** فترة الخطــــــــــــــوبة و مشاكلها [{¤ moha le sage vs poliyana ¤}]

[POLIYANA]

هيا جماعة نبداو ولا عندكم راي اخر :heh:​

 

[الجزائري05]

يبارك فيك يا مول الباش :yahoo::music_whistling:
اااااااااااااااااااااااااه خلاص وقت الهملة ضرك ولا وقت المشورة والتحريكة بلونكات وبحقها :heh:​

مالا ربي يهنيك يا أختي و راني نستنا في بلاطو بقلاوة و ببوط شباح الصفرة و كسكاس رفيس:u_pc::u_pc:
و كاشما نزيد نتفكر راني نزيد:music_whistling:
​

 

[POLIYANA]

مالا ربي يهنيك يا أختي و راني نستنا في بلاطو بقلاوة و ببوط شباح الصفرة و كسكاس رفيس:u_pc::u_pc:
و كاشما نزيد نتفكر راني نزيد:music_whistling:
​

:scared::scared:

ماش خسارة فالحباب وراك معروض من ضرك ​

 

[الجزائري05]

هيا جماعة نبداو ولا عندكم راي اخر :heh:​

ابداي يا بولي مي الماكلة هي الحاجة الاولى
اليك الخط
​

 

[Moha le sage]

يا بوليانا كون نحكو على عادات و تقاليد الزواج في كل منطقة نخرجو على موضوع مشاكل الخطبة و قبل الخطبة

الموضوع هذا فيه حوايج بزاف يتقالو ..سيرتو على السكنة و الامور لخرى ..


وش قلتي في عفستي تاع ندير موضوع تاع عادات الزواج لكل ولاية .. وكل وحدة تجيبلنا هاذ العادات .. وراه عندنا الحراير هنا

بانتلي هكذا خير ..باسكو رايحين نغمو هاذ الموضوع و نخرجوه على طريقو .. وكيما شفتي اعضاء بزاف عندهم مشاكل و تساؤلات ..ماشي من حقنا نخلوهم بعدما فتحنا هاذ الموضوع
​

 

[Moha le sage]

الطفلة بعد ما تتخطب يخي فترة الخطوبة للتعارف يحيروني الناس كي شوفوا الطفلة مع خطيبها يخرجوا مع بعض ولا تتكلم هي و هو في البورتابل يروحوا يتكلموا فيها ب القبيح و العاطل و الحجة يقولك ما لازمش تخرج معاه يستناو حتان يتزوجوا و تروح معاه وين تحب والله يخي عقلية

شوفي كلام الناس ما يرحمش ..حتى و لو كان مع مرتو وما يطلقوهمش
كاينين بلايص بزاف .. و صاديبون العقلية في كل ولاية
انا منجيش نفتيلك بلي حلال و لا حرام ..باسكو الدين راه باين .. واللي ميعرفش يسقصي لي يعرفو ..بصح انا نحكي على كلام الناس ..الي من الاحسن انو يخيطهم الواحد و ما يجيبوش خبرو .. وفي الولايات الداخلية كاين استشغيل بزاف ..حتى و يشوفو زوج يحكو مع بعضاهم و في مكان عام و قاعدين قعدة محترمة ما يطلقوهمش

يعني الي عينو مايتلقاوش بيه الناس ما يقابلهمش ..هذا رايي
​

 

[POLIYANA]

نبداو باولى الولايات قسنطينة مدينة الجسور المعلقة :yahoo: احم احم..........
شوفو يا جماعة حنا عندنا في قسنطينة ولات الطفل عموما يتعارف مع الطفلة من قبل ويحكيو ويتفاهمو على الزواج هادي باه مانكدبش فيها عليكم مابقاوش بزاف الي يقول لامو خيريلي راهم كامل ولاو قادرين على شغالاتهم هههههههه :music_whistling: يتقدم الطفل للطفلة ويقولها راني ناوي الحلال و....... هاديك الديباجة المهم خلينا
تقول الطفلة لماماها راهم جايين والام تخبر الاب تاعها ويستقبلو ام العريس وكاشمن تجيب معاها نسا برك يعني لحد الان مازلنا على باب ربي كيما يقولو
يجيو النسا يشوفو الطفلة ويعطيو معلومات كافية على ولدهم متلا واش يخدم وين وصل في قرايتو واش عندو و امور كيما هكدا المهم جميع المعلومات وكي يروحو يبداو اهل الطفلة يسقسيو على هدا الطفل كاشما جيرانو متلا ولا صحابو ولا ناس يعرفو عايلتو باه يعرفوه متربي وابن صيل ويعرف ربي ومتدين ووووو وهوما يقررو يمدولو بنتهم ولا لالا على حسب المعطيات الي عندهم ...
هروح اسيدي يوافق الاب وتفرح الطفلة وتمت الخطوة الاولى والعظمى بسلالالالالالالالالالام :surrender:
مرة اخرى يزيدو يجيو بالصح هنا يجي باباه ورجالة معاه ونساء شوية برك متلا كاشما عندو خواتاتو متزوجات وجداتو ولا عمتو ولا خالتو يديوهم عند العروسة والمرة هادي يتفاهمو هدرة رجال على كلش على الشرط على كلش كلش مايخلفو والو تسما هنا طيحو الهدرة وعينو الطفلة.
ومن بعد يديرو الخطبة ويسمعو الناس كاااااااااااااامل يجيو الطاكسيات يصونيو والنسا يزغرتو ويلبسلها العريس الخاتم وادا حبو يحنيولها يحنيو وادا ماحبوش يخليو الحنة للعرس نورمال ويشطحو ويزهاو ويروحو وهنا تبدا فترة الخطوبة تولي الطفلة لابسة خاتم الخطبة في يدها والطفل كيف كيف.. وفالمرحلة هادي يوليو يجيبولها العياد والمواسم .....

 

[POLIYANA]

وضركا يزيدو يجيبولها الصوف ويديو معاها الزلابية مناه يقولو حاجة العروس تمشي ديما بالحلاوة
والعروس تقضي شورتها والعريس يوجد حوالو ويوصل العرس.......
تلقى اهل العروس والعريس يبداو يسهرو ويشطحو مع الاحباب والعايلة والجيران بسمانة من قبل هههه من الفرحة
العرس عموما نديروه بالخميس
عندنا بالتلاتاء الصباح يجيبو اهل العريس النعجة كيما يقولولها شات الحلال يدبحوها ويديرو العشا عصبانة يعني كرشة و..... ويديرو الطعام ولا الي يقولولو كسكسي ولا بربوشو
ولغدوة يجيو يديو الشورة
ونهار الخميس العرس تسما ادا رايحين فواياج يديرو العشا بالاربعاء ولخميس يديو العروسة بكري وتدي ناسها كوتاج وتدي الغدا ويروحو يتغداو معاها عند دار العريس ويبقاوها بالسلامة وهيا يديها راجلها ويروحو فواياج وناسها يروحو يروحو وادا مدايرين عرس اش فواياج هنا تروح العروس فلعشية وتبات في دار راجلها ولغدوة بالجمعة يروحو ناساها يديو لغدا ويباركو لبنتهم ويروحو................
والسبت الصباح تنوض العروس تطيب شوية تاع قرصة وكاين الي يقولولها غرايف ماش هيا الي تطيبو كامل بالصح هيا تلوح يدها للبركة فاللول وتخي النسا يكملو ويتغداو كامل لغرايف .....................

ولعقوبة للدرية الصالحة هههههههههههههه

ايا غلبتوني حكيتلكم بالتفصيل الممل ​

 

[nada242008]

المشكل 4

الشرط

ياااااااااو ساعدونا رحمة على الوالدين
خوكم قليل

باب النقاش مفتوح
​

بالشوية يهديكم ربي
راني كنت نطيب في العشا ومازال غسيل الماعن
لقيت 3 صفحات :scared: ساعفونا

 

[POLIYANA]

يا بوليانا كون نحكو على عادات و تقاليد الزواج في كل منطقة نخرجو على موضوع مشاكل الخطبة و قبل الخطبة

الموضوع هذا فيه حوايج بزاف يتقالو ..سيرتو على السكنة و الامور لخرى ..


وش قلتي في عفستي تاع ندير موضوع تاع عادات الزواج لكل ولاية .. وكل وحدة تجيبلنا هاذ العادات .. وراه عندنا الحراير هنا

بانتلي هكذا خير ..باسكو رايحين نغمو هاذ الموضوع و نخرجوه على طريقو .. وكيما شفتي اعضاء بزاف عندهم مشاكل و تساؤلات ..ماشي من حقنا نخلوهم بعدما فتحنا هاذ الموضوع
​

اياااااااااااااااااااااااااااا ماشفتش ردك يا موح نورمال امحي الرد تاع العادات الي كتبتو ونخليوه لموضوع خلاف كي نخلصو من الخطبة نوليو للزواج ههههههههههه ​

