** فترة الخطــــــــــــــوبة و مشاكلها [{¤ moha le sage vs poliyana ¤}]

[ياسمين عنابة]

نقولك الصح هاذ الامور كامل ماهيش مشكل يعني النيفو والمال ولافامي..... ماعنده قيمة عندي الي يهمني فيه انه يحبني ويقدرني و يفهم علي ومتربي
وشي ثاني لازم يكون فيه اتصال بين الخطيبين فترة الخطوبة بالتلفون ولا بالزيارة المهم يخليهم يعرفو بعض بشرط ماشي ملي يتلاقاو نحبك نبغيك....... لا لازم يطرحو الحوايج الي ممكن تكون مشكل بعد الزواج
الشي الي مامنة بيه انه العقلية هي كلشي
مو ضوعك حلو ياسر تشكر عليه

 

[عفاف الجزائرية]

هههههههههه واينك هدا يا عفوفة
باينة ماراكيش تطلي بزاف على الموضوع
يخي رانا هكدا نديرو
اول مشكل طرحناه هو السبب الاكتر شيوعا فالمشاكل بين الخطيبين واجمعنا انو البورطابل والقراطوي وكترة الهدرة فيه
وزدنا سقسينا على الحشمة بين المخطوبين
و خدمة المرا وادينا راي بنات مخطوبين ومتزوجين وتاني راي شباب حكماء هنا معانا فاللمة
وشحال من موضوع اخر ........
اقراي باه تعرفي راي الجماعة الي استنتجناه من كل مشكل :yahoo:
ماتهربيش بزاف ساعة على ساعة اضربي دورة :wink:

والله يا نجلا اختي مانيش نقعدانا قصدي اليوم تحيو على مشكل
وغدا تفتتحو الموضوع بمشكل تاني
وبعده نفس الشي
الله يبعد علينا المشاكل
والان وين راكمواصلين وينا مشكل راكم تتحدثو عليه
​

 

[POLIYANA]

كان الموضوع مغلق لفترة يومين غلقو محمد مناه خرجو عن الموضع ورجع فيه توانيس
وليوم فتحو ويبدا نقاش جديد
هيا كاشما عندك مشكلة حطيها ​

 

[zineb92]

السماح زينب ما صرا والو

حنا ثاني مفهمناكش ..كان عمبالنا وحدة متكبرة وجات تبين في روحها

بصح ظهرتي انسانة مليحة و بينتي نيتك

و المسامح كريم ...نتي ثاني سامحينا على سوء الفهم

و اكيد يزيدو يجو لخرين و يسامحوك

ورانا عايلة وحدة و كامل نغلطو ونسامحو بعضانا


وربي يوفقك في الامتحانات




خوك الكبير محمد

اشكرك جزيل الشكر اخي الكريييييييييمــ ** محمد ** ربي يحفظك ..ويجبر في خاطرك ويقضي مافيه

المسامح كريم حبوبتي

مرحبا بيك معنا،تقدري تثري نقاشاتنا

اشكرك اختي هيلدا ..ربي يحفظك ويخليك لينا ..​

 

[Moha le sage]

نشكركم بزاااااااااف على هذا الموضوع مع انني لست مخطوبة لكنني استفيد كثيرا واتعلم منكم
صديقتي مخطوبة وتسالكم وتقول انا مخطوبة مع رجل متعلم ومثقف اكثر مني بكثيييييييييير هل يمكن ان يحدث معنا بعد الزواج مشاكل لانني توقفت عن الدراسة في سن مبكرة علما انه يحبني واريد ان اعرف هل بعد الزواج يمكنه ان يتغير انا متطلعة على الاحداث يعني لست بجاهلة مئة في المئة لكنني لست متعلمة واحيانا يتكلم معي بالفرنسية وانا لا افهم لكنني استحي ان اقول له انا لا افهمك :heh:اريد منكم الجواب بسرعة

بعد ما جاوبوك الخاوة نجلا و بسمة الي نشكرها على الدخلة تاعها ههههههههه راح نعطيك رايي

شوفي زعما حاشاك يقولي عليا مثقف وداخلها فرونسي و انقلي و انفورماتيك و الكترونيك و حايدي اللور .. بصح الصح مهوش لثم ..الصح كي يلقاها تفهمو و يرتاحلها

زيد بزيادة وش يدير بالفرونسي :u_pc: و علاش راه يحرج فيها ؟ بصح مدام مقالتلوش راه يقدر يعرف لروحو ..

