أنا نتزوج غير ولد المدينة

[* أميرة الأحلام *]

شكرا على جميع الردود بصراحة الموضوع خطر على بالي حبيت نختبر بيه بناتنا
أنا نتشرف بناس القرى



حاولوا ماتفهمونيش غالط ياناس القرى والله نتشرف بيكم​

 

[chadou]

آسف على الإزعـــــــــــــــــــــــــــــــاج :huh: راني خرجت عن موضوعك أختي السوفية بصح الموضوع لفت إنتباهي وكاين حاجة حاب نقولها بالنسبة للبنت الي حاب نديها :

-+*/-+ أنا متهمنيش البنت من القرية ولا من لمدينة المهم تعرف توجد شوي (بعض) الحوايج منها:

- المطـــــــــــــــــــــــــــابيق (لمحاجب) :tongue_smilie:


- سفة بالكرم ... إممممممممممممممممممممم

- كمية تاااااااااااي منعنعة و مدوزيا.

- و شخشوخة الله يخلف .

واش رايكم :confused1::confused1::confused1::confused1::confused1::confused1::confused1:

 

[H@teM]

السلام عليكم

* اها.. ماشي مليحة هاد العقلية.. رايحة تولي راسيزم هكدي :thumbdown:
وليد القرية ماشي بنادم؟.. و كاين وين نصيبو وليد المدينة مبلع من كل جيه.. و وليد القرية الله يبارك عليه

* bon انا نهدر على روحي.. مايهمنيش وليد المدينة و لا وليد القرية.. الصح في التفاهم و نحس روحي انتيك معاه.. ادا حب يكون حتى من الصومال و لا مدغشقر مايهمنيش ههههههه​

يعطيك الصحة امينة والله راك كيفيتي وفيتي
مالا خلاص ضرك نجيبولك واحد من الكميرون واحد العقلية عندوا هايلة
هههههههههههههههه
​

 

[** غزال الصحراء **]

السلام عليكم

و الله القياس ما يكونش بولد لافيل و لا الدوار جامي , القياس يكون من ناحية أخلاقو دينو

مستواه المعيشي جمالو ...إلخ

هاذا رأي , الموضوع ينقل لقسم الحوار و النقاش الجاد .
​

 

[* أميرة الأحلام *]

شكرا على جميع الردود
أشكركم على النصيحة والله ماننساش الوقفة إلى وقفتوها معايا جزاكم الله ألف خير وبارك الله فيكم
ياولد بلادي سوف ربي يحقق أمنيك في الأكلات إلي تحبها​

 

[chadou]

آميييييييييييييييييين بصح ... :crying: منظنش كان نلحقوا عليهم اللي يوجدوا هالحوايج خطراكش من تو نشوفوا بلي بداو ينقصوا تعلموا الماكلة الواجدة و الله غير مصيبة ..... تالي الفطور ولا لعشاء كون ما طيباش المادام واش فيه من بنة ؟؟؟ ولا راني غالط

 

[* أميرة الأحلام *]

والله الجيل هذ تاع تقلاش يعني أنا منعت من جيل التقلاش ربي يصبركم بركا​

 

[* أميرة الأحلام *]

شكرا أخي بو عزة على الرد
والله ماقصدي نشتم ولاد القرية لكن هذا مجرد موضوع للنقاش حاولوا ماتفهمونيش غلط​

 

[aMiNa-K]

يعطيك الصحة امينة والله راك كيفيتي وفيتي

مالا خلاص ضرك نجيبولك واحد من الكميرون واحد العقلية عندوا هايلة
هههههههههههههههه​

الله يسلمك خويا حاتم
انا قلت مدغشقر و لا الصومال ماشي الكاميرون :glare: ههههههه

:angel_not:
​

 

[aMiNa-K]

آسف على الإزعـــــــــــــــــــــــــــــــاج :huh: راني خرجت عن موضوعك أختي السوفية بصح الموضوع لفت إنتباهي وكاين حاجة حاب نقولها بالنسبة للبنت الي حاب نديها :

-+*/-+ أنا متهمنيش البنت من القرية ولا من لمدينة المهم تعرف توجد شوي (بعض) الحوايج منها:

- المطـــــــــــــــــــــــــــابيق (لمحاجب) :tongue_smilie:


- سفة بالكرم ... إممممممممممممممممممممم

- كمية تاااااااااااي منعنعة و مدوزيا.

