** فترة الخطــــــــــــــوبة و مشاكلها [{¤ moha le sage vs poliyana ¤}]

[POLIYANA]

هذا مقصودي أم ندى

أنا رايي الشخصي مرتي متخدمش
اذا كنت انا قد الحال و خدام و مكفيهم هي متخدمش
تقعد في دارها معززة مكرمة تخدمني و تخدم ولادها
ومنرظاش مرتي تتمرمد برا مع الغاشي على جال 2 صوردي
كرامتها و قيمتها عندي أعز من مال الدنيا كاااااااااااامل
راكم تشوفو برا وش صاير ف الترونسبور
و في الخدمة
من تحرشات وووووو

اما وقتاش تخدم هادي في حالة الراجل الله غالب مقدرش و ملحقش و شهريتو مش موصلة
معليش تخدم بشروووط تاني
انو تستحب الخدمة تاع الدار اولا يعني خياطة و لا دروس خصوصية اذا كانت استاذة
اذا مكانش هك معليش تشوف خدمة برا
​

هدا راي مليح
واصلا لازم هكدا باه يعيشو ويعيشو ولادهم في حياة لاباس بيها
كي تعود المرا بديبلومها علاه تخبيه فالخزانة وهيا محتاجة الدورو
نتا حكيت من باب مليح وهيا خوفك على مرتك وقدرها وقيمتها خاصة انو الدنيا فسدت برا ربي يسترنا :surrender:​

 

[هــــيلدا]

محمد قول لأم ندى تشوفلك وحدا من جماعة المطبخ وخلاص ههههه

جماعة وينكم
راني سألت على مرحلة الخطوبة و مدتها؟

​

تاع الطبخ كامل مزوجات:scared:

نعطي رايي في مدة الخطوبة،،

انا نقول بين 8 اشهر وعام،،
هي مايش مليح تكون قليلة باش الراجل يقدر يعرف الموصيبة هاذي للي راح يعيش معاها كيفاش مدايرة
وهو تاني يخرجلها علا العقلية،،

وثاني مايش مليحة تطول بزاف، راح تخلق روتين ويوليو يعرفو علا بعضاهم الصغيرة ولكبيرة وتولي حافظة راجلها قبل مينطق:no_1:
​

 

[POLIYANA]

ما فهمتنيش يا عدولة

ماشي نسقصي على خالها وش يخدم و شحال في عمرو ومعرف واش .. وزيد بزيادة راني نكون صقسيت عليهم ..هاذي باينة ..بصح مش نبدا نديرلها اونكيط ..نخلي الحكايات هاذو يجو تلقائيا ..فهمتني

و حاجة باينة تسقصي على فاميلتي ونصقسي على فاميليتها .. وكون يعودو فاميليتي فيهم محابسية و لا ارهاب .. مش خدعت الطفلة ذيك ..

الوقت هذا الانسان يحوس على الهنا .. و يشري فيه بالدراهم

يا محمد خويا راك تشري فالهنا بالدراهم وماتلقاهش في هدا الوقت يعني لازم العبد يعرف حوايج بزااااااف قبل مايدير خطوة مصيرية كيما هكدا وهادي حياة ماش لعبة ومبنية على قرار تديه فالفترة هادي ولازم لازوم يكون صائب مهما يصرا... بالصح كيما قلت هادو الامور يجيو في سياق الهدرة برك ماش تديرو عليه سوجي طويل وعريض ويخلص بمشكلة :busted_red:

 

[عفاف الجزائرية]

انا نعرف واحدة 5 سنين وهي معاه و 3 سنين مخطوبين
كي لحقت ليه لحق فاهمة السيستام ولحقت سامطة يعني فاهمها وفاهماتو
استناو نكمل الغدا ونجي نتفاهمو والله درتولي دودة في الراس بهذا الموضوع
اللي عندو سوال من بعد يسقسي العجوز عفاف
​

 

[Moha le sage]

السلام عليكم و رحمة الله وبركاته



موح و ندا سمنو ؟؟؟

سي سير من الزلابية​

علابالك درت تحديث للصفحة تلاث مرات وماراحتش .. كنت نكتب درت رد لقيت اسمي سمن :scared: :u_pc: قعدت نقول وش هاذ الصوق :scared:

راهم يوكلو فينا مليح ههههههه


نوليو للقضة و خلونا من الردود الجانبية و الشياخات :busted_red:

 

[هــــيلدا]

أقصر طريق لقلب الرجل هي معدته
:music_whistling:

​

:sneaky2::sneaky2: هذاك متعرفو:sneaky2:

علا هذيك راني نتعلم علا زهري :heh:

كون غير يرزقني ربي بواحد ياكل مرة في النهار،، يا يتغدا يا يتعشا:yahoo::yahoo:
​

 

[POLIYANA]

نرجعو لرأي الباتنية هاديك مش حاب نقول اسمها هههههههههههه
قالت انا مقريتش باش نقعد فالدار قريت باش نخدم
انا نقلك حاجة وقولي قالهالي عادل البسكري
*****************************
قريتي باش تديفلوبي النيفو تاعك
قريتي باش تحصني روحك
قرتيي لأنو ربي قال :
<< إقرأ باسم ربك الذي خلق>>
صدق الله العظيم
قريتي باش تحصني روحك من الدنيا اللي ولات صعيبة و باش تكوني مثقفة و واحد ميقدر يخدعك ولا يبتزك


ومقريتيش باش تخلي دارك
ومقريتيش باش تخلي ولادك عند الجيران يربوهم
ومقريتيش باش راجلك يكون مشتاق لقمة سخونة طايبة من يديك
ومقريتيش باش راجلك يكون محوم انو يدخل للدار يلقاك مزينة و تستناي فيه بكلمة حلوة
مش يجي يلقاك داخلة معاه هاداك وين وشعرك مشبشب و حالتك حالة
متقعدو متقصرو ما تحكو
*************************
وش رايك تخدمي ؟:music_whistling:
​

شوف عادل نقولك حاجة هدا كلامك راهو صحيح الف بالمية وعلابالنا حنا البنات انو هدا راي الرجالة كاااااااامل بالصح كيما قلت في ردك من قبل الخدمة هادي تاع المرا حاجة زايدة وصاديبون على معيشتها مع الراجل كيفاه تكون وتما تقدر تقول خدمتها ضرورية ولا لالا.

 

[nada242008]

مرحبا بالاخ عادل
اول مشاركة ليه كانت مميزة
***************************************
المشكل رقم :2
وش رايكم
في مدة الخطوبة؟
كاين الي يطولها و كاين الي يقصرها
رأيي الشخصي:
6 اشهر كحد أدنى
عام كحد أقصى
​

مدة الخطوبة على حساب الظروف اذا كانت الطفلة تقرى ولا ساعات الظروف المادية تكون عائق
بالنسبة ليا تخطبت ومازالي عامين قراية وراجلي ثاني كان يقرى
بعدما خلصت القراية تزوجت بعد شهرين
بصح كل ما تطوال تسماط وتبسال وتكثر المشاكل

انا حاب نسقصي على الطياب وخدمة الدار :

كاين بنات فحلات الله الله عليهم ..يماهم مولفتهم القفازة و الشطارة يطيبو و يعرفو للميناج ... وكاين نوع من البنات تلقايهم مش موالفات ..يعني يماهم هي اللي تطيب
الام القافزة تحاول تدخل بنتها للكوزينة من صغرها
نشفى على روحي نحط بنك باش نوصل للبوطاجي ونغسل الفناجل
ذرك مثلا انا حياتي كامل ونا نستنا وكتاش نتزوج باش مرتي تطيبلي الانواع لي نحبها .. وهاذا من حقي و منيش مكراش ولا ساقط ..بصح كي مثلا نلقى وحدة متكونش تحب الطياب .. و خاطيها الشي هذا .. هل يمكن تتبدل بعد الزواج ؟؟
الطياب هواية مش خدمة واللي تحب الطياب تتعلموا حتى ولو تعلمت وهي كبيرة