ذرك نعطيك مثال ..الطفلة لي في ربع ساعة متقول حتى كلمة فرونسي اعرفي بلي خاطيها اللغات .. والطفلة الي في ربع ساعة تقول 100 كلمة فرونسي هاذي خاطيها الزواج

المهم نتي طرحتي القضية تاع النيفو .. و الثقافة تلعب دور .. و صاديبون هو وش راه يحوس

انا زعما جامعي و عندي ليسونس فرونسي داير نجيب وحدة جامعية .. بصح قابل بوحدة لحقت لتيرمينال و حبست .. ان شاء الله تكون بغلة في الفرونسي .. بعد الزواج نعلمها الفرونسي والميكروات :angel: ..المهم نرتاحلها و نلقى فيها وش نحوس .. زعما الحنانة و العقالة و التربية ..الخ

بصح منقدرش نجيب وحدة حبست في النيفو تاع السيام ..باسكو راح تعبني فكريا ... و نورمالمون هذا السيد اول كلمة يقولها كي يحكي مع الطفلة : لوين لحقتي في قرايتك .. وهاذي مافيهاش عيب باسكو تنحي بزاف مشاكل من بعد

المهم هذا رايي و كي تجي قولي لصاحبتك تفليكسيلي عشرين الف حق التعبة تاع الكلافيي :music_whistling: هههههههه

انشاء الله نكون جاوبتك .. ومناش علما بالغيب ولا عندنا الخبرة ..رانا مجرد ناس تحب تحكي و تمد رايها ..ربما يستفادو منو ناس

تهلاي في روحك

 

[Moha le sage]

نقولك الصح هاذ الامور كامل ماهيش مشكل يعني النيفو والمال ولافامي..... ماعنده قيمة عندي الي يهمني فيه انه يحبني ويقدرني و يفهم علي ومتربي
وشي ثاني لازم يكون فيه اتصال بين الخطيبين فترة الخطوبة بالتلفون ولا بالزيارة المهم يخليهم يعرفو بعض بشرط ماشي ملي يتلاقاو نحبك نبغيك....... لا لازم يطرحو الحوايج الي ممكن تكون مشكل بعد الزواج
الشي الي مامنة بيه انه العقلية هي كلشي
مو ضوعك حلو ياسر تشكر عليه

شوفي نقلك ..في الفترة الاولى لازم يمرو بمرحلة faire le plein تاع نحبك وتحبني ..يعمرو قلوبهم ..حتان يبردو شوي .. ميقدروش يحكو طول في الامور هاذي مهمش روبوات ..رايحين يحكو في الغرام حتان يعياو و يروح هذاك الشوق و يبداو يحكو في امور جدية .. تاع العرس و نتوما شحال في الدار وووش تعرفي تطيبي ..

هذا رايي طبعا ..ومعرف

 

[samira88]

و الله يا اسرا غير طليتيلي على قلبي

انا ذرك مثلا نروح نخطب وحدة متحجبة .. وزيد تقلي منوريلكش تصاوري بلا حجاب .. و ميحقليش نشوفها غير نهار نتزوج بيها .. وبلاك نلقى شعرها احرش هههههه و لا ميعجبنيش ..ماشي نطلق المخلوقة :santa_1: :no_1:

و من جيهة خرى متقدرش توريلي شعرها خطراش مش راجلها .. و الله هي قضية تحير ونا اصلا مزال مقريتش الحكم تاعها شرعا ... بصح بيني و بينك جامي نتزوج بوحدة مش شايف شعرها ..محال ..

كينين يقلك تروح الام ولا الاخت و تشوف .. بصح الحاجة هاذي ما تقنعنيش شخصيا

السلام عليكم بحسب رايي المتواضع انو ما يهمش تشوفه يقدروا الاخت و الام فقط يتاكدولك انو مليح بعد ان تعطيهم شروطك و كيفاش يلزم يكون لان الله لا يظلم يعني كان حللك تشوف شعرها لوكان كانت حاجة تغبن

 

[samira88]

مقدرتش نروح نرقد،،​

جيت نسقسيكم علا النظرة الشرعية،،​

كي يحب الراجل يشوف خطيبتو​

كيفاش يشوفها،، متحجبة ،، لالا،، الخ​

هاذي انا محيرتني،، يعني كيفاش يشوفها بلا حجاب،، ومن بعد متعجبوش يبطل​

السلام عليكم بالنسبة للشع لحاجة لي سور انو ما يازمش يشوفه المطلوب يشوف الوجه و الكفيين فقط فمثلا ادا كانت متنقبة تنزع النقاب ليرى الوجه اما الشعر فلا وانا سمعت عن عباد مداوش الفتاة لمجرد انها نزعت الحجاب و دخلت بدونه

 

[nawal1980]

يا لبنات اهم شيء هو الدين

 

[samira88]

هي شرعا يجوز يشوفها بلا حجاب..و الله اعلم
امالا و علاش سماوها نظرة شرعية؟

السلام اسفة لكن لازم التاكد من الفتاوى قبل وضعها
هي تصحله يشوفها بدون علمها مع نية الخطبة لكن بمعنى اللي عدنا يجي لدار ويشوفها يشوف الكف و الوجه
يعني شوفها ملبعيد وصاييي شوف لا كاين دي يعاونك انا هاكا قريت مي انها تدخل بدون حجاب فلا والف لا
انا جامي نحي الحجاب و دجا رفضت خطاب على هاد الموضوع ميحقلوش الله غالب واش ندير لاطاعة لمخلوق فيما لا يرضي الله

 

[nawal1980]

بارك الله فيكي اختي samira88على النصائح والتنبيهات

 

[samira88]

اهلا بسوم ومرحبا بيك معانا

قضية خرى مهمة بزاف ذكرتيها ..الصراحة ومعرفة كلش

الراجل كي يجي يتربط ..ما يتربطش مع وحدة مجهولة ..لازم يعرف عليها كلش

انا واحد من الناس كون نصيب نحكيلها حتى على لون البانتورة تناع الشنابر تاع الدار ..انا نحب نعرف كلش ..زيد بزيادة راح تولي مرتي .. و فامليتها نسابي .. وكي كا تحكيليش على دارهم و على روحها وكتاش تحكيلي بعد الزواج ؟؟ اصلا الواحد لازم يعرف كلش عليها ..

بالمقابل هي من حقها تعرف كلش عليا .. كيفاش عايش ومع من و قداش خاوتي و كيفاش نعقب يومي ... باسكو راح نولي راجلها .. والصراحة و معرفة الوضع الاجتماعي و حال العائلة راح يساهم في القضاء على مشاكل الزواج من هاذ الجيهة

ونا عندي المرا لي تخبي اي حاجة راها خايفة ولا معقدة .. خصوصا كون نعرف بلي خبات عليا حاجة ..بعد الزواج ..اكيد راح نغضب ..وكاينين رجال بزاف طلقو نساهم خطراش خباو عليهم امور بانولهم تافهين و هوما في حقيقة الامر حوايج لازم يعرفهم
[/QUOصح زوجها و ماتخبيش عليك مي صوالحها مي البيوت اسرار ما يلزمش تحكي كلشي كل عايلةوعندها اسرار وحت ربي امرنا بالستر ومتنساش كاين صوالح قادين يخليوك تقللالاحترام منهم يعني وكان كلما يداوسو ختها تقلك ..........لا يلزم يبقاو كل واحد في قدره انا وحدة جامي نقول سر دارنا وجامي نقول اسراره لدارنا هاكا يبقى كل واحد يحترم لاخر و في قدره

 

[samira88]

كل واحد كيفاه

كاينين اشخاص يهتمو انهم لازم يعرفو كل صغيرة وكبيرة على الخطيبة واهلها
وكاينين اللي ماهمهمش المهم هي بنت اصل واهلها لاباس عليهم ومتربيين
وتكون مناسبة للشروط
ويقول مبروك
وكاينين اللي يحبو يعرفو حتى شحال عندك اعمام وواش يخدمو ووين يسكنو
انا نظن هاذو ما عندهمش اي دخل بين العلاقة الزوجية
يعني الاستفسارات تدور في البيت العائلي بين عائلتها وعائلتو فقط
وكل واحد ورايو​

ايه انا راني معاك فالراي وفي بعض الامور لا تقال عن الزوج او الاب يعني كل واحد تحكملو سره حتى يبقى الاحترام فاين عاد عمها و خالها ماين وكبفاش حتى يدخلو فالسوجي

