موبيليس والكل يتالم وش رايكم خخخخخخخخ

[adnandz]

السلام ليكم صح فطوركم خوتي كيراكم لباس عليكم
المهم اليوم جيت نحكي شوية على واحد البروموسيون نتاع رمضان
انا عندي موبيليس

راهم دايرين تفليكسي 100= 1000
انا عجبتني طرت من لفرحة
المهم رحتي فليكسيت 100 على دبايلي

كي دخلت عند التاكسيفون لقيت المهم وحدة قلتلها صح موبيليس تفليكسي 100== 1000

قاتلي وي
قتلها ايا بداي ترسلي بعثلي 100
مي من بعد قلتلها كيفاش ندير كود باش نأكتيفيها كيما جيزي زعما
قالتلي لالا وحدها
اهاهاهاهاهاه
موبيليس راها طير وي صح والك يتكلم
قتلها كيفاش
قاتل غادي يجيك ميساج يقول لحقاتك 1000 ايا من بعد قاتلي مي

تهدر بيها غير من موبيليس موبيلس قلنا ماعليش
ايا خلصتها
ايا كي جيت رايح
قاتل ارواح

مي تهدر بيها غير من 12:00 حتى 18:00
قلنا ماعليش
وقاتلي
وغير لنهار واحد
هههههههههههههههههه
والله غير شحال ضحكت عليه ههههههههه
واش انا نقعد مبلاصي لبورطابل في وذني

ههههههههههههه وش من ميطود هادي

غير باش نفليكسو والله غير حرام

حتى نيميرو ما لقيتو نهدر معاه هههههه
كامل الناس غالبها رمضان يا دايرة رونفوا يا مبلعاتو
وغادتني ال 1000

حتى صاحبي الانتيم ما عندوش موبيليس

ايا عولت نشريلوا موبيليس هكا باش نتهنا

هههههههه
موبيليس والكل يتالم وش رايكم خخخخخخخخ

يا ربي نكون طولت عليكم وثقلت عليكم باش تكرهوني هعهعهععهعهع

 

[هــــيلدا]

:surrender: انا كي شفت هاذ الحكاية غاضتني موبيليس تاعي للي كسرتها،،

دارتها صاحبتي وقاتلي 1000 نعقب بيها شهرين ولا ثلاثة، جات هذيك الغدوا تندب، راحولها كامل:lol::lol::lol:

ياو واحد ميعطيك الصح،، كامل رابحين فينا:sneaky2:
​

 

[adnandz]

عقلية كول جيب الشعب

 

[اخلاص الجزائر]

حتا انا عندي موبيليس بصح ماما قالتلي لنهار واحد
سمالا ماعمرتش 1000

شاندير في نهار و ماعنديش صحاباتي و لا العائلة عندهم موبيليس

 

[ماكانش]

والله عندي موبيليس وماعلاباليش ههههههههه
بصح ماكانش مع من تحكي .....​

 

[aidouch]

هههههههههههههههههههههه
و الله غير صح
بصح انا من الاول قلت هادي ماكانش منها
ماجياش قاع من 100 تولي 1000
​

 

[dana1993]

ههه في قوسطو ماكانتش جابلي ربي فليكسيت هكاك و هبطها تحت 10الاف ايا غدوا نعيط لخالتي موبيليس كيي شفت قداه عندي لقيت منحاوليش ماكاش مع من نهدر الغاشي لي عندي كامل منقصرش معاهم هه كاين ناس نحب نقصر معاها مي فالوقت هاذيك ماش وقت رمضان رمضان لي يقضي لي يطيب كل واحد وشغلو نورمالمو اوموا من 8 ل12 تاع الليل مليحا
صح والكل يتالم

 

[nour mary]

ههههههههههه
انا تاني عندي موبيليس
كنت نحسب من 12 نتاع الليل وهي 12 نتاع الصباح ؟؟؟
الناس كامل راقدين
ما كانش ياسر لي مدايرين موبيليس ماتلقاش مامبا مع شكون تهدر
تروح 1000 في باطل

 

[sahiko hamza]

بيان سير الكل يتألم
انا عني انا مانحملهــاش ...
من نهاري لول درت جيزي وراني معاه للمامات ههه

ملنيوم والكل يعومــ
​

 

[adnandz]

راها غايدتني هادي ل 1000

 

[NaDiA.]

هههههههههههههههههه
ايه سمعنا بهذ العرض سمعنا
فكرتي بلولبرح رحت فليكسيت ديميل و قعدت نستنا ف 12 تاع الليل باش نحكي
حتى لقيت روحي خخخخخخخخخخخخ ف سابع نومة
المهم قلت و الله مانخلي 100 الف تروح باطل ههههههههه امالة قلت على الربعة نعيط لحبيبتتي و نقصرو
عرفت واش صرى لحقت 3 خبطتها برقدة للستة
ههههههههههههههه والله غير شكارة تاع رقاد



هذا الرد برعاية :

موبيليس و الكل يتكلم

​

​

 

[DARINE05]

معندي موبيليس ما نتالم ههههههههه جيزي عاسا بيها راسي ههههه ناكتيفي دي ميل ونشبع هدرة

 

[adnandz]

ههههههههههه صحا على الرقادة

 

[إشراقة حب]

هههههههههههههههههههه صراتلي
هذي حالى الطماع ههه

 

[adnandz]

صحيتي على المرور

 

[NaDiA.]

ههههههههههه صحا على الرقادة

اي وي علابالي رقادة من بكري ههههههههه

ااااااي راني شايفتها غادي تروح فيا و يولو ف المنتدى يسموني الرقادة

:scared::scared:
​

 

[adnandz]

هههههههههه
مادبيكي تفيقي

 

[adraa]

ايااا اخطييييوكم من لعرب
:yahoo:
و اللا ندبر علييكم نديروو اافاار نتااع الحرقة الجمااعية....
:yahoo:
و الله اعضاء اللمة بكل نشااركو ب 100 دج اللي حاتولي 1000 زعمااا
:wink:
و نشرييو بيها كااش تيتانيك.. هاكدا بااه ما يتالم حتى واااحد
:music_whistling:
و لاكان عجبتكم الفكرة ابعتولي 100 في رساالة و ندبرلكم لافاار..

هع هع هع
:no_1::no_1:
ماا ديرووش علياا و الله صرعتني الشمس الصبااح و لييت نطلق برررك

صح فطووووركم يا الحرااقييين..:wink::wink:​

 

[NICHA03]

ههههههههههه والله والكل يتالم بابا دارها عيطلي على نص الليل من موبليس لمبوليس وانا راقدة خرطت عليه حتى شبعت قالي روحي روحي كملي ترقد ايه موبليس والكل يتالم انا راني متهنيا عندي جيزي موبليس نديرها غير باش نهدر مع بابا .سلام

 

[NaDiA.]

ايااا اخطييييوكم من لعرب
:yahoo:
و اللا ندبر علييكم نديروو اافاار نتااع الحرقة الجمااعية....
:yahoo:
و الله اعضاء اللمة بكل نشااركو ب 100 دج اللي حاتولي 1000 زعمااا
:wink:
و نشرييو بيها كااش تيتانيك.. هاكدا بااه ما يتالم حتى واااحد
:music_whistling:
و لاكان عجبتكم الفكرة ابعتولي 100 في رساالة و ندبرلكم لافاار..

هع هع هع
:no_1::no_1:
ماا ديرووش علياا و الله صرعتني الشمس الصبااح و لييت نطلق برررك

صح فطووووركم يا الحرااقييين..:wink::wink:​

ريزارفيلي بلاسة ف البوطي
مادابيك ختي
هههههههه
​