يعني لي تحب تطيب راها بالينة بلي تهني راجلها و ترضيه ..بصح اللي متحبش تطيب كيفاش الحل معاها ؟ نولي نحتم غليها بعد الزواج و هي متحبش و نولو ندخلو في مشاكل ؟؟ ولا مش راح تتبدل زعما و يشوف الواحد وحدة تحب تطيب ماشي تحس روحها محتمة عليه .. وكاين فرق كبير بينهم في زوج
من اللول فهمها تحب المرا اللي تقوم براجلها وتتهلا فيه وتطيب كل حاجة اللي يحبها وتفاجئو بيها
والطياب حاجة لازمة في الزواج يعني بلا ما تحتم عليها تنوض تطيب

زيد بزيادة مثلا انا نحب ناكل انواع الكسرة و الخمير .. يعني العجين ... كيفاش الحل ؟ نورمالمون هاذي خدمة الام هي لي تعلم بنتها باش نهار تتزوج تقوم براجلها ..ماشي تجي لراجلها ما تعرف تدير والو .. و زيد متحبش تعجن باسكو كانت حرة ولا كالنت يماها لي تعجن
كل تربينا على هذي الطيابات والكسور وهي جزء من تقاليدنا
تبانلي ماكانش دار ما يطيبوش الخميرة وخبز الدار والمطلوع
مش شرط حتى اللي ما تعلمتش من قبل تتعلم في دارها علجال راجلها واولادها
انا واحدة من الناس عمري كل وانا نقرى وزيد عشت في اقامة جامعية ومن الجامعة لداري
ما طيبتش بزااف في دارنا غير شهر قبل الزواج وكان شهر رمضان


كينين اطباق بزاف و حوايج تتعلمهم المرة كي تجي لدار راجلها ..سيرتو كي يكون مش من نفس المنطقة ذيك ..يعني تتعلم طياب المنطقة ذيك .. و هاذي حاجة مافيهاش عيب ...بصح لازم تكون الطفلة قافزة و فحلة ..ماشي فنيانة و لا موالفة تتكل على خرين
على حساب المرا انا واحدة من الناس كل يوم نجرب حاجة جديدة والحمد الله عندي راجل مش شراط ياسر اللي نديرها تعجبوا
بصح كي كنت في دارنا كون نعول ندير حاجة جديدة نخاف يديرولي حس كبير وماتعجبهمش
يعني كاين اذواق سهلة وكاين اذواق صعب ارضاءها

بيناتنا نموت في اللي تقلي محمد نهار نتزوجو نطيبلك وش تحب ......... ماشي خطراش تاع كرشي ..مي خطراش نلقى وحدة تطيبلي وش نحب بعدما اديتها وقت ناكل وش يطيبو في الدار
معظم الرجال يخموا كيفك
ويسناو بعد الزواج وين تعود مرتو تطيبلوا واش يتمنى ووقت ما يحب
كنت عروسة سمانة لولة كل وانا نسلك واش وعدتو وقت الخطوبة
النهار اللول مطلوع والثاني شخشوخة والثالث وروحقاعد متفكرلي واش قلت كامل

لالا صح صح ام ندى
انا وش حنولي ؟؟ معلمة
ان شالله راح نكمل الدوكتراة و نقري فالجامعة
ساعات الجامعة مش بزاف بالنسبة للغات
ان شالله نقدر نوفق بيناتهم
و ان شااااااااالله نلقا خدمة​

اكيد يا ريما ان شاء الله تنجحي وتكملي دراستك وتوفقي بيناتهم
هاتي تطيحي في الراجل اللي يقبل برك
كاين اللي ما يقبلش حتى خدمة ساعتين في النهار:wink:

 

[عفاف الجزائرية]

:sneaky2::sneaky2: هذاك متعرفو:sneaky2:

علا هذيك راني نتعلم علا زهري[/size] :heh:

كون غير يرزقني ربي بواحد ياكل مرة في النهار،، يا يتغدا يا يتعشا:yahoo::yahoo:
[/u] [/center]

كون نقللك حاجة يا هيلدا تضحكي عني انا نهار وطول وانا نقوللهم في الفطور نطيبلو في الغدا نطيبلو في القهوة نتاع العشية نطيبلو وفي العشا نطيبلو وكل مرة ننوعلو
قاتلي اختي بعد عام من زواجكم تروحو للرابح الاكبر
​

 

[Silent Hill]

السلام عليكم و رحمة الله وبركاته

اخي الشهبندر

موضوع مهم يا ريت تطل عليه

للأخت ام ندا

بسم الله​

 

