أنا نتزوج غير ولد المدينة

[* أميرة الأحلام *]

شكرا على الردود أخواني أخواتي أعضاء اللمة و شكرا على النصيحة ربي يهدينا لكن أنا حبيت نشوف فقط عقلية بنات الدزاير وين واصلة أنا نتشرف بكل ولد قروي وماتزعفوش مني .

 

[otikana]

ويلا ربي طيحني في كانش واحد love ويكون معوق نعيش معاها تحت لارض المهم النكون معاه من ولايتي او من ولاية اخر وماتنسااوش يابنات الدراري راهم في مرحلت الانقراضهاهاهاهاهاه

 

[طه39]

راهو باين ولد المدينة يكون خي من نتاع القرية و زيدي سقسي روحك

 

[طه39]

راهو باين ولد المدينة يكون خير من نتاع القرية و زيدي سقسي روحك

 

[Manar19]

انا تهمني شخصية لانسان للي يتقدملي بويسك قادر يكون ولد مدينة ويكون مارق وتافه ....وقادر العكس.....كي يكون الشخص قاري وللا مثقف اكيد رايح يكون متحضر لاشتى يسكن بين لجبال.... انا كي نرفض واحد تاع الدوار نرفضو بويسك معيشتو متخرجش عليا لا اكتر.... هدا رايي الشخصي.... وشكراا

 

[ابتسمي]

انا في رايي نتزوج اللي يقدرني واللي نحسوا مليح بلاك اسيدي ولد المدينة صح يكون متعلم ومتحضر كيما انتي بصح ما يقدرش المرأة واما ولد القرية يقدرها
املا نتزوج اللي نحسوا يقدرني ويحبني نتاع الصح وهذيك الساع نخير واللي كتبوا ربي العالمين هو اللي راح يصرى
لكي كل الاحترام والود
تقبلي مروري

 

[RaNiA]

نخير لي يعجبني ونقدر نتفاهم معاه
مي ما نعرف جوبونس بما اني نسكن في المدينة نختار تاع المدينة ما عندو ما يديني للقرى

 

[ملاكي]

انا كنت نشوف بلي ولد المدينة خير
مي درك ولد المدينة ولا يفهم بزاف و النورمال ولات ماشي نورمال
الا من رحم ربي
وولد القرية بسيط و على قدو
طبعا ماشيب كامل من الفئتين
و مرسيييييي

 

[nina bonoise]

ولاد القرية عندهم وحد العادات و التقاليد منحكيهاش برك
donc je préfére ولد المدينة

 

[* أميرة الأحلام *]

شكرا على الردود إخواني وأخواتي أعضاء اللمة
ربي يحفظنا ويعطينا بالستر لينا ولكل المسلمين وإلى عنده حاجة في باله ربي يحققها له

 

[brahimalg]

يا أختي الزواج قسمة ونصيب ... إذا كتبلك ربي تزوجي ولد المدينة تزوجيه و إذا كتبلك ولد القريىة تزوجيه و إذا كتبلك ولد الحومة تديه و إذا مكتبلكش ربي تزوجي متزوجيش

هذي رجع للربي سبحانو برك ... انا ولد المدينة و قابل ندي بنت القرية و لا بنت الجيران و لا حتى بنت العائلة
واش كتب ربي هذاك هو ...

 

[ريم13]

السلام عليكم
مرات نشوفو ولد القرية فاهم ومتقف على ولد المدينة.وكل واحد وعقليتو وبالنسبة ليا تشوف لانسان لي تعيش معاه مايهمش قرية ولا مدينة اهم شيء كيفاش تكونو متفاهمين وتقدرو تعيشو مع بعض .شكرا اختي على الموضوع

 

[brahimalg]

يعطيك الصحة أخت ريم13

هذا هو لكلام

 

[BOUSS]

وعلاه في ادزاير كين امدينة اكاين قرية الله انتم مهبلة الي من رحم ربك ان والله ما نحوس لاكحلة ولابيضة ولازرقة ندي الي ابغاها قلبي ابغات تسكن فالريف فالمدينة فالجبل في الصحراء ما يهمش ادايها او ربي اكبير لعلمكم راني مزوج واديتها من???????مع تحياتي لكم \\\\بوووووص\\\\

 

[* أميرة الأحلام *]

شكرا على الردود
رانا عارفين إلى مكتوب في الجبين تشوفه العين
لكن هذا موضوع فقط.​

 

[شاكيرا]

يا اختي العزيزة الوحدا تشوف راحة بالها وفي هذا الوقت شكون لي ماهوش قاري وشكون لي ماهوش فاهم كاين تلقاي واحد في المدينة ويفتقد ابسط الاشياء وكاين لي تلقايه في القرى وربي مكملهالو من كلشي ما لزمش نستخفو بولاد القرى في الاصل نتاعنا كيفاش كنا عايشين والاصل العربي الاصيل ماشي البدو والرحل شوفي زهرك واش يعطيلك وكيما يقولو غير هنا ونتهنى

 

[**laila**]

ما يهم ولد القرية والا المدينة

العقلية برك كيفاش تخدم
​

 

[samra106]

انا نسكن في قرية ونشوف لي ولاد القرية ماعندهم ما يخصهم والتحضر والعقلية ماش لولد لمدينة برك انا من جهتي نقبل بولد القرية والمهم يكون كيف نحب مش وين يسكن

 

[mira j]

​

ختي ماجاتش في ولد المدينة ولا ولد القرية
لسونسيال يكون ولد فاميليا
واللي يكتبو ربي هو اللي يكون
يعطيك الصحة على الموضوع​

راني مع راي قطر الندى

نعم القول....

 

[aMiNa-K]

السلام عليكم

* اها.. ماشي مليحة هاد العقلية.. رايحة تولي راسيزم هكدي :thumbdown:
وليد القرية ماشي بنادم؟.. و كاين وين نصيبو وليد المدينة مبلع من كل جيه.. و وليد القرية الله يبارك عليه

* bon انا نهدر على روحي.. مايهمنيش وليد المدينة و لا وليد القرية.. الصح في التفاهم و نحس روحي انتيك معاه.. ادا حب يكون حتى من الصومال و لا مدغشقر مايهمنيش ههههههه​