- و شخشوخة الله يخلف .

واش رايكم :confused1::confused1::confused1::confused1::confused1::confused1::confused1:

ههههههه راك تهدر كما خويا.. من درك راهو يشرط لازم يجيبها تعرف دير الفطير البغرير و المحاجب و البيتزا ههههه

كرشكم تغلبكم هههه راكم ساهلين :angel_not:​

 

[صفوة الوفاء]

وعلآه واش بيه وليد القرية تاع زيرالدة... فيها نآس متحضريـــن
و وعلى العمـــــوم
اذا قصدتم بالقرية انه الريــف اين الفلاحة... فانا اقول ان كل الجزائريين اولاد وبنات الرف
خلال الاستعمار المدينة للاستعمار الفرنسي و اما من كان يعيش هناك من الجزائريين فقد كانو خدااااام
للفرنسيين........وليس من االلائق نكران الاصل و فضل الفول والبصل على الاجداد الي جابونا
ارفض هذه اللهجــة في التفريق بين ... اهالي ... انا عايشة في la ville و نروح نخدم الزيتون... و نلقط اللوز .... و نزرعو البطاطا ... و نغرسو شجــر... و كل عائلتي تفعل ذلك... وكلنا ماشاء الله علينا قاريين جامعيين ..مهندسين واطباء.

 

[* أميرة الأحلام *]

وعلآه واش بيه وليد القرية تاع زيرالدة... فيها نآس متحضريـــن
و وعلى العمـــــوم
اذا قصدتم بالقرية انه الريــف اين الفلاحة... فانا اقول ان كل الجزائريين اولاد وبنات الرف
خلال الاستعمار المدينة للاستعمار الفرنسي و اما من كان يعيش هناك من الجزائريين فقد كانو خدااااام
للفرنسيين........وليس من االلائق نكران الاصل و فضل الفول والبصل على الاجداد الي جابونا
ارفض هذه اللهجــة في التفريق بين ... اهالي ... انا عايشة في la ville و نروح نخدم الزيتون... و نلقط اللوز .... و نزرعو البطاطا ... و نغرسو شجــر... و كل عائلتي تفعل ذلك... وكلنا ماشاء الله علينا قاريين جامعيين ..مهندسين واطباء.

شكرا على الرد ويعطيك الصحة على النصيحة​

 

[bessmounette]

شكراا اختى موضوع رائع
انا نختار ولد المدينة لاخاطر وحدة عاشت فالمدينة مستحيل تقدر تعيش فالقرية
و عاداتهم صعاب بزااااف ماتقدرلهم غير بنت قرية كيفهم
تقبلى مروري
​

 

[somiasahraoia]

عندك الحق ولد المدينة سورتو الا كنت انت بنت المدينة ما تقدريش توالفي مع ولد القرية

 

[sleepingbeauty]

ههههههههههههه ولد القرية ياو تخافوا هو اللي ما يقبلش بينا ماشي احنا اللي ما نقبلوش بيه
ما نضنش يخلي بنات القرية الفحلات اللي يديروا الكسرة على 5 تاع الصباح و يدي من الفنيانات تاعنا
​

 

[lina11]

ههههههههههههه ولد القرية ياو تخافوا هو اللي ما يقبلش بينا ماشي احنا اللي ما نقبلوش بيه

ما نضنش يخلي بنات القرية الفحلات اللي يديروا الكسرة على 5 تاع الصباح و يدي من الفنيانات تاعنا​

أحم أحم شكون قالك ياختى فنيانات
الحمد لله راني بنت مدينة ومتزوجة واحد من المدينة ونخدم كل شيء فالدار (محاجب ،فطير الكسكس ،الرشة، البراج .... وزيد القاطو
ياختي بنت المدينة بشانها وقدرها ويديها ألي يستهالها ولي كتبهالو ربي
وبنت القرية بشانها وقدرها ويديها ألي يستهلها ولي كتبهالو ربي
ساكن فالقرية ولا فالمدينة يا ختي كيف كيف المهم العقلية

 

[sleepingbeauty]

أحم أحم شكون قالك ياختى فنيانات
الحمد لله راني بنت مدينة ومتزوجة واحد من المدينة ونخدم كل شيء فالدار (محاجب ،فطير الكسكس ،الرشة، البراج .... وزيد القاطو
ياختي بنت المدينة بشانها وقدرها ويديها ألي يستهالها ولي كتبهالو ربي
وبنت القرية بشانها وقدرها ويديها ألي يستهلها ولي كتبهالو ربي
ساكن فالقرية ولا فالمدينة يا ختي كيف كيف المهم العقلية

صح كاين اللي فحلات لكن هاكداك ما يوصلوش للنص تاع الفحالة تاع بنات القرية صدقيني و هادي امثلة شفتها بعيني مارانيش نجيب من راسي

​

 

[Moha le sage]

ولد البلاد في العقلية ماشي في البلاصة ..

