوجدو ويحضروا لفطور للاخوة .اطلت بعض الشيء في غرفتهم نطقت احدى الاخوات وقالت لي اطلت الانتظارواليقاء عندنا يجب عليك الذهاب للبحث عليها في ساحة الاقامة يعني طردتني لان موعد الفطور حان والله لم تدعني ولا واحدة للبقاء للافطار ..
خرجت وانا مكسورة الخاطر وبقيت في ساحة الاقامة حتى لم يبقى الى 5دقائق للافطار جاءت فتاة كنت تعرفت عليها سابقا وهي جديدة مثلي وعندها مشكل مثلي لكن الفرق بيننا انها تعرف اخت من الاخوات وتتولى امورها اخذتني ووضعت لىي الفطور والحمد لله تعرف بعدها جاءت الاخت صاحبة الغرفىة وهي صديقة للاخوات اللاتي تعرفت عليهن سابقا واخذت تلك الفتاة ووشوشت بمعنى دندنت في اذنهاوقالتلها لازم تلفيها بمعنى اطرديها لاننا ماعندنا مكان ’عندما دخلت تلك الفتاة قرات ما تريدقوله لي في عينيها
خرجت مع دوزاني وبقيت نبكي برة وقلت في نفسي يلعن الاخوات والنهار التي تسماو فيه اخوات والله لو كنت رحت الى واحدة خارجة الطريق لحلتلي الباب
في رمضان يا اخوتي بقيت ابكي حتى جاءت واحدة انسانة عادية واخذتني الى غرفتها وبقيت عندها حتى تحصلت على الغرفة
والله انا الان لااثق بالا
خوات ولا الاخوة بل تجد انسان عادي احسن بكثير منهم ولكن صدقني اخي عبيدو بهدلت بيهم في الاقامة وحتى في الجامعة واخبرت الاخوة الي كانوا يطيبولهم في الفطور واش دارولي ولوا يشيتولي وطلبوا مني السماحوخليتهم يندموا على النهار الي تعاملوا معيا فيه بهاذك الشكل . واخبرت ابن عمتي وقت له هاذوهما الاخوات والاخوة نتاعكم والله السوفاج احسن منهم بكثير يعني الخارج طريق .
شكرا لك اخي عبيدو وحفظك الله وان شاء الله ياربي ما يجعلنا من المنافقين والي عندهم زوج وجوه يارب والايمان والدين في القلب وليس في المظهر لان المظاهر خداعة جدا والله واليوم نجد الكلام الكثير وقلة العمل به ويبقى الانسان انسان يخطيء ويصيب ولله الحكم في عباده
بارك الله فيك وعفوا على الاطالة​

 

[ايمان 02]

السلام عليكم الموضوع جد هام اخي و هذه الظواهر رانا غارقين فيها لكن الاستنتاج الوحيد لي توصلت ليه هو انه الاخلاق ماراهيش كاينة اذا وجدت الدين وبلا اخلاق ماكان حتى فايدة و اذا وجدت العلم بلا اخلاق والعمل ايضا وووو المهم انه بدون اخلاق حتى حاجة ما تنجح لهاذا ينقصنا الاخلاق باش نكملوا كل اعمالنا دينيا و دنيويا وشكرااااااا

 

[كرستين]

السلام عليكم
اخي انا موافقاتك بشكل كبيرفي واش راك تقول
ومثلنا الاعلى هو الرسول صلى الله عليه وسلم لوكان كل واحد فينا يقتدي بيه راح نكونوا احسن ما خلق الله عز وجل

 

[aMiNa-K]

السلام عليكم

كي العادة خويا عبيدو.. مواضيعك دايما في القمة
و مانتفاجؤوش كي نلقاو موضوع كما هدا من عبيدو

يا حصراه.. قل الحق و لو كان مرا
علموهانا كي كنا صغار.. بصح la plupart نساوها

و مادام هدا هو المبدا في هدا الموضوع
نعفسو على قلوبنا و نقولو الصح مهما كان مر و مهاما كان يوجع
و في اللخر مكانش خيرمن الصح

اول حاجة الدين تاعنا دين تاع معاملة.. بالمعاملة الحسنة نكسبو بيها بزاف غاشي
كاين اللي مدينين و لاباس عليهم.. المظهر تاعهم الله يبارك عليهم و و حسن المعاملة تاعهم زادت نورتهم

و كاين اللي مافهمتش كيفاش يخممو.. بين يوم و ليلة خلاص ولاو يعرفو الكتاب و السنة و يطبقو كلش.. و ياويلك لوكان تخالفهم في الراي

هنا نشوفو بلي داخلة فيها الاخلاق و التربية.. اللي يعرف يقادر الغاشي و يكون متربي يكسب الناس ليه
وحدة سيفيليزي و متربية خيرمن وحدة دايرة الحجاب و ماشي متربية

و نشوفوها في الخارج برك.. بيناتهم كاين حسن المعاملة بصح ماشي مسلمين.. خصتهم غير الشهادة.. و تحير حتى الحيوانات و دارولهم جمعيات الرفق بالحيوان
و احنا اللي مسلمين.. همجيين مع بعضانا و هدا يعس في هدا.. نقتلو بعضانا
هنا سي نورمال في الخارج يشوفونا ماشي ملاح.. و ربطو الارهاب بالاسلام.. و شكون اللي ربط الارهاب بالمسلمين.. اللي مايعرفوش كيفاش يتعاملو مع الناس.. و مدو صورة ماشي مليحة على الدين تاعنا

يعني دين بلا اخلاق :thumbdown: مكان مكان
اسلام و قلب كحل :thumbdown: مكان مكان
اسلام و همجية:thumbdown: مكان مكان
بهاد الطرق رايحين نفسدو صورة الدين تاعنا برك


و نزيد نقول حاجة.. الموضوع عندو علاقة بالمنتدى و بزاف منتديات وحدخرين و للاسف رانا شفنا بزاف اللي متعصبين في الراي ديالهم .. و طفروها في رواحتيهم برك

