14 فيفري وش كاين

[Oussama.GF]

سلام عليكم

ان شاء الله راك مليح
الغلطة مراهيش غير في هذا العاشق الولهان ولا عشيقته .. الغلطة راهي فى امة كاملة كي تبعت الرخيص وفرطت في الغالي
كي تشوف امور كيما هاك تتأسف وتعرف بلي الدين راه يتهدم من جانب
اما عيد الحب هذا هو مجرد اكاذيب وصدقناها .... فالانسان العاقل ايامو كلها حب لربه ولوالديه ولاختو وكل المسلمين
مش محددة في يوم واحد
نقول ربي يهدينا لطريق الصحيح ويرجعنا لهدي نبينا مجمد صل الله عليم وسلم
ويرجع نصرنا من جديد فقد غلبنا والله

صحيت

صح كلانك خويا يرجع امر الى ام لانها مش قادرة تسيطر على وضع
امين ربي يصلح امة محمد

 

[Oussama.GF]

نعرف 16 فيفري النهار لي ولدت فيه فقط :p:p:p

خخخخ بقا نهارين خويا

 

[Oussama.GF]

?????? والله ضحكتني الله يعطيك الربح

ياو حتى يعطيهم بعاصفة ثلجية يزيدون جياحة و عشقا و ترنديفا ?? خليك تبكي هههخه


نرجعوا مع موضوع المشاغب ☺ ،، ?الحب ? هههه تعرف من نهار قريت جامي شفت زوج در صغار يتزوجوا فالليسي و يلبسلها الخاتم ??? بويسك لوكان شفتهم راح ? نتحول و نبيع بيهم للمدير ???? هكا يزوجوهم تاع الصح .. ياخي جياحة ياخي ما يكبروا ما يتعلمو والى كبروا زادو خلاوها ما فهمتش منين يجيبو هذو الجياحة وكيفاه يدخلو عندنا حوايج ما كانوش بالاساس موجودين .. علابلك خليني ساكتة احسن ? خاطر نتنرفز من هذو الحوايج و المشكلة انني لا احب الهدايا التي هي عبارة عن شيكولاتة و دب ما نشتيهمش ?? يعني بلاها عيد حب اصلا اذا ما فيش هدايا غالية الثمن ? مليحة كون يديروا لهذا العيد الخرطي قوانين صارمة مثلا : يا تشتري هدية ب 10 ملايين ما فوق يا ممنوع تحتفل ??? .. والله حاجة مليحة هكذا ينقرضوا الدر الصغار هذو و اللي بعقولهم تغلي الجياحة و الخرطي

مرسي على الموضوع اللي بعد 4 شهور هههه

خخ خخخ مام ان مت بضحك عاصفة ثلجية هوما هناك وين تزيد تحلالهم ترنديف وتمعشيق اجواء رومنسية خخخخ
نرجعو موضوع كيما قلتي ديجا انا جيت باش نبيع بعد قلت خلي عليك باش ميقلوش لي قواد ياك تعرف عقلية هذا جيل مزالهم في لاكريش
وحتا كان كبروا تبقى هاذي جياحة معاهم وراح يزيدو يعلموها للجيل لي راه جاي تسما تخلات علينا حنا راح ننقرضو عن بشرية
وهادي عفسة مليحة في هذا يوم جيب كادو غالي ولا متحتفلش خخخخ زعما كان نطبقوها تصلح ويحبسو جياحتهم
شكرا اختي لي عندي 4 شهور محكيتش معاك

 

[Oussama.GF]

عاصفة ثلجية تاع الانتراتيكا .. -250 ،
هو جوست يشوفها يتجمدو
و يدوهم في الصيف لمونيمو ..
و مور 100 سنة باش يذوبو ..
يلقاو الناس قاع يضاربو بالسيوفا ..
و يرجعوهم عبيد و جواري

اخخ

خخخخ تلقهم هوما لي ينشرو في عدوة تاع عيد حب هادي

 

[Oussama.GF]

و الشيء لي زاد هلكها أنّو ما عندناش خلاص ثقافة التواصل بين الآباء و أولادهم .. اللّي راه يربي درك هو الشارع و التلفزيون و النات و باقي وسائل الإعلام
--
​

