تابع مادا ستطبخين اليوم اختي (2)اااااااااااااااااااا

[chamousa]

تصبحين علي خير ابتسام ليلة سعيدة

 

[hadjer cute]

ماشاء الله طابلة تشهي يا ابتسام
حبيت نسقسيك على هداك الروز
تقدري تقوليلي كيفاش عملتيه

بارك الله فيك اختي​

 

[assia11]

السلام عليكم
يسقسي أعليك الخير أختي را جية واش راكي نت ريحتي شوية
إبتسام طابلة شهية و عجبني الروز بصحتكم
اليوم رايحة ندير لوبيا خضراء و نشوف

 

[nawal1980]

صباح الخير عليكم يا حباباتي
راهي طلت اليوم الشمس عندنا امالا نغسل شوية فراش باش نخبيه هادي هي
وزيد الميناج ونطوي الخزاين و ننفض الغبرة
اليوم راني صايمة هكدا نجوز الوقت
الفطور خفيف ظريف لاسوب + سباقيتي
اهلا بيك عفوفة 2 ان شاء الله ربي يكملك بخير ويكون وليد حلال الي يحافظ عليك
ان شاء الله تشاركينا بوصفاتك وتطبقي وصفاتنا هكدا يكون تبادل للافكار والنصائح

 

[nawal1980]

ابتسام طابلة مقيومة وتشهي
ان شاء الله وصفة ندوش نطبقها

 

[nada242008]

صباح الخير على الجميع
بسومة طابلة تشهي:001_wub: وبصحتك الدجاج
صيام مقبول يا نوال وصيمك في الجنة ان شاء الله
مازلت ماخممتش واش نطيب مازلت ندور في الدار
بلاك نطيب قراتان عطاوني البارح وصفة كان طبقتها راني نصورها باذن الله

 

[nawal1980]

ان شاء الله ندوش
والله وقتهم لي قراتان دخلي في الكوشة وكملي الميناج تاع الربيع
ان شا الله تحطيلنا الوصفة

 

[nada242008]

ان شاء الله ندوش
والله وقتهم لي قراتان دخلي في الكوشة وكملي الميناج تاع الربيع
ان شا الله تحطيلنا الوصفة

صح لي غراتان يشهيو في فصل الربيع احسن من المرقة
كان عجبني راني نحطو
ضرك نوض نبدا بيه

 

[ibtesem]

صباح الخير عليكم كامل البنات واش راكم لاباس
شكر شموسة ونوال وندى الله اسلمكم
صيامك في الجنو انشاء الله نوال
ادعينا معاك

 

[nawal1980]

بسوم شعال راهي الساعة ؟ظ؟؟؟؟؟؟؟؟؟؟؟؟؟؟؟؟

 

[بنت الـــ سـوف ـــواد]

صباح الخير على الجميع
بسومة طابلة تشهي وبصحتك واش طيبتي
تسلم ايديك
صيام مقبول يا نوال
وصيامك في الجنة ان شاء الله
ربي يعاونك على الميناج اختي
صباح النور ندوش واش راكي ان شاء الله بخير بصحتك الغراتان
مازلت ماخممتش واش ندير ماما مريضة شوي بلاك نايا لي ندخل للكوزينة نطيب
بارح مادخلتش ماجتنيش كونكسيو طول باش نجن بلا بيكم والله
الحمدالله جتني اليوم​

 

[ibtesem]

يا ختي هاجر كيوت الرز انا عملته بالفرميسال
تحمري قدر فنجان تاع فرميسال في الزيت الزيتون
كي يبدا في الاحمرار اضيفي له كاس رز و2 ونصف كؤوس ماء
وحبة تاع جنبو عند الغليان نقصي النار خلاص
وتركيه الى ايطبخ
شهية طيبة لكي عزيزتي
شكر لمرورك

 

[ibtesem]

صباح الخير بنت الواد واش راكي الله اسلمك

 

[nada242008]

صباح الخير بنت الواد واش راكي الله اسلمك

عجبتني طريقتك في الروز حتى الجومبو عندي كاش نهار نجربها
فحلة بسومة يعطيك الصحة

 

[بنت الـــ سـوف ـــواد]

صباح الخير بنت الواد واش راكي الله اسلمك

صباح الورد اختي
لاباس الحمدالله
واش راكي انتي ان شاء الله بخير​

 

[ياسمين 177]

صباح النور على الجميع واشراكم بخير انا دايرة فريت وراني نخدم في العجينة المورقة باش ندير pizza couverte راني رايحة ندير في بريوش بالسميد لقيت البيض مكفانيش حتى يجو ولادي يشرولي تحياتي للجميع

 

[ibtesem]

بسوم شعال راهي الساعة ؟ظ؟؟؟؟؟؟؟؟؟؟؟؟؟؟؟؟

الان فقط الفجر اذن نروح نصلي
نتلاقاو بعد الغذاء انشاء الله
صح غذاء كامل يالبنات :001_wub:
نوال راهي 4:10:001_wub:

 

[ibtesem]

صباح الخير ياسمين

 

[ياسمين 177]

يا ختي هاجر كيوت الرز انا عملته بالفرميسال
تحمري قدر فنجان تاع فرميسال في الزيت الزيتون
كي يبدا في الاحمرار اضيفي له كاس رز و2 ونصف كؤوس ماء
وحبة تاع جنبو عند الغليان نقصي النار خلاص
وتركيه الى ايطبخ
شهية طيبة لكي عزيزتي
شكر لمرورك

صح ابتسام هذا الروز اسمو روز بالشعيرية انا نديرو بزاف ويجي هايل بصح ما نديرش جمبو نحمر الشعيرية في الزبدة ولا زيت مبعد نزيد الروز والملح والماء الكافي حتى ينشف ويقدم مع جميع انواع الاكل

 

[ياسمين 177]

صباح الخير ياسمين

صباح النور ابتسام واش صبحتي مليحة الله يقوي الخير ويعطيك الصحة على الطابلة المشهية