بارك الله فيك خويا عبيدو
و كما يقولو خاوتنا الوهارنة.. رانا نقارعو في الجديد ديالك
ميرسي​

 

[أم عبد الرحمان]

شكرا لك أخي الكريم على الموضوع الذي فعلا نجد ما قلته عن بعض الملتزمين ظاهرا في هذا المجتمع و لكن أخي لنكون من المنصفين و لنقول [الحق و لو كان مرّا] هل كلّ الملتزمين يملكون هذه الصفات !!
يا أخي كلامك هذا يوحي إلى البعض أنّ جميع من التزم في ظاهره فإنّه غليظ شديد مع الناس لا يا أخي
و حتى ذلك الغليظ و الشديد في المعاملة و أنا لا أقول [المنافق فهناك فرق عظيم] ألا نلتمس له العذر
في معاملته تلك فلربّما تربّى في جوّ عائلي مشحون جعله يتصف بمعاملة شديدة هل نطعن في ذلك
الشخص و ننسى أنّ له أجرا في إعفاء لحيته و و محافظته على صلاة الجماعة وووو....مع العلم يا أخي
أنّ هناك من الصحابة من كان يتميّز بالشدّة مثل عمر بن الخطاب رضي الله عنه
يا أخي أنا أقطن بحيّ مليء بالإخوة الذي استقامو في ظاهرهم و والله و أشهد الله على كلامي هم
محبوبين من طرف الجميع و لا يوجد مثال الذي تتكلّم عليهم إلّا قليلا و الشواذ لا يقاس عليه!!
و بالنسبة للأخوات فأعطيك فقط مثالا عنّي فأنا ما استقمت في ديني و لا حافظت على صلاتي و لا ارتديت
جلبابي الشرعي إلّا بفضلهنّ بعد فضل الله عزّ و جلّ و بفضل معاملتهنّ لي و رفقهنّ بي جزاهنّ الله خيرا
مع العلم أنّي كنت متبرّجة و لا أتحمّل رؤية فتاة بجلباب و أشمئزّ منهنّ !!
الخلاصة يا أخي أنا أرى أنّه لا ينبغي التكلّم بهذا الشكل عن مظاهر التدين من لباس شرعي
و لحية لأنّ الإلتزام بالمظهر يعين على الإستقامة في الدين و تجنّب المعاصي
و أقول ليس كلّ من صلح ظاهره صلح باطنه و لكن كلّ من صلح باطنه صلح بالتأكيد ظاهره و الكلام قياس!
أسأل الله لأخواتنا و إخواننا السيفيليزي ممّن صلح باطنه أن يمنّ الله عليهنم بصلاح الظاهر...آمين..

 

[كلي امال]

السلام عليكم و رحمة الله تعالى و بركاته​

اني عاودت رجعت و قريت الموضوع اللي يعطيك الصحة عليه
هو صح المظهر يعطيلك صورة اولية على الشخص لكن محال تحكم عليه نهائيا لانو الشخص ما تعرفوش مليح حتى تعاشروا و تشوف تصرفاتوا و مواقفوا
و هدوك اللي يدعوا الدين و غالبا تكون معاملتهم للناس ماشي مليحة و يشوفوا فيهم كفار و خارجين طريق و هو اصلا بمجرد تفكيرهم هكدا راهم خطاو دينا الاسلامي
و كي قريت الردود تفكرت قصة صرات في رمضان في مسجد الحي كانوا يخدموا فيه و كان ولد عمتي يخدم معاهم من بعد بقا غير جزء صغير جا للامام قالوا اعطيلي المفتاح ندخل نكملوا و نتهناو
اتخيل واش كان جوابوا ؟؟؟؟؟؟؟؟ قالوا بأي حق انت تدخل للمسجد
واش رايح يكون احساس شاب في عمرو 20 سنة و حاب يدير الخير يقولوا باي حق تدخل للمسجد ؟؟؟؟؟؟؟؟ كان ممكن ما يعطيلوش المفتاح لكن بطريقة محترمة
هادا امام المسجد و اللي حافظ الستين يقول هكدا امالا واش نقولوا على الناس اللي حافظ اية و لا زوج
يا خويا وصلنا لواحد الوقت ربي يدعي يثبتلنا العقل و يسترنا من اللي جاي و الانسان لازم يتمسك بدينوا و خلاص لانو النصيحة مابقاتش في وقتا تجي تحكي معاه يرجعك كافر و خارج الطريق و المعاملة و الاحترام مكانش خلاص تروح للادارة يحكمك العساس ما يخلي فيك تدخل للمدير اكتر تروح للشارع تسقسي واحد يشعل فيك هدا كامل و حابين الغرب يحتارمونا و يقولوا علينا ملاح و احنا ناكلوا في بعضانا و نسبوا في بعضانا
و قيلا كثرت الهدرة و خرجت على الموضوع

ربي يخليك على مواضيعك الرائعة و ربي يعطيك ما تتمنى
تقبل مروري اخي الفاضل
سلام ​

 

[foufa34]

صح فكثيرا ما تكون المظاهر خادعة ....يعطيك الصحة على الموضوع الباهي خويا

 

[abidou 20081]

عجبتني الملاحظة الي حطيتها في آخر الموضوع بصح انا عندي حق مر وحبيت نقولو بلي كاينيين للأسف الناس الي راك تحكي عليهم في المنتدى وانا تصدمت فيهم قبل كنت نشوف مواضيع نتاعهم وردودهم عجبوني بصح كي حكيت معاهم تع الصح لقيتهم الهدرة الي يقولو فيها نسخ لصق من بلايص اخرى و الخشخاش فارغ ..... للأسف
تقبلو مروري