الله غالب اخي وش راح دير فزد مجتمع

 

[Oussama.GF]

ما كاين والوا يوم كباقي الايام لي عمل الخير فاجره على الله و من عمل شرا فربي يغفرلوا

نا فات عليا غير تمعشيق في ليسي مي انا مدرتلو يوم حتى قيمة
وصلت ليسي ركبت كيتمان ودرت شاشية وداك يوم واحد ما حوس عليا تهنيت ديك فرحة

 

[Oussama.GF]

السلام عليكم
عيد الحب هههههههه الله يصفر وجهم
الحب معندوش عيد لان الحب رانا عايشين بيه
حب الله ورسوله ،حب الدات،حب الاخرين
الله يهدي عباده

تحياتي​

صح اختي كل ايام نحبو فيها رسول . الله . الناس . اقرباء مكانش يوم مخصص للاحب فكل يوم نحب
امين ربي يهديهم ​

 

[عشريني متمرد]

السلام عليكم أخي أسامة كيف حالك !!

بالنسبة لموضوعك فصدقت في جميع ما قلته، لا يعرفون شيء سوى تقليد الكفار، ربي يهدينا

تحياتي​

 

[Oussama.GF]

ححكمت اول بهلول راح يحتفل بعيد الخرطي ههه????صفقولو ????
مشاهدة المرفق 79256

خخخخ زعما شحال يسقام داك دبدوب
قيمة دراهم لي شرا بيهم دبدوب نروح نشريهم كاش لبسة ولا كااش ماكلة ناكلها معا عايلة ​

 

[Oussama.GF]

السلام عليكم
شكرا ليك خويا أسامة على الموضوع لي جا في وقتو
و 14 فيفري عيد المهابل، لدرجة تولي ماتفرقش بين الدب القطبي وبين الدب الدمية
والدب العبد هههه، ربي يهديهم وربي يعافينا
صلاة العيد كي العباد ما ينوضوش يصليوها وصلاة الجمعة مايروحوش يصليو وعيد الكفار يتبعوه
بصح من نهار شفتهم يحتافلو بهولي عيد الألوان تاع الهنودة تما عرفت بلي لا أمل في هاد الشعب
حنا بلا أعياد تاع كفار ومعرف إذا نسلكو مع ربي ونزيدو في الذنوب على ظهرنا كتر وكتر
والشي لي يوجعني كتر في هاد المهزلة، هو تلقى سواء شاب ولا فتاة أقرب الناس ليهم ماش
دايرينلهم قيمة، تلقاهم في الدار يعيط على يماه ولا هي تعيط على يماها وتعاملها معاملة ماش مليحة
ويعرفو الحب غير في الشي لي خاطي الطريق، ولي محتاجين منو صح معاملة مليحة مايديهاش منهم
قول ساع كلمة مليحة ليماك وكلمة مليحة لختك ولباباك هادو لي يحتاجو رحمة وحب منك ومن بعد
روح بعثرو على برا كيما تحب، شعب عندو كلشي بالمقلوب للأسف
يحشم يعامل لي رباتو مليح ومايحشمش يهز نونورس حمر في نص الطريق
ربي يهديهم ويهدينا
شكرا خويا على الموضوع بارك الله فيك

​

وعليكم سلام اختي
خخخخ هادي عجبتني ميفرقش بين دب قطبي ودب دمية احمر
ناقص غير يبغ دب قطبي بالأحمر ويدهولها ويقولها هاكي خخخخ
كان جيت في بلاصة دب ناكلهم في زوج نوريلكم عيد حب كيفاه داير
صح وصلنا لزمان ولا طفل/ة ت/يعيط على يماه احترام ولا مكانش
باش يشري داك كادو تاع نوار حمر ويديه يماه خير ولا تروح تمدلو لبنت ناس لي متسواش شبرة قدام يماك
نساو شكون لي رباهم ناسو شكون لي علمهم كيفاش دايرة هاذي لحياة وش فيها وش مافيهاش
نساو شكون حذرو من هاذي ومن هاذي
ضاع مستقبل بلادنا بسبب هاذو عباد تافهين
اصحبنا مهزلة عند الله وسينتضرنا عقاب اليم من الله
وش راح نزيد نقول كثر من هكا
ربي يهديهم الى يوم دين
شكرا اختي مشاركة في موضوع​