كيتحكمي واحد ولد بلاد ..كون تحطيه في نيودلهي يبان بعقليتو .. وكون تحكمي واحد شبرق يبرق .. وتسكنيه في نيويورك يبان بلي متريشي ...

المتحضر متحضر والفاهم فاهم ..والمغلف مغلف .. بدلي البلاصة ولا اقعدي ...

في البلاد ( المدينة ) عاداتهم مش كيما عادات القرية .. ولو ان هاذ الفرق بدا ينقص وتقريبا نيفو واحد ..

كل واحد وعندو ديفواتو ..كي هذاك كي هذاك ... اطلبي ربي يعطيك راجل مش واحد ديوث ..وواحد فاهم مش واحد مسكر .. وواحد قافز مش راقد ..

ديفوا نقعد نحكي مع اي واحد وتعجبني عقليتو .. وفي اخر الهدرة نصقسيه نقولو نتا منين يقلي من البلاصة الفلانية ..ونا نندهش مثلا خطراش نكون حاط بلي هذيك الجيهة زعما حابسين كيما نقولو حنا ..finalment نعرف بلي كنت غالط ..والـ préjugés مش ملاح ..

أحم أحم شكون قالك ياختى فنيانات
الحمد لله راني بنت مدينة ومتزوجة واحد من المدينة ونخدم كل شيء فالدار (محاجب ،فطير الكسكس ،الرشة، البراج .... وزيد القاطو
ياختي بنت المدينة بشانها وقدرها ويديها ألي يستهالها ولي كتبهالو ربي
وبنت القرية بشانها وقدرها ويديها ألي يستهلها ولي كتبهالو ربي
ساكن فالقرية ولا فالمدينة يا ختي كيف كيف المهم العقلية

ربي يتملك بالخير في زواجك .. بصح راكي هلكتينا بـ les options هاذو :crying:

ماتقوليش راه تاع كرشو :blush: بصح لبراج والقاطو ... الواحد راه يستنى في الزواج غير باش يحقق الاكتفاء الذاتي فيهم :biggrin: انا زيدي عليهم الطمينة :tongue_smilie: قبل ما نتزوج ندير لـ future مرتي ليست تاع هاذ المشاكل .. هذو من ورا العقلية والزين .. لازم تجي خدمة اليدين ..

ونا نحير في بنات بزاف ذرك .. بكري الطفلة في 13 تتعلم تخبز وتدير كلش ..ذرك تلقايها في العشرين جامي طيبت .. نص الوقت لاتيين بالمسلسلات و الخرجات و القضيات و soit-disant القراية .. والصح مايديروهش و نهار يتخطبو تلقاهم يجرو ليماهم علميني وعلميني ..و شحال من وحدة فسخت ولا تطلقت غير كي عادة متعرفش .. bon انا ما نقلكش كامل و لكن نسبة منهم ميعرفوش لا يطيبو لا يديرو الحوايج هذو ..

 

[Moha le sage]

اه نسيت حاجة لازم نقولوها ..في القرية ما تقدريش تخرجي ومكانش الحوانت تاع النسا بزاف .. والناس بزاف تقعد غير تعس .. par contre في المدينة البنات كامل يخرجو وتقدر اي مرا تخرج تشري بلا ما تديرونجا ..
زيديلها الطبة و les centres و كامل المرفقات لخرى ..زعما les parcs و بلايص تاع التحواس لي مكاش في القرية .. واذا كانو كاينين لازم يجي معاها الراجل ..
هاذي الحاجة لي عندي تمثل فرق كبير .. بصح كون يكون الراجل véhiculé يعني عندو طوموبيل يقدر يقضي على هاذ النقائص نوعا ما ........

تحياتي ليكم ولصاحبة الموضوع الباهي

 

[نضال12]

واد سوف و هل واد سوف مدينة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