تحية عطرة ختي البسكرية
الملاحظة لي حطيتها أخر الموضوع باش ماتبداش الناس كل واحد يقصد على واحد وحنا الظاهرة هذي راهي عامة فالمنتدى تقدري تعرفي الواحد من الردود ولا المواضيع ولا أي شيء بصح ماتكتملش الصورة تاعو يعني مجرد حكم إبتدائي لكن مع الوقت تقدري تعرفي بلي هذ الشخص كيفاش دايرة العقلية تاعو
كاينين فالمنتديات هذ النوع تاع الناس لي ماقدرش يناقش الناس مور ميكرو كيفاش يناقشهم وجه لوجه هذا وقيلا مع دارهم ويدير هكذا وكاينة منها تاع نسخ ولصق جيب من هنا وحط هنا وعلى هذي تلقاي الردود تاعو متناقضين على الموضوع وماراه في مخو والو باش يناقش بيه ربي يحفظك وربي يخليك ونروتي الصفحة ربي ينورك دمتي بألف خير وهناء إن شاء الله
​

 

[abidou 20081]

السلام عليكم اخي عبيدو موضوعك اكثر من رائع والله ليست مجاملة بل حقيقة ولكن قول الحق هنا نور وحلو وليس مر ..
موضوعك لا يمكن ان نمر عليه دون الرد والمشاركة ...كل ما قلته صحيح وواقع وللاسف وانا حقا كان لي نصيب من هذه المعاملة مع الناس المتديين وبالخصوص الفتيات صدقني اخي عبيدو لما دخلت الى الجامعة كنت انسانة طيبة جدا وعلى نياتي كيما يقولو ا دخلت فرحانة وعندي هدف في حياتي هو ان ارى والدي فرحاننين بي وانا متخرجة ويشوف بتنهم في المركز التي تمناوه والحمد لله كان لي ما اردت . المهم دخلت الى الاقامة الجامعية وانا لا اعرف اي بنت وما عندي اي صديقة لان الجامعة التي بعثت اليها بعيدة جدا عن مكان اقامتي وأنا في ذلك الوقت لم اتحصل على الغرفة كان عندي مشاكل وقد تول ابن عمتي مهمة الحاقي بالاقامة وحتى بالكلية وهو انسان متدين ولكن بحق المهم وصى علي بعض من البنات المتحجبات يعني الاخوات والحمد لله انا كنت احب ان نكون مع المتحجبات ويعني بنات الفاملية كيما يقولو
وصدقني اخي عبيدو في رمضان وما ادراك ما رمضان في اول يوم لي من الدراسة كملت الكور نتاعي ورحت لاسيتي نحوس على الطفلة الي وصاها ابن عمتي باه نروح ليها ..طبطبت على غرفتها ..خرجتلي واحدة من الاخوات وخمارها عريض وطويل وقريب يغطي عينيها قلت لها وين راهي فلانة الي يعرفها ابن عمتي قالت لي ماهيش هنا وحكيتلها قصتي عند الباب ولم تسمح لي حتى بالدخول لانها كانت توجد لفطور لللاخوة العزاز يقراوا معاهم ومسجلين معاهم في منظمة طلابية لا داعي لذكر اسمها قلت لها انا ما عندي وين نروح كيفاش ندير قالتلي روحي لواحد الغرفة ربما تلقايها ثم ..رحت على نيتي طببت كالعادة خرجتلي واحدة اخرى من الاخوات لم تتبتسم حتى في وجهي مع اني متحجبة والحمد لله ومستورة سالتها عن الطالبة التي ابحث عنها قالت لي ربماتاتي الان ادخلتني والحمد لله للغرفة جلست انتظر وصول الطالبة المرجوة وكان في الغرفة اخوات بزاف وهماثاني يوجدو ويحضروا لفطور للاخوة .اطلت بعض الشيء في غرفتهم نطقت احدى الاخوات وقالت لي اطلت الانتظارواليقاء عندنا يجب عليك الذهاب للبحث عليها في ساحة الاقامة يعني طردتني لان موعد الفطور حان والله لم تدعني ولا واحدة للبقاء للافطار ..
خرجت وانا مكسورة الخاطر وبقيت في ساحة الاقامة حتى لم يبقى الى 5دقائق للافطار جاءت فتاة كنت تعرفت عليها سابقا وهي جديدة مثلي وعندها مشكل مثلي لكن الفرق بيننا انها تعرف اخت من الاخوات وتتولى امورها اخذتني ووضعت لىي الفطور والحمد لله تعرف بعدها جاءت الاخت صاحبة الغرفىة وهي صديقة للاخوات اللاتي تعرفت عليهن سابقا واخذت تلك الفتاة ووشوشت بمعنى دندنت في اذنهاوقالتلها لازم تلفيها بمعنى اطرديها لاننا ماعندنا مكان ’عندما دخلت تلك الفتاة قرات ما تريدقوله لي في عينيها
خرجت مع دوزاني وبقيت نبكي برة وقلت في نفسي يلعن الاخوات والنهار التي تسماو فيه اخوات والله لو كنت رحت الى واحدة خارجة الطريق لحلتلي الباب
في رمضان يا اخوتي بقيت ابكي حتى جاءت واحدة انسانة عادية واخذتني الى غرفتها وبقيت عندها حتى تحصلت على الغرفة
والله انا الان لااثق بالا
خوات ولا الاخوة بل تجد انسان عادي احسن بكثير منهم ولكن صدقني اخي عبيدو بهدلت بيهم في الاقامة وحتى في الجامعة واخبرت الاخوة الي كانوا يطيبولهم في الفطور واش دارولي ولوا يشيتولي وطلبوا مني السماحوخليتهم يندموا على النهار الي تعاملوا معيا فيه بهاذك الشكل . واخبرت ابن عمتي وقت له هاذوهما الاخوات والاخوة نتاعكم والله السوفاج احسن منهم بكثير يعني الخارج طريق .
شكرا لك اخي عبيدو وحفظك الله وان شاء الله ياربي ما يجعلنا من المنافقين والي عندهم زوج وجوه يارب والايمان والدين في القلب وليس في المظهر لان المظاهر خداعة جدا والله واليوم نجد الكلام الكثير وقلة العمل به ويبقى الانسان انسان يخطيء ويصيب ولله الحكم في عباده
بارك الله فيك وعفوا على الاطالة​

وعليكم السلام ورحمة الله تعالى وبركاته

والله العظيم غير أنت لي رائعة حقا وقد دعمتي لنا كل شيء من قصتك هذه والله غير تقست تاع الصح منها يعني والله غير قاستني بزاف بزاف ونقول اللهم ما هذا منكر وين راهي المعاملة هنا وين راه التسابق إلى الخير وخاصة في شهر الكريم شهر رمضان وأجر تفطير الصائم حتى واحد مايقول مانعرفوش وفالوقت لي لازم هما يعطو صورة حسنة ويحترمو غير الشهر الكريم نلقاهم أعوذ بالله يليكيدو فالغاشي ويديرو في حوايج والله غير تشوه السمعة تاع الإسلام ولو أن الإسلام معروف وعمرو السمعة تاعو مارايحة تتمس لكن عند البعض لي مساكن ضعاف لعقول مايقولش هذ العباد لكن يقول الإسلام والإسلام بريء من هذ الأمور وراه بريء حتى من هذ العباد وأنت لقيتي الخير عند غنسانة عادية ومالقيتيهش عند ناس كان من المفروض هما يكونو سباقين إلى الخير حتى يكسبو الغاشي لكن بتصرفهم راهم يهربو فالغاشي ودرتي مليح منين فضحتيهم لعلى يفيقو برواحهم بلي التصرف لي داروه طيحو برواحهم ماشي بيك أنت وكان من المفروض هذاك الوقت ليتبتو للجميع انهم أصحاب معاملة حسنة لأن الدين لي راهم يتداعو بيه يأمر بذلك والله غير القصة تاعك زعزعتني تاع الصح حتى الرد ممكن تلقايو ماشي مرتب وهذ الأمور لي رانا نشوفو فيها ونحكو عليها زدتي أتبتيها من الواقع والغريب ممكن تجي ناس وتحاول تغطي على هذ النوعية من الناس بأمور ماتفهم منها والو كيلي ولينا
دايرين احزاب أحزاب بالإسلام والطائفة لي غلطت يقولك لالا هذو خاطينا والطائفة الأخرى كيف كيف خاطيهم وهما بالأمس كانو من الرواد تاع اي طائفة ينتمون لها وأنت لوكان بالاك رحتي لغرفة اي طالبة سيفيليزي تقوم بيك كثر ملي تتصوري وتولي حايرة درك شكون لي المعاملة تاعو تاع الإسلام وتتمناي من قلبك لوكان كانو هذو السيفيليزي يكملو يلبسو الشرعي ويبقاو بهذ العقلية ماعرفناش الخلل في هذ الناس وين راه وتلقايهم يضحكو على صحاب السيفيليزي ومانعرف باش راهم فايتينهم ماشي كتانة يغطو بيها روحهم ترجعهم مسلمين لالا راهم غالطين لازم يتصلح القلب قبل كل شيء ومثال الناس هذو لي حكيتي عليهم لوكانكانو مسلمين تاع الصح كانو يتسابقون شكون لي يربح أجر إفطار صائم والله ماعرفت كيفاش نصنف هذ الناس ربي يهدي وخلاص وربي يحفظك أنت وربي ينورك ويجعلك نور على نور ويحقق كل أمنياتك ويفتح في وجهك كل بيبان الخير دمتي بألف خير وهناء إن شاء الله ​

*

 

[abidou 20081]

السلام عليكم الموضوع جد هام اخي و هذه الظواهر رانا غارقين فيها لكن الاستنتاج الوحيد لي توصلت ليه هو انه الاخلاق ماراهيش كاينة اذا وجدت الدين وبلا اخلاق ماكان حتى فايدة و اذا وجدت العلم بلا اخلاق والعمل ايضا وووو المهم انه بدون اخلاق حتى حاجة ما تنجح لهاذا ينقصنا الاخلاق باش نكملوا كل اعمالنا دينيا و دنيويا وشكرااااااا

وعليكم السلام ورحمة الله تعالى وبركاته

والله غير عندك الحق مهما وصل افنسان غلى أي مرتبة كانت بدون أخلاق
تعتبر هذيك المرتبة لي راه فيها ماتسوى والو ولي ماعندوش معاملة الإسلام
حتى مولانا ماراهش محتاج لواحد كيما هو يعكس كل ما أمرنا بيه عن طريق القرأن الكريم
أو رسوله المصطفى عليه افضل الصلاةوالسلام
وكيما فلتي الناس هذي إذا ماصححتش هذ الأسلوب غير ماكان علاش يضحكو على السيفيليزي راهي خير منهم بزاف بزاف وحتى هذ السيفيليزي راه عارفينها ماراهي تدعي بالدين وزيد بزيادة السيفيليزي هذي أمر شخصي بصح المعاملة تعتبر أمر عام وبين واحد يعامل الناس كأنهم حيوانات وواقلبو اكحل أعوذ بالله وواحد سيفيليزي ويعامل الناس معاملة الإسلام السيفيليزي خير ومازال ربي يهديه ويرجع ماشاء الله غير من الأمور تاع الخير لي كان يديرها *وعلى هذي لازم الواحد يراعي دايما باش يحسن خلقو وهذي النقطة المهمة قبل الدخول للدين الإسلامي على خاطرش إذا بقى بهذ المعاملات القاسية غير يروح يعاود تصحيح العقيدة تاعو مازال راه ناقص بزاف ربي يحفظك وربي يخليك ويعطيك ماتتمني ونورتي الموضوع ربي ينورك دمتي بألف خير وهناء إن شاء الله ​

*

 

[abidou 20081]

السلام عليكم
اخي انا موافقاتك بشكل كبيرفي واش راك تقول
ومثلنا الاعلى هو الرسول صلى الله عليه وسلم لوكان كل واحد فينا يقتدي بيه راح نكونوا احسن ما خلق الله عز وجل