 

[Voyage dans un rêve]

السلام اسفة لكن لازم التاكد من الفتاوى قبل وضعها
هي تصحله يشوفها بدون علمها مع نية الخطبة لكن بمعنى اللي عدنا يجي لدار ويشوفها يشوف الكف و الوجه
يعني شوفها ملبعيد وصاييي شوف لا كاين دي يعاونك انا هاكا قريت مي انها تدخل بدون حجاب فلا والف لا
انا جامي نحي الحجاب و دجا رفضت خطاب على هاد الموضوع ميحقلوش الله غالب واش ندير لاطاعة لمخلوق فيما لا يرضي الله

السلام عليكم
الامر هادا بالذات اختلفو فيه العلماء و الله اعلم ( انا مانيش نفتي)..انا كان عمبالي يشوفها بدون حجاب امبعد كي قريت كاين لي قالوا مايجوزش و كاين لي اجازو..و الله اعلم

 

[Moha le sage]

السلام عليكم بحسب رايي المتواضع انو ما يهمش تشوفه يقدروا الاخت و الام فقط يتاكدولك انو مليح بعد ان تعطيهم شروطك و كيفاش يلزم يكون لان الله لا يظلم يعني كان حللك تشوف شعرها لوكان كانت حاجة تغبن

سلام ختي سميرة

انا هنا كنت نسقصي على الحكم الشرعي ...

و حبيت نصححلك .. يهمني نشوفو الشعر .. واذا متوفرش الشرط هذا نبطل الزواج



الجملة الاخيرة مفهمتهاش ...

مرحبا بيك معانا سميرة و نورتي الموضوع

 

[Moha le sage]

[/quoصح زوجها و ماتخبيش عليك مي صوالحها مي البيوت اسرار ما يلزمش تحكي كلشي كل عايلةوعندها اسرار وحت ربي امرنا بالستر ومتنساش كاين صوالح قادين يخليوك تقللالاحترام منهم يعني وكان كلما يداوسو ختها تقلك ..........لا يلزم يبقاو كل واحد في قدره انا وحدة جامي نقول سر دارنا وجامي نقول اسراره لدارنا هاكا يبقى كل واحد يحترم لاخر و في قدره

شوفي سميرة انا مقلتش يعرف كلش عليها .. حتى الامور الداخلية تاع العائلة ..بصح لازم يعرف حوايج تخصهم .. ومحكيتش على اسرار العائلة ..اكيد واحد ما يحكي فيها لا المرا لا الراجل ..حتان بعد الزواج و معرف اذا يحكو فيها ..

كل حاجة عندها حد ..و التعرف بين الخطيبين ثاني عندو حد .. بصح كاين رجال يحبو يعرفو كلش .. وكاين رجال ما يهموش خلاص .. والانسان يكون وسطي ..يعرف الضروريات برك ..

 

[نوال2010]

سلام ختي سميرة

انا هنا كنت نسقصي على الحكم الشرعي ...

و حبيت نصححلك .. يهمني نشوفو الشعر .. واذا متوفرش الشرط هذا نبطل الزواج



الجملة الاخيرة مفهمتهاش ...

مرحبا بيك معانا سميرة و نورتي الموضوع

صباح الخير عليكم :انادخلت لهذا الموضوع لقيت فيه 40 صفحة تقريبا يعني اكيد راكم حكيتوا في امور كثيرة تخص فترة الخطوبة وهاذي حاجة مليحة
قريت الردود الاخيرة برك
خويا محمد راح نجاوبك على سؤالك على شعر البنت مانيش نفتي بصح هاذا لكلام سمعتوا من عند امام الجمعة تاع الحي تاعنا وهوراهو دكتور في الشريعة يعني المصدر راهو موثوق
مرة تحدث على الخطوبة قال بلي المذاهب الاربعة كل واحد قال شيء على رؤية شعر المخطوبة
وفصل وقال فيه مذهب (نسيت انا مذهب حتى نكون معاكم صادقة)قال بلي الراجل من حقو انو يشوف شعر الطفلة بشرط تدخل الطفلة بالخمار واذا طلب منها يشوف شعرها تكشف على شعرها ويشوفو
ومذهب اخر قال الراجل يشوف الطفلة كيما تكون في حالة وهي تعجن في الكسرة معناها يشوف جزء من يديها وجزء من شعرها لانها راح تكون متعصبة وهي تعجن
وقال على العموم يشوف شعرها مرة وحدة برك وقت الخطوبة ومبعد اذا حب يشوفها في عيد ولا مناسبة يشوفها بالخمار
ونحب نزيدلك على قضية الهدرة في التلفون
الشيخ خالد المصلح مرة سقصاته متصلة من ليبيا في حصة فتاوى في قناة الرسالة قالتلوا يجوزلي نكلم خطيبي في التلفون
قالها يجوز بصح يكون من فترة لفترة وتكون الكلام تاعكم واضح يعني مشتعرفي جزء من شخصيتوا وما يكونش ليل مع نهار وحديث في الباطل ولازم يحترم وقت شغلك في الدار ولا في العمل .
نايا نقول فترة الخطوبة راهي فيها امور متشعبة مش كيما نهدرو كيما الواقع والشخص اللي يعقد النية اكيد ربي راح يسهلوا امور ه وقت خطوبته.وحتى لو صرت مشاكل وقتها يقدر يستدركوها كي يعودوا فاهمين بعضاهم لان ربي كي ينزل الرحمة والسكينة بيناتهم تتصلح كل الامور

اعطيكم الصحة خويا محمد واختي بوليانا على هذا الموضوع وضحتو قداش من امر
​

 

[sahiko hamza]

ساحوني ندخل معاكم من جديد
وراح نجيبكم مشكل ( انا خاطي على الخطاب ) كبير ومتوارث عند النساء


يقولو بلي المخطوبات قبل الزواج راهم عادي ( هات تتزوج برك )
ومن بعد الزواج وساديبون كان عادو زوج عرسان فالدار يعني نفس لادات
تعود فيها مشكل لأنو هذاك عندو التيلي ولخرى ماعدهاش
عنهدا كليماتي ولخرى مكانش

يبدى الحس ... الزقا ... لعياط ...
علاه ماتصربش علاه ماتقولش معليش موهيم في صلاح الحال

بيان سير مشي كامل مي كاين هاذ المشكل


​

 

[Moha le sage]

صباح الخير عليكم :انادخلت لهذا الموضوع لقيت فيه 40 صفحة تقريبا يعني اكيد راكم حكيتوا في امور كثيرة تخص فترة الخطوبة وهاذي حاجة مليحة
قريت الردود الاخيرة برك
خويا محمد راح نجاوبك على سؤالك على شعر البنت مانيش نفتي بصح هاذا لكلام سمعتوا من عند امام الجمعة تاع الحي تاعنا وهوراهو دكتور في الشريعة يعني المصدر راهو موثوق
مرة تحدث على الخطوبة قال بلي المذاهب الاربعة كل واحد قال شيء على رؤية شعر المخطوبة
وفصل وقال فيه مذهب (نسيت انا مذهب حتى نكون معاكم صادقة)قال بلي الراجل من حقو انو يشوف شعر الطفلة بشرط تدخل الطفلة بالخمار واذا طلب منها يشوف شعرها تكشف على شعرها ويشوفو
ومذهب اخر قال الراجل يشوف الطفلة كيما تكون في حالة وهي تعجن في الكسرة معناها يشوف جزء من يديها وجزء من شعرها لانها راح تكون متعصبة وهي تعجن
وقال على العموم يشوف شعرها مرة وحدة برك وقت الخطوبة ومبعد اذا حب يشوفها في عيد ولا مناسبة يشوفها بالخمار
ونحب نزيدلك على قضية الهدرة في التلفون
الشيخ خالد المصلح مرة سقصاته متصلة من ليبيا في حصة فتاوى في قناة الرسالة قالتلوا يجوزلي نكلم خطيبي في التلفون
قالها يجوز بصح يكون من فترة لفترة وتكون الكلام تاعكم واضح يعني مشتعرفي جزء من شخصيتوا وما يكونش ليل مع نهار وحديث في الباطل ولازم يحترم وقت شغلك في الدار ولا في العمل .
نايا نقول فترة الخطوبة راهي فيها امور متشعبة مش كيما نهدرو كيما الواقع والشخص اللي يعقد النية اكيد ربي راح يسهلوا امور ه وقت خطوبته.وحتى لو صرت مشاكل وقتها يقدر يستدركوها كي يعودوا فاهمين بعضاهم لان ربي كي ينزل الرحمة والسكينة بيناتهم تتصلح كل الامور

