مادا ستطبخين اليوم اختي!!!!!!!!!!!!!!!!!!!!!!!!!

[وردة رمال الذهبية]

بصحتكم العشاء كامل اسمحولي رحت عليكم بلا مانقلكم
الله غالب انا اليوم كامل وانا في الكوزينة
طيبت العشاء وغسلت الماعن
عشانا اليوم صدر دجاج متبل ومقلي
وعضمات (بيض) وفرماج وحميص
الله غالب قاعدين يشرطو عليا
ماقدرتش نقوللهم لالا
ماما عيانة شوية عطاتني انا المسؤلية تاع الكوينة​

 

[كوثر الوهرانية]

بصحت عشاك وردة والله يشافي ميمتك و يعافيها ياربي
بغيت نسقسيك دايما راكم تقولوا درنا حميص ما هي هذه الاكلة جاوبوني ربي يحفضكم

 

[رآج ـية العفو]

السلآم عليكم
هذآ وين كملت بصحتكم العشآ
وردة ربي يشآفي يمآك ويحفظهآلكم
حتى أنآ حآبة نعرف وآش الحميص​

 

[وردة رمال الذهبية]

الله يسلمك حتى انتي اختي
امين ويارب احفظ كل امهات المسلمين
اختي كوثر الحميص هو
فلفل حلو وطماطم تشويهم وراس ثوم تقشري الثوم وربيه واقليهم في زيت عادي وتضعيهم في ساشي بلاستيك باش تقدري
تنحيهم تم تم ومن بعد قطعيهم من بعد ديريلهم ملح ومغرف كبيرة خل
وزيت زيتون مغرف كبيرة ان شاء الله تكوني فهمتي عليا
او بالاحرى سلاطة مشوية​

 

[وردة رمال الذهبية]

السلآم عليكم​

هذآ وين كملت بصحتكم العشآ
وردة ربي يشآفي يمآك ويحفظهآلكم​

حتى أنآ حآبة نعرف وآش الحميص​

الله يسلمك اختي
وبصحتك انتي تاني العشاء
امين يارب العالمين​

 

[ياسمين 177]

لبنات بصحتكم كامل العشا وربي يشفي يماك اختي وردة

 

[وردة رمال الذهبية]

الله يسلمك اختي ياسمين
بصحتك انتي تاني العشاء
امين يارب العالمين​

 

[رآج ـية العفو]

الله يسلمكم
آه هذآ وين فهمت كوثر حنآ في الغرب
نقولو تشكتوكة نظن فهمتي نتي ثآني
​

 

[رآج ـية العفو]

تصبحو على خير يآ بنآت
السلآم عليكم​

 

[وردة رمال الذهبية]

ضرك نضع لكم صورة من الانترنيت للاسف ماصورتهاش
تقدري تزيديلو البذنجال حسب الرغبة

 

[ياسمين 177]

تصبحوا بخير

 

[وردة رمال الذهبية]

تصبحون على الف الف الف خير كامل
تهلاوى في رواحكم كامل

 

[كوثر الوهرانية]

يعطيك الصحة اختي وردة على الشرح
لا اختي راجية ماشي شكشوكة هادي سلاطة مشوية انا اول مرة كليتها في تونس
تصبحوا على خير خواتاتي انا غادي ناكل كرام ديسير و نرقد ليلة سعيدة للجميع و الى الغد بحول الله

 

[حكيك]

الله يبآرك
وردة نشكرك بالبزآف بآسكو خليتي الأخت حكيك
تشآركنآ شحآل تمنيت بآش تشآركنآ وتتقرب مننآ وبفضلك رآهآ
دخلت
​

[/quote

يبارك فيكي وفي الاخوات
والله انا دايما معاكم حتى ولو ماشاركتش
وانما مشكل الوقت برك
ربي يحفضكم ويخليكم
دائما ملمومين في الخير انشاءالله
​

 

[assia11]

السلام عليكم
ان شاء الله الكل لاباس
وردة ربي يشفي مماك

 

[nada242008]

صباح الخير يالبنات
اهلا بالاخت حكيك تسعدنا مشاركتك معنا في الموضوع
ضرك نحطلكم صورة ندى كيما وعدتكم البارح

 

[حكيك]

صباح الخير يالبنات
اهلا بالاخت حكيك تسعدنا مشاركتك معنا في الموضوع
ضرك نحطلكم صورة ندى كيما وعدتكم البارح

صباح الخير عليكم
شكرا ندى ازربي حطيها باش انا الاولى
نشوفها
​

 

[nada242008]

ندى مع اولاد عمها الثلاثة:001_wub:

 

[وردة رمال الذهبية]

صباح الخيرات
صحة قهوتكم كاااااامل
وش راكم ان شاء الله صبحتو لاباس
الله يبارك تهبل ندوشة ربي يحفظهالك من العين اختي عفوفة​

 

[nada242008]

صباح الخيرات
صحة قهوتكم كاااااامل
وش راكم ان شاء الله صبحتو لاباس
الله يبارك تهبل ندوشة ربي يحفظهالك من العين اختي عفوفة​

الله يسلمك يا وردة
امين يا رب ويحفظ اغلى ما عندك
نهارك طيب عزيزتي