وعليكم السلام ورحمة الله تاعلى وبركاته

ختي لعزيزة كريستين والله غير أنت راكي مع الحق وموافقة الحق قبل كل شيء
وماشي أنا الحق لكن قول مولانا وسنة رسوله الكريم عليه الصلاة والسلام
والله منين نرجعو للسيرة النبوية ونعرفو فضل سيدنا محمد عليه الصلاة والسلام
على هذ الأمة والله غير نحشمو تاع الصح وين رانا بعاد بزاف بزاف والمشكلة
تاني لكبيرة منين تلقايهم يقولولك سنيين ومنها يعني يتبعو السنة والمعاملة ربي يجيب
الرسالة المحمدية في جهة وهما في جهة أخرى واش من سنة راهم يتبعو فيها
والناس لي نشوفو فيهم سيفيليزي تلقاي عندهم معاملة تقولي ماشاء الله ماكانش منها
هذو راهم كيماهكذا ربي يهدي ماخلق وربي يحفظك وينورك كيما نورتي الصفحة وربي يحقق لك كل أمنياتك دمتي بألف خير وهناء إن شاء الله ​

 

[abidou 20081]

خاوتي لعزاز منكم العذر ونقولكم سامحوني ولي عودة قريبا إن شاء الله للرد على كل من ساهم وشارك معنا في هذا الموضوع وقبل ذلك نخليلكم هذ الشؤال تطرح على فضيلة الشيخ القرضاوي ولي بالصدفة لقيتو
على صفحة جريدة الهداف وهذ السؤال يزيد يدعم واش رانا نحكو على قضية المعاملة ويلزم باش نتعاملو بها
باش نكسب ماشي نقعد نزيد في تنفير الناس تصبحون على ألف خير وهناء إن شاء الله
والسؤال المقصود وجواب الشيخ القرضاوي كان كمايلي :

[/url][/IMG]​

 

[abidou 20081]

السلام عليكم

كي العادة خويا عبيدو.. مواضيعك دايما في القمة
و مانتفاجؤوش كي نلقاو موضوع كما هدا من عبيدو

يا حصراه.. قل الحق و لو كان مرا
علموهانا كي كنا صغار.. بصح la plupart نساوها

و مادام هدا هو المبدا في هدا الموضوع
نعفسو على قلوبنا و نقولو الصح مهما كان مر و مهاما كان يوجع
و في اللخر مكانش خيرمن الصح

اول حاجة الدين تاعنا دين تاع معاملة.. بالمعاملة الحسنة نكسبو بيها بزاف غاشي
كاين اللي مدينين و لاباس عليهم.. المظهر تاعهم الله يبارك عليهم و و حسن المعاملة تاعهم زادت نورتهم

و كاين اللي مافهمتش كيفاش يخممو.. بين يوم و ليلة خلاص ولاو يعرفو الكتاب و السنة و يطبقو كلش.. و ياويلك لوكان تخالفهم في الراي

هنا نشوفو بلي داخلة فيها الاخلاق و التربية.. اللي يعرف يقادر الغاشي و يكون متربي يكسب الناس ليه
وحدة سيفيليزي و متربية خيرمن وحدة دايرة الحجاب و ماشي متربية

و نشوفوها في الخارج برك.. بيناتهم كاين حسن المعاملة بصح ماشي مسلمين.. خصتهم غير الشهادة.. و تحير حتى الحيوانات و دارولهم جمعيات الرفق بالحيوان
و احنا اللي مسلمين.. همجيين مع بعضانا و هدا يعس في هدا.. نقتلو بعضانا
هنا سي نورمال في الخارج يشوفونا ماشي ملاح.. و ربطو الارهاب بالاسلام.. و شكون اللي ربط الارهاب بالمسلمين.. اللي مايعرفوش كيفاش يتعاملو مع الناس.. و مدو صورة ماشي مليحة على الدين تاعنا

يعني دين بلا اخلاق :thumbdown: مكان مكان
اسلام و قلب كحل :thumbdown: مكان مكان
اسلام و همجية:thumbdown: مكان مكان
بهاد الطرق رايحين نفسدو صورة الدين تاعنا برك


و نزيد نقول حاجة.. الموضوع عندو علاقة بالمنتدى و بزاف منتديات وحدخرين و للاسف رانا شفنا بزاف اللي متعصبين في الراي ديالهم .. و طفروها في رواحتيهم برك

بارك الله فيك خويا عبيدو
و كما يقولو خاوتنا الوهارنة.. رانا نقارعو في الجديد ديالك
ميرسي​

