احترت بين امي وزوجتي (غفرانك ربي)

[عاشقة أسير الحب]

انا تاني عند بنت خالتي كيفها
ربي يهدي العجايز نتاع درك

 

[noor 18]

اللولة ربي يصبرك و يعينك
التانية يا خويا راك عندك مرا لويز ربي يحفضها و ساكتة خاطر تحبك
و انت دير اللي تقدر عليه باه تفرحها مادام صابرة معاك و عليك
انا وحدة صراحة ما نحملش هاد الشىء كامل و والديا مايرضاوليش الهم و مادام هي راضية حاجة كبيرة بزااااااااااااااااااااااااف
أخرج بدارك وحدك و ابقى روح ليماك مي مرتك بعدها على الجو المشحون
من غدوة تكره راهي تكره مرة وحدة و تسمح فيك
اي المعيشة مرتك و ولادك أكسي مرتك و ولادك هادا حقهم
علاه ساكت هكدا داكل واش بيك
و دير القران في دارك ديما
و فهم يماك و باباك بللي هاداك ماعندك
غير هوما و مرتك و ولادك
و كان دير بنصيحتي روح اسكن وحدك و نقص المشاكل على روحك
​

 

[nassim3427]

اخي الكريم
الكل عندو مشاكل كيما هدو
ماكنش تفاهم مطلق بين المرا والعجوزة نتاعها
لكن اخي
لازمك تكون ذكي لاقصى درجة
بغيت تكسي مرتك وماماك علاش ماشي معاها ؟
اعرفت كيفاش تغير ماماك و ترجع تحب ابنك...
بزاف شي صوالح
المهم عقلك في راسك


ومهما كانت الاسباب ما يحقش تخصر ماماك

ربي يعاونك ويهنيك ان شاء الله​

 

[naGam]

شكرا
اولا هي ماحبتش تخرج عليهم
ثانيا راني خايف من دعوة الوالدين لانوا في مرة من المراة قلت للوالدة رايح ندير داري واحدي راحت تبكي وقالت انا لي كبرت وربيت وووووووووو
ماهو الحل ؟؟؟؟؟؟ الحمد والشكر لك ربي .الحمد والشكر لك ربي .الحمد والشكر لك ربي​

عمبالك يماك يولي ويسلكهالها ربي في بناتها مرة اخرى ولا تجيها كاش كنة تشيطلها ريقها كيما عجوزة بنت هخالتي ماهناتش روحها ربي جابلها واحد الكنة تمنات الموت وقوللها انتي ترضي وحدا من بناتك يصرالها كيما هكذا خوفها بربي ويماك مدايرتلك الدموع سبة برك باه ماتبعدش وربي يقولك لاطاعة لمخلوق في معصية الخالق وانت دوك راك تظلم في مرتك وحرام عليك وربي مايرضاهاش والدعوة انتاع الشر انتاعها باطلة وماتجوزش لأنها ظلم وحرام وباطل وهاذي معصية ربي راك تعصي فيه ويقولك لاطاعة لمخلوق في معصية الخالق يماك نهار ولا زوج وخلاص تفرا المشكلةوانت تاني ماشي تكتف يديك وتبقى قاعد شغل النساء دير همة لروحك
​

 

[Realo]

سلام خويا..انا بغيت ننصحو لوجه الله ماشي نحرشو على ماليه..بالاك زلة لسان..قتله يتوكل على الله..يعني يشد في ربي و و يحتسب و يصبر و يخليها على الله..ماشي يدعي عليهم..غير معقول..شكرا على التدخل عموما.

الحمد لله طلعت انا الغالط .
في كل الاحوال سامحينا على الغلطة

ربي يحفظك ..

 

[amoulita@mosta]

خويا العزيز والله غير نفس المشكل الي صاري بين جدتي و ماما و احنا الاولاد تكرهنا و ماتعطيناش الحق و كي نزوروها طردنا و جدي ماعيا يهدر معاها والو ماتسمعش مات الله يرحمه و هو قلبو معمر مسكين و كان ديما يقولنا اسمحولي الله غالب كلشي مايدايراتو هي بصح واش رايحين نديرو انت اهدر مع الام نتاعك و اعطي حق الزوجة نتاعك:heh:
راهي مسؤولة منك قدام ربي سبحانه و انا نقولك الام في نفسيتها تقول انا الي ولدتو و ربيتو و كبرتو و هادي جات لقاتو واجد طبيعي جدا تهدر كيما هكداو تغير عليك منها راهي كاينة عندنا بصح انت اعرف كيفاه تكسب امك و زوجتك في نفس الوقت اهدر مع الوالد الجد يجي قلبو حنين قولو هو يهدر مع الوالدة تسمع منه و الي فيه الخير ربي يجيبو ان شاء الله .

