السلام عليكم ورحمة الله وبركاته
اعرفكم بنفسى انا اسمى فاطمة من صعيد مصر بحب جزائرى لا مش بحبه انا بعشقه وبموت فيه بيحضر ماجستير فى مصر بيقضى 3 شهور فى مصر و3 شهور فى الجزائر باستمرار
يمكن انا مش عارفه اتكلم ولا اقول ايه يمكن الكل يجى عليه ويقولى غلط بس كل اللى اعرفه انى لما حبينا بعض نسينا كل حاجه اعجبت بشخصيته وثقافته وأدبه حبيت منه الجزائر وحب منى مصر وعلى فكره ان مصرية حتى النخاع وفكره ان الواحد يحب واحد من جنسيه اخرى مهما كانت كانت دايما بعيده عن دماغى لغاية ما شوفته حلمنا سوا نكمل الموضوع حلمت معاه باللعب بكرات الثلج فى الشتاء ونستخبى فى البيت من البرد من الساعه 7 حلمت اصيف معاه على سواحل الجزائروالسنة اللى بعضها بين امواج اسكندرية وناكل سوا عسل اشجار الجبل وناكل بزيت الزيتون ،نستجم فى الريف ونعمل شوبنج فى العاصمة
بيعلمنى الفرنسية وبتعلم واحده واحده الجزائرى وان شاء الله اتعلم الشاوية ،حلمنا يكون عندنا اطفال نحكيلهم حضارة الجزائر وتاريخ مصر واللى شجعنا على ده اقامته فى مصر واللى هتستمر سنوات اخرى لغاية ميخلص الدكتوراه لان طموحه فى العلم اكثر من رائع كل ده جميل مش كده بس لما نجى نفكر فى الوضع الحالى كل ما اتصفح الانترنت او اسمع الناس احس ان الامور لسه صعبة انا مش بتكلم هنا عشان اعرف مين الغلطان مصر ولا الجزائر بالعكس انا بقول لو احنا غلطنا انا اسفه ولو كان فيه غلط منكم مسامحه عشان الوضع ده مينفعش يستمر علاقات واتقطعت اهالى جزائريين فى مصر ومصريين فى الجزائر عايشين ومستحملين طيب لغاية امتى بفكر فى وضعى معاه يمكن بالنسبه له اسهل لان هو الرجل هياخدنى لبلاده وهانتسب اليه لكن اتمنى يكون الامر سهل كمان بالنسبه لى انا من هنا برجوكم لحملة سلام ننشرها كفايانا عداوة كفايانا زعل ونفتكر ان احنا عرب وان كل بلد فيها الكويس والوحش نفتكر الكويس لبعض نفتكر زعمائنا القدامى جمال عبدالناصر وبومدين والعروبة ايامهم اكيد مكانوش هيرضوا بالوضع الحالى
عودة الى موضوعى اللى انا بعتزر لاطالتى عايزة اسمع رايكم ياترى غلط لما حبيته ؟
ياترى فى نظركم ايه احتمالات النجاح هل وجودى فى الجزائر هيبقى مرحب بيه ولا مستهجن والناس هتلومه عشان اخد مصرية؟
مع العلم انه مش ناوى يتراجع عن قراره وبدأ يمهد للموضوع فى بيته وبدأت اكتسب نوعا ما ثقتهم وفى بيتى كمان يعرفوه كويس وعارفين كل اخباره لكن لسه ميعرفوش نوايه فى خطبتى
الان هو فى الجزائر من عشرة ايام ومن يوم سفره وانا فقدت طعم الراحه والنوم وكل شىء من غيره اصبح مستحيل منتظرة رجوعه بفارغ الصبر سالم غانم ان شاء الله
جاوبونى وريحونى لو شايفين فيه امل او لو شايفين انى مغلطش فى حبه واتمنى انى اكون عضوه مرحب بيها فى المنتدى
والسلام عليكم ورحمة الله وبركاته
