** فترة الخطــــــــــــــوبة و مشاكلها [{¤ moha le sage vs poliyana ¤}]

[Moha le sage]

اهلا polyana ..

ديما ردودك يبردو القلب .. انا راني شوي معتزل الكتبة psk سوايع نحسها ماتفيدش mais bon

نولو لقضيتنا هاذي .. كيفاش يخير الراجل المرا ..يتعرف ولا يقول ليماه تحوسلو ...

قبل ما نفكرو في هاذ الشي لازم نروحو للراجل ونحددو النوع تاعو ونوع التفكير لي ينتمي ليه ..

ذرك نفهمك اكثر ... الرجال في الزواج أنواع من بينهم :

- واحد حب وحدة ويحوس يكمل معاها حياتو psk ضاق حلاوة الحياة معاها
- واحد لحقو العمر تاع الزواج و يخمم يتزوج و يكمل نصف الدين
- واحد طوايشي و تاع drogue و شراب و dragage و يحوسو مواليه يتكالما و يخطي المشاكل مالا يربطوه بمرا تعقلو
- واحد مهوش تاع مسؤولية و عندو مثلا رزق و حوانت مالا باباه يخمم يزوجو باش يفيكسيه في حانوت و يرجعو راجل بالزواج ( راجل في تفكيرو يعني )
- واحد كان معندوش دراهم و خدم و ربح و بعد وقت حاب يتزوج و يخير اللي تعجبو
- واحد حاب يتزوج باش يقولو تزوج قدام الناس
- واحد حاب يجيب ولاد .. بلاك يحوس يفرح يماه .. ولا يحس هوبالعايلة و دفئها ..
- واحد ما لقى لي يفهمو و عاش وحدو ولا عاش تعيس و حاب يتزوج باش يلقى مرة تحبو وتحن عليه و تفهمو ..
- واحد مثقف بزاف و ما يقبلش غير بوحدة تكون نيفو عالي قراية و ثقافة .. وواحد مش قاري بزاف و بلاك يحوس على وحدة قارية شوي برك
- ....... الخ

حبيت نقول بلي الدافع عند الراجل للزواج يتفرق .. من بعد يجي دور شكون لي يخير المرا و هنا يدخل فيها امور بزاف منها :
ثقافة الراجل و عقليتو .. التعامل مع هاذ الامور في العايلة تاعهم .. الكاراكتار تاعو .. نظرتو للزواج وللنسا .. يعني كاين لي حاب يتزوج باش يتزوج ميهموش تخطبلو امو ولا خالتو ..ليصونسيال مرا وخلاص يدخل بيها .. و كاين لي يحب مرا تفهمو وتحكي معاه و تشاورو في امور الدار ..

نولي لرايي الخاص ..

التعرف لازملو شروط باش ما يوليش ترنديف .. - منها السن يعني مش واحد في عشرين و مزال يقرى و يلعبها يتعرف .. - النية الخالصة ماشي ينوى الخبث و العلاقات الجسدية الي دائما تبدى بقبلة وتكبر مع المواعيد .. - التربية و الشخصية المتزنة . .- و اهمها الكونفيونص .. يعني يكون عبد تاع كونفيونص و الواحد يستراح يك يحكي معاه


نسيت حاجة مهمة : لازم هو يكون راجل ..ماشي صوق ذر .. وهي تكون ثاني مرا ماشي طفلة مالعبتش في صغرها

انا في عايلتي هو صاحب القرار ..سواء في امور البيت و لا في اموري الخاصة .. و سبق وهدرت مع يما في هاذ الشي و قاتلي راك حر ..

انا نحوس على العقلية و الحنانة و التربية ..الخ و هاذ الامور يبانو بالتعرف .. يعني كي نكتشفهم في انسانة و ومن بعد يكون اعجاب متبادل بيناتنا نقدر نكمل الخطوة ...

ما نامنش بيه الزواج تاع وحدة تروح تخطبلي و لا تشوفلي ..مهيش سلعة محطوطة ونا نخير ..

الزواج هو ارتباط تاع زوج مدى الحياة و من اهم مقومات نجاحو : الحب .. التفهم .. الاحترام المتبادل ..الخطوط العريضة للعقلية تكون مشتركة ..

خيرة الزواج لما يلقى العبد انسان يحس فعلا انو شخص يعرفو من زمان وانو نصفو الاخر .. لما يوجد شخص و يجيه احساس في راسو يقلو بلي هذا تقدر تكمل معاه حياتك ..


راني حكيت بزاف تالمون عندي وقت منيش نحكي ..

الفايدة قبل ما نترك الموضوع

'' ما نحتاجش المفتيين .. كل واحد يفتي لروحو .. و يشيخ على تريكوه بلاك يقلبو قمجة للعيد

هذي هي المشاركة تاعي .. راها قراتها بوليانا


​

 

[أم أنس الموحّدة]

السلام عليكم
عجبتني نصائح مشرفة قسم الشريعة
أم أنس

أستفدت منها يااااسر


​

وعليكم السلام

الحمدلله ...حياك الله اخونا
​

 

[Moha le sage]

واش محمد نروحو للمشكل اللي بعدو؟
قضية السكنة
واحد يقول نسكن وحدي وواحد يقول تسكني مع دارنا
​

القضية هاذي كنت راح نطرحها

اصبر يجو الجماعة و نتناقشو فيها
​

 

[CHAHINAZ 16]

مس الخير
ادا كاينة وحدة حشامة بزاف بززززززززززززززززاف تقولي باش نحكيو لانو هاد المشكل يقلق و ينيرفي خطيبي هو يحبني بزاف ونقدر نقول مكاش واحد يعرف كيفاش يحب وحدة كيما هو مي انا نحشم منو

 

[nawal1980]

بخصوص السكنة
من حيت رائي
لو الزوج مقتدر وعندو دار الافضل يسكن واحدو سينو لازم يكمل نصف دينو في دار اماليه وهنا الطفلة لازم تكون واعية وتتفهم الضروف وتحاول ان تتاقلم لانو حقيقتا لما تكون في دار العائلة تستفيد من التجربة وتتعلم كل ما يحب الزوج هكدا بالاك ربي يفرج فيما بعد وما يبقى في الواد غير حجارو لان الراجل تربيت يماه ولازم لمرا تعس عجوزتها كيفاش تعامل وليدها وتعاملو هي بالمتل او ما خير هدي نصحتي
وهدا القاطو ليكم تاكلوه بالصحة

 

[أم أنس الموحّدة]

صح قضية العيش مع اهل الزوج او لوحدها هي اللي راها سائدة ورجع مشكل الكثيرر من الازواج

نستناو الجماعة كما قال الاخ محمد
​

 

[أم أنس الموحّدة]

مس الخير
ادا كاينة وحدة حشامة بزاف بززززززززززززززززاف تقولي باش نحكيو لانو هاد المشكل يقلق و ينيرفي خطيبي هو يحبني بزاف ونقدر نقول مكاش واحد يعرف كيفاش يحب وحدة كيما هو مي انا نحشم منو

مساء النووور...اسمحيلي اختي بصح ما فهمتش هذي ....وش اللي يقلق وينارفي خطيبك؟؟؟

لمن يريد
​

 

[adil of soundous]

السلام عليكم
انا المشكل ديالي خطيبتي قلبها ابيض نموت عليها وهي مرتي ضرك كاين ظروف معطلتنا عالعرس ، حشامة بزاف وبراء ة ، ومرات الراجل منا يحب يحس يمرتو دايما معاه، ماتحبش تحكي في التيليفون بزاف وحتى كي نعيطلها ديفوا تغلق الموبيل
البروبلام هنا في اللمة تحكي نورمال وتغيضني كي ترد عالرجال وكي نقولها راكي مرت راجل تقولي مانيش نحكي في حوايج عيب وهذو خاوتي سينورمال نقلق سينون نولي ديوث كي مانقول والو ولا وش تقولو يا خاوتي؟؟
ولأخرة كي قلتلها خيري بيني وبين اللمة قالتلي نخير اللمة قلت خلاص سuر هبلت
كاين بزاف مشاكل انا نقول جاية من التطوال تاع مدة الخطوبة والله اعلم
ربي يحفظلي زوجتي ان شا الله
اني طولت في قعدتي هنا ضرك نضرب دورة ونولي

 

[* أميرة الأحلام *]

أشكر أخي محمد على طرحك موضوع قيم كما يتمثل في واقع نعيشه بكل سلبياته وايجابياته
انا راح نقصفكم عن نقاشكم لكن اردت ان اعطي رأيي قبل أن أسير معكم في الموضوع
ـ أنا أقول أن أسباب المشاكل هي كثرة المكالمات الهاتفية أنا لاأرفضها فهي شيء جميل ليتم التعارف بين الطرفين أكثر لكن كثرته أو تداول المكالمات كل يوم فهو راح يسبب مشاكل كما تجد أن الذي يكثر من المكالمات يوم متعاركين ويوم متصاحبين على الاقل يحاول الانسان ينقصه وتكون ساعات قليلة
ـ أن الحشمة مع خطيبها أعتبره ليس حشمة بل خوف من أن يكتشف عيوبها لانه الحشمة مع شخص ماتعرفيه لاتدريه لكن شخص خطيبك فهو جزء منك فلهذا لاتخافي من أن تنكشف عيوبك فان كل شخص مولود بعيوب
ـ انها تسكن مع الاهل انا صراحة كفتاة اتمنى ان اعيش في وسط عائلة لاتهمني المشاكل احاول ان ابتعد عنها ولاتقترب مني لان الفتاة عندما تسكن وسط عائلة راح تعرف كثير من الاشياء الى يحبها زوجها او تعرف عاداتهم وتقاليدهم طريقة طبخهم لان الطهي من بيت الى بيت تختلف وهناك الكثير
​

 

[CHAHINAZ 16]

