مادا ستطبخين اليوم اختي!!!!!!!!!!!!!!!!!!!!!!!!!

[رآج ـية العفو]

كريم ديسير يبان بنين ياسمين
يعطيك الصحة راجية على الغوسات الطيبة
وانتي تان ياسمين بارك الله فيك على التطبيق يبان ناجح وبنين

العفو ختي نوآل قآع رآنآ ندو من بعضنآ​

 

[nawal1980]

ندوش وقيلا كلات الدوبارة حتى تنصرعت ما بنتش

 

[رآج ـية العفو]

والله العظيم درت لغوسات من المنتدي هنا مي الله غالب ما نجحتش

مشكوووورة اختي نونو على تجشيعك لي
ان شاء الله غدوا ندريلكم حاجة مليحة وننجح فيها

ادعولي انتما برك ضرك ننجح
​

وأنآ :confused1:
​

 

[وردة رمال الذهبية]

لالا اختي ماشي تاعك انتي تاع نقاء السطايفية

 

[وردة رمال الذهبية]

لالا راحت تحوس هي وسلفتها

 

[رآج ـية العفو]

وردة الحلوة شوفي من بعد كي رآني
نقعد رآني نعطيك وصفآت سآهلين ونآجحين
ديريهم المهم درك نخليكم مشغولة شوية​

 

[nawal1980]

اوكي بصحتها ندى التحويسة حنا هنا في العاصمة البارد راه يقطع و من الصباح الشتا تصب ومع انا ساكنة قدام البحر
برد تاع الصح تقول رانا في ديسمبر ما تقدريش ممبا تخرجي نيفك من التاقة

 

[وردة رمال الذهبية]

دبرتيها نونو كون عطيتيني غير شوية هنا راهي سخانة تقتل

 

[وردة رمال الذهبية]

وردة الحلوة شوفي من بعد كي رآني

نقعد رآني نعطيك وصفآت سآهلين ونآجحين

ديريهم المهم درك نخليكم مشغولة شوية​

مادبيا تعطيني وصفات ساهلة انا غير هذوا الاياما تعلمت ندخل للكوزينة
بفضلكم انتم

​

 

[ياسمين 177]

اختي وردة الوصفات ديالنا لحطينها سواء كيكات اوحلويات اخرى والله مجربة والكل ناجحة تكلي على ربي وجربي منهم غدوة وتحبي نكتبلك كيكات سهلة وحلويات راني هنا اختي وما تخميش
لان المصاريف غالية

 

[وردة رمال الذهبية]

اختي وردة الوصفات ديالنا لحطينها سواء كيكات اوحلويات اخرى والله مجربة والكل ناجحة تكلي على ربي وجربي منهم غدوة وتحبي نكتبلك كيكات سهلة وحلويات راني هنا اختي وما تخميش
لان المصاريف غالية

مشكورة اختي ياسمينو
والله العظيم قداش الحاجة نطبقها تنجحلي
مادبيا تعطيني كيكات ساهلة وبنينة
تعبتكم معايا كااااااامل
ماتهمنيش المصاريف المهم نفرح ماما واخواتي يموتو على الحلويات​

 

[nawal1980]

مشكورة ياسمين على مشاركتنا الوصفات ما دابينا كامل رانا هنا باش نتعلمو

 

[حكيك]

لالا اختي ماشي تاعك انتي تاع نقاء السطايفية

صح عاشية جربتها طمعت مين قالت اقتصادية منجحتش لانها بدون البيض
انا تاني لاسقتلي بصاح عارفت كيش نصححها
معليش الوردة لميها كيما راهي وعجنيها مع شوية مكسرات والمعجون شكلي كويرات ورمديها في جوز الهند وخلاص والجايات اكثر
نجاح انشاءالله

 

[وردة رمال الذهبية]

مشكورة اختي حكيك على الإفادة

 

[ياسمين 177]

موسكوتشو ساهل والله يجي هايل
4بيض + 1 كاس سكر خبطيهم مليح + ى3 مغارف زبت وخبطي كذلك+3مغارف حليب سائل+ عصيرو قشور نصف حبة قارص
+2 كيسان فرينة و 1 خمارة وخلطي وديريها في مول تطيب تحبي تزوقيها بالمعجون ولا تخليها هكذا.
كيكة بالفرميسال
3 بيض + 250غ سكر وخبطيهم +كاس الا ربع زيت وخبطي + كاس ماء +2 فاني 80غ فرميسال شيكولةو خلطي + 250غ فرينة و2 خمارة و ديريهم في مول الموسكوتشو و دخليها تطيب رائعة هذي.
كيكة اخرى بالتفاح
2 بيض+ 8 مغارف سكر + 8 مغارف زيت + 8 مغارف عصير برتقال او حليب سائل+16 مغرف فرينة+ 2 خمارةخلطي الكل وديريهم في مول مدور ثم ستفي فوقهم تفاح مقطع ابراج و دخليها تطيب وهي سخونة ادهنيها بشوي عسل من الفوق ساهلة وبنينة جربي ورديلي الخبر ونشا الله نزيدك.

 

[nawal1980]

مشكورة اخت حكيك على الافادة
هاه وردتي لو كان مارمتيهاش وصبرتي لوكان تشوفي كاش تجي بتعديلات حكيك

 

[nawal1980]

شكرا ليك ياسمينو ان شاء الله نجرب واحدة غدوة

 

[وردة رمال الذهبية]

مشكورة اختي ياسمين على الكيكات الرائعة وساهلة في نفس الوقت ان شاء الله غدوا نجرب وحدة منهم
الله غالب تعجلت عليها ورميتها​

 

[وردة رمال الذهبية]

اختي ياسمين السكر عادي ولا ارطب​

 

[كوثر الوهرانية]

مساء الخير عليكم يالبنات انا راني منارفية كي معرفتش ندخل الصور او بالاحرى ما بغاوش يدخلوا فالميكرو وقيلا خبزتلها باباها مي ماعليش نتعلم غير بشوية
اختي وردة حتى واحد مزاد متعلم غير بشوية و دوك تولي نتيا تعلمينا
ياسمين خرجلك شباب الكرام ديسيار انا عجبتني بنته تحصبي الي نشروه من برة
ندوش اختي مزال مدخلتيش