وعليكم السلام ورحمة الله تعالى وبركاته
وقبل كل شيء نقولك أنا تاني الموضوع بلا بكم مايوليش موضوع وبمشاركتك زاد الموضوع نور وإشراق ربي يخليك ويحفظك
قل الحق ولو كان مر هي كلمة صح من صغرنا يقروهالنا ونتعلموها بصح منين نجو نطبقو واش علمونا
على واش رانا نشوفو نلقاوها مجرد كلمة يقولوهالنا وتطبيقها عند لي يقريهالنا وماكانش حتى تبدى من صغرك حاير كيفاش الناس تهدر حاجا وتطبق حاجا ومع لي نعرفو بلي الصغير تلقايو يحفظ كثر من لكبير بهذا يبدى يتعلم من صغرو حوايج معكوسة ومنين يكبر نبداو نحاسبو فيه على لعوج تاعو أصلا هو تربى عليه صاريلها كي الطبيب لي داير قارو في فمو ويقول لمريض لازمك تبطل الدخان راه يهلكك
ونزيد نقولك من بداية الموضوع وأنا نقول ماشي كامل كيف كيف كاين عباد هكذا وكاين هكذا بصح حنا العباد لي راهم مريقلين هذو ماراناش نهدرو عليهم راهم أصلا مريقلين ونتمناو الناس تبعهم ويتعلمو منهم وندعولهم المواصلة والتباث لكن نهدرو على المرضى لي راهم يشوهو في هذ الصورة الحسنة لعلمهالنا ديننا الحنيف يعني الكاركاس مسلم والمعاملة مايديرهاش مرات ليهودي لعنة الله عليه
وعندك الحق وألف حق منين تقولي وحدة سيفيليزي ومتربية خير من وحدة متحجبة وماشي متربية
لأن اللبسة عمرها مارايحة تزيد ولا تنقص من مكانة الإنسان غير بالعمل الحسن ودائما في قول الله تعالى يحث ويعاود على والذين أمنو وعاملو الصالحات كلمة العمل الصالح دائما تتبع وراء الإيمان والعبادة يعني بلا العمل الصالح راه غير يعيي في روحو والعمل الصالح منين يجي دائما من حسن معاملة الناس والإحسان ليهم وحسن الإستماع لهم وحلاوة اللسان عند الحديث إليهم وغيرها من الأمور لي تخلي الإنسان قلبو يتفتح لهذ الإنسان ومنه يكون القابلية للإستماع له لكن الواحد يظل فاجامع ومنين يخرج يبدى يكفر في هذا ويلعن في هذا ولا هذي واش راه يشوف في روحو يمن فالإسلام تاعو على ربي ولا كيفاش أما بالنسبة للعبارات لي قلتيه وهما
دين بلا اخلاق مكان مكان
اسلام و قلب كحل مكان مكان
اسلام و همجية مكان مكان
ندعمك ونقولك الدين بلا هذ الأمور يعني الأخلاق والمعاملة الحسنة مع أي كان راه الإسلام بريء منهم ولا يمثلون إلا أنفسهم دين بلا أخلاق أصلا هذا ماراهش متدين الإسلام وقلب أكحل أصلا هذا ماشي مسلم والإسلام متبرأ منه الإسلام والهمجية كيف كيف غير يروح يعاود إسلامو راه عندو خلل في العقيدة تاعو وإذا كان كل العلماء الكبار والأفاضل وحتى من الدين تاعنا ماعطالناش الحق باش نقولو على ها كافر ولا ملعون وأكبر كلمة عطاهلنا نقولوها وهي مسلم عاصي والمسلم العاصي يقدر ربي يهديه ويتوب عليه واللعنة لي لعنتهالو تدور وين تدور وترجع على صاحبها وهذاك الوقت كيفاش تدير

بالنسبة على المنتديات حبيت نقولك والله المعاملة السيئة في كل مكان ولكن حبيت نبعدها على المنتديات وماتنناقش عليها على أساس محصور غير على المنتدى وحتى لي فيه هذ الطبيعة يراجع نفسو بنفسو ولو الأغلب تاعهم شادين في رأيهم ولو بالغلاط لكن ماضروني ماضرو أخر راهم يضرو غير في نفوسهم وربي يسهل عليهم ربي يحفظك وربي يخليسك ويعطيك ماتتمني ويسعدني الحوار معك دائما دمتي بألف خير وهناء إن شاء الله ​

 

[abidou 20081]

شكرا لك أخي الكريم على الموضوع الذي فعلا نجد ما قلته عن بعض الملتزمين ظاهرا في هذا المجتمع و لكن أخي لنكون من المنصفين و لنقول [الحق و لو كان مرّا] هل كلّ الملتزمين يملكون هذه الصفات !!
يا أخي كلامك هذا يوحي إلى البعض أنّ جميع من التزم في ظاهره فإنّه غليظ شديد مع الناس لا يا أخي
و حتى ذلك الغليظ و الشديد في المعاملة و أنا لا أقول [المنافق فهناك فرق عظيم] ألا نلتمس له العذر
في معاملته تلك فلربّما تربّى في جوّ عائلي مشحون جعله يتصف بمعاملة شديدة هل نطعن في ذلك
الشخص و ننسى أنّ له أجرا في إعفاء لحيته و و محافظته على صلاة الجماعة وووو....مع العلم يا أخي
أنّ هناك من الصحابة من كان يتميّز بالشدّة مثل عمر بن الخطاب رضي الله عنه
يا أخي أنا أقطن بحيّ مليء بالإخوة الذي استقامو في ظاهرهم و والله و أشهد الله على كلامي هم
محبوبين من طرف الجميع و لا يوجد مثال الذي تتكلّم عليهم إلّا قليلا و الشواذ لا يقاس عليه!!
و بالنسبة للأخوات فأعطيك فقط مثالا عنّي فأنا ما استقمت في ديني و لا حافظت على صلاتي و لا ارتديت
جلبابي الشرعي إلّا بفضلهنّ بعد فضل الله عزّ و جلّ و بفضل معاملتهنّ لي و رفقهنّ بي جزاهنّ الله خيرا
مع العلم أنّي كنت متبرّجة و لا أتحمّل رؤية فتاة بجلباب و أشمئزّ منهنّ !!
الخلاصة يا أخي أنا أرى أنّه لا ينبغي التكلّم بهذا الشكل عن مظاهر التدين من لباس شرعي
و لحية لأنّ الإلتزام بالمظهر يعين على الإستقامة في الدين و تجنّب المعاصي
و أقول ليس كلّ من صلح ظاهره صلح باطنه و لكن كلّ من صلح باطنه صلح بالتأكيد ظاهره و الكلام قياس!
أسأل الله لأخواتنا و إخواننا السيفيليزي ممّن صلح باطنه أن يمنّ الله عليهنم بصلاح الظاهر...آمين..