مساء النووور...اسمحيلي اختي بصح ما فهمتش هذي ....وش اللي يقلق وينارفي خطيبك؟؟؟​

​

يسلمك واش راكي çava في الصيف عرسي ادا حب ربي وانا مزال grave نحشم منو شحال وهو يسي باش ينحيهالي شوفي حتى نحبك نحشم نقولهالو واااااااااالو وواللللو منقولو نحب نقولو مي نحشم وهو كي بزاف يحبني يسكت ويقولو بنات الفاميليا كامل يحشمو ويمعني بلي كترتي مي

 

[أم أنس الموحّدة]

يسلمك واش راكي çava في الصيف عرسي ادا حب ربي وانا مزال grave نحشم منو شحال وهو يسي باش ينحيهالي شوفي حتى نحبك نحشم نقولهالو واااااااااالو وواللللو منقولو نحب نقولو مي نحشم وهو كي بزاف يحبني يسكت ويقولو بنات الفاميليا كامل يحشمو ويمعني بلي كترتي مي

والله الحمدلله .....اها تقصدي الخجل ...الخجل كاين لازم يكون في البنت ويدير اللي يدير ما يقدرش ينحيه الا بعد عشرة تدووم اسابيع وربما اشهر

الله يوفقك
​

 

[هــــيلدا]

اما انها تخير اللمة عليك هادي غلطة ولازم تعطيها طريحة عليها هههههههههه
نبسط برك
نتمنى نكون عاونتك شوي
​

:heh::heh::heh: عادل مع عادل وتفاهمولي علا سندوستي:heh:،، راهي عندي اوبسيون تجياف :sneaky2::sneaky2::sneaky2:

راني هنا نعس في غيابها،، ديرو بالكم،:closedeyes:
​

 

[هــــيلدا]

اني طولت في قعدتي هنا ضرك نضرب دورة ونولي

الاقتباس تاعي نديرو مع سندس وحدها،، وهي راهي تخبرهولك
:yahoo::yahoo::yahoo:
​

 

[هــــيلدا]

محمد راني رحت علا عشية فاتتني الهدرة،، وينا قضية وصلتو??
​

 

[nada242008]

واش محمد نروحو للمشكل اللي بعدو؟
قضية السكنة
واحد يقول نسكن وحدي وواحد يقول تسكني مع دارنا
​

السكنة هي مشكل معظم الازواج
وحتى اللي راهم في 10 سنين ويبقى المشكل مطروح حتان تخرج المرا بدارها وحدها
والاسباب متعددة كاين اللي يعودو محصورين في بيت واحدة مع دار الشيخ
وكاين لاسباب المشاكل اليومية اللي تصرى بين الكنة والعجوزة
والمشكل انو معظم المشاكل تافهة جدا
هاي ماقاتليش صباح الخير هاني حكمتها تنمشر فيا
ولا على بيدون والنشافة
الراجل المخلوق يروح تعبان تغمزو امو ارواح للبيت نقلك مرتك دارت ودارت
يخرج يلقى مرتو تسنى فيه وانا وحاملة ماليك وووو
وطبعا يكره حياتو خطراه مش نهار ومش زوج راهي حكاية كل يوم

 

[nawal1980]

الحشمة مليحة بين الخطبيين خاصة وقت الخطوبة وبلعقل مع العشرة والوقت تتولد واحد المودة بين الزوجين

 

[nawal1980]

كلامك زين يا ندى لكن يلزم المرا تكبر عقلها لانو العجوزة في نضرها وليدها ديما ديالها تحب تعيش مليح لازم تعرف الكود تاع يماه

 

[CHAHINAZ 16]

يعطيكم الصحة كامل
السكنة انا شرطي نسكن مع ياما يعني يماه شحال نحبها مام لواساتي نحبهم ويحبوني وباش نسكن وحدي jamais تسرى ياوختي ويما كيما نحب ل يما نحب ليماه

 

[nada242008]

كلامك زين يا ندى لكن يلزم المرا تكبر عقلها لانو العجوزة في نضرها وليدها ديما ديالها تحب تعيش مليح لازم تعرف الكود تاع يماه

المرا لازم تفوت الحوايج الصغار وماتحطش راسها براس ام كبيرة ربات وتعبت
حتى كي تسمع حاجة ماعجبتهاش تدير روحها ما سمعتش وماكلاه تحكمها في قلبها وتعاودها لراجلها بصيغة جديدة
الهدرة الزايدة ديما توصل للمشاكل وتطيح القدر بين الراجل ومرتو وبين الكنة والعجوز والام وولدها
مالا تسايسها وتكسبها وتهني راجلها وتهني ولادها
وكلش يفوت ودوام الحال من الموحال
الا ما يفترق الشمل
شكون اللي عاشت طول عمرها عند عجوزتها مجرد فترة ويبقى غير الكلام الزين والمعاملة

 

[هــــيلدا]

الرجال كي يحكو
النسا يسكتو:glare:
:closedeyes:

ولا وش قلت يا عادل
​

:sneaky2:
والرجال كي يسكتو:glare:،،

النساء يجيفو:sneaky2::closedeyes:

كي تجي سندس تقول:yahoo:
​