 

[Oussama.GF]

السلام عليكم

الله يهدي ما خلق .. عادات في بلدان الغرب .. عادات الكفار تغرس في بني جيلنا ..
المشكل في الرقابة من طرف الاهل وينها .. ؟ الاخلاق الاسلامية وينها؟ المسؤولين لي في المدرسة وينهم؟؟
هاذي الظاهرة شفتها في لي فيديو في اليوتيوب حتى في الطور المتوسط و راها غير ما تنتشر .. قالك حب و ما حب ..
مراهقتهم عقبوها غير في التمسخير و من المفروض تكون أكثر فترة يُراقب فيها الابناء حتى لا يسيرو في طريق الانحراف
انا مهما وش نحكي على الابناء نرجع للمصدر الاساسي لفسادهم من البيت و العائلة
و يعني من التفاهة تحديد يوم حتى نحب و باقي الايام نكرهو فيها ولا كيفاه؟ تقليد اعمى ما نعرف وين رايحين بيه
بلاد ميكي *-*

وعليكم سلام
سبب يرجع اولياء مشكل اولياء ولاو يتعاشقو واولاد شفوها عند اباء ولااو يعاندو فيهم
مسؤلية مبقاتش تجي تقول يونها مسؤلية يقولك خليهم يعيشو لحضة . تفاهة وش راح نديرو
مشكور على مشاركتك​

 

[Oussama.GF]

السلام عليكم ورحمة الله وبركاته

كل واحد حر في نفسو وصعيب تبدل شي صار معتقد في أعملق الشخص وحتى تبدل شخص لازم تبدلو المعتقد بلا تمسلو الفايدة لي يشوف فيها من ورا الانسياق ورا الأمور هذي .

وباه تبدل المعتقد لازم سياسة وهذي السياسة لي بزاف من الناس ما يعرفوهاش يجرو برك يسبو ويحطو في الأحاديث والآيات ويحاولو يبدلو بطريقة سيئة ويرجعو هوما بالذات لازمهم يتبدلو في أسلوبهم وتبدللهم المعتقد لي يخليهم يجريو ينصحو الناس بطريقة مش مليحة .

علابيها لازم كل واحد فينا يتوله بروحو برك وكي يفهم روحو يقدر يفهم لخرين وينفعهم .

صح اختي كلامك مي باش تجي تفهم روحك يفسد عليك غيرك
ضميرك يغيضك كي تشوف حاجة مش مليحة في بلادنا
بلادنا هاذي لازم نحافضو عليها خلاوهنا جدودنا
ويجي هادو ناس يفسدو عقلية
وكل شيئ تغير لم يبقى في مكانه حتى مفتي ولاو يحرفو في كلام وحابين يحلو هاذي اعياد
ربي يهدي ماخلق
​

 

[Salah eddin]

السلام عليكم و رحمة الله

ياودي عيد الحب الزائف هذا انا نشوف فيه ق جياح

و نقص في الحنان لدى البعض ...

ناس ماديها الزف و ماديها التقليد الاعمى و السلبي للغرب

في ديننا الي هو اساسنا عندنا عيدين لا ثالث لهما

و الامعة هذو الي يمشو وخلاص يالوكان الطريق تدي للواد يمشو فيها

ناس الله يهديهم و يرفد عليهم و السلام



​

 

[Oussama.GF]

السلام عليكم و رحمة الله

ياودي عيد الحب الزائف هذا انا نشوف فيه ق جياح

و نقص في الحنان لدى البعض ...

ناس ماديها الزف و ماديها التقليد الاعمى و السلبي للغرب

في ديننا الي هو اساسنا عندنا عيدين لا ثالث لهما

و الامعة هذو الي يمشو وخلاص يالوكان الطريق تدي للواد يمشو فيها

ناس الله يهديهم و يرفد عليهم و السلام



​

اك شايف راحين ونزيدو نجياحو بهاذي عقلية
تقليد الغرب غير في جياحة

 

[Amani nani]

غير تفاهة لا معنى لها

وش هي التفاهة؟ ???