عرض خدمة

[في قلب ابنتي]

matensaynich okht nessma rani kol chewiya nchof ida reditili
merci

 

[nissma34]

bsr nissma merci pour ttes tes réponses en fait c koi le nappage au juste w jazak allah koul khir

ناباج مادة تباع في علب عند لي يبعوا صوالح الحلوى لما ندهن بها الحلوى جي نبرق كي الزجاج

 

[nissma34]

شكرا اختي انا ثاني كيما انت وانا يقولولي بلي ماشي حلو مع اني نعسلو في العسيلة الي نشروها 2 مرات او3مرات ومقروط الكوشة كيفاش يندار والطهي نتاعو كيفاش يطيب زين وميكونش ني منى داخل ومحمر من برا??!!
وثاني حبيت نعرف الحلويات الي ترتاح لمدة ساعة قبل الطهي ولماذا
وشكرا
وقيلا عييتك:busted_red: اخت نسيمة اسمحيلي باسئلتي الكثيرة ومازال ثاني مزلت نعييك تحمليني:heh:[/QUOTE]
الى اخواتي الهاملية و في قلب ابنتي
03 كيلات سميد متوسط sim
01 كيلة سمن دائب
شوية ملح باه ميجيش صامط
كيلة خليط ماء وماء زهر
نخلط جيد الدقيق مع السمن باليد +كمية الملح ونبدى نضيف في كمية الماء وماء زهر حتى يتشمخ
تشكليه باه يطيب مليح كي جي تستفيه في البلاتوا لصقيهم في بعضهم مليح باه تغطي كامل الغرس وميتحرقش طيبيه في فرن 180د لما يحمار على الجوانب بعد حوالي 30 دقيقة شعلى من الفوق ان كان الفرن لي يشعل من فوق اما العسل ديري عسل المرجان يمدلك حلاوة هايلة للمقروط
2-تقريبا كل الحلويات ترتاح قبل الطهي كيما الدزيريات و الياسمينة من الافضل تخليهم يباتو ليلة قبل الطهي باش يحافظو على الشكل .

 

[ام منصف]

تقصدي عزيزتي عجينة الفيلو لتنخدم بالفرينة او الديول لنعملوا بيهم البوراك

نتاع الفرينة ونحلوها بالنشا
ويعطيك الصحة

 

[شيماء2]

في هذة الحلوى نعسلها وهي سخونة ولا نخلوها كي تبرد
نتمنى تجاوبيني في اقرب وقت شكراااااااااااااااااا

 

[nissma34]

في هذة الحلوى نعسلها وهي سخونة ولا نخلوها كي تبرد
نتمنى تجاوبيني في اقرب وقت شكراااااااااااااااااا

1. لما تخرجيها طول من الفرن اغطسيها مباشرة في عسل +ماء زهر دافئ

 

[nissma34]

اختي نسيمة نقدر كي اندير قلاساج تاع شوكولا نخلط نيسلي مع الشوكولا باش يجيني القلاساج ثقيل و شكرا و ربي يخليك

شكولا تاع علب في حمام ماري كاين ماركة هايلة le panda كي دوب +مغرفة صغيرة كاكاو
شوية حليب شوية زيت يجيك ثقيل هايل ما نسلي مشكيتش يبس مع الشكولا وثاني جي حلوة بزاف لما تزديه

 

[nissma34]

السلام عليكم
الله يعطيك الصة اختى نسمة
بغيت نسقسيك على طريقة تحضير عجينة القطايف نتاع الشعرة
انا عندى الماتريال نتاعها بصح منعرفش وصفة العجينة او طريقة التحضير
ومادا بيك وصفة الديول لى نديروه فى البيت نعرف بلى صحاب البرج يخدموه ياريت تعطينا العفسات
شكرا لك

منخدمهمش عزيزتي ومنقدرش نمدلك وصفة ماشي مجربتها

 

[nissma34]

مساء الخير اخت نسيمة راني نستنى في التشاراك قبل العيد من فضلك علابالي الطلبات عليك بزاف ومنسايش العفسات نتاوعك على خاطر راهم روعة وقوليلي الحبات كيفاش يجوني مسقمين وقع كيف كيف
صح صحورك

راني درت درس على تشاراك السكر وانشاء الله يكون درس على تشاراك العريان

 

[كوثر الوهرانية]

كل الشكر اليكي اختي نسيمة و ربي يجعله في ميزان حسناتك و بارك الله فيك لقد افدتينا كثيرا

 

[lalakarimanouri]

انا ذقت حلوى رائعة و قالولي انها اساسها بياض البيض و السكر و الكاوكاو هي تتعلك في المذاق تشبه لي ماكرون اذا عرفتيها الاخت افيديني بها و ربي يعطيك ماتمناي

 

[في قلب ابنتي]

يعطيك الصحة اختي
بصح انا نحوس على المقروط العسل تعيشي قوليلي السر باش يجيني مبسس و شباب
و شكرا
سمحيلي على الازعاج
ماتنساينيش

 

[سارة88]

stp ma soeur nassima je veux faire du m'khabéz mais tjr ijini yabés hatan wélit nkhaf ndiro wacho howa lhal dialo merci bcp

 

[nissma34]

يعطيك الصحة اختي
بصح انا نحوس على المقروط العسل تعيشي قوليلي السر باش يجيني مبسس و شباب
و شكرا
سمحيلي على الازعاج
ماتنساينيش

هادك هو مقروط الكوشة لمعسل

 

[tasnim55]

السلام عليكم اختي نسمة حبيت نسقسيك على صبغة تاع القلاصاج اذا خترنا اللون الابيض نخلوا اللون كما راه ولا نستعمل صبغة بيضاء باش يعطينا لون باهي. لانها موجودة صبغة بيضاء ولكن غبرة. واذا اخترنا اللون مثلا الوردي نختار صبغة تكون غبرة او مولون سائل لاني عندي صبغة سائلة و صبغة غبرة وينها لخير وصح صحورك حبيبتي

 

[tasnim55]

السلام عليكم اختي نسمة حبيت نسقسيك على كولوغون تاع القلاصاج اذا خترنا اللون الابيض نخلوا اللون كما راه ولا نستعمل كلوغون ابيض باش يعطينا لون باهي. لان موجود كولوغون ابيض ولكن غبرة. واذا اخترنا اللون مثلا الوردي نختار كولوغون تكون غبرة او مولون سائل لاني عندي كولوغون سائلة و كولوغون غبرة وينها لخير وصح صحورك حبيبتي

 

[في قلب ابنتي]

لا لا انا نحوس على مقروط المقلة و سمحيلي هبلتك

 

[21maria]

نسمة من فضلك قاطو ساهل بالياغورت للعيد لكان قدرتي حنونة تعبناك معانا ويكون ساهل شوية

 

[21maria]

نسمة سمحيلي ملفك صح تاع الحلويات لقيتها فرصة باش نسقسيك على الكسرة شريت petrinوحابة نعرف مقادير الكسرى تعيشي ماتخرجليش مليحة وليت نستعمل يدي باه نعجنها
ربي يخليك حنونتي ويعطيك ماتتمناي

 

[nissma34]

انا ذقت حلوى رائعة و قالولي انها اساسها بياض البيض و السكر و الكاوكاو هي تتعلك في المذاق تشبه لي ماكرون اذا عرفتيها الاخت افيديني بها و ربي يعطيك ماتمناي

واش يدرولها من الفوق بيستاش؟