تحية عطرة وطيبة أختي العزيزة أحزاني تقتلني وربي يبارك فيك على المشاركة القيمة
شوفي ختي نقولك حاجا نشاطرك في أغلب ماقلتي ونخالفك في شيء واحد برك والإختلاف ليفسد للود قضية نشاطرك في الأمور لي قلتيها ماشي كامل الناس كيف كيف وحتى أنا ركزت في موضوعي أن الموضوع ماشي شامل يعني يخص هذ الناس لي رجعت للأسف الأغلبية وكلامي مايوحيش بأن كل من إلتزم رجع غليظ في تصرفاته لكن هناك من الملتزمين ماشاء الله عليهم لكن راني نتكلم على النوع لي يستغل هذ الإلتزام تاعو ويرجع عبد أخر أو حتى يتخلى عن الصفات الإنسانية ومن خلال موضوعي ماذكرتش أن هذ الناس منافق ولا كافر وأنا ضد هذ لكلام من أساسو وربي ما ودارش شريك فالملك تاعو باش يحكم على الناس هذا كافر وهذا مسلم وممكن يظل حياتنو كاملة يعبد ومايصحلو والو وكاين لسبب بسيط ربي يعفو عنه ويدخلو للجنة وهذي من رحمة ربي وحتى نوضح ه النقطة لأن البعض يسمع هذ الكلمة يقولك ربي ظالم كيفاش الواحد حياتو كاملة وهو يعبد ويدخلو لنار نقولو ظاهريا تشوف فيه حياتو كاملة وهو يعبد لكن ربي يعلم الأعماق تاع بنادم وممكن هذا كانت عبادتو مجرد رياء ولا كان عندو قلب ماشي سليم وربي سبحانو يقولك إلا من أتى الله بقلب سليم وسلامة القلب كامل نعرفوها
النقطة لي نخافك عليها ولي هي نلتمس للأشخاص هذو الأعذار يعني ممكن عاش حياتو في جو عائلي مشحون وغيرها من الأسباب النفسية لاعلاقة لها بالدين وكلنا نعلم أن الدين الإسلامي يطهر القلب من كل شيء وهو أحسن دواء نفسي لهؤلاء الناس لي عاشو في هذ الجو أو غيره ويعطي للشخص واحد الحلاوة والسعادة في قلبو مايملكهاش غيرو ومنها نعرف بلي لي كان على عقيدة صحيحة عمرو مارايح يتأثر بهذ الأمور عطيتي مثل بسيدنا عمر رضي الله عنه ونجاوبك عليها ختي سيدنا عمر كان شديد لدرجة كبيرة *صح لكنك أخلطتي الشدة لكان ينميز بها سيدنا عمر قبل الإسلام وبعده و مانهدروش على سيدنا عمر رضي الله عنه قبل الإسلام لأن الإسلام يجب على ماقبله وهذا معروف نهدرو على الشدة لي كانت بعد الإسلام حاشا وبالله أن يكون سيدنا عمر رضي الله عنه شديد على المسلمين أو في معاملته لهم والشخص لي يفكر في تعبيد الطريق لبغلة ويخشى الله أن يحاسبه على بغلة إن عثرت هذا مانظنش كاين واحد فوق وجه الأرض في وقتنا الحالي يملك هذ الدرجة من الرأفة والرحمة
في قلبو على بهيمة فكيف للبشر وسيدنا عمر من التواضع تاعو يقول ياليتني كنت شعرة من صدر سيدنا أبو بكر مانظنش كاين في وقتنا واحد يملك هذ الشدة ومتواضع لدرجة أنه يتمنى أن يكون مجرد شعرة من صدر أتو بكر وله من المأثر مايقشعر لها البدن في معاملته مع الناس وكانت شدته على الكفار فقط
أما كلامك على الذين إستفامو وهم طيبون أقول لك نعم وربي يكمللهم وربي يزيدهم كاينين لكني أنا مارانيش نهدر على المستقيمين ولكن راني نهدر على لي راهم يشوهو في صورة الإسلام مثل الظاهر له صورة والأعماق صورة أخرى ويلومو على قوم سيفيليزي ويقولك لعنة الله عليهم ولا هذو كفار وهو المعاملة تاعو أعوذ بالله ومعاملة هذ السيفيليزي ماشاء الله حتى ولينا نقولو والله لوكان غير هذ السيفيليزي يكملو واش النقطة الصغيرة لي راهي ناقصتهم وبهذا نكسبو ناس مستقمين بمعنى الكلمة ويعطو صورة حسنة لهذ الدين معاملة وعبادة ونقولك اللبسة عمرها ماكانت تساعد على افستقامة واللحية عمرها ماكانت تعبر على الدين والشعار تاع الإسلام عمرو ماتبنى على لحية ولا كتانة وأول شي القلب لازم يكون صالح قبل هذ الأمور ولي يعبد ربي ومحفف اللحية ولا يلبس السراول يتسمى ماراهش مسلم ولا كيفاش بالعكس اللبسة عمرها ماكانت مقياس للدين الإسلامي وعلى هذي لازم تتصحح المفاهيم عند البعض والكثير لي شاف جماعة القميص ولا اللحية ويدير المنكر يقولك شوف المسلمين واش راهم يديرو لالا بالعكس الإسلام عندنا ماشي قميص ولا لحية معاملة قبل كل شي وهذا لي لبس قميص مايمثلش الإسلام بمجرد لبسه لكن يمثلو منين يولي يتعامل بتعاملات الإسلام
وأضم صوتي لصوتك وأقول أمين على الدعاء الجميل والله يكمل ويصلح الظاهر تاني وهدو يقدرو يصححو المفاهيم للجميع بلي الإسلام دين تعامل قبل كل شيء
ربي يحفظك وربي يخليك ويعطيك ماتتمني دمتي بألف خير وهناء إن شاء الله ​

*

 

[4taher]

thaaaaaaaaaaaaaaaaank you

 

[abidou 20081]

السلام عليكم و رحمة الله تعالى و بركاته​

اني عاودت رجعت و قريت الموضوع اللي يعطيك الصحة عليه
هو صح المظهر يعطيلك صورة اولية على الشخص لكن محال تحكم عليه نهائيا لانو الشخص ما تعرفوش مليح حتى تعاشروا و تشوف تصرفاتوا و مواقفوا
و هدوك اللي يدعوا الدين و غالبا تكون معاملتهم للناس ماشي مليحة و يشوفوا فيهم كفار و خارجين طريق و هو اصلا بمجرد تفكيرهم هكدا راهم خطاو دينا الاسلامي
و كي قريت الردود تفكرت قصة صرات في رمضان في مسجد الحي كانوا يخدموا فيه و كان ولد عمتي يخدم معاهم من بعد بقا غير جزء صغير جا للامام قالوا اعطيلي المفتاح ندخل نكملوا و نتهناو
اتخيل واش كان جوابوا ؟؟؟؟؟؟؟؟ قالوا بأي حق انت تدخل للمسجد
واش رايح يكون احساس شاب في عمرو 20 سنة و حاب يدير الخير يقولوا باي حق تدخل للمسجد ؟؟؟؟؟؟؟؟ كان ممكن ما يعطيلوش المفتاح لكن بطريقة محترمة
هادا امام المسجد و اللي حافظ الستين يقول هكدا امالا واش نقولوا على الناس اللي حافظ اية و لا زوج
يا خويا وصلنا لواحد الوقت ربي يدعي يثبتلنا العقل و يسترنا من اللي جاي و الانسان لازم يتمسك بدينوا و خلاص لانو النصيحة مابقاتش في وقتا تجي تحكي معاه يرجعك كافر و خارج الطريق و المعاملة و الاحترام مكانش خلاص تروح للادارة يحكمك العساس ما يخلي فيك تدخل للمدير اكتر تروح للشارع تسقسي واحد يشعل فيك هدا كامل و حابين الغرب يحتارمونا و يقولوا علينا ملاح و احنا ناكلوا في بعضانا و نسبوا في بعضانا
و قيلا كثرت الهدرة و خرجت على الموضوع

ربي يخليك على مواضيعك الرائعة و ربي يعطيك ما تتمنى
تقبل مروري اخي الفاضل
سلام ​

وعليكم السلام ورحمة الله تعالى وبركاته

تحية طيبة وعطرة ختي كلي أمل ومرحبا بيك في أي وقت والموضوع موضصوعك كيما سبق وقلتلك
والشكرلك قبل كل شيء على المشاركة القيمة وأنت تاني عطيتينا صورة من الواقع خلي ختي نعطيكصورة مليحة يفهمها الأغلبية على أنو اي ماعندوش معاملة مليحة غير يعاود يصحح العقيدة تاعو
شوفي ختي ربي سبحانو وين حط درجة المعاملة مع الحيونات ماشي مع العباد وإذا وصلن للعباد يعني تزيد كثر وكلنا نعرف قصة المرأة لي ربي دخلها للجنة من أجل أنها سقات كلبة حشاك كانت عطشانة ودخل مرأة لجهنم من أجل مرأة حبست قطة ماعطاتها تاكل ما وكلتها ومن هذا نعرف بلي الإسلام دين معاملة ومع الحيوان قبل الإنسان وأعطانا مثال قيم إذا كان الكلبة حشاكم لي تهرب الملائكة من المكان لي تتواجد فيه ومكروهة عند أغلب الناس ربي حط الجزاء المعاملة لهذ المرأة على جالها الجنة وهذا يعطينا مثال حي على أن المعاملة مع البشر كامل كيف كيف ماشي هذي لابسة السروال نقولو عليها خبيثة ولا منافقة وهذي لابسة الحجاب نقولو عليها راهي من أهل الجنة لالا والمعاملة تاعنا لازم تكون نابعة من القلب ماشي بالوجوه إذا كان لابس قميص نعاملو مليح وإذا كان داير سروال هذا راه خارج الطريق والعبد ماعندوش أي حق باش يطلق الأحكام على الناس مهما كانو وماتعرف هذاك لي حنا نشوفو فيه خارج الطريق وهو مقبول عند ربي سبحانو والأمثلة كثيرة والإمام هذا وغيرو من الأئمة لي رجعنا نشوفو فيها باش يمد صورة حسنة للدين الإسلامي ويكون قدوة لهذ الشاب رجعنا نسمعو ونشوفو في الأغلبية تاع الناس يقولك هذا إمام ويدير هكذا وين واحد أخر وبالرغم من أننا نعرف بلي الإمام في هذ الوقت رجعت مجرد ميتي يعني شهرية وكونجي تقول كاين كونجي في عبادة الله
وهذي صرات مرة الإمام كونجي وكان إمام في بلاصتو مرض ماجاش قالولو نوض صلي بينا راه الإمام لي مرومبلاسيط مريض ماجاش قالهم دبرو راسكم راني كونجي أسمعي هذ الهدرة وخلي مخك يحبس وإما أخر يهدر على غلاء المهور والبركة في القليل شجعت شاب باش يتقدم لبنت هذ الإمام رد عليه الإمام وقالو هدرت الجامع خليها فالجامع لاحول ولا قوة إلا بالله العالي العظيم راهم ينفرو فالخلق ماشي يجلبو فيهم والأمثلة كثيرة من هذ النوع والبشر راكي عارفة ضعاف مايقولكش بلي الدين الإسلامي بريء من هذ الناس وهذ الناس يمثلو غير في أنفوسهم وهذ الناس لي حطو روحهم باش يدعو الناس للإسلام حسابهم عسير كثر من الناس الأخرى لأنهم حملو هذ الرسالة ولازم يعطوها قيمتها قدر المستطاع ماشي يشوهوها ربي يحفظك وربي يخليك ويعطيك ماتتمني ونقولك لالا بالعكس ماخرجتيش على الموضوع وصح لي قلتيه كامل وراكي في لب الموضوع وكلنا مسلمين ولي في الإدارة راه مسلم ولازم عليه يمد صورة مليحة على واش يأمرنا بيه إسلامنا ولي فالجامع كيف كيف وهكذا يخلق الترابط والود بين الناس ماشي بهذ التنافر لي رانا نشوفو فيه أحزاب أحزاب
دمتي بألف خير وهناء إن شاء الله ​

 

[abidou 20081]

صح فكثيرا ما تكون المظاهر خادعة ....يعطيك الصحة على الموضوع الباهي خويا

تحية عطرة وطيبة ختي لعزيزة فوفا
ونقولك عنك الحق المظاهر دائما خادعة والصح فالمعاملة هي لي
تبين واش من طينة راه عليها هذ الشخص وإذا جات فالبسة كامل الناس قادرة عليها
ربي يخليك ويحفظك وربي ينورك كيما نورتي الصفحة وربي يعطيك ماتتمني
دمتي بألف خير وهناء إن شاء الله
​

 

[abidou 20081]

thaaaaaaaaaaaaaaaaank you

No thanks on the duty

مرورك نور الصفحة ربي ينورك دمت ​