** فترة الخطــــــــــــــوبة و مشاكلها [{¤ moha le sage vs poliyana ¤}]

[هــــيلدا]

أنا من رايي يا مافيا يسقسيها سع هي ويشوف رايها
​

 

[Mafia.dz]

ادا كانت سلفية ؟؟؟

قصدي ملتزمة


​

 

[nina@dz]

خاوتي حبيت نسقسي​

ادا واحد عجباتو وحدة بصح جامي حكى معاها​

اسكو يسقسيها الا تقبل تتزوج بيه​

ولا يروح ديراكت لدارهم ؟؟​

ممكن يبعث أختو تهدر معاها و تشوف رايها .......هكذا الطفلة تحس بالأمان و بلي راه ناويها للحلال و يكبر في عينها........هذا رأيي و شوف باقي الأعضاء واش ينصحوك خويا.

 

[sandoussa3000]

اني جييييييييييييييييييت

كاين بزاف حوايج ثاني حبيت نطرحهم وقلت نخلي حتان يروح عادل هكذا باه مايعلقش عليا بزاف كي يجي او يقراهم ان شا الله.

حابة نحكي على الاذن يعني كل مرة تخرج المرة لازم تدي اذن من باباها ومن خطيبها شيء عادي
لكن احيانا الوحدة منا تضطر تخرج وتنسى او ممكن يجي شي يخليها ماتخبرش الخطيب ،البنات حابة نسقسيكم اذا يصرالكم هذا الشي؟
وخاوتي الشباب لو خطيبتك نسات ماقالتلكش بلي خرجت هل تغضب؟
اتمنى تجاوبوني ودرك نرجع بعد الفاصل

اللهم ارزقنا القناعة
اللهم حببنا فى صلاة الجماعة
اللهم ذكرنا يا مولانا بالموت كل ساعة
اللهم احشرنا ياربنا مع النبى المصطفى (ص) صاحب الشفاعة
اللهم ارزقنا الاخلاص فى العبادة والقول والعمل...اللهم امييييين

قولو اميييييييين


​

 

[Mafia.dz]

ممكن يبعث أختو تهدر معاها و تشوف رايها .......هكذا الطفلة تحس بالأمان و بلي راه ناويها للحلال و يكبر في عينها........هذا رأيي و شوف باقي الأعضاء واش ينصحوك خويا.

هوما ثلاث رجال خاوة ماكانش الطفلة

و الوالدة كبيرة في العمر

عرفها في الجامعة

يعني لازم يحكي معاها

لأنو ما يعرفش دارها

و كي قلنالو تبعها

قالنا لالا تعود تشوفني و تكرهني قبل ما نحكيلها و ترفضني ادا نخطبها


​

 

[Moha le sage]

عدنا من جديد

ان شاء الله نحكو في امور تفيدنا جميعا



رجاء لا تحرجونا ... يوجد الرسائل الخاصة للمحادثات
و اللي ما ماكفاتوش يحكي في سكايب

الموضوع باين علاواش طرحناه


​

 

[sleepingbeauty]

يعطيكم الصحة موح و بولي على هاد الموضوع المفيد ديرولي بلاصة انا تاني راني حابة نشارك فيه بما انني مخطوبة عندي بزاف حوايج حابة نناقشهم معاكم لي رجعة​

 

[zineb92]

*** لااله الا الله محمد رسول الله ***

 

[Moha le sage]

يعطيكم الصحة موح و بولي على هاد الموضوع المفيد ديرولي بلاصة انا تاني راني حابة نشارك فيه بما انني مخطوبة عندي بزاف حوايج حابة نناقشهم معاكم لي رجعة​

اهلين خولة

راه نور الموضوع بيك ... و يخي قتلك نتي و نجلا عقلية وحدة ..

