عرض خدمة

[nissma34]

غادى نهبلك نسومة
انا مرة عند اللى يبيع صولح الحلوى دخلت وحدة قالتله اعطينى ورقة نتاع جيلاتين
سقسيتها واش ديرى بيها قالتلى فى بلاست الناباج
مادا بيك تقوليلى الطريقة على خاطؤش هى ما حبتش
تانيا ممكن طريقة عمل الناباج منزليا
و طريقة استعمال الناباج لى ينتباع

كاين فرق كبير بين الناباج(جولي) و جيلاتين
الجيلاتين مادة مجمدة تحلي الورقات في الماء لما تضيفيها للشارلوت او اي شء تجمد كي الفلان
الما الناباج او اسمه الاخر جولي مادة ندهنو بها الحلوى فقط تمد بريق كالزجاج وما جمدش اسمها جايا من فعل napper
عندي طريقة لصنعه في المنزل هو يتخدم ببقايا(لب وبذور) وقشور التفاح يوضع في شاش compresse يضعو يغليو في كسرونة ولما يطلقوا ويخثرو الماء +السكر واتركيها تعقد
اما لي تشريه دوبيه بشوية ماء دافئء واستعمليه

 

[nissma34]

السلام على الجميع شكرا اختي نسمة على كل ماتقدمنه من مساعدة جزاك الله كل خير

حبيت تمدلي طريقة عمل حلوى الطابع انا نعملها مرات في البيت لكن ذوقها يطلع مسوس مع اني استعمل كمية معتبرة من السكر في المقادير ربما تاثر عليها كمية الفرينة لان العجينة كي نلمها تتلصق معي نجي نكثرلها في الفرينة باش تسهل معي كي نروح نشكلها حبيتها تكون خفيفة في ذوقها وشكرا لك اختي

​

سلام اختي صح صيامك
01 كلغ فرينة +قرصة ملح
250 غ سكر رطب
250 غ زبدة
02 ساشي فاني
02 خميرة حلوة
06 بيضات
02 صفار للطلاء من الفوق
مبشور ليمون
حبة حلاوة للتزيين

 

[nissma34]

اليك الاخت امنة قاتو russe
250غ مارغارين
كاس ماشي معمر بزاف سكر رطب
150 غ نشاء 04 مغارف كبار كاكاو
09 مغارف كبار عسل
باكي خميرة
للحشو
03 كسيان كاكاو
03 كيسان ونصف سكر رطب
كاس حليب غبرة
200 غ مارغرين
فاني ماء
الزبدة+السكر+العسل +الكاكاو +النشاء والخميرة وتلمي بالنشاء
نديرهم بطابع لي درتي الصورة تاعو طيبيهم
الكريمة
فوق النار خلطي السكر و الكاكاو والحليب +الفاني شوية ماء وخلطي +الزبدة تتحصلي على كريمة عاقدة لصقي بها 02 ب 02 لى الحواف ديري واش تحبي نواى دو كوكو او قوفريط

 

[biba85]

salem 3alikom ya3tik saha khti bghit berk nsaksik kifech yjini glaçage yelm3a ya3ni brillant .merci

 

[linda_girl]

من فضلك اختي نسمة راني نستنى تجاوبيني على الطلب نتاعي نتمنى ما تنساينيش مع كثرة الطلبات لي راهي عليك وربي يعينك وصح صحورك

 

[nissma34]

مشاهدة المرفق 18736

ربي يخليك اختي ويجازيك على المجهود نتاعك رانا ستفادينا بزاف من هاد الموضوع نتاعك وبغيت نسقسيك على الوصفة نتاع هاد الحلوى كيفاش ندير الشكل نتاعها و نخرج هاد اللون سمحيلي كثرت عليك وشكرا ليك مسبقا وصح سحورك