[Silent Hill]

السلام عليكم و رحمة الله وبركاته

موحال هادي ههههه

وتروحوا للرابح الاكبر مكاش مشكل

المهم تروحوا وانت رابحين قلوب بعاكم

ربي يكمل بينكم بالرحمة و المحبة

و يرزقكم ولاد لحلال الصالحين​

كون نقللك حاجة يا هيلدا تضحكي عني انا نهار وطول وانا نقوللهم في الفطور نطيبلو في الغدا نطيبلو في القهوة نتاع العشية نطيبلو وفي العشا نطيبلو وكل مرة ننوعلو

قاتلي اختي بعد عام من زواجكم تروحو للرابح الاكبر
​

​

 

[هــــيلدا]

كون نقللك حاجة يا هيلدا تضحكي عني انا نهار وطول وانا نقوللهم في الفطور نطيبلو في الغدا نطيبلو في القهوة نتاع العشية نطيبلو وفي العشا نطيبلو وكل مرة ننوعلو
قاتلي اختي بعد عام من زواجكم تروحو للرابح الاكبر
​

:scared::scared: هذا اذا قبلوكم،،
شفتي فوفة قبل الزواج توعديه ببزاف حوايج،، وقادرة بعد الزواج تحصلي ومتقدريش توفقي،،

الحق منيش راح نوعدو،، ونقولو الحاجة للي قدرني عليها ربي منيش راح نبخل راجلي:wink:
​

 

[nada242008]

شوفي ندوشة انا رايي معقول،،
اذا ارتبطت بواحد يكون امورو المادية معقولة،، يعني هو مكفيني،،
تولي معندها حاجة للخدمة،، نبقا في داري أحسن لي،، وبشهادتي ومفيها والو،،
لكن
اذا ارتبطت بواحد يكون ماديا ناقص،، وكاين عرض باش نخدم،،
راح نخدم ونعاونو لان الاسرة تحتاج التعاون من الطرفين،،

وراح نحاول نوفق بين الخدمة والدار،،
هذا الراجل للي ديتو أكيد يحب كي يروح يلقا مرتو معدولة تستنا فيه،، ميلقاهاش هداك وين دخلت مبهدلة أكثر من حالتو

وهادي الهدرة تاع المرا يقتلها الروتين في الدار والوحدة وخصوصا اذا كانت في دار وحدها وبلا ولاد،، نتناقشو فيها في وقت الصح:closedeyes:

ايا منيش قاعدة نروح نوجد لغدا
وكي نرجع راني نتفلسف اكثر

وراني شاوية ونص
​

كيما قلت يا سرسورة
اذا كانت اموركم المادية مكفية وعلاه تشقي روحها المرا
تعرفي كي خدمت حسدت روحي
قلت بيني وبين روحي كنت كالسلطانة في داري
منظمة روحي بين الطياب والقضية وبنتي وكلش في الوقت ومع اللمة
بصح كون تحتم عليا نخدم لازم بروقرام جديد وقاوي ومنظم وهذا اكيد بعد رضاية الزوج
اهم حاجة هو التفاهم بين الزوجين
صح غداك يالشاوية ونص الحرة:surrender:

 

[Moha le sage]

يعطيك الصحة اسرا ..هذاك هو السر

الحب مهوش كلش ..و بعد الزواج اهم حاجة ترضي الراجل هي الطياب

كاين حتى كي يتهاوشو تدير لراجلها طبق تلقاي ريوقو يسيلو عليه .. و من بعدها يولي يترونجا معاها


في دارنا ديما كل منقولها هذا الطياب سامط ..يقولولي نهار تجيب مرتك قلها تطيبلك البنين .. و عندهم الحق و عندي الحق كي نحكي هكذا ...