المهم نستناو في الرينيون تاعنا من جديد ..عندي انا ثاني امور حاب نحكي فيها

هيا البونسوار عليك
​

 

[هــــيلدا]

راني نستنا في الموضوع الجديد للي نناقشوه،،
​

 

[Moha le sage]

راني نستنا في الموضوع الجديد للي نناقشوه،،
​

مورالي محبش يتعدل خلاص ...وزيد المشاكل ...راه راسي مبلوكي ..قاعد غير نحل و نغلق في الصفحات


ان شاء الله من غدوة نكملو .. و كامل عتدنا مواضيع و استفسارات يا اسرا .. و نحاولو نفهمو من بعضانا كامل
​

 

[zineb92]

اقدمــ اعتذااااااري لكل الاعضاااااء المشااركين في هذا الموضوع
السمااااااح ثم السماااااااااااح ثم السمااااااااااح
ماكانش قصدي نجرحكم ولا....؟؟؟؟
كنت نضحك معاكم برك ....
ايا السلام عليكم ورحمة الله وبركاته ...
ادعولي بالتوفيق انا في فترة الامتحانات ..​

 

[Moha le sage]

اقدمــ اعتذااااااري لكل الاعضاااااء المشااركين في هذا الموضوع
السمااااااح ثم السماااااااااااح ثم السمااااااااااح
ماكانش قصدي نجرحكم ولا....؟؟؟؟
كنت نضحك معاكم برك ....
ايا السلام عليكم ورحمة الله وبركاته ...
ادعولي بالتوفيق انا في فترة الامتحانات ..​

السماح زينب ما صرا والو

حنا ثاني مفهمناكش ..كان عمبالنا وحدة متكبرة وجات تبين في روحها

بصح ظهرتي انسانة مليحة و بينتي نيتك

و المسامح كريم ...نتي ثاني سامحينا على سوء الفهم

و اكيد يزيدو يجو لخرين و يسامحوك

ورانا عايلة وحدة و كامل نغلطو ونسامحو بعضانا


وربي يوفقك في الامتحانات




خوك الكبير محمد
​

 

[هــــيلدا]

المسامح كريم حبوبتي

مرحبا بيك معنا،تقدري تثري نقاشاتنا
​

 

[جزائرية واعشق بلدي]

نشكركم بزاااااااااف على هذا الموضوع مع انني لست مخطوبة لكنني استفيد كثيرا واتعلم منكم
صديقتي مخطوبة وتسالكم وتقول انا مخطوبة مع رجل متعلم ومثقف اكثر مني بكثيييييييييير هل يمكن ان يحدث معنا بعد الزواج مشاكل لانني توقفت عن الدراسة في سن مبكرة علما انه يحبني واريد ان اعرف هل بعد الزواج يمكنه ان يتغير انا متطلعة على الاحداث يعني لست بجاهلة مئة في المئة لكنني لست متعلمة واحيانا يتكلم معي بالفرنسية وانا لا افهم لكنني استحي ان اقول له انا لا افهمك :heh:اريد منكم الجواب بسرعة

 

[POLIYANA]

نشكركم بزاااااااااف على هذا الموضوع مع انني لست مخطوبة لكنني استفيد كثيرا واتعلم منكم
صديقتي مخطوبة وتسالكم وتقول انا مخطوبة مع رجل متعلم ومثقف اكثر مني بكثيييييييييير هل يمكن ان يحدث معنا بعد الزواج مشاكل لانني توقفت عن الدراسة في سن مبكرة علما انه يحبني واريد ان اعرف هل بعد الزواج يمكنه ان يتغير انا متطلعة على الاحداث يعني لست بجاهلة مئة في المئة لكنني لست متعلمة واحيانا يتكلم معي بالفرنسية وانا لا افهم لكنني استحي ان اقول له انا لا افهمك :heh:اريد منكم الجواب بسرعة

انا في رايي كي تكوني ماش قارية بالصح متقفة يعني نورمال ماراكيش مبلوكيا وتقدري تتوانسي معاه في مواضيع جدية وخاصة كي يعود عند تفكير مليح وبعد نظر...... اي والله ساعات تلقاي وحايد قاريين وهوما والله مايعرفو يتناقشو في اي موضوع وراهي ماجاتش فالفرونسي يا ختي نورمال نهار تتزوجو ماراحش يحكي معاك بيها فالفترة هادي برك ساعات يلوح كلمات..كي عاد يحبك نورمال
وكون جا معارض فكرة انك ماش قارية كون ماحبكش وماتقربش منك .. هدا رايي وتقبليه :wink:

 

[Voyage dans un rêve]

نشكركم بزاااااااااف على هذا الموضوع مع انني لست مخطوبة لكنني استفيد كثيرا واتعلم منكم
صديقتي مخطوبة وتسالكم وتقول انا مخطوبة مع رجل متعلم ومثقف اكثر مني بكثيييييييييير هل يمكن ان يحدث معنا بعد الزواج مشاكل لانني توقفت عن الدراسة في سن مبكرة علما انه يحبني واريد ان اعرف هل بعد الزواج يمكنه ان يتغير انا متطلعة على الاحداث يعني لست بجاهلة مئة في المئة لكنني لست متعلمة واحيانا يتكلم معي بالفرنسية وانا لا افهم لكنني استحي ان اقول له انا لا افهمك :heh:اريد منكم الجواب بسرعة

السلام عليكم
شوفي اختي انا نجاوبك من وجهة نظري؟؟ كاين بزاف ناس يخمو في الفارق تع القراية بين الخطيبين و لكن القراية مالازمش تكون المقياس الوحيد.. لازم الانسان ( مراة او رجل) يكون قاري الدنيا و يفهم امور الحياة ( و يقولك اعطيهولي فاهم و الله لا قرا)
كاين بزاف حكايات في هذا الموضوع..كاين القاري و يقولهم نحبها قارية
و كاين الماشي قاري و يقولهم مانحبهاش قارية باسكو تتكبر عليا
و كاين حتى القاري و يقولهم مانحبهاش قارية
و كل واحد عندو وجهة نظرو..تبقى مسالة قناعات و مكتوب
اما مسالة ماتفهمش عليه على حساب ما فهمت خاطبين جديد؟ باسكو بالولف نورمالمون يزول المشكل اذا كان هو حبها و هو لي خيرها
ربي يهنيهم و يكمللهم بالخير

 

[POLIYANA]

اهلين خولة

راه نور الموضوع بيك ... و يخي قتلك نتي و نجلا عقلية وحدة ..

المهم نستناو في الرينيون تاعنا من جديد ..عندي انا ثاني امور حاب نحكي فيها

هيا البونسوار عليك
​

شكون الي كيفي فالعقلية :yahoo: ايا مليح مالا رانا نتفاهمو كي نحكيو :yahoo: :u_pc:
كي تدخلي معانا هنا فالنقاشات راني نشوف عقليتي فيك هههههههههههه ​

 

[عفاف الجزائرية]

سلام عليكم نتمنى انكم تكونو بخير وان شالله تكون نقاشات في الموضوع فقط
انا عندي اقتراح لاثراء الموضوع اكثر كل يوم نحطو مشكل او فكرة ونتناقشو فيها وناخذو اراء الكل
​

 

[POLIYANA]

سلام عليكم نتمنى انكم تكونو بخير وان شالله تكون نقاشات في الموضوع فقط
انا عندي اقتراح لاثراء الموضوع اكثر كل يوم نحطو مشكل او فكرة ونتناقشو فيها وناخذو اراء الكل
​

هههههههههه واينك هدا يا عفوفة
باينة ماراكيش تطلي بزاف على الموضوع
يخي رانا هكدا نديرو
اول مشكل طرحناه هو السبب الاكتر شيوعا فالمشاكل بين الخطيبين واجمعنا انو البورطابل والقراطوي وكترة الهدرة فيه
وزدنا سقسينا على الحشمة بين المخطوبين
و خدمة المرا وادينا راي بنات مخطوبين ومتزوجين وتاني راي شباب حكماء هنا معانا فاللمة
وشحال من موضوع اخر ........
اقراي باه تعرفي راي الجماعة الي استنتجناه من كل مشكل :yahoo:
ماتهربيش بزاف ساعة على ساعة اضربي دورة :wink: