احترت بين امي وزوجتي (غفرانك ربي)

[tear of angel]

انا نعطيك الحل
اقسم بمرتك واتهنى
ومتطولش وانت ساكت

 

[دودو الجزائرية]

ارحل انت وزوجتك الى مكان بعيد او اكري

 

[shahrazad]

الحل المؤقت انك ترحل من بيت اهلك
علابالي راك حاير في وسطهم على هاديك دير دارك وحدك
لكن هادا ماهش حل نهائي
بعد ماتسكن وحدك حاول كيفاه ترجع العلاقات بين امك وزوجتك مهما كان الثمن
و مدام امك هيا الي خيرتك لمرا علاه دارت عليها مفهمتش؟
المهم عندك كنز ماشي مرااا
ربي يخليهالك ويجازيها على صبرها
​

 

[douhq]

أنا نقول الحل واحيد أنك تخرج على عايلتك ودير دارك واحدك

 

[رموش الحب]

يا خويا مرتك طيحت بروحها ياسر و هي ساكته اكيد كون جات تعرف تجيب حقها امك كانت حاسبتلها حساب

لا طاعة لمخلوق في معصية الخالق ربي مقالش طيع امك ع حساب مرتك اللي من كلامك عليها فهمت انها تمرمدت
امك صح تاخد رايها بصح مش لدرجة انك متكسيش مرتك و مترقدش معاها

انا من رايي اقسم و اكري دار بعيدة و تهلا في مرتك لبسها مليح باه كي تروح تزور امك متحقرهاش

ربي يخليهالك قلال اللي كيفها في هاد الزمان ...........

 

[سماح4]

رايي أن تستقل ببيت خاص مع زوجتك السكن الخاص من حق الزوجة، ولاتثير المشاكل مع أمك لكي لا يكون هناك احقاد اقنع امك بضرورة الخروج ببيت خاص وإن لم تفهم ذلك أخرج وخليهم بهدوء ومع مرور الايام ستصلح الامور المهم انك تبقى محترم امك وماتخرج حتى كلمة ماشي مليحة وبمرور الأيام ستندم أمك على ما تفعله.نتمنالك التوفيق.

 

[سماح4]

يعطيك الصحة

وبارك الله فيك
بصح انا نفسيا تدمرت
الله يكون في عوني
الله يسامحني اذا غلطت معاهم في
اثنين

لاني راني حاس بلي رايح نغلط​

إياك والتسرع مع الطرفين ، زوجتك يبدو أنها إنسانة رائعة ربي يحفظهالك وامك ربي يهديها ويوسع بالها ...ربي يكون في عونك.

 

[ابتسمي]

خويا أنا في رايي اوكان تحكي مع امك خير خاطر انا في نظري تظلمت بزاف زوجتك وماقالت حتى حاجة
وربي يصبرك ويعطيك قد نيتك
تقبل مروري​

 

[nina bonoise]

لازم ادير دار لها وحدها هكا تبعدوا على المشاكل شوية

 

[hell men]

ضع نفسك مكان زوجتك ................... وقولي ماذا سيكون حالك وتصرفاته عندئذ << هدا جوابي

ولاتنسى الايام تمر ولا تريد ان تندم على ماضيعت

باالتوفيق لك
​

 

[Realo]

سلام خويا..ربي يكون معاك ان شاء الله..صعيبة بزاف كي تجيك من ماليك..mais لازم تصبر انت و مرتك و توكل ربي ..ما تعرفش بالاك يتبدلو ..خواتاتك دوك يزوجو ..و والديك دوك يحطهم المرض و الكبر..بصح بالاك تغلط في حقهم و تروح تسكن لوحدك و تربح الشر..بالعكس حاول تكسبهم انت و مرتك ..روحو حاوسو في رحبا..اشريلهم قاع حاجة حاجة..خطرة خطرة اعطيهم الدراهم الشوابين يبغو تقلشهم شويه..و اكيد هوما تانيك يبغوك و ما غاديش يفرطو فيكم غير برك وسوسة تاع الشيطان..هذا المشاكل كاينين في قاع البيوت..ربي راه يمتحن فيك..اصبر و احتسب الله و ربي معاك.

لا حول ولا قوة الا بالله
يوكل ربي على والديه !!!!!؟؟؟؟؟

 

[سماح4]

لا حول ولا قوة الا بالله
يوكل ربي على والديه !!!!!؟؟؟؟؟

لالا خويا اقرا الرد مليح ماشي قصدها برك ماعرفتش تعبر ...

 

[Realo]

انا نقولك حاجة والديك ثم والديك

عمرك ما تقارن شكون الظالم لما يكونو والديك طرف فالنزاع .

الامهات عادة تكون عندهم غيرة من زوجة الابن ...ربي خلقهم هكذا ..