اعرفكم بنفسى انا اسمى فاطمة من صعيد مصر بحب جزائرى لا مش بحبه انا بعشقه وبموت فيه بيحضر ماجستير فى مصر بيقضى 3 شهور فى مصر و3 شهور فى الجزائر باستمرار
يمكن انا مش عارفه اتكلم ولا اقول ايه يمكن الكل يجى عليه ويقولى غلط بس كل اللى اعرفه انى لما حبينا بعض نسينا كل حاجه اعجبت بشخصيته وثقافته وأدبه حبيت منه الجزائر وحب منى مصر وعلى فكره ان مصرية حتى النخاع وفكره ان الواحد يحب واحد من جنسيه اخرى مهما كانت كانت دايما بعيده عن دماغى لغاية ما شوفته حلمنا سوا نكمل الموضوع حلمت معاه باللعب بكرات الثلج فى الشتاء ونستخبى فى البيت من البرد من الساعه 7 حلمت اصيف معاه على سواحل الجزائروالسنة اللى بعضها بين امواج اسكندرية وناكل سوا عسل اشجار الجبل وناكل بزيت الزيتون ،نستجم فى الريف ونعمل شوبنج فى العاصمة
بيعلمنى الفرنسية وبتعلم واحده واحده الجزائرى وان شاء الله اتعلم الشاوية ،حلمنا يكون عندنا اطفال نحكيلهم حضارة الجزائر وتاريخ مصر واللى شجعنا على ده اقامته فى مصر واللى هتستمر سنوات اخرى لغاية ميخلص الدكتوراه لان طموحه فى العلم اكثر من رائع كل ده جميل مش كده بس لما نجى نفكر فى الوضع الحالى كل ما اتصفح الانترنت او اسمع الناس احس ان الامور لسه صعبة انا مش بتكلم هنا عشان اعرف مين الغلطان مصر ولا الجزائر بالعكس انا بقول لو احنا غلطنا انا اسفه ولو كان فيه غلط منكم مسامحه عشان الوضع ده مينفعش يستمر علاقات واتقطعت اهالى جزائريين فى مصر ومصريين فى الجزائر عايشين ومستحملين طيب لغاية امتى بفكر فى وضعى معاه يمكن بالنسبه له اسهل لان هو الرجل هياخدنى لبلاده وهانتسب اليه لكن اتمنى يكون الامر سهل كمان بالنسبه لى انا من هنا برجوكم لحملة سلام ننشرها كفايانا عداوة كفايانا زعل ونفتكر ان احنا عرب وان كل بلد فيها الكويس والوحش نفتكر الكويس لبعض نفتكر زعمائنا القدامى جمال عبدالناصر وبومدين والعروبة ايامهم اكيد مكانوش هيرضوا بالوضع الحالى
عودة الى موضوعى اللى انا بعتزر لاطالتى عايزة اسمع رايكم ياترى غلط لما حبيته ؟
ياترى فى نظركم ايه احتمالات النجاح هل وجودى فى الجزائر هيبقى مرحب بيه ولا مستهجن والناس هتلومه عشان اخد مصرية؟
مع العلم انه مش ناوى يتراجع عن قراره وبدأ يمهد للموضوع فى بيته وبدأت اكتسب نوعا ما ثقتهم وفى بيتى كمان يعرفوه كويس وعارفين كل اخباره لكن لسه ميعرفوش نوايه فى خطبتى
الان هو فى الجزائر من عشرة ايام ومن يوم سفره وانا فقدت طعم الراحه والنوم وكل شىء من غيره اصبح مستحيل منتظرة رجوعه بفارغ الصبر سالم غانم ان شاء الله
جاوبونى وريحونى لو شايفين فيه امل او لو شايفين انى مغلطش فى حبه واتمنى انى اكون عضوه مرحب بيها فى المنتدى
والسلام عليكم ورحمة الله وبركاته
