يجونا غير كي يولو يحتاجونا

[khalil hip hop]

بسم الله الرحمن الرحيم

السلام عليكم

خواتي خواني واش راكم ؟

إن شاء الله بألف خير

كيما قريتو في العنوان اليوم راني جاي نحكي على هاذوك الناس

اللي يجونا غير كي يولو يحتاجونا , و الله واحد الناس

راني موجوع منهم بزاف مي ما نحبش نفلق في الوجه

جامي يسقسي عليك , و كي يولي عندو فيك صلاح

اللي تتلاقاه في الطريق يقولك راه يحوس عليك فلان ... جامي عيطلك في التيليفون

و كي يولي يحتاجك تلقى 100000 أpال أونابسونس

جامي جاك لدار و كي يولي مخصوص يجي يريب عليك الباب

بلا حشمة لا والو يجيك بجهو صحيح ...

و الله أنا نحشم واحد بالاك نحس بروحي مقصر

من جيهتو ما نروحلوش في وقت صلاحي

لي ما عرفتوش في وقت الهناء لواش نعرفو في وقت الشدة ..

صح اللي راني معاه صافي و صاحبي و متفكرو ديما و متفكرني هو ثاني

معليش نوقف معاه و يوقف معايا

و ما غلطش اللي قال ( الصديق في وقت الضيق )

راني بلعاني درت سطر تحت كلمة الصديق

يعني إذا ما كنتش أنا أصلا صديق ليك علاش تجيني في وقت الضيق ؟

مي الله غالب حنا قلوبنا بيوضة و ما نردو حتى واحد

ما علاباليش كي شغل حشمة و لا بالاك هاكا والدينا رباونا

ايه رانا بير بلا غطى اللي جا يشرب منو مي قليل لي يستاهل حتى يفوت من حذاه

و المشكلة الvيس هاذا لحقنا هنايا للمة , ناس جامي يسقسو علينا

و كي تولي في صلاحهم يجوك يجرو ديرنا هاذي و هاذي

مي معليش الدنيا بلوجوه و لاخرة بلفعال


​

 

[هــــيلدا]

ياربي موضوعك فات عليا،،مش شافية بصح!!

المهم هادو ناس نتاع مصالح خلاص، واذا نتا عرفت الواحد بللي مصلحجي ومزلت تدور معاه راح تطفرها في روحك،
علاخاطر يمص ويطيش،
قالك اذا لقيت صاحبك عسل ما تلحسو اكل

 

[M!ss D!or]

صح والله هادي الظاهرة و غيرها هم لي نقصو النية
كيما قلتي مهما كان لعبد مايقدرش يعكس لي قصدو
مشكوورخويا +1​

 

[imotag]

ايه انا تاني نعرف ناس كيما هوما مي كيما قلت الله غالب تقضيلوا صلاحوا منعرف علاه ممكن حشمه ولا منعرف
​

 

[**سارة**]

هذي هي الدنيا خويا واش رايح تدير
كاينين عباد هكدا ماتهمهم غير مصلحتهم و مايسمعوش بالغاشي خلاص
مارسي على الموضوع
بارك الله فيك ​

 

[DARINE05]

هذو ناس تع بروفيتاج

 

[randa.97]

وش راح نقول؟؟؟؟؟ ربي يهدي وخلاص

​

 

[احمد الصحراوي]

ولا مافيكش الفايدة علاش يجيك
نقلك كلم خويا لي ماحشمش منك مكلاه تحشم منو
كاين ناس حشاك وجوهم مغسولين (..............)

 

[didin91]

خوتي هد المدة راكم جايبينها غير عالصداقة و الاصدقاء كاشي ما راكم تمعنيو ولا واش ؟؟؟
​

 

[زنوبة dz]

هادي هي الدنيا واش نديروا
والله قلبي معمر منهم هاد الناس كون نبدى نهدر منخلصش بصح واش نقولولهم ربي يهديهم
​

 

[journaliste]

ناس هادو منهم بزاف فالدنيا
وحنا كيما قلتي والدينا رباونا مانردو حتى واحد محتاجنا
شكرا على الموضوع الرائع​

 

[khalil hip hop]

ياربي موضوعك فات عليا،،مش شافية بصح!!

المهم هادو ناس نتاع مصالح خلاص، واذا نتا عرفت الواحد بللي مصلحجي ومزلت تدور معاه راح تطفرها في روحك،
علاخاطر يمص ويطيش،
قالك اذا لقيت صاحبك عسل ما تلحسو اكل

ههههههههه انا نفرطها في روحي انا ماشيني نفتش عليهم هاذو الناس تع مصالح طول عمري

مشكورة اختي على المرور
​

 

[khalil hip hop]

صح والله هادي الظاهرة و غيرها هم لي نقصو النية
كيما قلتي مهما كان لعبد مايقدرش يعكس لي قصدو
مشكوورخويا +1​

هاذي حاجة بينا ينقصونا النية

والله هاذي الظاهرة خاطيرا فعلا

مشكورة اختي على الموضوع
​

 

[khalil hip hop]

ايه انا تاني نعرف ناس كيما هوما مي كيما قلت الله غالب تقضيلوا صلاحوا منعرف علاه ممكن حشمه ولا منعرف
​

ايه انت تعرف هاذو الناس انا نقلك ماتبعهمش هاذو الناس خطر على روحك

مشكوررر خويا لعزيز على المرور
​

 

[khalil hip hop]

هذي هي الدنيا خويا واش رايح تدير
كاينين عباد هكدا ماتهمهم غير مصلحتهم و مايسمعوش بالغاشي خلاص
مارسي على الموضوع
بارك الله فيك ​

الله غالب

هاذو الناس خطر علينا

مشكورة على المرور
​

 

[khalil hip hop]

هذو ناس تع بروفيتاج

مشكورة على المرور
​

 

[khalil hip hop]

وش راح نقول؟؟؟؟؟ ربي يهدي وخلاص

​

هاذا مكان ربي هيدي ماخلق

مشكورة على المرور
​

 

[khalil hip hop]

ولا مافيكش الفايدة علاش يجيك
نقلك كلم خويا لي ماحشمش منك مكلاه تحشم منو
كاين ناس حشاك وجوهم مغسولين (..............)

هاذا مكان مكلا نحشم منوه :closedeyes:

مشكور على المرور
​

 

[didin91]

ايه انا تاني نعرف ناس كيما هوما مي كيما قلت الله غالب تقضيلوا صلاحوا منعرف علاه ممكن حشمه ولا منعرف
​

انت بالدات تقضي بالسف عليك سي نو تشوف ههههههههههه
واش راك يا مخلوق واش هد الغيبة
​

 

[khalil hip hop]

خوتي هد المدة راكم جايبينها غير عالصداقة و الاصدقاء كاشي ما راكم تمعنيو ولا واش ؟؟؟
​

خويا راك داخل في موضوع يقيلوله يجونا غير كي يولو يحتاجونا

اهنا في الموضوع رانا ماشينا نتحدثوا على رايك

احانا جيبينها على الصداقة وانت جاتك الغيرة ولا كيفاه



​