 

[* أميرة الأحلام *]

مدينة واد سوف هي مدينة بسيطة ومتحفظة ونقولكم بكل صراحة قليل ماتجد واحد نقولو كوراج يحب ويخطب اما البقية زواج تقليدي تروح تخطبله امه واخته وقبل مايروح يشوفها يديروا لونكات عليى الخطاب ومن بعد يقولوا اي ولالا و يروح يشوفها ومن بعد اذا عجبه الحال يخطبها رسمي بموافقة الوالد ووالده وجميع الاهل ومن بعد مايطولوش قليل الى يتعدى مابين فترة الخطوبة والعرس 9 اشهر ديما شهرين وكاين اقل ومن بعد يتزوجوا وهذا همهم لكن صراحة الزواج التقليدي شيء مزعج وربي يهني كل مومن انا الحمد لله منعت من توجاع الرأس ​

 

[Moha le sage]

نجلا اصبري

نديرو موضوع تاع عادات الزواج وحدو خير

و كل وحدة تتكلف بولايتها خير

ونخلو هاذ الموضوع لمشاكل العلاقة تاع الخطبة و قبل الخطبة


​

 

[Mafia.dz]

الحمد لله كي تلقا الكود ، ربي يلاقيك بلي تحبها اعادل خويا كون شفت هكدا راني من زمان الي سجلت ، بارك الله فيك





انا هناني ربي مرتي ماتحملش الذهب يحرقها الحمد لله ههههههههه ،في الأول حصلت مبعد خممت قلت نشريلها ونحطوه اونسي جامي العبد يحتاجو كاش نهار،عندك حق حاجة ماتغلى على زوجتي والي ليها راهو ليا .بارك الله فيك

يا خويا عادل اشريه لها و يجعلها اديرو garniture في الدار

المهم قلشها



ربي يتم خويا عادل


​

 

[Moha le sage]

لالا خليه هنا معليش

ذرك ندير موضوع اخر و كوبيه فيه

اعطيني 5 دقايق برك
​

 

[POLIYANA]

مدينة واد سوف هي مدينة بسيطة ومتحفظة ونقولكم بكل صراحة قليل ماتجد واحد نقولو كوراج يحب ويخطب اما البقية زواج تقليدي تروح تخطبله امه واخته وقبل مايروح يشوفها يديروا لونكات عليى الخطاب ومن بعد يقولوا اي ولالا و يروح يشوفها ومن بعد اذا عجبه الحال يخطبها رسمي بموافقة الوالد ووالده وجميع الاهل ومن بعد مايطولوش قليل الى يتعدى مابين فترة الخطوبة والعرس 9 اشهر ديما شهرين وكاين اقل ومن بعد يتزوجوا وهذا همهم لكن صراحة الزواج التقليدي شيء مزعج وربي يهني كل مومن انا الحمد لله منعت من توجاع الرأس ​

بهادي الطريقة ماكانش وقت للتعارف حتى
بلامانحكيو على الشورة الحوايج هادوك ........:surrender:​

 

[sandoussa3000]

:scared::scared::scared:اشومي:glare: رحت دقيقة حرقت العشا :tears::tears:جيت لقيت 5 صفحات راحو بلعقل برك
نقرا الصفحات الي فاتو ونجي
وينو راجلي؟؟؟؟؟؟؟؟؟ :tears::tears::tears:

 

[الجزائري05]

بولي الصح كامل نسيتيه الشخشوخة و شباح الصفرة و طاجين الشواء و الحلويات و المحلبي​

 

[POLIYANA]

:scared::scared::scared:اشومي:glare: رحت دقيقة حرقت العشا :tears::tears:جيت لقيت 5 صفحات راحو بلعقل برك
نقرا الصفحات الي فاتو ونجي
وينو راجلي؟؟؟؟؟؟؟؟؟ :tears::tears::tears:

راااااااااااااااااااااااااااااااح قبيل كي رحتي نتي بعد​

 

[Moha le sage]

لبنات وجدو روحكم للموضوع الجاي تهلاو فيه


بوليانا : قسمطينة
عفاف : المسيلة
نبع الاحساس : واد سوف
هيلدا : باتنة
ام ندى : بسكرة
المتحدث : سطيف

في انتظار 42 ولاية لي بقات
​

 

[الجزائري05]

بولي الصح كامل نسيتيه الشخشوخة و شباح الصفرة و طاجين الشواء و الحلويات و المحلبي​