اعطيكم الصحة خويا محمد واختي بوليانا على هذا الموضوع وضحتو قداش من امر
​

صبااحك خير ختي نوال .. ونسيت نقلك مبروك عليك ..كنتي جدارمية وليتي بوليسية :yahoo: زعما لون العضوية

بارك الله فيك على المعلومات اللي عطيتيهملنا واكيد اراء تهمنا الجميع

هي من باب الحياء تجي مدايرة خمار و اذا طلب منها انا في رايي توريلو جزء من شعرها يكفي ..يعني شوية من القدام ..

ذكرتي في طريقتك انو يجي وهي تخدم ..مثلا تعجن في الكسرة .. ربما متكونش ساترة روحها ولا حاجة .. يعني واحد من العائلة يديه للكوزينة و يقلو هاهي شوفها ؟ شوية ما تصلحش العفسة هاذي ومعرف .. و بلاك في بلاصة مستعة ..زعما هي تكون تنشر في القش في الحوش و يدخلو المحرم هذا و يقلو شوفها ..يطل و يعاود يخرج .. من بعد يعاود يولي لما تكون دارت الخمار تاعها ؟ والله منعرف ..بصح بانتلي غريبة نوعا ما

كاين طريقة ثاني اخرى يديروها بزاف شفتهم وهنا نحكي على الظاهرة بلا تنيفيق ..

هي مثلا يروحو زعما لبيتزيريا زعما صالة عائلية ..لما تكون قاعدة هي وياه تدير روحها زعما سخنت و لا تعدل في الخمار .. ومن بعد تحلو و تهز شوي على شعرها كي شغل راه تعدل فيه ..في نفس الوقت لي خطيبها راه يشوف فيه .. وتعاود تلبسو .. وهو يكون شاف شعرها ..و بلا مات يطلب منها .. وهي تدير العفسة هاذي مرة وحدة .. بصح يبقى المشكل انها ماشي في الدار ..ومعرف اذا كان يجوز يشوفها و هي في غير دارهم ..

انا هنا ذكرت الطريقة ..الي شايفها .. و معرف

و بخصوص التلفون ..ناس يقلك محرم ..ونا نقول شكون هذا لي راه يفتي ؟؟

مثلا انا نحب نصقسيها على امور بزاف ..كيفاش راح ندير ؟ مكانش منها خلاص .. و الاامة كل واحد كيفاش يفتي .. المهم الانسان ما يطغاش في الحاجة ذيك و ما يكثرش منها و يعرف وش يقول ..


هذا رايي يا نوال ومرحبا بيك معانا ..

 

[Moha le sage]

ساحوني ندخل معاكم من جديد
وراح نجيبكم مشكل ( انا خاطي على الخطاب ) كبير ومتوارث عند النساء


يقولو بلي المخطوبات قبل الزواج راهم عادي ( هات تتزوج برك )
ومن بعد الزواج وساديبون كان عادو زوج عرسان فالدار يعني نفس لادات
تعود فيها مشكل لأنو هذاك عندو التيلي ولخرى ماعدهاش
عنهدا كليماتي ولخرى مكانش

يبدى الحس ... الزقا ... لعياط ...
علاه ماتصربش علاه ماتقولش معليش موهيم في صلاح الحال

بيان سير مشي كامل مي كاين هاذ المشكل


​

اهلا صايكو

نجاوبك من منظوري الخاص ..

الامور هاذي واحد ما يتحكم فيها .. والغيرة من طبع المرا ...

كاينين نسا طماعات و مايرضاو بوالو ... و كاين بزاف الي ما يهمهم غير السترة و يخطو المشاكل ..

و احسن حل الواحد يخلي مرتو بعيدة على عائلتو ..زعما يبني قدام الدار و لا عندو دخلة وحدو ... خطراش رايحين يكونو فيها مشاكل .. وهاذا الديفو مش تاع المرا .. ولكن تاع الراجل اللي جاب المرا ... اللي يقدر يجبد مرتو و يخلي قدرها عالي و ما يخليش خاوتو يدخصو عليها ..وهاذا في رايي الزواج المثالي