- إنضم
- 16 مارس 2009
- المشاركات
- 6,025
- نقاط التفاعل
- 16
- نقاط الجوائز
- 1,017
صحيتو خاوتى و حبابى و جيرانى
واش راكم ؟ لاباس ؟ بخير ؟ أنتيخ ؟ الصحة لاباس ؟ الوليدات ملاح ؟ الدار كل لاباس ؟
الحمد لله
موضوعنا اليوم كيما راكم تشوفو من العنوان :
& القنوات الفضائية &
ما يخفاش عليكم بلى الشعب تاعنا راه مركز على التلفاز أكثر من حاجة أخرى و يعتبر بالنسبة ليه من الأساسيات فى بيتو و فى حياتو ككل .
يعنى كل فرد تقريبا ما يقدرش يتخيل دارو بلا تليفيزيون
طبعا لما فيه من فوائد بغض النظر عن البلاوى الزرقة لى موجودة فيه :wink:
و الشيء ليلفت الانتباه أنو الشعب الجزائرى لا يبالى و لا يكترث بقنواتنا الجزائرية طبعا السبب معروف على خاطر رانا نشوفو فى برامج ما عندها حتى معنى و مقدمين حدث و لا حرج اضافة الى الجودة تاع الصورة تقول راك تتفرج على فيديو 3GP تاع بورتابل يسمى من الآخر القناة تاعنا ما فيها والو لهذا اختار لها الشعب تسمية
( قناة اليتيمة )
و بغض النظر عن قناتنا التى لا يحسد عليها
نشوفو فى المقابل بلى كاين قنوات بزاف راه يتابعها المواطن الجزائرى العادى لأنها تلبى متعة المشاهدة للمشاهد
كاين لى يحب السبور تلقاه يدور الجزيرة سبور هادى تنس و هاذى الغرافة و أم صلال و هاذى أخبار المونديال
كاين لى يحب السياسة تلقاه ناصب الجزيرة و لا العربية
كاين لى يحب الأكشن تلقاه يدى و يجيب هذا فان دام فى Mbc2 و هذا تارميناتور فى Mbc Action و هذا بريداتور فى Fox Movies
و كاين لى يحب الكوميك و توم جيرى ما يلقى غير سبايس تون
و كاين لى يحب باب الحارة ما علاباليش وين يفوتو فيه جامى تفرجتو رانى غير نسمع الناس تحكى عليه
و كاين لى يحب يرقى روحو و يريح و يرتاح و يسمع لمحاسن القنوات و هي المجد اقرأ العفاسى الى غير ذالك
و كاين و كاين و كاين ... ما نقدرش نذكرلكم النيل سات كامل
المهم نرجعو ليك أنت كمشاهد :
* هل انت راض على ما تقدم هذه القنوات ؟
* هل ترى نفسك تستفيد من هذه القنوات ؟
* ما هي القناة التى برأيك يجب أن تحدف من القمر الصناعى الذى تشاهده ؟
* بصراحة ما هي القنوات التى تشاهدها اذا فتحت التلفزيون ( ما تحشموش يعنى اذا راكم تتفرجو فى قنوات مصرية و لا لولاد يتفرجو على مهند و نور و لا لبنات يتفرجو على الكوميك قولولنا نورمال )
فى انتظار ردودكم لكم فائق التقدير و الاحترام
من أخوكم Messi Bomb ( أسامة )
_o:
