واش قصدك بالكسرة خبز الطاجين او الكسرة لي بي زيت او خبز الدار تاع الفرن
عرض خدمة
- كاتب الموضوع nissma34
- تاريخ النشر
- الحالة
سلام اختي
لما ديري القلاصاج ابيض موش ضروري تزيدلو الملون
الملون الابيض تقدري تزيديه للعجينة مثل تاع الياسمينة باه جيك بيضاء
للقلاصاج من الاخسن نستعمل الملون السائل اما العجينة استعملي غبرة وتذوبيه في ماء زهر
المخبز
درجة حرارة الفرن:150 درجة
المدة:من 15 الى 20 دقيقة
المكيال المستعمل:
ل 01 كغ تتحصلي على 52 حبة تاع مخبز
المقادير:
250 غ كوكاو او لوز
125 غ سكر رطب
مبشور ليمون
بياض بيض
ملعقة صغيرة فاني
للقلاصاج:
03 بياض البيض
1 ملعقة من عصير الليمون
1 ملعقة صغيرة من الزيت
5 ملاعق ك من ماء الزهر
سكر ناعم مغربل حوالي 700 غ اذا كان حجم البيض صغير
للديكور :
عجينة لوز اصطناعية
ملون وردي
حبيبات فضية
طريقة التحضير:
في وعاء اخلطي اللوز او الكوكاو المرحي +
السكر الناعم +الفانيلا +قشور الليمون ، بللي بباض البيض
حتى تحصلي على عجينة متجانسة و طرية . على طاولة
عمل نرش قليل من الطحين و ونشكل حربوش نقطع
مقروطات نضعها في صينية مرشوشة بقليل من الفرينة
تدخل الفرن (متوسط الحرارة 150°) مدة 15 دقيقة
تخرج من الفرن وتترك لتبرد .
تحضير الطلاء :
اخفقي بياض البيض، ضفي عصير الليمون والزيت
(الزيت يعطيه بريقا و لمعان) + ماء الزهر. أضيفي السكر
الناعم تدريجيا إلى أن تحصلي على طلاء غير سائل .
جربي الطلاء على حبة وإن سال أضيفي السكر الناعم .
تنشف الحبة ديري الخطوط وزيني ب زهرة مصنوعة من
عجينة اللوز وورقة بطابع الثالث من سلسلة طوابع
المارغريت
لوني شوية طلاء بالاخضر وضعيه في كيس اخر وحاولي
ديري شكل ورقة تحت زهرة ديري خطوط متقاربة
عفسات الدرس:
-لو كانت امكانيتك محدودة يمكنك تزكي الكوكاو بكمية من
قاتو نوع كاسكروت casse croute لي جاي حجموا
مربعات كبار لي نشربوا بيه الحليب لي يدوب البخف
وخلطيه من الكوكاو .
- لي تحب الحلوى جيها كامل نفس الحجم تقطع بطابع تاع مقروطات
-ان شفتي روحك لصقتلك العجينة وانت تخدمي فيها عاوني روحك بالفرينة
-لما تطلي الحلوى ضعيها تقطر فوق شباك او رف الثلاجة لا معندكش باه الزايد يقطر وتتحصلي على حبة نظيفة.
-باه نتحصل على خطوط التزيين رقيقة ناخذ كيس بلاستيكي لا كان تلقاي لي شكلوا مثلث تاع الحلوى تاع الاعراس خير ونضع فيه كمية من الطلاء نثقب الزاوية شوية فقط باه يجي لي ستري او الخطوط رفيعة .
لما تخدمي المخبز اتركيه مدة ينشف قبل ما طيبيه عفسة فكرتني فيها اختي sabira يذكرها على خير
-كيفية تحضير عجينة اللوز الجاهزة
ديري الماء يغلى وحطي عجينة اللوز في اناء يحمل الحرارة
وحطيها في وسط الكسرونة لي فيها الماء الغالي ومسي كل مرة بيدك كي تشوفيها طرات حطيها فوق سطح مرشوش بالنشاء حليها بالحلال وقصي الزهرات .
-لما تخدمي القلاصاج اخدميه بالباتور يجيك اخف وساهل
-باه تعرفي المخبز طاب كي الطبقة السفلى تولي وردي فاتح مالزميش يحمار باه يبقى خفيف ومجيكش يابس
ملاحظة :
يمكن تخدميه باي نوع من المكسرات حسب الامكانيات
وتقطعيه اشكال كيما تبغي بالطوابع داوائر قلوب اكيد على النات رايحة تلقي عدة ديكورات للمخبز العصرية هي الاساس والقلاصاج اما الديكور كيما تبغي
هادو هما الاكياس لي تخدمي بيهم كاين شكل مثلث احسن
المقادير
-3 كيلات سميد متوسط
رشة ملح
-01كيلة سمن دائب
الحشو
- 03 كيلا كاوكاو اولوز حسب الرغبة
-قرفة
-ماء الزهر
- كيلة سكر عادي
الطريقة
اخلطي السمن والدقيق باليدين مليح حتلى يدخل السمن في الدقيق +رشة الملح واتروكها لمدة 4ساعات.او اكثر كل متخلسه يجي مليح
ثم جهزي الحشو.
ارحي الكاوكاو او اللوز هو بالوز خير حتى يصبح خشن الملمس ثم ضعي القرفةوماء الزهروالسكرواخليطي.
ضعي قليلا من العجينة على المائدة واصنعي فيها مكان للحشو
ضعي الحشو في الوسط واغلقي ثم اجعلها بشكل عصا ثم قطيعها الى معينات ثم اقليها في زيت ثم اغطيسيها في العسل.
استعملي عسل مرجان
العفسة كي تلميه متعجنيش باه يجي مبسس
آخر تعديل:
lalakarimanouri
:: عضو مُشارك ::
يديرولها الكاوكاو المرحي خشين اني لقيت كريات الثلج تبالي تشبهلها
شكرا جزيلا بارك الله فيك أختي
في قلب ابنتي
:: عضو منتسِب ::
يعطيك الصحة نسيمة و سمحيلنا هبلنلك
ربي يعطيلك ما تتمناي
قولو امممممممممممين
ربي يعطيلك ما تتمناي
قولو امممممممممممين
اسمحيلي على التاخير
للعجينة
* 250 غرام زبدة
* 175 غرام سكر رطب
* 500 غرام فرينة
* ملعقة قهوة خميرة
* بيضتان
* فاني
للحشو
nutella
نخدم الزبدة مع السكر +البيض+الفاني و الفرينة والخميرة نحصل على عجينة نتركها ترتاح
نحضر سنيوات تدهن بالزبدة ونضع فيها العجينة تثقب قليلا
نتركها ترتاح في الثلاجة
تطهى في فرن 150 درجة
تملء بملعقة nutelle وتزيين
حسب الرغبة
ممكن تزينيها بسيرالك وتدهني بناباج وترشي
او تزينيها بتشكيلة من المكسرات او لوز ايفيلي كيما تبغي
اميرة الساحل
:: عضو مثابر ::
03 كيلات فرينة
01 كيلة خليط سمن + زبدة
1/2 كيلة سكر رطب
فاني
خليط ماء وماء زهر
للحشو
غرس مرحي
نخلط جيدا الفرينة مع السمن والزبدة ونضيف الفانليا ونجمع بخليط ماء وماء زهر نحصل على عجينة لينة نتركها ترتاح في كيس بلاستكي
نحضر الغرس نرحيه ثم نعجنو مليح بالزبدة ونضيفلو قليل من ماء زهر وقرصة خميرة كميائية ونعمل des bodins رقاق شوية
هادي طريقتي نأخذ كرة صغيرة من العجينة ونحلها بالحلال ونضع حربوش الغرس وندير 02 دورات ونقطع نحصل على حربوش نقطع اطرافه في المنتصف ونلف ونغلق السوار بالاطراف لي مقطوعة بالسكين وننقش بالنقاش ونطيبو في الفرن
ملاحظة للحصول على حبات نقاش متساوية لما جي تلفي السورا لفيه حول غلاق قارورة ماء قطره شوية كبير وقصي الزائد
سلام اختي نسمة و صح فطورك حبيت نعطي ملاحظة فيما يخص الكعك النقاش اللي مديتنا الوصفة ديالو من قبل.
- حنا في منطقتنا مشهورين بزاف بكعك النقاش يعني هي حلوى جدودنا و نقلولو الكعك النقاش او كعك مقرص فيما يخص المقادير كاين بعض تغييرات في الاصل نديرو في ليدام كيلة زبدة مخلطة مع شوية زيت و تدخل فيه الخمارة و في الاصل ايضا نعملوه بلا حشو و نزينوه بحبات قروفل.
- و لهذا كي شفت هدي الوصفة ديالك حبيت نجربها على طريقتك لكن في الحقيقة ما نجحتش معي و كعك جا يابس بزاف و سبب لان فيه سمن و زبدة فقط اردت ان اشير الى هذه الملاحظة
و شكرا على كل مجهوداتك تحياتي
- حنا في منطقتنا مشهورين بزاف بكعك النقاش يعني هي حلوى جدودنا و نقلولو الكعك النقاش او كعك مقرص فيما يخص المقادير كاين بعض تغييرات في الاصل نديرو في ليدام كيلة زبدة مخلطة مع شوية زيت و تدخل فيه الخمارة و في الاصل ايضا نعملوه بلا حشو و نزينوه بحبات قروفل.
- و لهذا كي شفت هدي الوصفة ديالك حبيت نجربها على طريقتك لكن في الحقيقة ما نجحتش معي و كعك جا يابس بزاف و سبب لان فيه سمن و زبدة فقط اردت ان اشير الى هذه الملاحظة
و شكرا على كل مجهوداتك تحياتي
حنا هادا القاتو مشهور عندنا بزاف نديروه في العيد وانا نديرو بنفس المقادير ويجي رائع بالك كثرتي ماء زهر لما جمعتي العجينة
في قلب ابنتي
:: عضو منتسِب ::
Bechefa alik
мįšš pįήҜ }~
:: عضو مُشارك ::
السلام عليكم
بارك الله فيكِ حنونة على المجهود ،’
حبيت نسقسيك ، دوك انا راني حابة ندير غدوى ان شاء الله حلوة الوردة ، حلوة المشكلة و الياسمينة وحبيت نعرف اذا نقدر نستعمل فيهم كآمل عجينة واحدة من بين الـ 3 اختصاراً للوقت، وايها انسب؟؟
مشكورة،’
بارك الله فيكِ حنونة على المجهود ،’
حبيت نسقسيك ، دوك انا راني حابة ندير غدوى ان شاء الله حلوة الوردة ، حلوة المشكلة و الياسمينة وحبيت نعرف اذا نقدر نستعمل فيهم كآمل عجينة واحدة من بين الـ 3 اختصاراً للوقت، وايها انسب؟؟
مشكورة،’
- الحالة