تختلف النسبة من ام لام اخرى

وانت ربي عطاك لعقل وقلت للزوجة من البداية والديا ثم والديا

ربي يحفظك ويسترك ويجازيك بالخير .

اولا لازم الصبر من عندك انت ومن زوجتك وتفهمها ان هذا الصبر هو بمثابة
طاعة لله وان تحتسب الاجر لله وحده وان تقابل الشر بالخير
لعل يرق قلب الام لهذه الزوجة الطائعة .
ثانيا انا انصحك بالحديث مع الوالد وليس الام لوحدكما
ويكون على اساس الاصلاح وليس "المتسبب يأحذ جزاءه"

والله ثم والله مقابلة الشر بالخير مع الصبر يجيب حقو مع اكثار الدعاء
ربي يهدينا جميعا
جل من لا يخطيء

ما تنساش والديك مهما عملو يبقاو وليدك
ربي راه يمتحن فينا اذا نعطو حق الوالدين كيما امرنا أو ننسحبو من أول مشكل ...
​

 

[Realo]

لالا خويا اقرا الرد مليح ماشي قصدها برك ماعرفتش تعبر ...

ان شاء الله نكون انا المخطيء وتكون قصدها الاحتساب لله
بارك الله فيك .

 

[somiasahraoia]

انا ثاني نثولك كون جات مرتك قاصحة وتدافع على روحها كون قيمتها ماماك
بصح مين شايفتها دايرة كما هاك لازم تبين روحها

 

[fatou_usto]

لا حول ولا قوة الا بالله
يوكل ربي على والديه !!!!!؟؟؟؟؟

سلام خويا..انا بغيت ننصحو لوجه الله ماشي نحرشو على ماليه..بالاك زلة لسان..قتله يتوكل على الله..يعني يشد في ربي و و يحتسب و يصبر و يخليها على الله..ماشي يدعي عليهم..غير معقول..شكرا على التدخل عموما.

 

[dana1993]

السلام عليكم اخي زوجتك عندها حقوق و امك تاني عندها حقوق و الحق يتوقف عند بدا حق انسان آخر
نتا حوال ترضي امك و زوجتك في نفس الوقت هاذيك يماك وهاذيك مرتك ويمات وليدك
مالقيت مانقول ربي يهدي ان شاء الله و ربي يصبرك و ربي يعدل لحوال

 

[الظل الطويل]

السلام عليكم اخي زوجتك عندها حقوق و امك تاني عندها حقوق و الحق يتوقف عند بدا حق انسان آخر
نتا حوال ترضي امك و زوجتك في نفس الوقت هاذيك يماك وهاذيك مرتك ويمات وليدك
مالقيت مانقول ربي يهدي ان شاء الله و ربي يصبرك و ربي يعدل لحوال

انا نشوف بلي هدا رد مثالي برك نضيف زوج كلمات على كلام الاخت
يماك عمرها ماتحبلكــ الشر وارضي والديك لكــن ميكونش على حساب زوجتك
يعني متظلمهاش بركـــ
ورب ي يصلح الاحوال ان شاء الله​

 

[dana1993]

انا نشوف بلي هدا رد مثالي برك نضيف زوج كلمات على كلام الاخت
يماك عمرها ماتحبلكــ الشر وارضي والديك لكــن ميكونش على حساب زوجتك
يعني متظلمهاش بركـــ
ورب ي يصلح الاحوال ان شاء الله​

ايه صح واش قلت كلامك 100/100
ربي يصلح لحوال ان شاء الله

 

[PublIsheR2]

السلام عليكم و رحمة الله
اخي الكريم ان شاء الله تزول هذه المشكلة و ترجع المياه الى مجاريها و لكن عليك بالحكمة و العقل و الصبر ثم الصبر ثم الصبر لأن الحل بيدك انت
نفس المشكل وقع مع الملايين من الناس و خاصة لما يكون في البيت اخوات بنات
اخي الاكبر جرت معه هذه المشكلة و لم يحلها الا بالخروج بمنزل مستقل
المهم مالازمش تحل مشكل بمشكل يعني ما ترضيش امك على حساب زوجتك لأن هذا ظلم و عند ربي شيء كبير
المرأة اعطيها حقها كامل و الام طيعها فيما يرضي الله و لكن ليس على حساب ابنك و زوجتك
يعني بالمختصر المفيد: اللي عندو حق يديه و لكن ليس على حساب الاخر و واحد ما يتدخل في خصوصيات الاخر سواء من الوالدين او الزوجة
و دعوة الشر عمرها ما تكون من اجل شيء باطل و فيه ظلم للناس
اعطاء الزوجة حقها لا يسمى عصيان للوادين

و ان شاء الله ييسرك جميع امورك و يجمع بينك و بين اهلك في الخير