صح فطورك
للعجينة
3 كيلات فرينة
كيلة سمن
مغرفة سكر رطب
la vanille
ماء زهر
للحشو
3كيلات لوز مرحي او كوكاو +عطر اللوز
كيلة سكر حرش
ماء زهر
zeste de citron
pour le glacage
3 بياض بيض
4 ملاعق ماء زهر
3 ملاعق عصير ليمون
سكر رطب
ملعقة زيت
ملون غذائي بنفسجي
pour la decoration
عجينة اللوز
ملون غذائي برتقاليلماع غذائي برتقالي او ابيض
نقوم بخلط الفرينة مع السمن حتي يتجانس الخليط بعدها نظيف السكر و الفانيليا و نجمع بماء زهر نحصل على عجينة رطبة نتركها ترتاح
نحضر الحشو نرحي اللوز مع السكر و مبشور الليمون و نبللها بماء زهر
بعد ما ترتاح العجينة نحلها على سطح مرشوش بالفرينة و نشكل دوائر و نحط فوق كل دائرة حشو على شكل حربوش نطوي الدائرة على 02 نسكر العجينة مليح حتى لا يتسرب الحشو ونحاول نمدلها شكل لي في الصورة نطهيها في الفرن لما تبرد نقلسيها بالطلاء لما تنشف ناخذ قطعة اسفنج نمسح السطح باللماع و نضع فوقها وردة عجينة اللوز برتقالية تقطعيها بواسطة طابع الوردة المارغريت وفوقها ترشي حبيبة فضية
ملاحظة: كاين نوع من اللماع يجي غبرة ينحل في شوية ماء كاين كل الالوان كي ينشف القلاصاج اطلي الحلوى به رايحة تتكون طبقة لماعة ورشي باللماع من الفوق
تحضير القلاصاج
نخفق قليلا بياض البيض +ماء زهر +عصير الليمون+الزيت ونضيف بالشوية السكر وانا نخدم بالباتور احسن وتسي القلاصاج على حبة كان سال زيدى السكر حتي يثقال

 

[nissma34]

salem 3alikom ya3tik saha khti bghit berk nsaksik kifech yjini glaçage yelm3a ya3ni brillant .merci

وعليكم السلام
لما تنشف حبة الحلوى بعد القلاصاج ناخذ قطعة اسفنج نغطسها في علبة اللماع و نمسح بها السطح كامل

 

[nissma34]

صحى فطورك اختى نسيمة حبيت نطلب منك طلب وهو
امى راجة من العمرة مع العيد انشاء الله تجى على ىخير وعافية يارب
لوكان تمديل ى زوج وصفات تاع القاتو يكونو شابين وميستهلكوش ياسر ومشكورة وربى يكون فى عونك على خاطر كثرنا عليك

ربي يرجعها بالسلامة وعمرة مقبولة باذن الله
اسمحيلي اختي غدا انشاء الله نمدلك شحال من وصفة تاع قاتو واختاري

 

[nissma34]

صح فطوركم وصح صحوركم نتلاقوا غدا انشاء الله

 

[biba85]

chokran laki okhti jazaki allaho khayeren

 

[nissma34]

الى الاخت هداية الروح
حلوى nutella
نخدم 500 غ مارغرين مع كيلة سكر رطب+كيلة ونصف كاوكاو مرحي رقيق +الفاني+02 خميرة حلوى +الفرينة اجمعي العجينة خليها تلاتاح
اقطعي دوائر طيبيهم في الفرن لصقي 02 مع بعضهم ب nutelle
وغطسيه في المعجون ثم في الكوكاو المرحي خشين
les boules de neiges
ارحي 125 كوكاو مع 200 غ سكر رطب +1/2 ملعقة مايزينة +قطرات من عطر اللوز +باكي خميرة +بياض 02 بيضات شكليهم كوريرات
طيبهم في الفرن كي يبردوا اغطسيهم في المعجون ثم في noix de coco زييني بخطوط الشكولا
حلوى الوردات

04كيلات فرينة
01 كيلة مارغارين طرية
شوية فاني
ماء زهر (اذا حبيتي تلوني العجينة زيدي ملون في ماء زهر)
للحشو ( العقدة)
03 كيلات كوكاو +عطر اللوز
01 كيلة سكر عادي
مبشور ليمون
ماء زهر
نضع الفرينة نزيدلها المارغرين وندخل مليح باليد +الفاني ونجمع بماء زهر نحصل على عجينة طرية نقسمها على 03 نلون جزء بالوردي واخر بالاخضر الفاتح والثالثة نتلركها بلونها نضعها في كيس بلاستيكي ونتركها ترتاح
نرحي الكوكاو مع السكر+عطر اللوز مبشور الليمون ونجمع بماء زهر حتى نحصل حشو طري
نحل شوية العجينة و نرشها بالنشاء ونعقبها في الة العجينة (ضروري الالة باش ما جيش معجنة ) نعقبها في الرقم 4 ثم 6
نقطع 06دوائر ونعاكس الالوان ونضع الدائرة الاولى ندهن طرفها ببياض البيض وتلصق امامها الدائرة الاخرى حتى نكمل
كما في الصورة