يا ام ندي يسمى حبيتي تفهميني بلي كي تكون المرا مش متعلمة تطيب تقدر تتعلم في دار راجلها .. وهاذ الشي نورمال ..انا نحكيلك على اللي تكره تطيب .. و عهلى الي تتفنين ..هل بعد الزاج تولي تحب تطيب ؟ ولا تولي تخاف من راجلها و تطيب ؟؟



عفاف رانا نستناو فيك ارواحي و هاتي الغدا معاك ههههههههه

 

[nada242008]

كون نقللك حاجة يا هيلدا تضحكي عني انا نهار وطول وانا نقوللهم في الفطور نطيبلو في الغدا نطيبلو في القهوة نتاع العشية نطيبلو وفي العشا نطيبلو وكل مرة ننوعلو
قاتلي اختي بعد عام من زواجكم تروحو للرابح الاكبر
​

فكرتيني يا عفاف
كي كنا مخطوبين كان يقولي راني نسنى في طيابك وانا عمري ما وعدت غير ان شاء الله في فمي برك
بصح ضرك راهو كره قالي بركات من الطياب راهو يدير في الريجيم من ماكلتي
عاد يتهرب ساعات ما يتغداش وساعات ما يتعشاش
المهم درت اللي عليا حتان كرهتو في الماكلة
عاد يوصي كان راح تشري حوايج القاطو نقطع عليك المصروف:scared:
نهار اللي شريت الغربال دارلي حس كبير
بركاينا من الطياب
يعني والله تبدل 180 درجة
بعدما كان خايف ياكل ماكلة الغدا هي العشا:yaw:

 

[POLIYANA]

تسما رانا متفاهميــــــــــن
:yahoo:
مليح


راكي روطار زيدي فالفيتاس شوي ههههه
رانا في مدة الخطوبة ظرك
​

يوووووووووووووووووووووووووووووووووووووه رقدت البارح بكري كي غلبت لقيت روحي ماش غير روطار
راني نجري ومالحقتش

ستووووووووووووووووووووووووووووووووووووووووووووووووووووووووووووووووووووب

استناو نفرزو الموضوع باه مايوليش صوق
ضرك حنا حكينا فاللول على البورطابل وفرزناها وقلنا نعرفو نستعملوه باه نديو ايجابياتو ونخليو سلبياتو والشي الي زاد عن ده انقلب الى ضده
وزدنا حكينا على الخدمة وقلنا القرايا والديبلوم ملاح للمرا باه تحصن روحها وتخدم بيه في وقت الشدة وعلى حساب خدمة الراجل ومانديروش خدمة المرا حاجة ضرورية ولازمة مناه كاين اللازم كتر منها وهيا عايلتها وولادها وراجلها...
قولو هيه .....
وضرك افرزو روحكم نحكيو على فترة الخطوبة ومدتها ولا عاى الطياب وخدمة الدار :yahoo:​

 

[هــــيلدا]

رانا نحكيو علا الطياب بوليانا ونرجعو لمدة الخطوبة،،
​

 

[هــــيلدا]

المهم درت اللي عليا حتان كرهتو في الماكلة
بعدما كان خايف ياكل ماكلة الغدا هي العشا:yaw:

:thumb_up2::thumb_up2: منكم نتعلم:yahoo::yahoo:
​

 

[nada242008]

يا ام ندي يسمى حبيتي تفهميني بلي كي تكون المرا مش متعلمة تطيب تقدر تتعلم في دار راجلها .. وهاذ الشي نورمال ..انا نحكيلك على اللي تكره تطيب .. و عهلى الي تتفنين ..هل بعد الزاج تولي تحب تطيب ؟ ولا تولي تخاف من راجلها و تطيب ؟؟



عفاف رانا نستناو فيك ارواحي و هاتي الغدا معاك ههههههههه

اللي تكره تطيب والله غير نحير فيها
يعني لازم يكون في اي مرا كيما غريزة الامومة لازم تكون غريزة الطياب معاها
نعرف وحايد كانوا يكرهوا الطياب وبعد الزواج تحتمت عليهم ولاو يطيبوا وخلاص
بصح الحق الحق طيابهم مش بنين:bored:
هنا راني نحكي على اختي من صغرها خاطيها الطياب وضرك كي تحتمت عليها تطيب بصح ماكان ماكان
تدير في الواجب وخلاص

 

[POLIYANA]

رانا نحكيو علا الطياب بوليانا ونرجعو لمدة الخطوبة،،
​

ههههههههههه خلاص مالا راني معاكم ..
يا ختي مانجي ندير رد ونعبر على شعوري في حاجة نلقا الموضوع زاد بصفحتين
ماشاء الله ربي يبارك علينا ههه :yahoo: