- إنضم
- 13 جوان 2010
- المشاركات
- 1,389
- نقاط التفاعل
- 2,453
- النقاط
- 71
- الجنس
- أنثى
السلام عليكم ورحمة الله وبركاته
نشكرك أختي على الدعوة وهدا يشرفني بزاف باش نوريكم عادات وتقاليد قسنطينة
نبدأ بسم الله
في أول يوم من رمضان كامل لقسنطينيين عندهم تقريبا نفس المائدة الي هي.......
الطبق الرئيسي هو الجاري بالفريك أو الشربة وهادا نديروه مدة 30يوم
البوراك الي هو دايما حاضر مع الجاري بالفريك ( بيني وبينكم انا كون مايكونش البوراك مانفطرش ههههههههههههه)
والطبق الثاني هو طاجين العين أو طاجين الحلو بالشباح الصفرا الي نموووووووت عليها
راكم تشوفو في الصورة الشباح الصفرا هي الي جاية على شكل مثلث
مصنوعة من لوز مرحي سكر وصفار بيض وتقليها ببياض البيض وتكون أشكال مختلفة وتوضع في مرق حلو مع العين والمشيمشة واللوز والزبيب (العنب اليابس)
وراكم تعرفو تاني كاينة السلاطة والديسار والموناد (تقدرو تجوزوا رمضان بلا حمود بوعلام ههههههههههههه)
والطبق الثاني المشهور أيضا في قسنطينة هو طاجين الزيتون وهوأشهى الأطباق
وطبعا الطبق الثاني كل يوم ننوعو فيه وكل يوم كيفاه
وبعد لفطور نروحو لصينية القهوة الي تكون فيها البقلاوة الي مشهورة بيها قسنطينة المصنوعة من الجوز واللوز والعسل الحر
وطمينة اللوز أيضا من الحلويات المشهورة في قسنطينة
تشبه لهادي الي في الصورة بصح تكون مغطية ب sucre glacé
الزلابية من كل أنواعها
وحلوة الترك أيضا
وفي السهرة ومع مسلسل باب الحارة وذاكرة الجسد نسهرو بالفلان
والمحلبي المصنوع من روز مرحي والسكر حليب وماء ورد ويتقدم مع الشريك يكون كيما البريوش
أو تاي بالمكسرات
هادي هي مائدة قسنطينة
نتمنا نكون في المستوى
شهية طيبة
وصحا فطوركم
أنا مكلاه نكتب الاخت سارة بنت لبلاد دارت كلشي لختراك نفس التقاليد ميرسي حبيبتي
شكرآ على المجهود الاكثر من رائع
شكرآ على المجهود الاكثر من رائع