 

[اية هبة الرحمان]

السلام عليكم و رحمة الله
اخي الكريم نقولك الصح راك غلطت في حق زوجتك بزاف و لازم تستدرك الامر قبل فوات الاوان انا مثل زوجتك تحطيت في الموقف نفسه عجوزتي كانت تحقرني و دائما تحب تشوفني ماشي متهنية من زوجي و السبب و الله لليوم ما نعرفوش الكارثة اني كنت نسكن بعيدة عليها كانت تجي لداري تفتش حوايجي تنتقد اعمالي تصرفاتي وحتي هدرتي و في كثير من المرات امام الناس انا صبرت في الاول قلت نخليها لعلى و عسى تتقبل فكرة ان ابنها تزوج و اصبح مستقل لكن لا حياة لم تنادي بصح نقولك حاجة اخي و ماتزعفش انا عجوزتي كانت تتصرف معي هكذا في غياب زوجي لانوا عندو شخصية قوية جدا و الكل كان يخافوا و انا صبرت صبرت حتى نهار سمع امه تسب فيا عند عمتو و قالت حوايج ماشي ملاح و ماكانش فيا ثارت ثائرته و حطلها حد قالها مرتي بعيدة عليك و مرتي انا الوحيد لي عندي الحق نامرها و نتحكم فيها و الله الحمد لله يعني هو قدر يسوي الوضع بيناتنا انا كنت نشكيلوا ساعات بصح هو كان يقولي اصبري قضية وقت و تتعودوا على بعض بصح نهار شاف الحالة ما تعجبش تدخل و دافع عليا فالاول امه غضبت عليه و قالت له ماتزيدش تدخل الدار بصح هو كان ذكي و رجعها لصفه و اليوم الحمد لله و الله اصبحت تحترمني و اديرلي حساب اخي انت الوحيد لي تقدر تنقض الوضع اسرع اخي انا في الاول كنت حقيقة نفكر نطلق لاني ماشي متعودة على المشاكل و الله هذو الحوايج يديروا الضغط و زيد بنات الناس ماشي يزوجوا باش يكونوا عبيد للعجايز و انت ادرى بمصلحتك و نصيحك ماتتخلاش على زوجتك لانك لو تبعت امك و الله وحدة ما تقبل واش راهي قابلة مرتك و رايح كل عام تتزوج و تتطلق و هذي كارثة سامحني اخي ان تجاوزت الحدود و فكر في ابنك

 

[ليديا19]

خويا كل وحدا وبلاصتها لا زم تعرف كيفاه تسير الأمور

 

[يونس الصديق]

اخي العزيز امك وامهتنا كلهم هكذا حبها للكنة ضعيف جدا

المهم انت اذا احسست انها تحتقرها كثيرا وتهينها ابعدها عنها لان حق الزوجة عندك ايضا عظيم

فما اقسي ام تجرح المرأة امام زوجها انت حاول ان تعدل بينهما

اما امك فقد قال القرأن ان الوالدين اذا كانا يؤديان بك الي طريق خاطئ فلا تطعهما وصاحبهما في الدنيا معروفا وانا اظن انك تعرف هذه الاية صاحبها وحاول ان تجعلها تحبك وتحب زوجتك بأي طريقة

وربي يعاونك والله راني حسيت بك اخي

تحياتي ...............

 

[petra imad]

يااخى خد منى هدى النصيحة
البعد يجيب السلام و القرب يجيب الكلام
اكرى شوية بعيد دار بصح ماتنساش امك ثم امك ثم امك دعوتها تفوت فيك حدارى

 

[mimi75]

دائما نفس المشكل سواء الوالدة ام الزوجة

و الشلرع يسمع من اتنين اخي انا لا اظلمك و لا اظلم زوجتك و لا والدتك حبيت نعرف كيفاه علبالك بلي يماك متحبش وليدك قلت راك تحس و غير قدامك لي تعاملو مليح
معناه و احد راه يقلك يماك راه تحقر و ليدك
و هدا الشخص باين شكون
اخي المشاكل التي تعيشها رانا قاع نجوزو فيها
انت من السؤال ديالك راك حاب تلقى حل تاع كيفاش تخرج من الدار بلا متزعفك يماك راه بينا الدعوة
انا نقولك و اش الدير
احكم يماك قوللها حرام تهيني زوجة ديالي امام اخواتي هدو الاهانات لا يتقبلهم اي شخص و ادا قالت لك و اش عمرولك راسك قوللها يما نحبك او نقدرك بزاف بصح الشىء الي راكي تعملي فيه يسموه الحقرة و الزوجة ديالي لم تقصر في اي شىء اتجاهي و هنا تسالها هل زوجتي راه متقومش بالواجبات ديلها اتجاه البيت
هنا امك سوف تقول لك امك
راه تنود روتارو متخدمش الشغل كي تشوفك جيت من الخدمة تلعبها تدخل الكوزينة
هنا قللها
مي انت لي جبتيها انتي لي خيرتهالي قولتلك جيبيلي تاع الدار و كل صباع بالصنعة هدا سوء اختيارك
هنا تقولك يماك ياوليدي كاين النسة بزاف راهم قع يحللو باش يتزوجو لو كان منك اضرب المرة ديالك هكة تتربى و تولي تاخد الراي
و ادا عوجت رسها طلقها
هنا انت تقول يايما لوكان شفت و علمت هكة مع الاول منتزوج و زيد لوكان دريت بلي مرتي فنيانة مع الاول راني طلقتها او رجعتها لاهلها بص طفرت راني اب عندي و ليدي نور عينية مرنيش حاب نيتمو
تروح تجري تدخل الغرفة ديالك تتفهم مع المرة ديالك تغلقو الباب بالمفتاحدير روحك تضربها و هي تعيط كسر كاش حاجة المهم خالي يماك تحس بلي راك رايح تقتل مرتك


رني عييت من الحكاية كي نروبوزي نكمل
المهم انشاء الله ربي يفرج عليك و يحن قلب الوالدة و الزوجة
ربي معاك

 

[IMANO77]

يا اخي امك ظلماتك وظلمت مرتك وابنك وحرام عليك انت تضل ساكت لازم دافع عليها مرتك ناس ملاح وتستنا منك المساعده

والله ظلماتها يماك بزاف حرام عليها انت تحاول ترضيها وهي ترد بالطريقه هادي

النساء هاكا دايما ربي يهديهم الا من رحم ربك

انت اهدر مع يماك وسايسها ان شاء الله تحن عليك وتبدل المعامله مع مرتك

وعلى فكره مرتك انت لي تقرر وين ترقد وين تروح وش دير ومش امك هاد غلط كبير

انت ابن بار ربي يرضى عليك امك لازم تطيعها مش في كلش بصح مرتك عندها حقوق عليك

حاول تلقا حل مع امك وازا ماكانش ارحل اكري وربي يسهلك

تم امك تعرف بلي غلطت وتتحل المشكله

نتمنالك انت ومرتك كل السعاده ويا رب تنحل اموركم وترضى الام وترضو انتو

 

[abdo bisk]

الحالة نتاعك مينفع فيها الا تتفاهم انت او مرتك تكثرو الامك من الرطابة و اللسان لحلو ساعة قرعة جي ساعة صابون الريحة............هك بلاك يهديها ربي والا مكانش ديرلهم قالب مسمر وارحل او ربي يجيب الي فيها الخير

 

[salim.022]

وانا:busted_red:

وشكرا لك دلال 21​

 

[salim.022]

صبرتوني بارائكم
يعطيكم الصحة وبارك الله فيكم
كيف ارد لكم الجميل
ادعولي بان تستقر اموري​

 

[khalil hip hop]

اياك تخضع وتخسر عائلتك وابنك خويا سليم مهما يكن تمسك بزوجتك لانها هي لي راح دوملك في الدار يماك

تزورك نهار ولا زوج وتروح اما مرتك راهي معاك طول

ربي يصلح الامور خويا سليم ​

 

[فؤاد الورقلي]

سلام
والا تقدر على الانفصال
عن اهلك
​

 

[imi nawras]

انا ارى انك لازم تكلم مع والدك بلي كتشوف و خود رضاه و بحت عن سكن اخر من الفضل انك تستقل وسكن بعيد لانك راك تضلم مراتك بر الوالدين مفروضين عليك ماشي مراتك حيت هم ماشي والدها هي لازم تحترمهم وهم لازم ما يتدخلو فحياتكم

 

[salim.022]

يعطيكم الصحة وبارك الله فيكم
شكرا لكم
​