نضع حربوش من الحشو في الطرف

ونطبق الجزء السفلي نغطي الحشو

ندهن بباش البيض ونلف من البداية حتى النهاية نحصل على زهرة

لما ديرها في الفرن ما تاخذش وقت طيب بالخف لازم تحافظ على لونها متحمارش وكي تخرجيها طول اغطسيها في عسل +ماء زهر سخون

1-حلوى البنيون سهلة وبنينة وناجحة 100 في 100 وماطيبش

​

​

2 علب بيمو
كأس كوكاو مرحي
علبة حلوة الترك
زبدة
شكولا سوداء
شكولا بيضاء
شوكي لي زي نوتيلا مي هي تاع بلادنا ماهيش غالية
نرحي البيمو +الكوكاو مرحي +حلوة الترك
ونجمع بالزبدة المذابة حتى الحصول على عجينة
نأخذ كرية من الخليط نضع ملعقة صغيرة شوكي
ونغلق ونلفها نضعها في الثلاجة حتى تتماسك
نذيب الشوكا مع قليل من الحليب والزبدة +شوية كاكاو على حمام مريم وقطرة زيت وملعقة ماء بارد جدا
نغطس الحبات في الشكولا ونزينها بخطوط شكولا بيضاء
ملاحظة :يمكن بعد ما تغطسيها في الشكولا تزينها باي نوع من المكسرات لي عندك او شكولا فرميسال تطلع هايلة ​

2- حلوى بالعسل *زهرة الرمال *هايلة ذوقها رائع جربتها شحال من مرة​

​

4-كيلات فرينة
كيلة مارغارين
قرصة فاني
ماء زهر
للتزيين
-باكي ديول
لماع ذهبي
-مارغارين
للحشو
-3 كيلات لوز مرحي
-كيلة سكر عادي
-مبشور ليمون
4 الى 5 بيضات
عســــــــــــــــــ ل ​

نخلط الفرينة مع المارغرين جيدا +الفاني ونلم العجينة ب ماء زهر نتركها جانبا ترتاح ثم نرقها في ماكنة العجينة 4 ثم 7
نضعها في قوالب القنيدلات
نحضر الحشو نخلط اللوز مع السكر و مبشور الليمون ثم نبلل العجينة بالبيض للحصول على حشو نوع ما ليس كثيرا طبعا.
نقطع اوراق الديول الى دوائر قطر 4 سم
ثم نملئ بالحشو 3/4 المول .
ناخذ الدوائر قطر 4 سم نطوي الدائرة على 2 ثم على 2 نحصل على وردة بواسطة عود اسنان نثقب الحشو و نثبت الوردات م 4 وردات بادخلها داخل الحشو ندهنها بالمارغرين(يجب ادخال الوردات جيدا في الحشو لان الحشو رايح يطلع عند الطهي ) ثم نطهيها في فرن لمدة 20 دقيقة حتى تأخذ اللون الذهبي و فور اخراجها من الفرن نغطسها في العسل المعطر بماء الزهر و نرش قليل من اللماع الغذائى الذهبي حواف الديول.​

قاطو القطيفة
250 غ مارغارين
2 فلان فاني
2 بيضات
1 خميرة
250 غ نشاء
كاس جنجلانية مرحية
الفرينة
خلطي جميع المقادير واجمعي بالفرينة وشكلي حرابيش واقطعي مثلثات طيبهم في فرن واغطسيهم في الشكولا ورمديهم في الشكولا لي ربيتها في لا راب تاع البصل الرقيقة
قاتو russe
250غ مارغارين
كاس ماشي معمر بزاف سكر رطب
150 غ نشاء 04 مغارف كبار كاكاو
09 مغارف كبار عسل
باكي خميرة
للحشو
03 كسيان كاكاو
03 كيسان ونصف سكر رطب
كاس حليب غبرة
200 غ مارغرين
فاني ماء
الزبدة+السكر+العسل +الكاكاو +النشاء والخميرة وتلمي بالنشاء
نقطع بطابع شكل لي تبغي طيبيهم
الكريمة
فوق النار خلطي السكر و الكاكاو والحليب +الفاني شوية ماء وخلطي +الزبدة تتحصلي على كريمة عاقدة لصقي بها 02 ب 02 لى الحواف ديري واش تحبي نواى دو كوكو او قوفريط
الاصابع

[3 كيلات فرينة
كيلة سمن
مغرفة سكر رطب
la vanille
ماء زهر ​

3كيلات لوز مرحي او كوكاو +عطر اللوز
كيلة سكر حرش
ماء زهر
zeste de citron
pour le glacage
3 بياض بيض
4 ملاعق ماء زهر
3 ملاعق عصير ليمون
سكر رطب
ملعقة زيت
pour la decoration
كوكاو مرحي خشين
شكولا سوداء
نقوم بخلط الفرينة مع السمن حتي يتجانس الخليط بعدها نظيف السكر و الفانيليا و نجمع بماء زهر نحصل على عجينة رطبة نتركها ترتاح
نحضر الحشو نرحي اللوز مع السكر و مبشور الليمون و نبللها بماء زهر
بعد ما ترتاح العجينة نحلها على سطح مرشوش بالفرينة و ونقطع مستطيلات و نحط فوق كل حافة حشو على شكل حربوش و نلف نقطع العجينة نحصل على صبيعات نطهيها في الفرن لما تبرد نقلسيها بالطلاء ونرمد الحواف في الكوكاو المرحي لما ينشف نملء كيس صغير بشكولاوتقصي الزاوية وتعملي خطوط تحضير القلاصاج
نخفق قليلا بياض البيض +ماء زهر +عصير الليمون+الزيت ونضيف بالشوية السكر وانا نخدم بالباتور احسن وتسي القلاصاج على حبة كان سال زيدى السكر حتي يثقال
ملاحظة يمكن تستعملي شكولا بيضاء في مكان الطلاء​

 

[هداية الروح]

مشكورة حبيبتى تعبتك معيا مننسالكش خيرك
ربى يجزيك كل خير انشاء الله راح نجربهم وندعيلك

 

[Nina's]

تخدمي في العاصمة اختي نسيمة

 

[nissma34]

تخدمي في العاصمة اختي نسيمة

لا عزيزتي في البرج

 

[وسام العز]

صح فطورك اختي اريد وصفة مجربة وناجحة بضمان لقلب اللوز تعيشي في اقرب وقت وجزاك الله عنا كل خير

 

[nissma34]

صح فطورك اختي اريد وصفة مجربة وناجحة بضمان لقلب اللوز تعيشي في اقرب وقت وجزاك الله عنا كل خير

جربت شحال من وصفة ما تنجحليش حتى جربت وصفة الاخت بائعة الكبريت الله يذكرها بالخير جربتها جاتني رائعة واول مرة ينجح معايا قلب اللوز درتو بحشو اللوز ناجح 100 في 100
اليك رابط الوصفة
https://www.4algeria.com/vb/showthread.php?t=261325

 

[linda_girl]

شكرا ليك بزاف اختي نسمة وربي يعطيك واش تتمني

 

[nissma34]

شكرا ليك بزاف اختي نسمة وربي يعطيك واش تتمني

بلا مزيا يا العزيزة

 

[amina6]

السلام عليكم اختى نسيمة
الله يعطيك الصحة على المساعدة نتاعك
بالنسبة للسؤال التالت فهو تابع للسؤال التانى اى la suite de la question
او جاوبتينى عليه


عندى سؤال فيما يخص
la pate à sucre
ou la pate sucréeاريد الوصفة و مجالات استعمالها
شكرا لك

 

[nissma34]

السلام عليكم اختى نسيمة
الله يعطيك الصحة على المساعدة نتاعك
بالنسبة للسؤال التالت فهو تابع للسؤال التانى اى la suite de la question
او جاوبتينى عليه


عندى سؤال فيما يخص
la pate à sucre
ou la pate sucréeاريد الوصفة و مجالات استعمالها
شكرا لك

la pate a sucre ي عجينة السكر وهي عجينة اللوز الاصطناعية رغم انها ميش باللوز لي نشروها هي مجرد سكر
لبياض بيضة
قطرات ليمون
من 500 الى 600 غ سكر رطب او اكثرحسب حجم البيضة مغربل ضروري تغربليه
نخفق بالشوكة بياض البيضة ونضيف قطرات القارص ونضيف بالشوية السكر حتى نحصل على عجينةcomme de la pâte à modeler. نفرغها فوق سطح مرشوش بالسكر لا شفتيها تلصق بزاف زيدى كمية سكر ونعجنها مليح نديرها في كيس بلاستيكي ونحفظها في الثلاجة
نستعملها في صنع وردات لديكور الحلوى والتارت