║۩║بين لقرايا و الإنتــــرنت ║۩║

[احساس طفلة]

ايه صح كاينة انا تان راني نعاني من هاد البروبلام نجي عيانة منعرف الا نصلي ولا نشرب قهوى ولا نريفيزي ايا نقعد في الميكرو خير ههه غير هو لي منعجزش عليه

 

[MARIA_4algeria]

عندك الحق القرايا هي كلش لكن البعض اهملها​

 

[samifa31]

ايه صحيح ليقلتو خويا ولازم النت في وقتو ولقراية في وقتها
وكاين بزاف ليراهم مدمنين والحمد الله مرانيش منهم
ولقراية هي المستقبل تاعي
مرسي اخي غزال الصحراء
تحياتي لك​

 

[w@hiba2010]

صح سيفري
الوقت كامل ماكانش
مي الانترنت بين السلبيات لازم نستغلو الايجابيات
الدراسة ايضا كاينة في الانترنت

وربي يرفقنا كامل في دراستنا

 

[** غزال الصحراء **]

samifa31

صحيتي منورة الموضوع , و صح ما يلزمش الواحد يلصق بزاف في الميكرو

و كيما يقولو كل شيء زاد على حدو تقلب لضدو

تحياتي الخالصة //
​

 

[** غزال الصحراء **]

whiba2010

ايه صح كاين , مي أنا واحد ما نقدرش نقرا بالنت بويسك كي نريح ديراكت يشدوني حوايج

و قليل ما نشوف فيه حاجة تاع قراية

مرسي عليك منورة الموضوع وهيبة //
​

 

[** غزال الصحراء **]

MARIA la rein

ايه صح , و المشكل ماشي البعض لي أهملوها

لعكس الأكثرية .. و كل لي نقولو لروحي قبل ما نقولو لخاوتي :

يليق نستدركو و منراطوش كثر من هاكا

و ربي يهنيكم , شكرا على المداخلة مارية منورة و الله //
​

 

[** غزال الصحراء **]

احساس طفلة

شفتي كيفاش ؟

و الله هاذي هيا ما تقدرش تعقب جور كامل و أنت مريح في طابلة و مبعد تجي تحل كراس

تشوف قدامك غير الميكرو يعيط , أيا ديرلو gوسطوه و تجيب فيه قاع الوقت

واش نقولك ربي يهدينا و خلاص و نعاود لازم نريgلو رواحنا و نشوفو للقدام //
​

 

[** غزال الصحراء **]

bonoise

صح لينة , و الله هاذي هي و راكي كيما الأغلبية هنا

لازم بوزيد ينسق برنامجو مع أجيري تيليكوم و يدير الgوسطو تاع جيل اليوم ^^..

اييه نرجعو ضركا لصح بكري كانو يضربو نهار كامل يقراو و ليكول بعيـــــــد

و كي يولي تلقاه بالشمعة يقرى ايه هاكا حكاونا

و في النتيجة تلقاهم قاع فور , بيناتنا حتى حنا ماناش ملاح التفنيين داير حالة

مرسي ...
​

 

[** غزال الصحراء **]

السلام عليكم و رحمة الله تعالى و بركاته





بلا ما تلعبوها مثاليين بويسك راني شايف بعيني أعضاء Hors jeu


السلام عليكم ورحمة الله وبركاته
ههههههههههههههههه عجبتني هادي نتاع متلعبوهاش مثاليين
صح هاذي المشكلة كاين منها والكثسر يعاني منها لكن العيش في عالم إفتراضي بدون وعي هذه نتيجته أنا نخدم في النت مي منتعلقش بيها لهذ الحد ولكل مقام مقال
والسلام عليكم
تحياتي
​

اه فقتلك راكي لعبتيها مثالية :biggrin:

راني نقصر برك , مليح هاكا و التعلق الكبير بالكونيكسيون ماهوش مليح

معليش في العطل و في أوقات الفراغ , و كيما قلنا كلش بالتنظيم

مرسي عليك منورة الموضوع //
​

 

[** غزال الصحراء **]

هههههه ماشي تفنيين مي جبتها واحد ليامات والله نرقد على 4 alors là مانقدرش نوض بكري هادا ماكان وزيد مابناتنا عندك الحق (تفنيين) :angel_not:على خاطر كي نروح للكلاصة مانكملش النومة تاع الصباح أنا نgيّل هههه
الله يبارك عليك ترقد نص ساعة تشبع نوم hmy:​

يا لطيف شكارة تاع رقاد hmy:

لا كي نرقد نص ساعة مانشبعش تبقى في بالي

و كيما قتلك ديجا نروح للقسم نضربها برقدة

هاذي عادة فيا نومي خفيف نقدر نرقد بالخمس دقايق نورمال

و أي حس صغير ينوضني .... مي في الكلاسة جيبو البنادر و الدرابك ما نوضش :biggrin:



​

 

[** غزال الصحراء **]

ان شاء الله خويا هشام تقدرو تنظمو وقتكم بين القراية والنات وتفرحونا بنجاحكم في شهادة البكالوريا
بالتوفيق:angel_not:

امين يا رب , مرسي عليك من جديد ندى

تحياتي //
​

 

[** غزال الصحراء **]

يعطيك الصحة هشام ع الموضوع
واش راح نقولك والله ادمان الله غالب متقدرش تصبر
على الانترنت والفنا بيها وربي يستر اما بخصوص لقريا ربي يستر هذا ماكا​

إن شاء الله يا ربي , و كيما يقولو شوف الولف شحال ساهل و لفراق ما قدرت عنو

مي لازم نقدرو و لا واش قال فوفا ؟ يليق نستدركو رواحنا

مرسي عليك منور الموضوع //
​

 

[H@teM]

وش نقولك اخويا هشام
انا كامل كيف كيف
عادوا يهددوا فينا كون متجيبش المعدل ولا السومستر
راحت الانترنت وانا نتنفس بيها كون تروح يروحلي النفس
يعطيك الصحة على الموضوع الرائع
​

 

[** غزال الصحراء **]

وش نقولك اخويا هشام
انا كامل كيف كيف
عادوا يهددوا فينا كون متجيبش المعدل ولا السومستر
راحت الانترنت وانا نتنفس بيها كون تروح يروحلي النفس
يعطيك الصحة على الموضوع الرائع
​

صحيت خويا حاتم

و الله لا قلت الصح هي النفس و هي دايمن اللي يهدونا بيها

منور الموضوع أخي الكريم و ليك وحشة :biggrin:
​

 

[Farnanita Ida]

عندك الحق 100 بالمئة خويا أنا واحدة من الناس كي كنت نقرا سنة ثانية جامعي أدمنت على النت وليت من لي نجي من الجامعة وأنا قاعدة في هاد الكرسي حتى لليل لعشا نتعشا قدام الpc
الناس كانت تقرا وتحفظ وأنا ما فقتش حتى نهار ديليبراو ولقيت روحي ما خرجتش العام ولتم الطامة الكبرى أنا لي كنت نقول عمري ما ندخل synthése

الحمد لله لي وقفت معايا ماما ربي يخليهالي وطلعتلي المورال باش ندخل synthése وبلعت عامي وديتها عبرة في راسي الحمد لله والعام لي فات كنت من المتفوقين الأوائل في الدفعة نتاعي
​

 

[** غزال الصحراء **]

عندك الحق 100 بالمئة خويا أنا واحدة من الناس كي كنت نقرا سنة ثانية جامعي أدمنت على النت وليت من لي نجي من الجامعة وأنا قاعدة في هاد الكرسي حتى لليل لعشا نتعشا قدام الpc
الناس كانت تقرا وتحفظ وأنا ما فقتش حتى نهار ديليبراو ولقيت روحي ما خرجتش العام ولتم الطامة الكبرى أنا لي كنت نقول عمري ما ندخل synthése

الحمد لله لي وقفت معايا ماما ربي يخليهالي وطلعتلي المورال باش ندخل synthése وبلعت عامي وديتها عبرة في راسي الحمد لله والعام لي فات كنت من المتفوقين الأوائل في الدفعة نتاعي
​

الله يبارك , و العيب ماهوش في الخطأ مي في اللي ما يداركوهش

نتي كي لقيتي بلي كنتي غالطة صححتي و بدلتي منهاجك , و نجحتي الحمد لله ...

هاكا لازم يكون كل واحد يستفاد من الدنيا ماشي غير في هاذا الcoté

مرسي عليك حفيظة و الله منورة الموضوع و حكايتك عبرة لمن يعتبر

تحياتي الخالصة //
​

 

[2pac1992]

كل ماقلته صحيحححححح

 

[** غزال الصحراء **]

2pac1992


شكرا على المرور أخي الكريم منور الموضوع //
​

 

[mimi.dz]

هههههههه
انا منسهرش خلاص باسكو ميخليونيش في الدار
العشرة يطفا كلش
السهرة غير في العطل وفي رمضان
الباقي قرايتك ومن بعد الانترنت
الله غالب الصرامة هههه
وربي يوفقنا كامل
شكرا هشام ربي يبارك فيك


​